Velkomin á heimasíðuna okkar !

Dísa,Emil,Benóný Ísak og dýrin.

19.10.2021 13:16

Héraðssýning lambhrúta 2021

Héraðssýning lambhrúta fór framm núna á laugardaginn og var fyrri sýningin á Gaul hjá Heiðu og Júlla og þar voru mættir 11 kollóttir, 17 mislitir og 26 hyrndir hvítir hrútar og var svo haldið 5 efstu úr hverjum flokki í uppröðun og þeir keppa svo við efstu austan megin girðingar. Það var vel mætt á sýninguna rúmmlega 80 manns með börnum. Það var kjötsúpa og veitingar og svo var happdrætti og dregið um tvo vinninga sem var val milli 7 gimbra sem vinningshafinn sem var dreginn fyrstur fékk fyrst að velja og svo næsti fékk að velja á eftir honum. Það var svo boðið upp á að bjóða í restina á gimbrunum ef það væri áhugi og það var boðið í tvær gimbrar í viðbót svo þetta var mikil stemming og gaman. 
Sýningin byrjaði kl 1 og var til rúmmlega 4.

Þessar skvísur voru hressar og kátar með súpuna og kaffið og klæddar bleiku í tilefni dagsins og bleikum október. Þórunn á Neðri Hól og mæðgurnar Halla Dís og Jóhanna 
Lýsuhóli í hlöðunni á Gaul.

Hér eru 5 efstu í uppröðun í kollóttu vestan megin.

Hér er vel mætt af mislitum hrútunum vestan megin.

Hér má sjá 5 efstu í hvitu hyrndu vestan megin.

Það var líka vel mætt af hvítu hyrndu vestan megin.

Hérna eru Embla,Erika,Sól og Benóný að halda í Diskó kollótta hrútinn okkar.

Kristinn ánægður með nýja gripinn sinn sem hann var að versla af Guðbjarti og Hörpu á 
Hjarðafelli.

Hér má sjá hluta af fólkinu sem var mætt á sýningu.

Dómarar voru Sigríður Ólafsdóttir og Stella Ellertsdóttir.

Guðmundur Ólafsson Ólafsvík og Kristinn Bæjarstjóri að fylgjast með.

Sól með Ronju Rós sem svaf af sér hálfa sýninguna.

Hér er Halla Dís að láta draga úr happdrættinu.

Hér eru allir spenntir að heyra hver fær vinningin og það var Brynjar Bjarnarhöfn sem fékk fyrstu og hér er hann að fara velja sér gimbur.

Hér eru gimbrarnar sem velja mátti úr.

Ronja var mjög hrifin af sandinum í hlöðunni.

Hér inn í albúmi má svo sjá fleiri myndir af þessari sýningu.

13.10.2021 12:28

Kaldnasi einstakur hrútur

Kaldnasi 16-003 sem er undan Urtu frá Hraunhálsi og Magna sæðingarstöðvarhrút 13-944 keyptum við sem lambhrút af Eyberg og Laugu Hraunhálsi og gerðum við hann fljótlega gæfan sem lambhrút og allt frá því hefur hann verið alveg einstakt gæðablóð og í miklu uppáhaldi hjá krökkunum okkar og ég hef áður bloggað um hvað hann er yndislegur og blíður en ég fæ bara aldrei nóg af því að deila því hversu æðislegur hann er.

Hér eru Benóný Ísak og Embla Marína og Erika Lilý vinkona þeirra búnað labba til hans út á tún til að gefa honum klapp og knús.

Hérna eru Embla og Erika deginum áður og þá voru þær búnað lokka hann og hinn hrútinn ásamt tveim kindum inn í fjárhús með grasi og það var alveg magnað að fylgjast með þeim vera þolinmóð og gefa honum klapp og smá gras og færa sig svo alltaf nær fjárhúsunum alveg þangað til hann var kominn í dyragættina og þá náðu þær í meira hey og náðu honum alveg inn og hin fylgdu honum inn. Það kom svo að góðum notum því Siggi og Kristinn komu svo og gátu þá hornskellt Grettir hans Sigga í leiðinni fyrst það var búið að ná þeim inn svo fengu þau að fara út aftur.

Eins eru lömbin undan honum svona gæf og þegar krakkarnir gefa sig að þeim þá eru þau fljót að spekja þau. Við setjum einn lambhrút á undan dóttir Kaldnasa og Tón sæðisstöðvar
hrút og hann er líka svona einstaklega spakur svo hann hefur erft þann eiginleika.

Hér eru stelpurnar með Diskó sem er lambhrúturinn sem verður settur á undan Vaíönnu og Tón og hann er einsktaklega gæfur.

Hér er svo litla bóndakonan hún Ronja Rós komin á bak á honum.

Hér er Grettir Máv sonur frá Sigga hann og Kaldnasi eru bestu vinir og halda sig alltaf saman

Þessar fylgja þeim svo þetta eru veturgamlar frá Kristinn sú fremri og hin lengra frá 
er frá Sigga.

Fallegar kindur með Mávahlíðina í baksýn.

Benóný og stelpurnar að klappa sölu lömbunum sem eiga eftir að fara frá okkur og þau eru nánast búnað spekja alla hrútana.

Ég átti nú svo eftir að setja inn Sláturmatið hjá okkur við áttum alls 74 lömb við settum 19 lömb í sláturhús já aldrei sent svona lítið enda búið að selja allt sem hægt var að selja. Við seldum 34 lömb og svo setjum við 3 lambhrúta á og ekki alveg komin lokatala á gimbraásettning en það verður mögulega 15 hjá okkur og svo ein hjá Jóhönnu og 2 hjá Kristinn svo alls 18 ef ég fækka
ekkert úr minni tölu.

Af þessum 19 fóru í sláturhús var gerðin 10,05 þyngd 18,29 og fita 6,21

Ég er bara sátt miðað við hvað þetta var lítiið eftir og búið að selja það besta úr.

11.10.2021 12:19

Héraðssýning lambhrúta 2021

Þá er loks komið að því eftir eitt ár í covid  pásu ætlum við að halda glæsilega sýningu.

