27.09.2016 10:49

Smölun og stigun 2016

Jæja þá kom að því að ég gæti gefið mér tíma til að skella inn bloggi af seinustu vikum.

Enda allt búið að vera á haus í sauðfjárræktinni hjá okkur eins og þessi tími gefur til kynna.

Á föstudagsmorgun 16 september fór ég og sótti féið sem var í Búlandshöfða og niður

í Búlandi sem er fyrir neðan veginn og alveg niður við sjó. Ég var ein og það gekk eins

og í sögu þær fóru allar af stað og héldu út eftir inn í Mávahlíð.

Það var fullt af fallegum kuðungum niður í Búlandi út á skerinu í þaranum.

Hér eru þær svo komnar út á Helluna í Mávahlíð og ég var þar komin með Emil til

liðs við mig.

Þær voru frekar óþekkar við okkur í hlíðinni og ég þurfti að príla upp fyrir þær upp í

klettabergið og fá þær til að snúa við því þær komast ekki beint áfram. Þær tóku þá

straujið aftur til baka svo ég þurfti að reyna hlaupa til baka til Emils sem var neðar í

hlíðinni og það hafðist þær fóru loksins niður á við. Við vorum líka svo heppin að

Friðgeir á Knörr slóst með okkur í leikinn og smalaði fyrir okkur það sem var fyrir neðan

og á túninu svo við gátum haldið okkar striki í hlíðinni.

Þetta gekk svo bara nokkuð vel. Emil og Jóhanna fóru upp hjá Bústaðnum hans Snorra

og komu þannig á móti mér og þegar ég var um það bil að missa nokkrar sem voru

óþekkar við mig í hlíðinni kom Gummi Óla til bjargar og komst fyrir þær.

Við heimtum um 150 stykki þessa smölun sem var bara Búlandshöfðinn og Mávahlíðin

og þar í kring. Það var reyndar óvenju mikið af aðkomu fé í þessu frá Bergi, Mýrum og

Kvíarbryggju. Það var líka nokkrar frá Gumma Óla sem ganga hjá okkur.

Jæja þá er ferðinni heitið upp að Kaldnasa sem er fyrir ofan Svartbakafellið Mávahlíðar

megin og þar kíkjum við upp í Bjarnarskarð og þar sjáum við oft til Grundarana því

þeir smala sín megin við Bjarnarskarðið á sama tíma. Hér eru Maja og Óli hörku smalar

sem eru þræl reynd í að fara hérna megin upp ég annars vegar hef oftast farið upp

á Fróðarheiði með hinum. En hinir eru sem sagt núna Siggi í Tungu, Friðgeir á Knörr

með fólk með sér, Bói, Hannes á Eystri Leirárgörðum og sonur hans þeir fara núna

Fróðarheiðina og koma svo niður í Svartbakafellið og þar fyrir ofan.

Hér má sjá hversu hátt við erum uppi og við erum ekki en komin á leiðarenda.

Þarna lengst má sjá glytta í Ólafsvík. Já og þarna var allt heiðskýrt og flott en það leið

svo brátt undir lok. Því þegar við vorum kominn upp og búnað skipta okkur niður.

Skall á þessi þykka þoka sem gerði okkur mjög erfitt fyrir og ekkert þýddi að gera nema

bíða hana af okkur.

Hér erum við Maja að nálgast Kaldnasa en það er fjallið með þokunni á. Við þurftum að

hafa okkur alla við til að halda í við Óla sem er í rugl góðu formi og nánast hleypur upp

eins og hestur án þess að blása úr nös alveg magnaður maður.

Okkur leyst ekkert á hvað rollurnar voru dreifðar þegar við komum upp og sáum ekki

fyrir endann á því að koma þeim öllum saman enda mikið um ókunnugt fé sem tekur

straujið upp leið og maður nálgast það.

Þetta hafðist þó allt að lokum og til allra lukku sáum við mann koma með kindur yfir

Bjarnaskarðið og fengum hann til liðs við okkur og það bjargaði okkur alveg því við

vorum svo fáliðuð hérna megin. Hér á þessari mynd má sjá að þokunni var að létta og

allt féið komið niður og ég er að fikra mig niður af Sneiðinni sem er lengst fyrir ofan

Fögruhlíð. Við höfum aldrei verið svona lengi að smala eins og í dag þessa smölun

en það var þokan sem lengdi allt hjá okkur en sem betur fer heimtist vel af fénu niður.

Sumar voru meira búnar en aðrar og fengu far í kerrunni heim. Embla var ánægð að fá

að kíkja í kerruna á þær.

