Ösp með sæðislömb undan Hróð og við erum mjög spennt yfir golsuflekkóttu gimbrinni því 

þetta er í fyrsta sinn sem við fáum þennan lit á kollótt og Ösp er mjög góð kind hún var meðal annars

móðir Steinda sem fór á sæðingarstöðina frá okkur.

Katla kom með pínulítið kríli á móti þessu svakalega stóra og þau eru undan Völustein sæðingarhrút. við þurftum að taka þetta litla heim og ná hita og kraft í það og Siggi gaf því brodd með magaslöngu .   Hér tókum við það heim og fórum svo með það þegar það var farið að standa og jarma.   Þetta er hún Mýra frá Emblu sem hún fékk frá Friðgeiri á Knörr í haust og hún var fengin þegar hún  kom í fjárhúsin okkar svo hún er með gráan hrút sem dafnar vel og hún mjólkar mjög vel en  við vitum þó ekki hver faðir lambsins er.   Við tökum sýni úr öllum sem óljóst hvað þau verða með og það voru 132 sýni og við höfum alltaf gert það síðan þetta hófst og við vitum hvað allar kindurnar okkar eru með og eigum von á mikið af sæðingum sem blandast svo smátt og smátt inn í stofninn okkar en við höldum okkar bestu hrútum þó svo að þeir séu með gulan fána því við viljum ekki tapa gerðinni og mikilli vinnu af góðri ræktun og til að fá gott verður að blanda þessu saman til að fá sem bestan einstakling og það hefur gengið mjög vel.   Örk fór út með þrílembingana sína 9 maí og þeir stækka vel hjá henni þeir eru undan Prímus . Prímus var keyptur af Hjarðarfelli og er undan Val 20-723 . Hann gefur góða gerð og mjólkurmiklar ær. Hann er orðinn fullnotaður hjá okkur svo hann fór á Álftavatn eftir að við vorum búnað nota hann á tvær ær hjá okkur. Hér er Mandla gemlingur með gimbrarnar sínar undan Prímus.   Skvetta hans Sigga með golsótta gimbur og golsuflekkóttan hrút undan Kakó frá Sigga.   Falleg golsuflekkótt gimbur undan Hróð sæðingarstöðvarhrút.   Nútella gemlingur með hrútinn sinn undan Verk sæðingarstöðvarhrút og það var annar á móti alveg eins en hann var vaninn undir kind hjá Sigga.   Marri Már frændi og Ronja Rós að leika sér í fjárhúsunum.   Sól með svarta gimbur undan Verk sæðingarstöðvarhrút og svo var vanið undir hana undan Dögun þrilembing. Sól var með eitt úldið fóstur.   Leikskólinn Krilakot sem ég er að vinna hjá kom í heimsókn til okkar í fjárhúsin hjá Sigga og það var mjög gaman að fá þau þetta er orðin árleg heimsókn hjá þeim að koma til okkar og kikja á lömbin.   Tása gemlingur með lömbin sín þau eru bæði svona golsubíldótt og eru undan Verk sæðingarstöðvarhrút.   Þyrnirós með lömbin sín undan Gumma Óla.   Benóný Ísak 13 maí aðeins farið að grænka túnin í Tungu en orðið vel grænt inn í Tröð .   Freyja Naómí að klappa Klóí gemling.   Þrílembings hrútur undan Rúsínu og Magna sæðingarstöðvarhrút þau eru mjög þykk og falleg  ég er spennt að sjá hvernig þau koma út í haust.   Þetta hefur verið meira notað núna en venjulega hjá okkur en þetta er magaslanga og sprauta sem er þrætt ofan í maga og gefið brodd til að koma smá næringu í orkulítil lömb. Það var ein sem bar þremur hjá okkur sem var með extra lítil lömb og það þurfti að gefa tveim af þeim magaslöngu. Eitt var alveg kramlamb svo það lifði bara í sólarhring en hin tvö lifðu og eitt var lengi bara upp í fjárhúsum og látið sjúga því mamman vildi ekki taka við því en sem betur fer kom svo loks að við gátum vanið það undir aðra kind sem var einlembd og bar svakalegum kálf sem kom á afturfótunum og lifði ekki fæðinguna af svo hún fékk að fóstra  tvö lömb í staðinn. Annars hefur sauðburðurinn gengið nokkuð vel og fór rólega af stað og það var engin svona gusustór dagur heldur bara nokkrar á dag og yfirleitt bara með stuttu millibili en þær vorur mikið að bera á næturnar svo það voru  nokkrar andvökunætur á mesta annatímanum. Við vorum frekar óheppin með þrílemburnar það var mikið um að þriðja væri dautt fóstu eða dáið fyrir nokkrum dögum og eins með fjórlembuna sem Kiddi á hana Draumadís hún kom með þrjú fín lömb en fyrsta var á afturfótunum og það kom dautt og var svona bleikt á litinn það hefur drepist fyrir einhverjum dögum fyrir burð en það var þó lán í óláni því það er ágætt að hún sér bara með þrjú og þá þarf ekki að venja undan henni svo maður verður líka að líta á þetta jákvæðum augum þó svo að það sé alltaf leiðinlegt að missa.   Það gengur ýmislegt á þegar mikið er að gera í sauðburði og eldri systkynin eru að passa Ronju þá þarf hún að hafa ofan af fyrir sér og leika með allt út um allt mömmunni til mikilla gleði þegar hún kemur heim ha ha þá er ekki hægt að hvíla sig því þá þarf að taka til og brjóta saman þvott og allt sem heimilinu tengist.  Svo þetta getur verið krefjandi tími að vera með stóra fjölskyldu og sauðburð á sama tíma en þetta er allt saman svo skemmtilegur tími og nóg tími til að hvíla sig í júní eftir törnina.   