Færslur: 2020 Desember

30.12.2020 21:48

Gleðileg jól og farsælt komandi ár

Við óskum ykkur Gleðilegra jóla og farsældar á komandi ári og þökkum innlitið á síðuna

á árinu sem er að líða. Við áttum kósý jól í sveitinni hjá Freyju tengdamömmu og Bóa.

Við fórum í fjárhúsin öll saman eins og vaninn er þessa dagana krakkarnir eru svo duglegir

að koma með okkur finnst svo gaman í kindunum og hjálpa til við að gefa.

Þetta var svo rosalega fínt við borðuðum í sveitinni svo við þurftum ekkert að vera stressa

okkur að vera fljót í fjárhúsunum til að fara stússast í matnum og eins og ég vissi var mest

að ganga á aðfangadag eða 8 stykki plús þessar 5 sem voru deginum áður. Við teymum

hrútana í hverja á enda vel skipulagt að útpælt hvaða hrútur fer á hvaða ær.

Við fórum svo heim eftir matinn og opnuðum pakkana heima hjá okkur fram eftir kvöldi og

borðuðum svo eftir réttinn heima hjá okkur og Freyja,Bói og Jóhanna voru með okkur svo

kíkti Maggi bróðir í heimsókn til okkar eftir að hann var búnað vera í mat hjá Maju systir.

Hér erum við að borða í flottu nýju viðbyggingunni hjá Bóa og Freyju sem hann bætti við

núna í sumar sem stækkun á stofunni og er svona sólstofa.

Flottir saman Benóný og afi Bói.

Jólatréð hjá Freyju í sveitinni nett og lítið.

Benóný að borða jólamatinn sinn brauðstangir.

Litla jóla prinsessan hún Ronja Rós.

Hér eru þau að fara opna pakkana frá ömmu sinni og afa.

Fengu svo flotta hnetubrjóta.

Freyja með sinn hnetubrjót.

Benóný með sinn og svo fengu þau kósý galla líka.

Hér eru þau alveg dásamleg í þessum frábæru göllum sem þau fengu frá Freyju og Bóa.

Emil sá um sósuna á aðfangadag í sveitinni og svo vorum við með aspas súpu í forrétt sem

Jóhanna frænka hans sá um að gera.

Ég og Emil fengum svo líka stóran hnetubrjót ekkert smá flottur og bleikan uppáhalds

liturinn minn.

Við vorum búnað pakka inn pakka fyrir Myrru með harðfisk og setja undir jólatréð og þegar

við komum heim úr matnum var hún sko búnað finna pakkann og tætan í frumeindir fyrir

framan hurðina he he og hún og Donna greinilega verið fljót að borða harðfiskinn.

Svo var komið að stundinni sem allir voru búnað vera svo þolinmóðir að bíða eftir og það

er að opna pakkana og það var lesið á og rétt í réttri röð eftir því hvað var frá hverjum og

svo skrifaði ég niður hvað þau fengu.

Aðal spurningin var hvað er í stóra pakkanum og þar næst stærsta pakkanum.

Það var reynt að ná góðri fjölskyldumynd af okkur saman en Ronja var ekki alveg á þvi

að brosa eða horfa á myndavélina he he.

Ronja Rós að fara opna pakka með pabba sínum.

Benóný Ísak fékk svaðalega byssu frá Dagbjörtu frænku og fjölskyldu.

Embla Marína að fara opna nærst stærsta pakkann og þar leyndist nokkrum pökkum innar

lítill pakki með heitasta draumnum hennar síma sem hún er búnað bíða lengi eftir og var

alveg í skýjunum að fá loksins síma.

Svo var komið að Freyju að opna stóra pakkann sem var mikið búið að giska á að væri

sjónvarp en það kom svo heldur betur í ljós að svo var ekki.

Því þar leyndist jólahjól he he og hún var mjög ánægð með það og við vorum búnað

pakka því inn í sjónvarps kassa svo þær voru alveg vissar að þetta væri sjónvarp og voru

heldur hissa þegar hjólið kom í ljós.

Embla fékk spilið kjaftaska og hér eru þær glæsilegar með það he he.

Marta frænka kíkti í heimsókn með litlu frænku hana Brynju Katrínu og þær voru

kátar saman og Ronja alveg hissa þvi hún hefur ekkert hitt svona lítil börn og skoðaði

hana bak og fyrir og var mjög forvitin að elta hana.