Fyrri Héraðssýning lambhrúta verður haldin laugardaginn 16 okt á Gaul í Snæfellsbæ kl 13:00.

Seinni sýningin verður svo sama dag kl 20:30 í Haukatungu Syðri 2 í Kolbeinsstaðarhreppi.
Þar verða líka veitingar í boði.

Á fyrri sýningu verða veitingar í boði gegn vægu gjaldi til að fá aðeins upp í kostnað sýningarinnar.

Það verður sem sagt 500 kr á mann ef menn vilja gæða sér á kræsingum og kaffi og að sjálfsögðu verður frítt fyrir börn.

 

Það verður svo áfram lambahappdrættið sem hefur vakið svo mikla lukku og skemmtun.  

Þeir sem hafa áhuga á að  krækja sér í miða þá mun miðinn kosta 1000 kr. 

Vegleg verðlaun í boði.

Engin posi verður á staðnum.

 

Verðlauna afhending verður svo á seinni sýningunni í Haukatungu Syðri 2  fyrir báðar sýningarnar.


 

Allir velkomnir og áhugafólk um sauðfjárrækt er auðvitað hvatt til að mæta með sína gripi og sjá aðra.

Það verður mikið spáð og þukklað.

 

 

Reglur vegna lambhrútasýningar á Snæfellsnesi. 
* Þetta er eingöngu sýning á lambhrútum. 
* Hrútar verða að vera fæddir á Snæfellsnesi og því má ekki koma með aðkeypta hrúta. 
* Allir hrúta skulu vera stigaðir, þeir verða ekki stigaðir aftur heldur verður stuðst við fyrri stigun. 
* Nauðsynlegt er að koma með stigun hrútanna með á sýninguna. Ef það er ekki gert, er viðkomandi hrútur ekki með í sýningunni. 
* Hvert býli má koma með 3 hrúta í hverjum flokki. Þ.e. 3 kollótta, 3 hyrnda, og 3 mislita og/eða ferhyrnda. 
* Hrútar sem koma á sýninguna verða að ná 83 stigum, það á þó ekki við um mislita og ferhyrnda hrúta. 


Hér er fyrrum skjaldhafi árið 2019 Snæbjörn á Neðri hól. Það var svo gaman að sjá að annar en hviti flokkurinn gæti fengið skjöldinn en þarna fékk hrútur úr mislita flokknum skjöldinn. Svo gaman þetta verður spennandi að sjá hvert hann fer núna og endilega gerið ykkur glaðan dag og eigum skemmtilega sýningu saman. Sjáumst hress og kát.


Kv Sauðfjárræktarfélögin



10.10.2021 11:27

Fjöruferð og sundferð

Fallegt veður í sveitinni á miðvikudaginn 6 okt.

Það er komið vel snjór á Kistufellið og Kaldnasa.

Snæfellsjökull orðin alþakinn snjó aftur og skartar sínu fegursta hann er búnað vera ansi sköllóttur í sumar og snjórinn fór alveg af toppnum á honum.

Hér sést fagurt útsýnið yfir Mávahlíðarrifið og í Snæfellsjökul.

Ég fór með Benóný Isak og Ronju Rós niður á Mávahlíðarhellu og svo niður í fjöru.

Hér var sólin að striða okkur og gerði myndina svona skemmtilega.

Benóný smellti svo einni mynd af okkur mæðgunum. Embla og Freyja fóru til Reykjavíkur
með Freyju ömmu og Bóa afa til tannlæknis þess vegna voru þær ekki með okkur.

Ronja var alveg að fíla sig þó það væri frekar kalt og smá vindur.

Hér er hún að halda í Donnu hundinn okkar.

Gaman að uppgötvva fjöruna og koma við sandinn.

Við fórum þarna yfir stórgrjótið og var það góð fóta æfing fyrir Benóný en ég hélt á Ronju og Donnu líka því hún var með svo litlar fætur að hún gat engan veginn komist yfir.

Hér leggja þau af stað út í viðáttuna.

Mér finnst þessi mynd alveg æðisleg þarna eru þau að labba með skuggann á eftir sér og Jökullinn og sólin svo flott og meira segja líka aldan á sjónum spilar með myndinni líka.

Elska hvað náttúran er falleg og mikið listaverk og auðvitað gullin mín á myndinni líka.

Hér er Ronja Rós og Donna á leiðinni upp úr fjörunni.

Benóný Ísak.

Við Benóný fórum svo á Hvammstanga að sækja kjötið daginn eftir á fimmtudeginum og hann fékk frí í skólanum til að koma með mér og fá að fara í sund á Hvammstanga og fékk að taka gopro videó í rennibrautinni og var mjög glaður með daginn.

Hér er svo rennibrautin á Hvammstanga.

Það eru svo fleiri myndir af fjöruferðinni hér inn í albúmi.

06.10.2021 13:19

Ronja Rós 2 ára 27 sept

Elsku Ronja Rós okkar fagnaði 2 ára afmælinu sínu helgina 25 sept á laugardeginum og þá kom fjölskyldan saman í afmælisveislu hjá henni. Hún var rosalega kát og fannst mjög gaman að fá pakkana og opna. Hún segir reyndar enn þá að hún sé eins árs en það tekur tíma að venjast að segja að nú sé hún tveggja ára. Hún er órúlega skýr og talar við mann eins og hún sé mikið eldri en hún er og á hún það örugglega systkynum sínum að þakka því þá verður hún fljótari til þegar hún er með margar fyrirmyndir. Hún elskar að syngja og kann mörg lög og er mjög músik glöð og elskar að hlusta Bassa með systtrum sínum og dansa í takt við lagið. Hún er rosalega stríðin og mikill prakkari vinnusöm og til í að hjálpa til við allt sem hún má gera eins og hún hjálpar mér að taka úr þvottavélinni og setja í þurrkarann og svo brjóta saman og rétta öllum sín föt til að setja inn í skáp en svo getur líka komið púki í hana og ruglað öllum fötum hjá mér sem ég er búnað brjóta saman.emoticon Hún svoleiðis vefur öllum í kringum sig með krúttleika og útgeislun alveg yndisleg stelpa.
Hún varð svo tveggja ára mánudaginn 27 sept.