Hér er hrútur undan Sóma okkar en hann er undan Snúru Ramma dóttur og Brimil sæðingarstöðarhrút og hann er að koma með svakalega þykk og falleg lömb en aðeins stór horn. Þau eru áberandi falleg lömbin hans og hann er með ARR svo það verður mjög spennandi að sjá lömbin hans í haust.   Við sótthreinsum allar stíur með staldren áður en þær fara í þær og  það er algert undra efni gerir allt svo hreint og þæginlegra að þrífa stíurnar eftir það.   Hér eru þrílembingarnir undan Rúsínu og Magna sæðingarstöðvarhrút og þau eru mjög þéttvaxin og falleg.   Hér er Freyja að gefa pela einni gimbur undan Kommu sem við þurftum að taka inn því við tókum eftir því að hún var komin með júgurbólgu og við tókum hana inn til að meðhöndla hana með bólgueyðandi og pensilini svo fékk hún að fara út og nær að mjólka þessu lambi því hitt dó í fæðingu var svo stórt og kom á afturfótunum og ég tók það heim þegar hún bar og reyndi að koma því til en það náði sér ekki. Burðurinn í vor var svakalega stór og vitum við  ekki alveg hvað hefur valdið því við gefum alltaf jafnt og þétt en það kom svo betra hey inn á sauðburðinum og spurning hvort það hafi farið svona skart í lömbin en svo voru aðrar ær sem voru frekar feitar og þá fór meira í þær og þær komu með minni lömb.   Hér er Perla með gimbrar undan Dallas hans Óla Ólafsvík og þær verða vonandi með arr. Perla er Ask dóttir svo ég er mjög spennt fyrir þessum gimbrum.   Huppa með lömbin sín undan Steina okkar hann er arfhreinn H154.   Ronja Rós dugleg að hjálpa til  að gefa.   Benóný Ísak er búnað vera duglegur að koma og hjálpa til og vatna fyrir mig.   Allir að hjálpa til hér er Emil og Ronja að gefa.   Mamma fagnaði 76 ára afmælinu sínu þann 18 maí og við fórum með hana á kaffihús í þjóðgarðsmiðstöðinni á Hellissandi og það var mjög gott og fallegt veður til að sitja úti og fá kaffi og köku. Ég , Maja og Ronja fórum með henni.   Embla datt í lukkupottinn og fékk móflekkótta gimbur undan Margréti og hvítan hrút undan Gumma Óla.   Huppa að fara út með hrútana sína þeir eru svo fallegir á litinn.   Hér eru fallegir litir undan Agúrku og Steina.   Þessi gimbur er undan Blesu og Dorra frá okkur hann er með gulan fána og C151.   Margir litir hér þessi er undan Hörpu og Steina.   Ísey gemlingur kom óvænt með mórauða gimbur undan Sóma okkar sem er undan Brimil sæðingarstöðvarhrút og Snúru og ég var svo glöð því þá getur hann gefið mórautt það var nefnilega alveg möguleiki að hann gerði það því móðir Snúru var  Mógolsótt og það sem betra er að hún gæti mögulega fengið ARR.   Hún var algert kraftaverk þessi gimbur undan Ísey því hún var alger bjáni og komst ekki á spena og  tók ekki spenann og Siggi hélt hún væri að drepast var búnað vera gefa henni pela og allsskonar bætiefni en hún var ekki að ná að sjúga en svo prófaði hann að gefa henni vel af brodd í magaslöngu og þá allt í einu hrökk hún í gang og fór sjálf á spena og er alveg eldspræk hún er í eigu Kidda en Kiddi kom svo Freyju minni á óvart í fermingunni hennar og skrifaði neðst í kortið hjá henni að hún mætti eiga mórauðu gimbrina og hún var svo ánægð með hana og sérstaklega því hún lifði af því það var nú ekki mikið bjartsýnni yfir því að hún myndi hafa það af. Þetta verður pottþétt kynbóta gimbur sem skilar sér í haust.   Rósa komin með hrútana sína út undan Gumma Óla.   Strönd með lömbin sín undan Dorra.   Míla gemlingur var með tvílembd en það uppgötvaðist að hún var komin með júgurbólgu svo við vöndum annað undna henni og meðhöndluðum hana með pensilini og svo fékk hún að fara út með þennan hrút hann er undan Kakó hans Sigga.   Brownie hennar Freyju bar hrút undan Tarzan og fékk svo hrút undan Mílu líka og hún  mjólkar þeim flott. Brownie kom frá Friðgeiri og hann gaf Freyju hana í vetur.   Rakst á fallegu gimbrina hennar Ösp og Hróðs hún stækkar vel.   Esja 24-024 með fallegu lömbin sín undan Bryta sæðingarstöðvarhrút.   Siggi varð fyrir því óláni í enda sauðburðar að missa gemling sem var bara bráðkvaddur út í túni og því er hann með tvo heimalinga og þeir eru svo skemmtilegir hér eru þeir að elta húsbóndann sinn og fylgja honum í hverju skrefi. Seinasta kindin bar hjá okkur 3 júni það var hún Snúlla.   Niðurstaðan eftir sauðburð hljómar svona hjá okkur hvað við fáum mörg lömb undan hverjum hrút. Það eru alls 152 lömb í heildina.   Heimahrútar   Prímus eru 5 lömb Tarzan eru 6  Koggi eru 3  Álfur eru 5  Kakó eru 2  Gummi Óla eru 9  Sómi eru 21  X eru 10 Steini eru 16 Dorri eru 13 Kútur eru 5 Dallas frá Óla Ólafsvík eru 11 lömb   Sæðingarstöðvarhrútar    Fursti 2 lömb Faldur 3  Hlekkur 2 Hrókur 6 Bryti 6 Magni 3 Völusteinn 4 Fáni 2 Hróður 3 Verkur 5 Flói 3

