13.09.2025 20:44

Göngutúr og kindur

Hér er Elka gemlingur með gimbrarnar sínar undan Kakó.

Hér er önnur þeirra sem ég er mega spennt fyrir hún er svo falleg á litinn.

Hér er Elka með hina gimbrina.

Fór aðeins að þjálfa mig fyrir smölun og fékk mér göngutúr upp að Rjómafossi en bara Fögruhlíðarmegin.

Sá ekki kindur mín megin en það voru slatti hinum megin í Svartbakafellinu.

Hér er ég búnað labba upp og er á leiðinni niður Rauðskriðugilið.

Ég hef aldrei séð Snæfellsjökulinn jafn gráan eins og hann er núna það hefur bráðnað svakalega núna í sumar.

Við Ronja fórum líka í göngutúr daginn eftir og kíktum á ber og það var frekar lítið af þeim

nema það er nóg af krækiberjum en smá af aðalbláberjum.

Henni fannst þetta mjög gaman.

Rúsína með hrútana sína undan Bögull sæðingarstöðvarhrút.

Þeir eru mjög þykkir og fallegir að sjá.

Hér er Blesa hún er með hosóttan hrút og mógolsóttan hrút undan Vind okkar.

Þessi gimbur er undan Agúrku og Örvari.

Hér er hrúturinn á móti.

Hér er Arna gemlingur hún var geld og er orðin svakalega falleg.

Hér er Beta gemlingur sem var líka geld og hún er orðin líka mjög stór og falleg

bæði Arna og Beta eru í eigu Kristins.

Hérna er Bryndís hennar Helgu með hrútinn sinn undan Vind.

Ég var ekki búnað sjá hana mjög lengi en núna eru nokkrar að færast niður sem hafa ekki verið áður.

Þessi er frá Sigga held þetta sé Nótt og ef þetta er hún þá er þessi gimbur undan Hólmstein sæðingarhrút.

Hér er Týra 23-022 með lömb undan Álf okkar.

Gimbrin er með R 171 og hrúturinn er með R 171 og H 154.

Hér er svo nýjasti íbúinn hjá okkur en það er þessi fallega læða sem við

vorum að fá okkur og erum búnað leita lengi eftir að finna hina einu réttu og það

var svo þessi sem ég sá auglýsta til sölu í Hveragerði og við sóttum hana í gær

og það er þvílík hamingja á heimilinu og núna á eftir að finna nafn á hana.

Amma Hulda og Ronja Rós svo flottar saman í bláu.

Tengill á færslu

Bæta við áliti

Sýna álit

11.09.2025 08:03

Amsterdam ferð

Skelltum okkur til Amsterdam með vinum okkar og var þetta svona afmælisferð fyrir vinkonu okkar sem var 40 ára.

Það var mjög gaman að fara þangað og fallegt mikið um túlípana allsstaðar og vatn eða sýki sem rennur þar í gegn svo það

er mikið um bátamenningu þar og hjólamenningu það eru nánast hjól allsstaðar og maður mátti vara sig að vera ekki fyrir

hjóla umferðinni. Við fengum frábært veður 20 til 27 stiga hita frá fimmtudegi til sunnudags. Við fórum á Heineken safn

sem var mjög flott og svo vaxmyndarsafn og það var svakalega flott ekkert smá raunverulegt að sjá fræga fólkið og gaman

að skoða. Við fórum svo í siglingu með drykkjum og ostum á sýkinu og það var farið að dimma úti svo það var mjög fallegt

að sigla og sjá allar byggingarnar. Eitt parið í hópnum hjá okkur var búið að útbúa ratleik fyrir okkur úti og þá áttum við að

ná myndum af nokkrum hlutum og safna stigum það var mjög gaman og skapaði stemmingu og keppnisskap.

Við fórum svo í ADAM lookout Tower og það var svona turn með skoðunarferð og svo ferðu upp á þak á svakalega háum

turni og þar getur þú farið í rólu sem rólar fram af byggingunni og við skelltum okkur í hana og það var alveg geggjuð upplifun

og skelfileg þetta var svakalega hátt en myndi ekki hafa viljað sleppa því svo fórum við inn og fengum okkur drykk og þar

er setustofa og þú sérð yfir allt ekkert smá flott útsýni. Við fórum svo á steikhús þegar Anna átti afmæli og það var svakalega

góður matur þar og hún fékk köku með blisi og það var sungið fyrir hana.