Hér er hún um morguninn á 2 ára afmælinu sínu á leið í leikskólann.

Svo mikið krútt.

Fékk þessa fínu kórónu á leikskólanum.

Að blása á afmælistertuna sem var frá Jón Þóri bakara og við settum Gurru Grís á hana.
Gurra Grís er í miklu uppáhaldi hjá henni.

Fékk þessa fallegu dúkku og prinsessu kjól frá Karítast frænku og Danna og Maju og Óla.

Fékk þessa flottu dúkku kerru frá Jóhönnu frænku.

Með ömmu Huldu.

Þetta fékk hún frá ömmu Huldu og líka Didrikson úlpu.

Hún fékk bátinn frá systkynum sínum og þennan glæsilega púða frá Freyju ömmu og afa Bóa.

Að borða með Karítast uppáhalds frænku sinni.

Flott saman Benóný Ísak,Bjarki Steinn frændi , Freyja Naómí,Ronja Rós,Embla Marína og Erika Rún vinkona Emblu.

Svo gaman að opna pakkana.

Hér er hún að opna líka við gáfum henni playmó dublo hús lítið með rennibraut og rólu.

Í fjárhúsunum með mömmu sinni að gefa.

Inn í sveit hjá ömmu Freyju og Bóa afa ,hún elskar að fá að fara leika í sveitinni.

Gúgg gú hér er ég að fara í rennibrautina.

Og prófa hjóla en kemst ekki mikið áfram í grasinu.

Með Benóný bróðir og hænunni.

06.10.2021 13:09

Grímubúningaball í skólanum 23 sept

Það var grímubúningaball í skólanum hjá krökkunum og Benóný Ísak og Embla Marína lentu í verðlaunasæti en Benóný var Roblox lögga í heimatilbúnum pappakassa undir peysu af pabba sínum og Embla Marína var svali og það var pappakassi sem ég teiknaði á fyrir hana og svo máluðum við hann saman og vínkona hennar Erika var líka svali. Freyja Naómi var þríburi með 2 öðrum vinkonum sínum Heklu Mist og Emblu Eik. Þetta var mjög gaman og æðislegir búningar hjá þeim öllum.

Hér eru Embla Eik,Hekla Mist og Freyja Naómí okkar fastar saman sem þríburar.
Mamma hennar Heklu aðstoði þær við búninga hönnunina og mála og greiða 
þeim mjög glæsilegar.

Hér er Benóný Ísak. Roblox lögga með vélhönd og hníf.
Hann var líka með raddbreyti tæki sem breytti röddinni hans og vakti það mikla eftirtekt.

Hér er Embla Marína svali og Erika vinkona hennar með henni en ég náði ekki mynd af þeim báður saman í búningunum.

Þetta var mjög gaman að leggja vinnu í þetta með þeim.

30.09.2021 09:14

Systur til sölu

Þessar gimbrar eru enn til en flekkóttu hrútarnir og mórauða gimbrin eru seld.

Þessar fallegu systur eru til sölu og eru undan Dögg hennar Jóhönnu og Bjart.
Móðir þeirra Dögg er undan Mórauðri kind sem heitir Dúfa og er með 110 í mjólkurlagni og er 9,9 í afurðarstig alveg afbragðs mjólkurkind og þessi Dögg dóttir hennar erfir þann eiginleika eins og
sjá má á þessum fallegu gimbrum. Faðir þeirra er Bjartur frá Hjarðarfelli en eigandi var Kristján á Fáskrúðarbakka og við fengum hann hjá honum hann er fæddur 2018 og var í öðru sæti á Héraðssýningu lambhrúta 2018 og var með 88 stig. Faðir Dögg móður gimbrana er svo gæðablóðið okkar hann Kaldnasi sem er undan Magna sæðishrút og Kaldnasi hefur gefið okkur bæði mórautt og móflekkótt svo þessar gimbrar eru með sterkan erfðavisi fyrir mórauðu.

Blup hjá þeim er 106 gerð 102 fita 99 frjósemi 105 mjólkurlagni.


Þessi er 45 kg 113 fótl 30 ómv 3,8 ómf 4 lag 8,5 framp 18,5 læri 9 ull 8 samræmi alls 44

Hér er hin og hún er 45 kg 107 fótl 31 ómv 4,3 ómf 4,5 lag 8,5 framp 18 læri 8,5 ull 8,5 
samræmi alls 43,5

Svakalega fallegar systur undan tvævettlu.

Áhugasamir endilega hafa samband í sima 8959669 Emil.

27.09.2021 15:58

Lömb til sölu

 Þessi hrútur er til sölu og við setjum systir hans á og hún er með 32 ómv 9,5 framp
og 18,5 læri.

Þessi flekkótti hrútur er 49 kg 108 fótl 30 ómv 3,1 ómf 4,0 lag
Hann er tvílembingur undan Möggu lóu og Bibba.

8 9 9 9 9 18 7,5 8 8,5 alls 86 stig.

Blup 104 gerð 97 fita 98 frjósemi 92 mjólkurlagni


Þessi hrútur er til sölu.

Þessi svartbotnuflekkótti hrútur er undan Tertu og Óðinn og er tvílembingur og við setjum gimbrina á móti honum á sjálf á og hún er með 33 ómv 5 lag 9,5 framp og 18,5 læri.

46 kg 105 fótl 29 ómv 2,8 ómf 4,5 lag 

8 9 9 8,5 8,5 18 7,5 8 8,5 alls 85 stig.

Blup 110 gerð 107 fita 102 frjósemi 99 mjólkurlagni.


Þessi gimbur er til sölu hún er þrílembingur og er undan Randalín frá Kristinn og Bolta.
Móðirinn er svartflekkótt

Blup 113 gerð 99 fita 101 frjósemi 99 mjólkurlagni

51 kg 114 fótl 34 ómv 3,8 ómf 4,0 lag 9 framp 18 læri 8,5 ull 8 samræmi alls 43,5


Þessi mórauða gimbur er til sölu hún er undan Gjöf og Kaldnasa.