Hér eru þær sætu saman að spila á píanóið og dansa.

Mamma var svo með jólaboðið sitt á jóladag.

Hér erum við heima hjá mömmu í fjölskyldu boðinu.

Ronja Rós í kjól af mér síðan ég var lítil.

Ronja Rós í fjárhúsunum hún varð 15 mánaða núna 27 des. Hún er farin að bæta talsvert við

af orðum og farin að apa eftir sem maður segir henni að segja og farin að tengja tvö orð segja koddu koddu og mamma hva ert að gera og hva er þetta. Segir svo mjög skýrt mamma

babbi Embla Freyja Benóný amma afi og kallar Jóhönnu frænku sína líka ömmu. Hún segir

lika Myrra kisa og Donna voffi. Elskar lagið savage love og dansar og dansar með systrum

sínum tik tok dans við það lag. Hún segir namm namm við mat og þegar hún er svöng og

elskar að fara í bað og segir bað og bendir og segir þetta ef hún vill fá eitthvað. Hún er mikil

vinnukona og er að allann daginn að tæta og finna upp á einhverju til að príla upp á og er

búnað fá nokkrar flugferðir úr sófanum þegar hún er að hlaupa í honum en sem betur fer er

motta á gólfinu sem gerir lendinguna mjúka. Hún er líka sjúk í að taka alla skó af fólki sem

kemur í heimsókn og máta þá. Nýjasta nýtt hjá henni er að slá sig í hausinn ef hún fær ekki

það sem hún vill þá lemur hún með báðum höndum á hausinn á sér og fer í mikla ákveðna

fýlu he he.

Fengitíminn er langt gengin og er að komast hringinn og eitt lamb er gengið upp úr

sæðingunum sem ég sæddi fyrsta daginn eða 14 des með Glitni svo verður það núna

næstu þrjá til fjóra daga sem getur gengið upp ef það gengur upp. Ég ætla krossa fingur

að það haldi ég vona það allavega svo innilega. Hér er hann Bolti hann hefur verið duglegur

og fékk flestar ær hjá okkur þennan fengitíma. Ég á eftir að setja inn hversu margar ær

þeir fengu þegar það er komið í ljós hvernig þetta endar.

Við mamma fórum inn á Brimisvöllum og kíktum á pabba og Steina frænda og Ragga

frænda og kveiktum á friðarkerti hjá þeim. Blessuð sé minning þeirra.

Það var svo yndislegt veður og alveg logn og hér sést útsýnið úr garðinum yfir í

sveitina fögru Mávahlíðina. Fjöllin eru svo falleg.

Hér er svo Brimisvallarkirkja í blíðskapar veðrinu í dag rétt áður en fór að rökkva.

Benóný fékk þetta titanic skip frá Maju systir og fjölskyldu og var alveg alsæll með það og

fór strax með það í bað til að láta það sökkva þetta er búið að vera draumur hjá honum í tvö

ár að eignast svona svipað og auðvitað var þetta flottasta gjöfin og hitti beint í mark.

Það eru svo fleiri myndir hér inn í albúmi af jólunum og fleira.

Tengill á færslu

Bæta við áliti

Sýna álit

22.12.2020 23:58

Gleðileg jól og gleðilegan fengitíma kæru síðuvinir

Fengitími og jólaundirbúningur er á fullu hjá okkur þessa dagana. Fengitími gengur rólega og hafa verið í mesta lagi 5 ær á dag annars bara 2 til þrjár nýjar á dag. Ég held að aðal gusan verði akkúrat á aðfangadag og yfir jólin. Það hefur verið bræla hjá Emil mér til mikilla gleði þá fæ ég aðstoð við fengitímann. Ronja er mikið að þroskast þessa dagana og er farin að bæta mikið við orðaforðann sinn og skilur mikið sem maður segir henni ef maður biður hana að rétta sér hluti eða gefa einhverjum hluti þá gerir hún það. Hún elskar enn þá síma og fjarðstýringar og elskar að stríða pabba sínum og taka fjarðstýringuna og grýta henni í gólfið ef hann ætlar að taka hana af henni. Hún er uppátækjasöm og fann upp lítinn koll sem hún á og tekur hann út um allt og fer upp á hann og prílar upp á stól og upp í rúm og fann upp á þessu alveg sjálf og er alveg rosalega montin með sjálfa sig að komast allt sem hún ætlar sér.