Það voru svo allir glaðir að komast í kræsingarnar sem Hulda mamma og Freyja

tengdamamma voru búnað leggja á borð fyrir okkur. Jóhanna bjó svo til kjúklingasúpu

fyrir okkur og vakti hún mikla lukku. Við þökkum öllum þeim sem stóðu að öllu þessu

með okkur bæði kaffi og smölun þetta er alltaf svo gaman og líka svo gaman þegar

að þessum tímapukti er komið að fara fá sér gott að borða eftir allt labbið.

Og svo er auðvitað það besta eftir að fara reka inn af túninu og skoða og vigta lömbin.

Verið að fara reka inn.

Þá er allt að verða komið inn.

Það var bílaröðin með kerrunar fyrir utan enda voru þrjár krær af aðkomu fé ég held að

það hafi verið rúmlega 200 stykki ókunnugt svo það hefur smalast mjög vel.

Friðgeir átti um 90 stykki hjá okkur og svo var ein frá Arnari á Kálfárvöllum.

Mýrum, Bergi, Kverná, Gumma Óla, Kvíarbryggju og Bibbu og Valgeiri Grundarfirði

svo það var margt um manninn og mikið stuð í fjárhúsunum í Tungu.

Hér eru Bói, Kristinn, Hannes og Emil að fylgjast með.

Bói kominn í hásætið með einn kaldann.

Mírranda forrysta með gimbrina sína sem er undan Mugison svo hún er ekki alveg

hreinræktuð forrysta.

Jæja þá var farið að róast og við fórum að vigta lömbin. Þau virka mörg hver mjög væn

þetta haustið og meðalvigtin hjá okkur var 47,6 og hjá Sigga var hún líka 47,6.

Þyngsta lambið hjá okkur var þrílembingur sem gengu 2 undir hrútlamb 64 kg.

Léttast var graslamb sem var 28 kg.

126 lömb voru heimt hjá okkur og vantaði bara eitt

tvílembings gemlings lamb sem ég vissi ekki að væri týnt annars vissi ég um 1 hrút

sem var afvelta og annað sem var keyrt á og eitt sem hvarf snemma í vor.

En það er bara frábærar heimtur að vita bara af fjórum lömbum sem vantaði því í fyrra vantaði okkur allt of mörg.

Svo vorum við svo heppin að við heimtum þetta gemlingslamb sem ég

var að tala um því það hefur komið í Ólafsvíkur rétt og Stebbi fann það heima hjá sér

þá hefur það verið dregið til hans í réttinni.

Dalrós með tvö afkvæmi undan Saum sæðishrút.

Jæja þá var komið að því að stiga. Helgi Þór var mælingarmaður og Lárus dómari.

Ég lét stiga 52 hrúta og 47 gimbrar. Jóhanna 10 hrúta og 5 gimbrar.

Siggi 26 gimbrar og 19 hrúta.

Gaman að fá Lárus það er orðið langt síðan hann hefur komið til okkar að dæma lömbin.

Það var svo tekið smá kaffi pása og spjallað. Gummi kom og hjálpaði okkur að draga

í stigunina og það var vel þegið enda mikið af lömbum og við ekki svo margmönnuð.

Jóhanna hjálpaði mér að heyra tölurnar og var eyrun mín því ég heyri bara á öðru eyra.

Svo ég þarf að einbeita mér vel að þeim sem talar og láta endurtaka ef ég næ þvi ekki.

Bárður og Bói mættir að hjálpa til og fylgjast með af miklum áhuga.

Jæja þá var stigun kominn í hús og þá var að hella sér í að velja ásettning svo hægt væri

að fara velja hvað væri söluvænt fyrir þá sem bíða eftir að fá að svör.

Það var þó tekin löng matarpása og lagst yfir pappírana og grandskoðað allar

upplýsingar á bak við lömbin áður en ásettningur er merktur.

Af þessum 52 hrútum hjá okkur voru 32 með 30 og yfir í ómvöðva.

Hæðsti var 36 en það var 1 og 3 með 35 og 4 með 34 .

Af þessum hrútum voru 15 með 18 og yfir í læri

1 með 19.

3 með 18,5.

12 með 18.

23 með 17,5.

12 með 17 og 2 með 16,5. Annar af þeim sem var með 16,5 var sá sem veiktist hjá

okkur og ég gleymdi að taka frá það átti auðvitað ekkert að stiga hann því hann var

inni í 10 daga og var búnað leggja svo mikið af greyjið.

31 af 52 voru með 85 stig og yfir hæðst 87,5 stig

Af þessum 47 gimbrum voru

1 með 16

4 með 16,5

8 með 17

17 með 17,5

12 með 18

5 með 18,5

28 af 47 með 30 og yfir í ómv hæðst 35.