47 kg 109 fótl 30 ómv 4,6 ómf 4,0 lag 8,5 framp 17,5 læri 8 ull 8,5 samræmi alls 42,5

Blup 105 gerð 98 fita 97 fjósemi 101 mjólkurlagni.


Þessi þrílembingur er til sölu gengur þrjú undir. Hún er undan Gurru og Óðinn.

41 kg 105 fótl 29 ómv 2,6 ómf 4,0 lag 9 framp 18 læri 7,5 ull 8 samræmi alls 42,5

Blup 109 gerð 104 fita 107 frjósemi 101 mjólkurlagni.


Hin þrílembingssystirin á móti þessari fyrir ofan.

36 kg 106 fótl 31 ómv 1,7 ómf 4,5 lag 9 framp 18,5 læri 8 ull 8 samræmi alls 43,5


Mógolsótt þrílembingur undan Mónu Lísu og Kol gengu þrjú undir.

40 kg 114 fótl 30 ómv 3,8 ómf 4,0 lag 8 framp 17 læri 8 ull 8 samræmi alls 41


Þessi gæfi hrútur er til sölu og er frá Sigga og er undan Bibba og Kolbrún.

47 kg 33 ómv 2,5 ómf 4 lag 105 fótl 

8 9 9 9 9 18 7,5 8 8 alls 85,5 stig 


Þessar fallegu systur eru til sölu og eru undan Dögg hennar Jóhönnu og Bjart.

Blup hjá þeim er 106 gerð 102 fita 99 frjósemi 105 mjólkurlagni.


Þessi er 45 kg 113 fótl 30 ómv 3,8 ómf 4 lag 8,5 framp 18,5 læri 9 ull 8 samræmi alls 44

Hér er hin og hún er 45 kg 107 fótl 31 ómv 4,3 ómf 4,5 lag 8,5 framp 18 læri 8,5 ull 8,5 
samræmi alls 43,5

Svakalega fallegar systur undan tvævettlu.

Þessi fallega gimbur er frá Sigga og er undan Þór og Lottu.

Hér er sama gimbur hún er 46 kg 34 ómv 2,8 ómf 5 lag 106 fótl 9 framp 18,5 læri 8,5 ull 
8 samræmi. Hún er til sölu hjá Sigga.

Við eigum nokkrar gimbrar til sölu sem ég er ekki með mynd af sem eru með 18 og 18,5 í læri bæði kollóttar og hyrndar hvítar.

Áhugasamir um sölu lömbin hafi samband í síma 8959669 Emil


Siggi var að fjárfesta í þessum hrút hjá Óla á Mýrum og er 86 stig. 30 ómv og 18 læri.
Hann er undan hrút frá Óla sem heitir Láki það verður spennandi að nota hann.

Við létum taka sýni úr ásettnings hrútunum okkar og hér eru Sigvaldi og Árni að taka sýni og Kristinn fylgist af athygli með. Við létum taka úr 3 og svo einum sem við seljum.

27.09.2021 13:00

Hrútasýning veturgamla 2021

Hrútasýning veturgamla var haldinn á Hömrum hjá Bárði og Dóru föstudaginn 24 sept. Það var vel mætt á hana og voru milli 40 og 50 manns. Jóhanna gerði fyrir mig gúllassúpu og var hún rosalega góð og svo fengum við brauð hjá Eiríki og Dóra gerði salat. Ég bakaði eina skúffuköku og Dóra var með svo meira meðlæti sem var fyrir þegar það var stigað hjá þeim.
Það voru 26 veturgamlir hrútar mættir á sýningu. Aðeins 2 voru kollóttir af þessum gripum.

Við áttum besta veturgamla hvíta hyrnda hrútinn hann heitir Óðinn og er undan Vask sem var Ask sonur og Askur var undan Kalda sæðingarstöðvarhrút. Móðir er Bomba sem er 
Mávs dóttir. 

Hér er hann Óðinn 20-001

96 kg 41 ómv 7,5 ómf 4,5 lag 117 fótl

8 9 9,5 9,5 9,5 19 8 8 9 alls 89,5 stig.

Dagur 20-003 undan Sóldögg og Mínus sæðingarstöðvarhrút er frá okkur líka og var í 2 sæti

95 kg 38 ómv 4,9 ómf 4,5 fótl 119

8 9 9 9,5 9,5 19 9 8 8 alls 89 stig


Hér er Árni að lesa upp hvítu hyrndu hrútana og Ólí á Mýrum átti hrút í 3 sæti sem er
undan Amor 17-831 og ær 18-006  92 kg 5,8 ómf 4,5 lag 119 fótl 

8 9 9 9 9 19 9 8 9 alls 89 stig.


Jón Bjarni og Sól með besta mislita hrútinn undan Jökul og Drottningu.

97 kg 37 ómv 6,1 ómf 4,5 lag 116 fótl

8 9 9 9 9 19 8 8 8,5 alls 87,5 stig.


Þór 20-002 er frá okkur og var í öðru sæti hann er undan Ask og Snædrottningu.

77 kg 38 ómv 5,5 ómf 5 lag 120 fótl

8 9 9 9,5 9 19 7,5 8 8,5 alls 87,5 stig.


Guðfinna á Kverná var með hrútinn í þriðja sæti sem var frekar óþekkur við hana eins og sést hér hann er svartur á litinn og er undan Klett 18-602

80 kg 34 ómv 4,9 ómf 4 lag 119 fótl 

8 9 9 8,5 9 19 8 8 8 alls 86,5 stig 


Guðfinna á Kverná með besta veturgamla kollótta hrútinn. 
Hann er undan Bjart 17-023 og móðir 16-083

83 kg 33 ómv 5,4 ómf 4 lag 121 fótl

8 9 9 8,5 9 17,5 9 8 8,5 alls 86,5 stig

í öðru sæti var svo kollóttur mórauður hrútur frá Bibbu og Valla Grundarfirði.

88 kg 29 ómv 5,8 ómf 3,5 lag 130 fótl 

8 9 9 8 8,5 17,5 8 8 8 alls 84 stig


Hér er einn fallega mórauður veturgamall frá Jóa og Auði Hellissandi.