Benóný var aldeilis montinn þegar við komum honum á óvart með að fá Belg hanann

hans í heimsókn og fengum jólaföt hjá Maju systir lánuð til að klæða hann og Donnu í og

taka flotta jólamynd af þeim saman. Hann á svo yndislega ömmu Freyju og afa Bóa sem

gera allt fyrir hann og eiga þessar yndilslegu hænur og hana sem hann elskar.

Hér eru börnin okkar Benóný Ísak,Belgur hani,Embla Marína heldur á Ronju Rós og Freyja

Naómí heldur á hundinum okkar Donnu. Með þessari mynd viljum við senda ykkur kæru

vinir Gleðilegra jóla og farsældar á nýju ári og takk fyrir innlitið á síðuna á árinu sem er að

líða.

Hér eru þau yndislegu okkar með Belg hanann hans Benónýs.

Benóný okkar gerði jólasögu og vann verðlaun fyrir bestu söguna og fékk svo söguna

birta í bæjarblaðinu Jökli ekkert smá flott hjá honum við erum svo stolt af flotta stráknum

okkar sem er upprennandi rithöfundur.

Embla og Freyja að skreyta jólatréð.

Við hjónin vð jólatréð og búið að skreyta.

Krakkarnir svo dugleg að koma með okkur í fjárhúsin og hér eru þau hjá uppáhalds

hrútnum sinum honum Kaldnasa.

Hér er Þór lambhrútur undan Ask að sinna henni Einstök.

Kaldnasi og Rósa.

Bibbi og Magga Lóa hér á eftir að koma skrautlegt.

Freyja að hjálpa til að setja lýsið.

Embla og uppáhalds kindin hennar Hrafna.

Kristinn Bæjarstjóri yfirsópari.

Hitti akkúrat á að þegar Kristinn var í húsunum var gimbrin hans að ganga hún Tuðra og

fékk Óðinn heiðurinn að fara á hana. Ekki alveg búnað koma sér í rétta stellingu.

Óðinn er 89,5 stig og er undan Vask sem var undan Ask. Svakalega fallegur hrútur.

Hér er Bolti hans Kristins hann var hjá Gumma Óla í æfingarbúðum og fékk þar nokkrar

dömur svo hann er vel í æfingu núna að byrja hjá okkur.

Embla sýnir mikinn metnað og hér er hún með Kaldnasa í bandi meðan hann fer á Ósk

kindina hennar Freyju. Þær eru svo rosalega duglegar stelpurnar okkar og þetta er svo

gaman þegar krakkarnir sýna áhugamálinu okkar svona mikinn áhuga þá er þetta svona

gæða fjölskyldu stund að fara öll saman í fjárhúsin.

Ronja fær engu ráðið og er tekin með en leiðist það þó ekki og er óhrædd að skottast með.

Hér er hún að labba í jötunni og lætur sko ekki heypoka stoppa sig og prílar yfir.

Hér er hún ofan í kró og Snærós hennar Emblu að sníkja klapp hjá henni.

Hér er Dagur sem er undan Mínus sæðingarstöðvar hrút og er lambhrútur frá okkur að fara á hana Kórónu sem er undan Mosa hans Gumma Óla og Gyðu Sól.

Hér eru gullin okkar í hlöðunni.

Ronja Rós dugleg að hjálpa til að setja pakkana undir tréð.

Hér er kollinn sem Ronja dröslast með út um allt til að komast leiða sinnar.

Hér er hún komin upp í rúm.

Hér er Ronja og amma Hulda svo miklar vinkonur.

Að kanna heiminn úti er svo spennandi.

Aðeins að skoða snjóinn út í garði.

Svo gaman og allt svo bjart og fallegt þegar snjórinn er kominn.

Með pabba sínum .

Svo miklir félagar Benóný og Belgur.

Það eru svo fleiri myndir hér inn í albúmi.

Tengill á færslu

Bæta við áliti

Sýna álit

16.12.2020 22:19

Sæðingar hafnar og heimsókn til Jóa og Auðar á Hellissandi

Ingibergur eða Bibbi fékka að spreyta sig á fyrsta lambinu sem var að ganga hjá okkur

það var hún Kleópatra og það var 12 des. Mávadís fékk svo 13 des með Þór. Síðan fór ég

að sæða 14 des.