Þessi lakari lömb sem voru í þessum 16 og 16,5 læra stigum voru mikið undan

kollótta hrútnum okkar sem drapst í vor hann var samt mjög flottur hrútur en hefur

bara einhvern veginn ekki passað á kollurnar okkar. Siggi fékk samt einn 86,5 stig

undan honum svo hann passaði vel á þá kind en það var frekar feit öll lömbin

undan honum bæði hjá okkur og Sigga. En það er nú líka þessi rosalegi gróður

sem við höfum í sveitinni það er ekki ferfótað fyrir grasi.

Ég er samt bara sátt við þessa útkomu og gaman að prófa aðra hrúta og fá þá almennilega

sjón á hvað þeir eru að gefa. Styrmir sem ég fékk lánaðan hjá Eiríki sá mórauði gaf mjög

þroskamikil lömb og eins Skari sá kollótti en það vantaði í gerðina hjá þeim báðum.

Ég fékk þó eina mórauða gimbur sem ég set á og er mjög sátt við og eins fékk ég einn

mórauðan hrút undan gemling sem er með 34 í ómv og 17,5 í læri og er 84,5 stig og ég

náði að selja hann og einn annan mórauðan hrút sem Hallur á Naustum fékk og er 84 stig.

Hann er með 31 í ómv og 17,5 í læri.

Siggi í Tungu fékk svo fallegan mórauðan undan Soffíu sinni sem er 84,5 stig og með

30 í ómv og 18 í læri svo það verður spennandi að nota hann. Svo ég er mjög þakklát

að hafa fengið hann Styrmi notaðan hjá Eiríki og fá þessa flottu einstaklinga.

Móri hans Sigga undan Soffíu og Styrmi.

Tók saman smá dómayfirlit hvað Ísak og Mávur voru að gefa á dæmdum lömbum.

Mávur var með 10 lambhrúta dæmda og meðaltal af þeim hljóðaði svona:

gerð 110 fita 108 frjó 102 mjólk 102 þungi 52,1 fótl 108,7 ómv 30,8 ómf 2,8 lögun 4

Haus 8 H+h 8,3 B+útl 8,5 Bak 8,7 malir 8,6 læri 18 ull 8,2 fætur 8 samr 8,1 alls 84,3

Ísak var með 6 lambhrúta dæmda og meðaltal af þeim hljóðaði svona :

gerð 110 fita 110 frjó 100 mjólk 104 þungi 54,7 fótl 110,2 ómv 32,5 ómf 3,2 lögun ,6

Haus 8 H+h 8,3 B+útl 8,8 Bak 9 malir 8,8 læri 17,8 ull 8,5 fætur 8 samr 8,1 alls 85,2

Mávur átti 5 gimbrar stigaðar :

gerð 112 fita 110 frjó 101 mjólk 101 þungi 43,0 fótl 103,8 ómv 30,8 ómf 3,7 lögun 4,3

framp 8,8 læri 17,9 ull 8,3 samræmi 8,3 alls 43,3

Ísak átti 11 gimbrar stigaðar :

gerð 108 fita 110 frjó 99 mjólk 103 þungi 46,1 fótl 106,8 ómv 30,3 ómf 3,3 lögun 4,1

framp 8,7 læri 17,5 ull 8,2 samræmi 8,4 alls 42,8

Jæja svo var stigað hjá Sigga 26 gimbrar og voru 13 af þessum 26 voru með

18 í læri og yfir

1 með 19 og 1 með 19,5 í læri.

19 voru með 30 í ómv og yfir hæðst 36.

Allveg glæsilegur gimbra hópur og það verður ekki erfitt að setja á úr þessum úrvals

gimbrum.

19 hrútar voru stigaðir hjá Sigga og voru 11 af þeim með 30 og yfir í ómvöðva

hæðsti var með 38 í ómv. Hæðst stigaði hrúturinn hjá Sigga var 87 stig.

12 af þessum 19 hrútum voru með 18 og yfir í læri.

2 með 19

3 með 18,5

7 með 18

7 með 17,5

Alveg úrvals fé hjá honum Sigga og þá er það sér í lagi hún Svört hans sem er alveg

met kind hún er einspena en var með bæði lömbin undir sér og þau vigtuðu

55 og 51 kg. Hrúturinn var með 19 í læri og 33 í ómv og gimbrin með 19 í læri og 35 í ómv

og hrúturinn var stigaður upp á 86,5 stig. Þau eru auðvitað bæði ásettningur hjá Sigga.

Hér er þessi úrvals kind með lömbin sín í ágúst. Þessi rolla er alveg einstök og á

enga sér líka hún er rosalega sterkur karekter og talar ekki við hvern sem er og það

má bara klappa henni þegar maður er að sópa niður í kró hjá henni eða allavega þeir

fullorðnu en krakkarir eru líka í uppáhaldi hjá henni og þeir meiga klappa henni þegar

þeir eru í jötunni en á sauðburði er þeim voðinn vís ef þeir ætla nálgast hana, þá eins

og vill nú vera með flestar ær að þær vernda nýfæddu lömbin sín.