Hér er Ingibergur ( Bibbi) hans Sigga.

Hér eru farandsbikararnir fyrir veturgömlu sýninguna.

Hér er Sigvaldi að ómmæla og ég var ritari á sýningunni og Kristinn var aðstoðar hlustari
fyrir mig því ég heyri svo illa.

Hér eru kátir menn Ólafur á Mýrum, Hallur á Naustum og Gunnar á Kolgröfum.

Jói, Þórsi,Elfa og Hildur voru hress og lukkuleg með sýninguna.

Hér er verið að skoða mislitu hrútana.

Krakkarnir skemmtu sér vel og sýndu mikinn áhuga.

Hér var einhver góður brandari sagður og mikil gleði á myndinni.

Hér er Árni að skoða hvítu hyrndu og Friðgeir á Knörr mætti með sína hrúta og hann situr þarna aftast í appelsínugula gallanum.

Hér eru Árni og Sigvaldi að tala sig saman um úrslitin og krakkarnir fylgjast með af miklum áhuga.

Hér má sjá hluta af fólkinu sem var mætt á sýninguna.

Emil og Lárus Hannesar í góðum gír Lárus að rétta Emil bikarinn fyrir besta hyrnda hrútinn og segja honum að nú eigi hann að kenna honum að rækta kindur eins og hann kenndi honum að vera hestamaður en Emil var mjög efnilegur knapi hér áður og keppti oft á hestbaki og þá var Lárus lærimeistarinn hans og þjálfaði hann meðal annars fyrir landsmót.

Það eru svo fleiri myndir hér inn í mynda albúmi af sýningunni og fleira.


27.09.2021 09:38

Stigun 20 sept 2021

Torfi og Árni komu og stiguðu hjá okkur og alltaf jafn gaman að fá þá.

Þetta er alltaf mjög heilagur dagur og mikil spenna.

Alltaf stutt í stríðni og glens þegar Emil er viðstaddur.


Við létum stiga 70 lömb af 74 . Það var eitt gallað og eitt svo lítið undan gemling seint fædd og svo voru 2 hrútar sem við létum renna í gegn því þeir náðu ekki 30 í ómv og voru tvílembingar undan gemling sem gengu báðir undir og uppfylltu ekki alveg kröfur okkar.

Við vigtuðum á sunndeginum og var meðalvigtin hjá okkur 46,8 af 74 lömbum en í fyrra var hún 45 af 133 lömbum svo hún hækkar um 1,8 kg núna.


25 lambhrútar voru stigaðir

1 með 90,5 stig

1 með 89,5 stig

5 með 88    stig

4 með 87,5 stig

4 með 87   stig

2 með 86   stig

1 með 85,5 stig

2 með 85    stig

1 með 84    stig

1 með 83,5 stig

1 með 83   stig

1 með 81,5 stig

Meðaltal í stigum er 86,5 stig.

Læri hjá hrútunum var að meðaltali 18,2 og hljóðaði lærastigun svona:

6 með 19

5 með 18,5

9 með 18

4 með 17,5

1 með 17

Bak hjá hrútunum var að meðaltali 9 og hljóðaði bak mæling svona:

5 með 9,5

15 með 9

5 með 8,5

Ómvöðvi var að meðaltali 31,8 hjá hrútunum og hljóðaði hann svona:

1 með 38

1 með 36

1 með 35

3 með 34

4 með 33

2 með 32

5 með 31

3 með 30

2 með 29

3 með 28

Meðaltal á lögun var 4,3

Meðaltal ómfita var 3,3

Meðaltal malir 8,9

Gimbrar voru 45 stigaðar

36 af 45 voru með 30 í ómvöðva og yfir hæðst 38 í ómv og meðaltal var 31,5

Frampartur

6  með 9,5

28 með 9,0

10 með 8,5

1   með 8,0

Meðaltal 8,9

Læri

3 með 19

10 með 18,5

23 með 18

8 með 17,5

1 með 17

Meðaltal 18,1

Meðaltal lögun 4,2

Meðaltal ómfita 3,3


Þessi verður sett á og er á móti hrút sem við setjum á hún er 48 kg 37 ómv 4,5 lag 9,5 framp
og 18,5 læri. 

Hrúturinn á móti 60 kg 110 fótl 38 ómv 4,6 ómf 4,5 lag . Þau eru undan Hrímu og Bolta.

8 9,5 9 9,5 9,5 19 8,5 8 8,5 alls 89,5 stig

Þessi er undan Brussu og Bolta og Kristinn fær hana hún er undan minni uppáhalds kind og
ég set hina systirina á. Þessi er 52 kg 35 ómv 4,5 lag 9 framp 18 læri

Hér er hin systirin sem ég set á hún er 56 kg 35 ómv 4 lag 9,5 framp 18,5 læri svakalega fallegar systur og jafnar.

Hér er Siggi með einn svakalega gæfan undan Ingiberg eða Bibba eins og við köllum hann og Bibbi var að koma mjög vel út hjá okkur og passaði vel á féið og gaf mjög öflug lærahold.

Krakkarnir fengu frí í skólanum til að vera viðstödd þennan merkisdag hjá okkur og velja með okkur ásettninginn.

Þessi er tvílembingur undan gemling og gengu báðir undir og hún er undan Viðari sæðishrút og stigaðist svona 46 kg 32 ómv 4,5 lag 9,5 framp 18,5 læri  og hin á móti var 40 kg og með
29 ómv 4 lag 9 framp og 18 læri mjög þungar og flottar tvílembings gimbrar undan gemling.

Embla Marína dóttir okkar valdi þessa undan Rósu og Kaldnasa 46 kg 30 ómv 4 lag 
9 framp og 18 læri.

Ronja Rós fékk þessa flekkóttu gimbur undan Bibba og Möggu Lóu.
43 kg 32 ómv 2,6 ómf 4 lag 9,5 framp 18,5 læri.

Elsku Ronja Rós okkar er búnað vera svo veik alveg síðan á föstudaginn 17 sept og það hefur sett strik á það ég hafi ekki verið búnað koma þessu bloggi hér fyrr inn. Hér er hún með Jóhönnu frænku í fjárhúsunum á meðan við vorum að velja ásettningin fyrir okkur áður en kaupendur færu að koma og skoða.