Við tókum geldu gemlingana sér og Emil og Siggi klipptu klaufarnar á þeim svo

við gætum sleppt þeim út við næsta tækifæri þegar veðrið verður aðeins betra.

Við fórum til Reykjavíkur 22 apríl en þá áttu stelpurnar tannlækna tíma og Freyja tengdamamma

kom með okkur líka og við tókum hana með okkur í bíó á Mario og það var mjög gaman.

Ég fór og kíkti á Gumma Óla Ólafsvík og það eru komin 4 lömb hjá honum hér eru tveir hrútar undan Verk sæðingarstöðvarhrút en  hinn er bakvið hana og er botnóttur.   Þessi fæddist um páskana hjá Gumma og þeir eru orðnir vel stórir.   Hér er hinn á móti þeir eru vel dökk mórauður og botnóttur. Mamman er ættuð frá Fossi   Hér eru Birgitta Emý og Freyja Naómí á hestbaki inn í sveit hjá Freyju og Bóa.     Hér er allt að verða klárt fyrir sauðburð búið að kaupa allar helstu nauðsynjar af lyfjum og bætiefnum.   Myndavélarnar eru komnar upp svo nú má bara byrja sauðburður. Fyrstu eiga tal 1 maí en gætu farið að bera því ein er tvævettla sem er að bera í fyrsta sinn og er þrílembd og svo er gemlingur sem er tvílembdur.

Við fórum svo í fjárhúsin og gáfum kindunum og Snæfellsjökullinn alltaf jafn fallegur.