Það var svo víða stigað og ég fékk að nálgast smá upplýsingar af því.

Hjá Óttari á Kjalvegi voru 25 gimbrar stigaðar og 12 hrútar.

Af þessum 25 gimbrum voru 14 af þeim með 30 og yfir í ómv

og hæðsta var með 36 í ómv.

19 af 25 með 18 og yfir í læri

2 með 19

5 með 18,5

12 með 18

Af þessum 12 hrútum voru 11 með 18 í læri og yfir

1 með 19

4 með 18,5 og rest af þessum 11 með 18 og einn með 17,5.

9 af 12 með 30 og yfir í ómvöðva.

Hæðst stigaði hrúturinn hjá Óttari var 88,5 stig.

Alveg mögnuð útkoma hjá Óttari og þvílíkt öflug lærastigun og flottar kindur.

Hjá Gumma Óla Ólafsvík voru 23 gimbrar stigaðar og 14 hrútar.

Af þessum 23 gimbrum voru 13 með 18 og yfir í læri.

2 með 19

3 með 18,5

8 með 18

14 hrútar voru stigaðir og hæðsti var 87 stig hjá Gumma.

8 með 30 í ómv og yfir

6 með 18 í læri og yfir

1 með 18,5.

5 með 18

Glæsileg útkoma hjá Gumma og ég nældi mér kaup á einni grábotnóttri gimbur

hjá honum akkurat liturinn sem mig vantaði.

Hjá Óla í Lambafelli var líka flott útkoma og lét hann stiga 20 gimbrar.

6 af þeim voru með 18 og yfir

1 með 18,5.

5 með 18

Hrútarnir voru líka fínir hjá honum ég náði ekki alveg útkomunni á þeim.

Óli er bæði með kollótt og hyrnt fé og kollótta féið er líka sterkt hjá honum það voru

gimbrar að fá 18 í læri og hrútar líka hjá honum.

Hjá Óskari í Bug voru 6 hrútar stigaðir og voru allir rosalega jafnir

Allir með 30 og yfir í ómvöðva hæðst 31

2 með 18,5 í læri

2 með 18

2 með 17,5

Hæðst stigaði hrútur hjá honum var 86,5 stig

6 gimbrar voru stigaðar hjá Óskari

4 með 30 og yfir í ómvöðva hæðst 31

2 með 18,5

1 með 18

3 með 17,5

Óskar er mjög sterkur í kollótta fénu eins og sést hér og þetta er glæsileg stigun hjá honum.

Jóhanna sem er með okkur í Tungu með féið sitt lét stiga 10 hrúta og 5 gimbrar

Af þessum 10 hrútum voru 5 með 30 í ómv og yfir hæðst 35

2 með 18 í læri

2 með 17,5

rest með 17

Hæðst stigaði hrúturinn hjá henni var 86,5 stig

Af þessum 5 gimbrum voru 3 með 30 í ómv og yfir hæðst 33

2 með 18

1 með 17,5

2 með 17

Jóhanna er að koma sterk inn í ræktunina hún hefur ekki verið mikið að pæla í gerð en

þegar hún fór að gera það fór þetta bara upp á við og mun hún halda áfram að rísa.

Hjá Bárði og Dóru Grundarfirði voru 50 gimbrar stigaðar

26 voru með 18 og yfir í læri

1 með 19

6 með 18,5

26 voru með 30 og yfir í ómv hæðst 36

20 með 9 í framp og 3 með 9,5

17 hrútar voru stigaðir hjá þeim

7 voru með 30 og yfir í ómv

12 voru með 18 og yfir í læri

Hæðst stigaði hrúturinn var 86,5 stig.

Frábær stigun hjá Bárði og Dóru enda sagði Eyjólfur að hann myndi ekki eftir að hafa sagt

18 svona oft í röð í læri alveg meiriháttar hjá þeim.

Svo yfir á heildina litið var stiguninn hér á Nesinu að koma frábærlega út.

Jæja læt þetta duga núna svo kemur næstu daga annað bogg um Hrútasýningu Veturgamla

sem haldinn var á Hömrum hjá Bárði og Dóru.

Það eru svo myndir af stigun og smölun hér inn í albúmi.

Vona að þið hafið gaman af því að glugga í þetta

Takk fyrir

kveðja Dísa

Tengill á færslu

Bæta við áliti

Sýna álit

27.09.2016 10:49

Smölun og stigun 2016

Tenglar

Tenglar

Tenglar