Þetta er hún Móna Lísa sem gekk með alla þrílembingana undir sér og vigtuðu þeir alls 
143 kg og þau eru undan Kol sem er mógolsóttur heimahrútur hjá okkur.

Ég set þessa á undan henni og hún er 45 kg 30 ómv 9 framp 18 læri .

Þessi er svo gullfalleg stór og mikil að ég varð að setja hana líka á hún er undan Lóu og er mógolsótt tvilembingur 47 kg 31 ómv 6,7 ómf 4 lag 9 framp 18 læri.

Þessi mórauða er líka ásettningur hjá okkur undan Fíu Sól og Kol 48 kg 30 ómv 17,5 læri
á svo eftir að gera ýtarlegri umfjöllun um ásettningin þegar við tökum lömbin inn í haust.

Við setjum þennan á hann er undan Kolfinnu og Óðinn.
56 kg 33 ómv  3,0 ómf 4,5 lag 109 fótl 
8 9 9 9 9,5 19 8 8 8,5 alls 88 stig.

Hér er Benóný búnað spekja hann og líka annan kollóttan sem við ætlum að eiga og er 
sæðingur undan Tónn og er 69 kg 33 ómv 7,3 ómf 4 lag 
8 9 9 9 9 18,5 8,5 8 9 alls 88 stig.

Hér er Rósin okkar hún Ronja Rós í fjárhúsunum.

Það eru svo fleiri myndir hér inn í albúmi af stiguninni.

25.09.2021 12:31

Smalað 17 og 18 sept Búlandshöfði og Svartbakafell

Við Kristinn byrjuðum að smala inn fyrir Búlandshöfða föstudaginn 17 sept og ´Dóra 
og Bárður komu og hjálpuðu okkur. Emil var bílstjóri hann var búnað vera róa á Sauðakróki
en náði að fá frí yfir smala helgina og næstu viku. Hér má sjá hvar ég byrjaði og það sést 
þarna í Kirkjufellið í baksýn.

Kristinn tók þessa mynd þegar við vorum að ganga undir Búlandshöfðanum og niður í Búlandi. Þarna sést hvar kindurnar fara kindagötu undir hlíðinni fyrir neðan þjóðveginn sem
sést hér fyrir ofan.

Hér halda þær áfram undir og hér sést hversu bratt þetta er undir og falleg náttúra.

Kristinn tók þessa mynd af mér með Ólafsvíkur Ennið í baksýn og hér erum við búnað 
ganga undir Höfðanum og erum að nálgast Mávahlíðarhelluna.

Hér er svo Kristinn á svipuðum stað undir Höfðanum.

Áfram gakk alveg að vera kominn yfir Höfðann og niður á Mávahlíðarhellu.

Hér sést hvar Kristinn kemur á eftir þeim og ég fór upp á veg og elti eina sem var að
reyna að skjóta sér upp.

Hér erum við komin yfir og nálgumst Mávahlíðarhelluna.

Hér er Dóra komin á Mávahlíðarhelluna.

Ég fór efst upp í Mávahlíðina og náði í hana Lóu mína og mórauða gengið sem geta verið frekar óþekkar við mig. En þær voru bara nokkuð þægar núna.

Hér er ég upp í hlíð og á veginum er Bárður á hvíta bílnum.

Hér eru hrútarnir Bolti, Kolur og Sprelli og Kristinn að reka þá og hér erum við komin fyrir ofan Mávahlíð í hlíðina.

Hér er ég upp í hlíð alveg við Mávahlíðargilið og hér sést útsýnið yfir Mávahlíð.

Ég hélt svo áfram út hlíðina og fór yfir Tröð og yfir í Fögruhlíð og stóð þar fyrir meðan 
Emil keyrði Sigga í Tungu og Kristinn upp í Fögruhlíð þar sem þeir fara upp á Sneið og stugga við fénu þar niður og þá þarf ég að bíða og verða viðbúin ef þær ætla halda áfram framm hjá mér. Fyrir neðan mig var svo Magnús Óskarsson frændi Gumma að aðstoða okkur.

Hér erum við búnað koma þeim niður og erum að reka þær niður Fögruhlíðina.

Hér eru svo veturgömlu hrútarnir þeir voru lengst upp í hlíð.

Hér erum við komin með féð alveg niður með Kötluholti og áleiðis inn í Tungu.

Hér eru strákarnir búnað fanga einn hrút sem var að gefast upp og henda honum upp á kerru inn í Fögruhlíð við Holtsána.

Embla Marína og Erika vínkona hennar voru svo duglegar að smala.

Hér er allt á réttri leið inn í Tungu.

Flottir smalar hér á ferð Kristinn,Magnús Óskarsson,Guðmundur Ólafsson og Emil að fara
reka inn.

Emil og Maggi að virða fyrir sér féið.

Terta með sín lömb undan Óðinn.

Ósk með sínar gimbrar undan Kaldnasa.

Flott þrílemba hér frá Gumma Óla Ólafsvík.

Móna Lísa hörku kind með þrílembingana sína sem gengu allir undir öll mógolsótt nema ein er með sokka líka.

Dúfa hennar Jóhönnu með gimbrina sína undan Bjart og svo er svört gimbur frá Sigga sem 
fylgir henni.

Snærós gemlingur með hrútinn sinn.

Hér er verið að reka inn fyrri daginn sem sagt föstudaginn þegar við smöluðum Búlandshöfðann og Mávahlíðina inn af Fögruhlíð.

Daginn eftir skiptum við okkur svo að Siggi ,Hannes og strákarnir og Kristinn fóru upp
á Fróðarheiði og gengu þar yfir í Hrísar og þar fór Kristinn niður og hinir héldu svo áfram
og í átt að Svartbakafellinu.

Ég,Maja systir og Óli maðurinn hennar og Embla,Freyja og vinkonur þeirra Erika og Hekla
fórum upp inn í Fögruhlíð fyrir ofan sumarbústaðinn hans Ragga frænda og Sigrúnar og
gengum þar upp ,upp lengst yfir allt og alveg þar til við vorum búnað labba gamlan rafveitu
veg upp á topp alveg upp fyrir Urðir sem sýna útsýni yfir í Svartbakafell og Rjómafoss.