Ég set alltaf upp fallegu húsin sem Einar nágranni smíðaði ég held mikið upp á þessi hús og ég málði þau bleik því ég elska bleikan og svo er það bara svo páskalegt að hafa bjarta liti.   Hér er hitt ég á tvö svona stór bleik.   Ronja Rós svo spennt að bíða eftir að fólkið komi í mat til okkar.   Benóný að passa hænurnar fyrir Freyju ömmu og afa Bóa en þau fóru til Spánar.   Allt að verða klárt.   Fallegu mín.   Ronja búnað hjálpa mér að leggja á borð og pússa hnífapörin.   Freyja að hjálpa til að hræra í sósunni.   Amma Hulda komin til okkar og hér eru þær Ronja saman.   Allt að vera klárt það er svínahamborgarahryggur og úrbeinaður lambahryggur grillaður ásamt meðlæti.   Ronja svo ánægð með Módísi Maríu frænku sinni sem karítas frænka og Danni eiga. Við buðum þeim í mat og svo komu mamma Hulda , Siggi i Tungu og Jóhanna frænka Emils.   Hún var alveg sjúk að skoða ipadinn hjá Ronju svo gaman.   Við mæðgur saman. Við áttum notalega stund með öllum og maturinn var mjög góður og mamma var hin  rólegasta og naut samverunar með okkur. Við erum svo búnað panta lambasýni fyrir komandi lömb og versla fyrir sauðburðinn það sem þarf svo allt fer núna að vera klárt fyrir það en ég þarf að halda áfram að skipuleggja ferminguna og allt sem því fylgir.

Svo töff ofan í lóninu.

Embla og Benóný undir fossi sem kemur niður klettana mjög flott.   Við hjónin saman að njóta.   Benóný og Emil að njóta útsýnisins.     Þann 2 apríl kom loks að því sem Ronja Rós er búnað bíða svo lengi eftir hún missti  fyrstu tönnina sína og Emil fékk að toga í hana með bandi svo seinni part sama dag missti hún aðra neðri tönn sem var hliðina á svo hún var alveg í skýjunum yfir þessu og auðvitað kom svo  tannálfurinn til hennar um nóttina og hún fékk tvo 500 kr seðla fyrir tennurnar.   Föstudaginn langa gerðum við okkur ferð á Lýsuhól í sund.   Hér eru Ronja Rós og Emil í lauginni sem er svo heit og æðisleg við elskum að gera okkur ferð og fara í laugina hún er alveg einstök og dásamleg. Það var svo gott veður að við vorum smá sólbrennd eftir daginn.   Við Ronja Rós saman.   Við fórum svo út á Arnarstapa og heimsóttum vini okkar Kolfinnu og Vignir sem tóku vel á móti okkur og Kolfinna bakaði pönnukökur og svo fóru eldri stelpurnar í göngutúr með dóttir þeirra sem er með Freyju í bekk og skoðuðu sig um Stapann meðan við vorum í heimsókn og Ronja var að leika við Harald og Hauk strákana þeirra. Við enduðum svo á því að fara á veitingarstað sem heitir Stapinn og þar er alveg svakalega gott að borða og yndislegt starfsfólk svo gaman að gera sér dagamun og njóta  þess að upplifa allt sem er í kringum okkur.   Daginn eftir sem sagt á laugardeginum þá fórum við og kíktum á Ösku trippið okkar sem er í  útgang hjá Bárði og Dóru í Grundarfirði og hún þekkti alveg stelpurnar og kom og talaði við þær.   Við fórum svo aðra dagsferð í sund og núna var ferðinni heitið til Búðardals í nýju sundlaugina þar sem opnaði  núna um páskana og hér eru krakkarnir að labba inn í sundlaugina. Sundlaugin er alveg frábær hún er svo falleg og fallegt útsýni frá henni og það eru tveir heitir stórir pottar og ein vaðlaug. Svo er sánaklefi og hann er mjög kósý með glugga alveg niður svo þú færð sama útsýni frá honum eins og þegar þú ert í sundlauginni. Benóný gefur sundlauginni mjög flotta einkunn og hann hefur nú farið í flestar sundlaugar á Íslandi svo við mælum hiklaust með því að gera sér ferð í Dalina og skella sér í sund.   Við fórum svo á veitingarstað í Búðardal sem heitir Blys og við fengum mjög góða hamborgara og pizzu þar og Ronja fékk sér kjúklinganagga og allir voru mjög sáttir og konan sem afgreiddi okkur og þjónaði bauðst til að taka mynd af okkur öllum svo vingjarnleg og þjónustan upp á 10. Við fórum svo Heydalinn heim til að taka rúnt þar yfir en vegurinn var mjög holóttur og erfiður en gaman að taka rúnt og sjá Hlíð það er mjög langt síðan ég hef keyrt þangað man eftir að hafa farið þar með Steina frænda að heimsækja Einar Halls í Hlíð og það eru mörg ár síðan. Við fórum þó ekki alveg upp að því heldur keyrðum bara þjóðveginn og sáum afleggjarann upp að því.

Embla Marína okkar átti afmæli 28 mars og við fórum dagsferð til Reykjavíkur

hér erum við út að borða og hún fékk smá glaðning með blysi í tilefni þess að vera 15 ára .

