Ofsaveður

Það var hrikalegt veður í nótt ég hélt að það væri bara allt að fara til fjandans. Við sváfum eiginlega ekki neitt það lak svo inn um svalahurðina hjá okkur og svo vorum við svo hrædd um girðinguna á pallinum hún var á fullu en það var svo í lagi. Það tók svo ekki betur við þegar við fórum inn í hesthús þá var hurðinn þar fokinn af og urðu Steini og Emil að festa hana svo fórum við inn í Mávahlíð og þar byrjaði ballið fyrst blasti við okkur að það væri fokið af hlöðunni plata sitt hvoru megin og svo þegar við fórum bak við kom í ljós að þakið af súrheysgryfjunni var fokið af í heilu lagi svo það hefur aldeilis mikið gengið á þar í nótt. Rollurnar voru þó bara rólegar og ánægðar að fá að éta. Emil,Steini,Bói og Maggi festu svo niður það sem þeir gátu því það er enn þá svo mikið rok og verður að laga þetta bara á morgun eða þegar að það hæir svo hægt sé að setja nýja járnplötu.