Ég sæddi í þrjá daga og það var nú ekki mikið að ganga það var aðeins eitt lamb hjá mér

fyrsta daginn og tvær kindur hjá Sigga og fengu þær með Glitni.

Annan daginn voru tvær kollóttar og tvær kindur frá Sigga og eitt lamb hjá mér og þá sæddi

ég með Kost fyrir Sigga,Viðar fyrir mig og Sigga og svo Tón á þessar kollóttu.

Þriðja daginn var ein kollótt hjá mér og fékk hún með Tón svo tvær aðrar hyrndar sem ég

sæddi með Glitni og ein fyrir Sigga. Við ætlum að láta þetta duga af sæðingum í ár og reyna

að nota hrútana okkar svo við fáum góða reynslu á lambhrútana okkar.

Hér eru þær tilbúnar fyrir sæðinguna og Lóa sem var að ganga líka þarna hinum megin

fylgist forvitin með en hún fékk með Kol frá okkur ég vildi ekki sæða hana því ég vil fá

mórautt hjá henni.

Kíktum í flottu og hlýlegu fjárhúsin hjá Auði og Jóa. Hér eru vinirnir Jói og Gummi í

kaffistofunni.

Þar er alltaf nóg gleði og glens og heitt á könnunni. Snilldar kaffistofa sem er með glugga

til að fylgjast með kindunum.

Hér er Móri hjá þeim að sinna störfum sínum.

Og lambhrúturinn frá Gumma að sinna sínum hjá Jóa.

Fallegur hrútur hjá Gumma sem Jóa fékk hjá honum hann er með 19,5 í læri en er aðeins

farinn að leggja af sérstaklega á þessum tima en það sést vel að hann er mjög vel gerður.

Hér eru gimbrarnar þeirra.

Hér sjást þær betur.

Þessi móflekkótta í horninu er frá okkur og er Blíða við létum Jóa hafa hana í haust.

Urður sú gráflekkótta er líka frá okkur og er rosalega falleg og góð kind en hún gekk á

leiðinlegum stað hjá okkur á rifinu í Tungu og var oft í hættu við að flæða svo við vildum

koma henni frá okkur og ekki verra að hún sé í flottum höndum hjá Jóa og Auði sem alveg

dekra við kindurnar sínar.

Hér er Emil með Ronju Rós okkar í fjárhúsunum hjá þeim og eins og þið sjáið eru komin

jól hjá þeim og þau skreyta alla glugga með jólaseríum ekkert smá kósý hjá þeim.

Það eru svo fleiri myndir af heimsókn okkar hér inn í albúmi.

Tengill á færslu

Bæta við áliti

Sýna álit

16.12.2020 22:00

Freyja Naómí 8 ára

Elsku yndislega jólabarnið okkar hún Freyja Naómí var 8 ára þann 12 desember og var búnað bíða mjög spennt eftir deginum. Það var ekkert barna afmæli þetta árið en hún fékk fjölskyldu afmæli í staðinn og var mjög ánægð með það. Hún fékk mikið af Barbie og fleira og þetta var frábær dagur hjá henni. Núna bíður hún bara spennt eftir jólunum sem hún alveg elskar hún er alveg ekta desember barn og fékk líka frábæra afmælisgjöf að fá að

njóta þess að pabbi hennar væri ekki út á sjó heldur með henni á afmælisdaginn.

Hún valdi marenstertuna sem ég baka yfirleitt fyrir afmæli og við skreyttum hana með

súkkulaði og jarðaberjum og bláberum sem hún elskar.

Hér er hún með pakkana sína.

Hér eru systurnar að setja á sig gervineglur sem Freyja fékk í afmælisgjöf frá Karítas frænku

sinni.

Bjarki frændi þeirra kom í afmælið.

Hér erum við mæðgurnar saman.

Það sjóaði aðeins um daginn og stóð nú ekki lengi en krökkunum tókst að henda í nokkra

snjókarla.

Það er svo alltaf kraftur í Sigga og Kristinn að smala fyrir Friðgeir hér eru þeir búnað ná

nokkrum stykkjum og eru á leiðinni að króa þær af við girðinguna í Geirakoti þegar við

Bói vorum að keyra heim úr fjárhúsunum og við stukkum út og aðstoðuðum þá að ná þeim.