Hér er Emil við eina hjólaskreytinguna það var mjög mikið af þeim.

Það voru margar fallegar byggingar þegar við vorum á siglingunni.

Það var mikið af þessum litlu bílum sem voru ekstra krúttlegir.

Hér eru strákarnir á afmæliskvöldinu hjá Önnu á steikhúsinu þá klæddu strákarnir sig upp í hatta og

við vorum með borða sem stóð 40 ára.

Hér erum við á Heinken safninu.

Þessa mynd tók ég úr turninum og það var svo svakalega fallegt útsýni.

Hérna erum við á Vaxmyndasafninu.

Þetta var svo gaman og ótrúlega raunverulegt.

Tengill á færslu

Bæta við áliti

Sýna álit

01.09.2025 14:35

Kinda rúntur 29-31 ágúst

Hér er Embla að kalla á Einstök til að koma til sín.

Einstök er með hrút og gimbur undan Kogga þau eru bæði með gulan og ljósbláan fána N138.

Þessi lambhrútur er undan Viktoríu og kogga hann er með gulan og ljósbláan fána N138.

Guðmunda með hrútinn sinn undan Breiðflóa.

Hér er gimbur undan Blæju sem hefur gengið sem graslamb því hún dó snemma í vor.

Hún er með gulan fána og ljósgrænan H154.

Marri Már litli frændi með Freyju sinni. Marri er sonur Magga bróðirs og þeir feðgar voru

í heimsókn yfir helgina svo gaman hjá Marra að kíkja á kindurnar.

Hér eru Ronja Rós, Marri Már og Freyja Naómí að kíkja á Draumadís.

Draumadís er svo góð.

Fallegi Marri að borða ber.

Draumadís með gimbrina sína undan Vind hún er með H154.

Píla með hrút undan Klaka.

Agúrka með lömb undan Örvari hans Óla Ólafsvík.

Hér er hrúturinn hennar.

Gimbrin vildi ekki alveg snúa sér við en hér sést hún .

Milla 24-010 með lömbin sín undan Svala.

Moldavía með gimbur sem hún fóstrar frá Sigga sem er undan Þíðu og Kogga og er með H154.

Hún á hrútinn sjálf sem er móbotnóttur og er undan Brúnó.

Hér sést gimbrin betur.

Hrúturinn en hann vildi ekki líta upp var of upptekinn að borða.

Margrét með sína hrúta og svo fóstrar hún líka frá Ídu sem drapst á sauðburði og það

má sjá að hún hefur mjólkað þeim þrem mjög vel þeir eru næstum stærri en hún.

Svakalega flottir að sjá þeir eru allir undan Tarzan okkar þessir sem eru undan Margréti eru með gulan fána

en undan Ídu er með R171.

Þessi gimbur er undan Köku og Pistil sæðingarstöðvarhrút hún er með R171.

Panda með lömbin sín undan Brimil sæðingarstöðvarhrút og önnur gimbrin er með R171 og N138

en hin gimbrin er hlutlaus með gulan fána.

Hér er önnur hvor gimbrin hennar Pöndu.

Hér er Randalín 18-016.

Hún er með tvær gimbrar sem eru undan Reyk 22-449 frá Sigga í Tungu.

Fallega grá þessi. Hún er með gulan fána.

Hér er hin hún er með H154.

Það var svo gaman að sjá hvað það voru margar nýjar komnar niður núna á rúntinum sem ég hef ekki

séð neitt síðan við slepptum út. Þetta fer að verða svo spennandi núna að fylgjast með og taka myndir.

Við tókum göngutúr með Magga og fórum að heimsækja mömmu inn á Dvalarheimili og tókum

hana svo í göngu heim til okkar.

Það var svo æðislegt veður að við sátum út á palli og hér er Marri Már hjá Ömmu Huldu.

Tengill á færslu

Bæta við áliti

Sýna álit

Færslur: 2025 September

13.09.2025 20:44

Göngutúr og kindur

11.09.2025 08:03

Amsterdam ferð

01.09.2025 14:35

Kinda rúntur 29-31 ágúst

Tenglar

Tenglar

Tenglar