Við fórum rölt niður í bæ og kíktum í kolaportið sem okkur finnst mjög gaman að fara en stelpurnar voru ekki eins hrifnar af því he he. Hér erum við á starbuck. Við kíktum svo líka í kringluna og hún fékk að velja sér föt í afmælisgjöf.   Við kíktum á Magga bróðir og Rut og Marra Már að kveðja þau því þau voru að fara til Tenerife yfir páskana. Hér er Ronja að lesa fyrir Marra geiturnar þrjár og hann hlustar og fylgist með af mikilli athygli honum finnst svo gaman að leika við Ronju.   Við fórum í sund í Keflavík og Ronja vildi kíkja á skessuna í skessuhellinum. Það er mjög gaman að kíkja á hana og svo er hún sofandi og hrýtur svakalega hátt og það heyrist alveg út úr hellinum og Ronju stóð ekki alveg á sama að kíkja inn svo ég þurfti að halda á henni inn he he en henni fannst þetta mjög skemmtileg upplifun.   Hér er Ronja að máta Skessuna.   Þegar við vorum búin að skoða skessuna þá kom alveg grenjandi rigning og smá haglél svo við vorum vel blautar að bíða eftir að Emil kæmi að sækja okkur því hann fór með Benóný að gefa honum dominos á meðan.   Þann 30 mars settum við ásettningsmerkin í gemlingana og Birgitta frænka Emils var að hjálpa okkur með Freyju þær voru svo duglegar að hjálpa okkur.   Freyja að festa hlerann til að halda við meðan við setjum merkin í þær.   Lambhrútarnir eru búnað taka vel við sér og eru með mikil hornahlaup.   Gummi Óla er enn svo mikið krútt. Hann er með gulan fána og H154.   Hrúturinn hans Sigga hann heitir Kútur. Hann er alveg einstakur karekter og mjög gæfur. Hann er með H154 og gulan fána og er undan Kát sæðingarstöðvarhrút og Sóley.   Dorri svo fallegur. Hann er undan Sælu og Örvari og er með gulan fána og C151.   Steini með mjög mikil hornahlaup. Hann er undan Garp  og Mávahlíð og arfhreinn H154   X er líka með mikil hornahlaup og er svo mikil dúlla og mjög gæfur. Hann er undan Bríet og Klaka. Hann er hlutlaus gulur.   Sómi er líka með svakalega mikil hornahlaup og ég er svo spennt að sjá hvernig hann á eftir að gefa og reyndar spennt fyrir öllum hrútunum hvernig kemur undan þeim en ég hef mestar væntingar til Sóma hann er undan Snúru og Brimil sæðingarstöðvarhrút. Hann er með gulan fána og R171   Ég er búnað vera svo lánsöm að Emil er búnað vera mikið heima út af þorskveiðistoppinu og brælu svo hann hefur komið með mér í fjárhúsin á hverjum degi og Ronja kemur með okkur á helgum er stundum treg að koma með en þegar hún er komin finnst henni svakalega gaman og er svo dugleg. Ég kláraði að vinna á leikskólanum fyrir páskafrí og er núna komin í frí að sauðburði svo ég geti klárað að skipuleggja ferminguna hennar Freyju okkar sem verður 24 maí um Hvítasunnuna og þegar sauðburður byrjar verð ég á haus í því svo það verður mjög gott vera búnað gera allt klárt bæði fyrir sauðburð og fermingu áður en sauðburðurinn hefst.   Ég fór í heimsókn til Bárðar um daginn og hér er lambhrútur sem hann á undan Brúnó okkar sem dó í fyrra sumar. Þessi er gráflekkóttur og mjög fallegur ég er spennt að sjá hvernig lömb Bárður fær undan honum.   Hér eru gemlingarnir hjá Bárði og þessi fremsta er systir Tásu sem ég fékk hjá honum og þær eru mjög líkar þær eru undan hrút sem Bárður fékk frá mér og er undan Kleópötru og Jór sæðingarstöðvarhrút.   Hér er Tása en þessi mynd var tekin fyrr í vetur hún hefur stækkað talsvert núna þarf endilega að ná mynd af henni núna og bera þær saman það væri gaman.   Hér sést hrúturinn betur. Hann á ættir í Einbúa frá mér í móðurætt og Part sem var frá Óttari á Kjalveg.

Hér eru Freyja og Ronja duglegar að hjálpa til.