Tengill á færslu

Bæta við áliti

Sýna álit

04.12.2020 18:16

Ásettningsmerkin sett i og heimsókn til Bárðar.

Settum ásettningsmerkin i dag í lömbin og fórum svo í heimsókn til Bárðar og kíktum á Hörpu sem er í fóðrun hjá Bárði fyrir Benóný og svo kíktum við á hinar sem hann fékk hjá mér og ég

er ekki frá því að þær hefðu þekkt okkur þær komu og vildu fá klapp og Nál fékk klapp á bakið hún var alltaf vön að fá nudd þegar ég sópaði króna og hún var ekki búnað gleyma því.

Benóný kíkti svo á hænurnar hjá Bárði og ungana og var alveg alsæll með það. Dagur

hrúturinn okkar undan Mínus og Sóldögg er í fóstri hjá Bárði í vetur og við settum ásettnings

merkið í hann.

Hér er hún Lísa með merkið sitt. Hún verður höfð geld.

Þetta er Epal.

Hér eru Þór og Óðinn.

Hér er svo Dagur sem er hjá Bárði.

Flottur hópur hjá Bárði á Hömrum hér er hluti af ásettnings gimbrunum.

Ronja kom með okkur í fjárhúsið hjá Bárði kappklædd í kuldanum sem er núna.

Embla Marína með Ronju Rós í hænsnabúinu á Hömrum.

Hér er Benóný með einn unga sem hann var svo rosalega hrifinn af.

Ronja Rós svo fín í nýju peysunni sem Þórhalla Bankastjóri var að prjóna á hana.

Benóný að hrekkja ömmu sína og sleppti hænum inn í þvottarhús og lokkaði Ronju

inn til að gá hvernig við myndum bregðast við að sjá hænurnar þar he he.

Við mæðgurnar vorum að baka um daginn og hér eru Embla og Ronja að sleikja

eftir baksturinn.

Bökuðum bleika formköku og settum svo súkkulaði yfir hana.

Alltaf gaman að koma í fjárhúsin ég tók þessa mynd um daginn áður en það var tekið af

og hér eru vinir krakkana Aníta og Þráinn með Emblu og Freyju og þau eru með gæfu

gemlingunum okkar.

Bjarki Steinn frændi þeirra kom líka með okkur eina helgina.

Jæja það styttist óðum í fengitíma og er ég að auka gjöfina smátt og smátt og byrjaði

að gefa lýsið í dag. Planið er að byrja sæða í kringum 11 des.

Tengill á færslu

Bæta við áliti

Sýna álit

03.12.2020 14:00

Vigtað ullina og fært gimbrarnar

Vigtaði ullina og gekk frá pokunum sem eru nú ekki nema 9 þetta árið.

Hér eru pokarnir klárir.

Við vorum fyrst með veturgömlu á móti lömbunum en mér fannst ég ekki ná að fóðra þær

nógu vel þannig svo ég færði veturgömlu saman við kindurnar og hef núna lömb á móti

lömbum og tók sér lömbin sem ég ætla að hafa geld en þau eru 6 í heildina.

Er byrjuð að auka við fóðrunina fyrir fengitimann.

Ronja Rós er dugleg að borða egg.

Fin í fínhreyfingunum og rífur eggið niður og borðar hluta af því og svo fer dass á gólfið.

Umm svo gott.

Embla Marína dóttir okkar gleymdi lestrabókinni sinni í skólanum um daginn og las hún

hrútaskrána í staðinn og hefur mikinn áhuga á henni svo nú þarf að fara stúdera hrútana

áður en maður fer að sæða.

Tengill á færslu

Bæta við áliti

Sýna álit

Færslur: 2020 Desember

30.12.2020 21:48

Gleðileg jól og farsælt komandi ár

22.12.2020 23:58

Gleðileg jól og gleðilegan fengitíma kæru síðuvinir

16.12.2020 22:19

Sæðingar hafnar og heimsókn til Jóa og Auðar á Hellissandi

16.12.2020 22:00

Freyja Naómí 8 ára

04.12.2020 18:16

Ásettningsmerkin sett i og heimsókn til Bárðar.

03.12.2020 14:00

Vigtað ullina og fært gimbrarnar

Tenglar

Tenglar

Tenglar