Það var hvílt sig inn á milli enda kraftmikill ganga að labba svona upp í móti svona lengi.
Stelpurnar voru svo duglegar og stóðu sig svakalega vel.

Og áfram lá leiðin lengra upp og Óli svoleiðis stakk okkur af í sínu fanta formi og blés ekki
úr nös meðan við hin vorum að andast að komast þetta he he í engu formi.

Hér erum við komin vel upp og sést hér fallegt útsýni yfir í Ólafsvík sem er fjallið lengst í
burtu fyrir aftan þær. Embla Marína,Hekla Mist, Erika Lillý og Freyja Naómí hörku
duglegar smala stelpur.

Nú skiptum við okkur og Óli og Maja fara lengra upp og kíkja upp í Fossakinnar og upp
í Bjarnaskarð og við höldum áfram inn Urðirnar. Það sést svo hérna niður að Svartbakafelli og sést í Rjómafossinn.

Hér erum við farin að fikra okkur nær og hér er Hekla og Freyja með Rjómafossinn í baksýn.

Embla og Erika líka nema við erum komin enn þá nær og erum að fara lækka okkur til að komast í Hríshlíðina við Rjómafossinn.

Ég var búnað labba alla leið niður að Hríshlíðinni og skildi stelpurnar eftir þar svo þurfti ég að fara upp aftur til að vera á undan kindum að komast upp á Sneið aftur og svo þegar
ég var búnað koma mér þangað voru stelpurnar búnað vera svo duglegar að þær voru komnar með kindurnar niður að Rauðskriðumel og Emil tók þær upp í bíl og þau ráku þær 
kindur áleiðis. Ég varð því að labba aftur til Maju að Hríshlíðinni og niður að Rjómafossi og
reyna komast yfir hann en það var of mikill straumur og mikið vatn í gilinu svo ég sneri við
og þá voru Óli,Siggi og Maja búnað ná að komast í veg fyrir þær meðan ég var í þessum
vatnsleikja æfingum að reyna komast yfir.

Hér má sjá hvar féið kom niður hjá Ragga og Sigrúnar bústað.

Hér er Emil að taka á móti stelpunum þegar þær komu niður með kindurnar hjá Rauðskriðu
melinu og hér sést í Glaumsgil og Tröllagil.

Við komumst svo öll niður og fórum niður með ánni og yfir hana og yfir í Holtstungurnar og svo hófst eltingarleikur þegar við vorum komin niður að Fögruhlíð þá tóku sumar straujið
yfir brúna og yfir að Tröð en Emil og Óli náðu að komast í veg fyrir þær ásamt krökkunum og reka þær til baka.

Hér er verið að reka heim að Tungu.

Freyja og Hekla smalastelpur.

Það var heilmikið sport að fá far með kerrunni þegar þurfti að pikka einhverjar kindur upp.

Hér er Hekla ,Hrannar og Benóný að halda einni kind meðan Emil fór að sækja kerruna.

Allt að gerast.

Maja og Kristinn.

Benóný,Freyja,Hrannar og Hekla.

Hér er svo rekið inn.

Það voru svo flottar veitingar sem biðu okkar þegar við komum. Jóhanna og mamma sáu um að koma kaffinu og kökunum fyrir og mamma gerði vinsælu brauðtertuna sína og ég gerði
marenstertuna og svo pöntuðum við stóru réttarkökuna hjá Jón Þóri bakara. Jóhanna
bakaði brauð og var með kjúklingasúpu við keyptum 6 pakka af tilbúni súpu í bónus.
Helga hans Kristins kom líka með skúffuköku og heimabökuð súkklaðihorn.

Það heimtist vel í þessum báðum leitum og mig vantar aðeins 4 kindur og við vitum svona nokkurn veginn hvar þær geta verið í Búlandshöfðanum. Kristinn var mjög óheppinn honum
vantar tvær kindur og lömbin skiluðu sér svo hann verður að velja sér nýjar til ásettnings.

Við fórum svo aftur upp á fjall inn í Búlandshöfða eftir kaffið í Tungu og þar voru kindur sem
við vissum að vantaði og við gáðum fyrst upp í Grensdali en þar  var ekkert nema ókunnugar
kindur sem tóku strax á rás þegar þær sáu okkur og þá fór Siggi alveg upp og gáði betur upp
á fjalli og fann þær þar. Ég og Embla fórum aftur niður en Kristinn fór upp til Sigga og þeir ráku þær svo uppi alla leið að Fögruhlíð og ráku þær svo niður þar.

Svo gekk það allt saman vel og við fórum svo að klippa rassullina þegar var búið að ná þeim
alla leiðina inn í fjárhús.

Þessi er alveg gullfallegur og erum við mjög spennt hvernig hann kemur út hann er undan Kolfinnu og Óðinn.

Hér er ein mógolsótt undan Lóu og Kol.

Hér eru stelpurnar með minni hjálp búnað spekja þennan.

Hér erum við að vigta. Emil og Kristinn að draga og Siggi á vigtinni.

Krakkarnir spenntir í þessu með okkur.

Freyja og Erika kátar.

Embla,Hrannar og Freyja að prófa að draga.

Fallegur undan Tertu og Óðinn þessi svartflekkótti hrútur með smá botnóttan lit í framan og fótum.

Þessi flekkótta er undan Möggulóu og Bibba.

Fallegar systur undan Lóu.

Erika og Embla með Ljúf sem Embla skýrði.

25.09.2021 10:42

Smalað inn í Bug og við kíktum að aðstoða 16 sept.

Hér er Maggi Óskars frændi Gumma að reka og Embla og Erika fengu að standa fyrir.

Hér byrja þær að leita útaf eins og þær eiga til að gera.

Guðmundur er ekki lengi að skella sér í veg fyrir þær.

Magnús Óskarsson með smala hundana sína.

Guðmundur búnað komast í veg fyrir þær og allt á réttri leið.