Hér er Ronja að knúsa Dögg sem er svo afskaplega blíð kind.   Snjónum var tekið fagnandi loks þegar hann lét sjá sig.   Ronja að fá smá blys afganga síðan á gamlárskvöld.   Benóný á leið á árshátið hjá Fsn.   Ronja búnað vera dugleg að hjálpa til í fjárhúsunum.   Hér eru gimbranar alveg sjúkar í hana.   Marri Már litli frændi kom í heimsókn í fjárhúsin og Ronja var að sýna honum kindurnar svo gaman.   Hér er Maggi bróðir minn með Marra sinn í heimsókn í fjárhúsunum. Við sprautuðum kindurnar á sunnudaginn 15 mars við lambablóðsótt  fyrri sprautuna. Hér er Emil að halda kindunum meðan Siggi sprautar og Kiddi réttir næstu sprautu þegar ég er búnað draga upp í sprautuna.

Kósý hjá Ronju og Emil í pottinum.

Hér er skvísurnar í pottinum. Freyja, Ronja, Erika og Embla.

Hér erum við öll saman að borða í Krauma.

Þetta var mjög kósý bústaðarferð og við kíktum til Reykjavíkur í einn dag og fórum

svo upp á Akranes í mat hjá Steinari og Gullu og það var alveg dásamlegt og alltaf þvílík

veisla sem þar er í boði Gullu hún er svo mikil snillingur þegar kemur að bakstri eða eldamennsku og

alltaf svo gaman að koma til þeirra. Krakkarnir skelltu sér í sund með krökkunum og við vorum í heimsókn frameftir

kvöldi hjá þeim. Emil fór svo vestur á undan okkur því hann þurfti að fara róa og við fórum svo heim á sunnudeginum 

einum degi fyrr til að geta átt einn dag heima til að ganga frá og þvo og svona.

Þá byrjar ballið.

Þetta kom mjög vel út hjá okkur öllum.

Hjá Sigga eru Gemlingarnir 6 

3 eru með 2

3 eru með 1

kindur hjá Sigga eru 35

3 eru með 3

4 eru með 1

rest með 2

Hjá okkur eru gemlingarnir 25

5 voru hafðir geldir

2 voru sónaðir geldir

8 eru með 2

11 með 1

Kindur hjá okkur eru 66

1 með 4

8 með 3

3 með 1

Rest með 2

1 tvævettla var ónýt hún gengur alltaf aftur og aftur.

Alls er von á 164 lömbum af því eru 48 sæðislömb.

Hjá heimahrútunum hljóðar það svona

Prímus er með 5 

Tarzan er með 7 

Gummi Óla með 10 

Koggi með 4 

Álfur með 4 

Sómi með 22 

X með 11 

Steini með 17 

Dorri með 14 

Kakó með 2

Kútur með 8

Hrútur frá Friðgeir með 1

Dallas frá Óla Ólafsvík 11

Sæðishrútar fósturtalning hljóðar svona

Fursti með 2 

Faldur með 3

Hlekkur með 2 

Hrókur með 6

Verkur með 6

Flói með 3

Bryti með 6

Goði með 6

Magni með 4

Völusteinn með 4

Fáni með 2

Hróður 4

Þetta verður mjög spennandi.

Hér er Dorri búið að taka vírinn úr hornunum á honum og þau eru komin vel frá hjá honum.   Hér er Ronja að klappa gimbrunum.   Hér er hún með Söndru sem er undan Álf og Strönd .   Hér er Freyja umkringd af gimbrunum.   Búið að gefa eftir fósturtalninguna.   Freyja er búnað vera svo dugleg að fara á hestbak og hér er hún og Birgitta frænka  hennar komnar á hestunum fyrir utan húsið okkar.   Við Ronja fórum í göngutúr til ömmu Huldu inn á Dvalarheimili á nýju  hjólaskautunum hennar Ronju.   Hér erum við komnar inn til mömmu á Dvalarheimilið Jaðar.   Ég fór með mömmu á Þorrablót á Jaðri um daginn og það var alveg æðislega flott og gaman.   Hér er Ronja í dag öskudag og fór hún sem norn í skólann.

Sandra gemlingur er undan Strönd og Álf og er með 171 og gulan fána.

Nútella gemlingur er undan Kakó og Elku hún var sædd með Verk.   Hér eru gimbrarnar hans Sigga og mórurnar sem stelpurnar fengu frá Friðgeir og er sú stærri sem fékk nafnið Brownie hjá Freyju orðin mjög gæf en sú minni er ekki alveg búnað gefa sig en á eftir að verða spök líka.

Hér eru feðgarnir Emil og Benóný .

Þeir standa við þessa rétt sem er svakalega falleg og vel gerð.   Hér erum við hjónin saman búnað labba hringinn með Ronju og Benóný. Stelpurnar mínar þær Embla og Freyja fengu þessar mórauðu gimbrar í nýjársgjöf frá Friðgeiri á Knörr en þær heimtust seint og vorum við búnað hafa orð á því við Friðgeir að okkur langaði  í mórauða gimbur og hann gerði gott betur og afhenti þeim tvær sem Siggi og Kiddi fóru og  náðu í hjá honum. Stelpurnar voru að hjálpa til í haust að smala hjá Friðgeiri og fengu þetta að launum í staðinn ekkert smá fallegt og rausnarlegt af honum. Embla á þá minni og Freyja á þessa stærri.   Hér sést sú stærri betur.   Við fórum á þrettánda brennuna að kveðja jólin.   Benóný kom líka með okkur.   Það var svo vegleg flugveldarsýning líka. Af fengi tímanum að segja þá voru það 32 sem ég sæddi og af þeim héldu 25 Ég sæddi 8 fyrir Sigga og það héldu 4 af þeim  Í heildina voru þetta semsagt 40 sæddar og héldu 29 af 40.   Dorri var mjög seinn af stað og héldum við að við gætum ekkert notað hann en svo fór hann að lokum í gang og var notaður á 8 kindur. Það þurfti endilega að vera ein kind að ganga upp í gær 16 jan svo hún verður seinust að bera hjá okkur . Hann er með C 151 og gulan fána.   Steini fékk 8 kindur. Við vorum í erfiðleikum með hann því hann er svo skyldur mikið af fénu okkar svo við gátum ekki notað hann á margar en hann fór til Bárðar á Hömrum og var notaður vel hjá honum og svo voru fleiri sem komu með kindur til Bárðar og fengu að setja í hann. Steini er undan Garp og Mávahlíð. Hann er arfhreinn H 154 X er undan Klaka og Bríet og hann var notaður á 5 kindur. Hann er hlutlaus með gulan fána.   Kútur hans Sigga er undan Kát sæðingarstöðvarhrút.  Hann fékk 4 kindur. Hann er með H 154 og gulan fána.   Guðmundur Ólafsson er undan Guðmundu og Breiðflóa. Hann fékk 7 kindur. Hann er með H 154 og gulan fána.   Dallas er í eigu Óla Helga Ólafsvík og við fengum hann lánaðan því hann er af Dalalínunni og hann fékk 5 kindur. Hann er með ARR og gulan fána.   Hér er Sómi sem er undan Snúru og Brimil sæðingarstöðvarhrút og hann er alveg óskyldur öllu hjá okkur svo við gátum notað hann vel og ég hef mikla trú á honum svo hann fékk flestar kindur eða 12 stykki. Hann er með ARR og gulan fána. Álfur er undan Álfadís og Bjarka sæðingarstöðvarhrút og er með ARR og gulan fána. Hann fékk 3 kindur.   Kakó sá mórauði fékk eina kind hann er hlutlaus. Koggi sá hvíti er undan Slettu og Laxa sæðingarstöðvarhrút og er með N 138 og H 154.   Tarsan fékk 4 kindur hann er með ARR og gulan fána og er undan Móbíldu og Gullmola sæðingarstöðvarhrút.   Prímus er hlutlaus og er undan Val og við fengum hann frá Hjarðarfelli sem lambhrút. Hann fékk 2 kindur. Hann fór svo á Álftavatn til Jökuls og verður í eigu hans því við erum búnað full nota hann hjá okkur.   Sæðingarhrútar sem við eigum von á að fá lömb undan eru eftirtaldir. Fursti með eina kind. Faldur með eina kind. Hlekkur með eina kind. Hrókur með 3 kindur. Völusteinn með 2 kindur. Fáni með eina kind. Hróður með 2 kindur. Magni með 2 kindur. Goði með 3 kindur. Bryti með 3 kindur. Verkur með 3 kindur. Flói með 3 kindur. Samtals með sæðingum voru notaðir 24 hrútar og það var allt saman handteymt í kindurnar því það var löngu fyrirfram ákveðið og pælt hverjir ættu að fara á hverja kind upp á skyldleika og ræktun. Það voru tvær lambgimbrar hjá okkur sem ég sá aldrei ganga og ég hætti að leita í þeim í dag 17 jan  svo þær fá að vera geldar annars eru 3 aðrar sem ég ætla að hafa geldar því ég vil að þær fái að  stækka meira og verða þá bara fallegri kindur næsta haust. Fengum þá Jón Viðar og Lárus Birgisson í heimsókn í fjárhúsin í dag og hér eru þeir með Sigga og Kidda í fjárhúsunum inn í Tungu. Jón Viðar hafði samband við mig í vikunni og boðaði komu sína og Lárusar að þeir ætluðu að fá sér rúnt á Snæfellsnesið í heimsókn til nokkra bænda og það var okkur heiður að taka á móti þeim og sýna þeim samyrkjubúið okkar í Tungu hjá Sigga. Það var mikið spjallað og gaman að hlusta á allar upplýsingar og fróðleik sem þeir hafa mikla reynslu af sauðfjárræktinni gegnum tíðina og deila með þeim ættum og skoðunum okkar á ræktuninni.

Freyja Naómí orðin spennt fyrir áramótunum.

Ronja Rós líka mjög spennt.   Benóný Ísak orðinn mjög spenntur hann elskar áramótin því honum finnst svo gaman að skjóta upp og kveikja smá bál. Bói afi þeirra fór með þau á brennuna sem var á Breiðinni og var með stærri sem hefur verið. Við vorum með léttreyktan lambahrygg og svínahamborgarahrygg í matinn. Hér eru borðskreytingarnar.   Hér erum við komin til Jóhanns og Þórhöllu og skjóta upp rakettunum.   Við fórum svo heim um hálf 2 og tókum spil heima með Eriku og Emblu.

Þann 29 nóvember fórum við í skírn hjá Módísi Maríu dóttir Karítas frænku og Daníels

það var svo falleg og yndisleg athöfn heima hjá þeim.

Módís María Husgaard svo falleg og svo fallegt nafn. Nú eru Maja og Óli búnað fá bæði nöfn í höfuðið á sér alveg yndislegt svo dýrmætt að fá svona tvö barnabörn á sama aldri hjá börnunum sínum þá verða þau svo miklir félagar.   Maja stolt amma með Módísi Maríu og mamma stolt langamma.   Mamma og Ronja Rós með kisu.   Hér er verið að reka hestana upp í Fossárdal 30 nóvember og þeir verða þar þangað til þeir eru teknir inn milli jóla og nýárs.   Ronja Rós inn í Tröð út á Hellissandi en þar var dansað í kringum jólatréð og jóalsveinarnir komu í heimsókn og gáfu glaðning og dönsuðu og sungu með krökkunum.   Það var svo heitt kakó líka.   Aðventugleði var í Snæfellsbæ og búðir opnar lengur þann 4 desember.   Freyja kom með okkur líka það var kósý stemming á Sker Restaurant og gefið heitt kakó úti.   Malla kisan okkar stækkar og hefur það kósý hjá krökkunum.   Við Ronja á kvöldgöngu í fjörunni þann 8 desember.   Búið að vera svo gott veður undarfarið og alveg yndislegt að fara í göngu á kvöldin.

Hér eru tvö svona tæki sem kostar meira í en þau eru þess virði þau fara upp í loft og og hreyfast upp og niður og eitt

tækið fer í hringi og á hvolf og þú ert í rússibana mjög skemmtilegt.

Hér eru Freyja og Aron besti vinur hennar hann kom með okkur til Reykjavíkur núna rétt fyrir jól.

Hér eru þær sem voru sæddar fyrsta daginn. Það voru þrjár sem fengu með Verk og þrjár með Hrók. Við hleyptum til á fyrstu þann 9 des og það voru 4 sem gengu þá.   10 des var ein sem við hleyptum á.   13 des voru svo fáar að ganga að ég tók ekki sæði og hleypti á eina sem var þá. Við sæddum svo til 19 des og það voru 32 sæddar hjá okkur og svo sæddi ég 8 fyrir Sigga. Svo samtals hjá okkur öllum voru þetta 40 ær sæddar.   Við notuðum Magna, Fald, Hrók, Völustein, Verk, Goða, Flóa, Bryta, Mána, Hlekk, Hróður , Fána og  Fursta svo það verður spennandi að sjá hvernig það kemur út.   Við byrjuðum svo að hleypa til 20 des . Það voru 5 að ganga þá .   Annars hefur bara gengið fínt og við erum auðvitað að leita á hverjum degi og teyma svo einn og einn hrút eftir því hvaða  kind hann á að fara á því það er allt útpælt frá skyldleika og hvað passar saman hvernig við röðum í þær. Kristinn lenti í því óláni að vera með brjósklos og þurfti að fara í aðgerð í desember svo hann hefur þurft að taka því rólega og einbeita sér að ná sér . Aðgerðin tókst vel og honum líður mun betur núna. Ég hef fengið mikla aðstoð hjá Sigga og hann hefur leitað fyrir mig á morgnanna og svo þegar ég kem þá færum við þær sér í stíu sem á að sæða og svo gef ég þeim og fer heim og sæði svo eftir hádegi.