Hér halda þau svo á stað að reka inn í Bug.

Hér er svo Kristinn hann var slæmur á fæti en það er allt að koma til sem betur fer hann er orðinn svo spenntur að fara smala.

Magnús að sækja eitt sem var að stinga sér út undan.

Búið að fanga eitt Guðmundur og Kristinn að draga það niður.

Þetta stakk sér við bakkann á gilinu og náðu þeir að fanga það líka. Það gekk vel að smala þeir tóku Geirakot og smá að Fróðarheiði til að létta undir smölun fyrir laugardaginn.

Spennan orðin Gifurleg hér er Hexía með lömbin sín undan Óðinn.

Hér er hún aftur.

Viktoría með gimbur undan Óðinn.

15.09.2021 12:58

Rúntur 12-13 sept

Ég tók rúnt 12 sept í rígningunni og rokinu og þá voru kindurnar búnað leita sér skjóls í Mávahlíðargilinu.

Gurra með þrílembingana sína í Fögruhlíð.

Náði að sjá móra hans Sigga sem er undan Ingiberg og svart bróðir hans.

Hér sést aðeins í þá og aðra kind frá Sigga.

Ég var að reyna súma myndina af honum en það var frekar mikil rigning svo hún er aðeins óskýr en mér sýnist hann vera mjög fallegur langur,stór og mikill hrútur.

Hér er Snúlla hennar Jóhönnu með lömbin sín undan Bjart.

Gimbur frá Sigga undan Lottu og Þór.

Hér er sú gráa á móti þær voru vel blautar greyjin enda búið að vera svo mikil rigning og rok seinast liðna viku.

Hér er svo Aska aftur með gimbrarnar sínar undan Dag.

Önnur þeirra er snjóhvít.

Hér er hin.

Lömbin hennar Möggu Lóu og Bibba .

Það var mikið brim í fyrra dag þegar ég tók myndina og það voru allsstaðar fólk stopp niður i fjöru að taka myndir af öldunum.

Þessir höfðingjar frá Gumma Óla voru niður á Mávahlíðarhellu en ég sá ekki móðirina svo það er spurning hvort hana vanti ,þetta er í annað sinn sem ég sé þá bara tvo saman en þeir eru frá Gumma Óla Ólafsvík svakalega fallegir.

15.09.2021 12:39

Rúntur 7sept

Viktoría með gimbrarnar sínar undan Óðinn.

Aska með sínar gimbrar undan Dag ég var að sjá hana svona nálægt í fyrsta sinn í sumar núna.

Brussa með sína gimbur undan Bolta.

Þessar sá ég í fjarska þetta eru Terta með hvíta gimbur og gráflekkóttan hrút og svo er 
Randalín með hrút frá Sigga sem var vaninn undir og svo með gimbrina sína undan Bolta.

Hér er Mávadís með hrút og gimbur undan Þór.

Hér sést hrúturinn betur.

Gimbrin hennar.

Þessi er frá Sigga og heitir Grýla og er með lömb undan Bolta.

Hér sjást þau betur.

Hér er Tuska hans Kristins með hrútana sína undan Kol.

Hér hleypur hún með þá á brott. Þeir eru fæddir í júní svo þeir eru ekki eins stórir og hin lömbin en líta bara mjög vel út enda Tuska bara gemlingur og með þá báða undir sér.

Hér er Kleópatra gemlingur með hrútana sína undan Ingiberg.

Hér sést svo betur í Tusku með hrútana sína tekið seinna um daginn.

Hér er Milla gemlingur sem bar líka í júní með gimbrina sína undan Kol.

Hér sést í Gurru með þrílembingana sína undan Óðinn og svo kollótt lamb frá Snúllu hennar Jóhönnu aftast.

Þessi er frá Gumma Óla Ólafsvík.


30.08.2021 12:31

Rúntur 27-30 ágúst

Lóa með gimbrarnar sínar undan Kol.

Hér sést gimbrin hennar betur.

Hér er sú mórauða.

Hér er Víana með hrútinn sinn undan Tón sæðing.

Hrútur og gimbur undan Hexíu og Óðinn.

Zelda sem fór frá mér til Gumma. Hún er með gimbur og hrút.

Hér er hrúturinn.

Gráa gimbrin svo falleg.

Hrúturinn skemmtilegur á litinn.

Nál sem fór frá mér til Bárðar og Dóru er hér inn í Kötluholti með hrút og gimbur.

Benóný sá Kaldnasa og varð að gera tilraun hvort hann gæti talað við hann.

Það er ekki að spyrja að því hann kom beint til hans.

Hér athugar Benóný hvort ég hafi ekki örugglega verið að fylgjast með honum ná að klappa
honum.

Loksins náði ég að sjá Möggu Lóu og Mónu Lísu og hér er Magga Lóa með gimbrina sína undan Bibba.

Hér er betri mynd af gimbrinni.

Hér sést hrúturinn hennar og svo Móna Lísa og Lóa bak við. Ég læddist svo nær þeim til að ná myndum en þær voru ansi varar um sig og tóku á rás leið og ég nálgaðist.

Hér sést Móna Lísa með þrílembingana sína undan Kol og ein gimbrin er mógolsótt sokkótt og svo er hin gimbrin mógolsótt og hrúturinn mógolsóttur.

Hér er Magga Lóa með gimbrina og hrútinn undan Bibba. 

Hér sést Lóa með mórauðu gimbrina sína og mógolsóttu og svo hrúturinn hennar Möggu
fyrir aftan þessi flekkótti.

Hér sést Móna Lísa og sú sokkótta svo flott með hvíta stjörnu líka framan í sér.

Flottir þrílembingar undan Mónu lísu.

Virkar fallegur á aftann Bibba sonurinn hennar Möggu Lóu.

Það er að byrja svo skemmtilegur tími til að rúnta núna þetta er svo spennandi.

Flettingar í dag: 653
Gestir í dag: 315
Flettingar í gær: 1625
Gestir í gær: 533
Samtals flettingar: 2395348
Samtals gestir: 342029
Tölur uppfærðar: 1.12.2021 03:16:21

Eldra efni

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar