Velkomin á heimasíðuna okkar !

Dísa,Emil,Benóný Ísak og dýrin.

21.09.2010 14:06

Smölun 18 sept

Jæja það var smalaður Höfðinn á föstudaginn og gekk það mjög vel. Það var Ég, Maja og Snorri sem fórum og Bárður kom einnig og fylgdist með. En auðvitað gekk ekki allt að óskum því ein rolla og lamb gáfust upp niður í Búlandi og urðum við að skilja þau eftir. Það var svo mikill spenningur að reka inn og kíkja á lömbin en úr því að við vorum svo tímalega í því ákváðum við að taka hlíðina líka því þar er allveg slatti af fé og fór Maja og Óli upp í hlíð að sækja það og Bói fór upp og rak eina niður sem var allveg upp í klettum fyrir ofan Mávahlíð og stóð hann svo fyrir þegar þau komu með hitt féið. Þetta gekk allt saman allveg eins og í sögu og þær skiluðu sér allar heim sem voru þar.
Á laugardaginn var svo ferðinni heitið upp í Urðir og að Kaldnasa og fóru Maja og Óli þangað enda í þrusu formi. Bói og Emil fóru í að laga girðinguna svo þetta myndi haldast inni og fóru svo með Snorra á fjórhjólinu að ná í Doppu og lambið sem urðu eftir í gær inn í Höfða. Ég Siggi og Hannes fórum upp í Tungufell og þaðan upp í Svartbakafell og var það býsna erfitt ég hélt ég væri í góðu formi eftir allar þessar gönguferðir með Benóný en svo virtist ekki vera þegar maður fer í 3 tíma göngu án þess að stoppa  og átti maður eftir að labba nokkra tima í viðbót á leiðinni niður. Ég var allavega allveg kolsveitt en maður hafði samt sem áður bara gott af þessu svo fóru Siggi og Hannes ofar og ég fékk smá pásu til að hvíla mig þegar ég fór neðar og beið eftir að þeir kæmust upp fyrir rollurnar.  Gerða í Tungu tók svo á móti okkur með kaffi ,kökum og kræsingum sem voru vel þegnar eftir langann göngutúr. Eftir það var spenningurinn orðinn svo mikill að það var rekið inn og farið að skoða og þukkla og því næst vigtað allt saman.
Það voru nú ekki margar rollur frá okkur þarna því þegar við vorum búnað reka inn kom í ljós að það voru 20 frá Knörr og Litla Kambi og svo var einnig frá Óla á Mýrum,Geirakoti,Gaul,Ólafsvík,Hellissandi og meira segja frá Agnari í Stykkishólmi.
Hér eru stóru pungarnir hennar Ronju sem fæddust 20 Mars enda eru hornin ekkert smá stór hjá þeim en þeir fengu nöfnin Beggi og Pakas á sauðburðinum. Ég hafði miklar væntingar um þá þeir eru undan Prúð hans Sigga og fæddust þrílembingar en einn drapst í fæðingu. Mér var þá sagt að svona fyrirburðar lömb væru oft slakari en hin því þau eru svo snemm fædd að þau fara að leggja fyrr af og þá er ekki eins gott að taka á þeim eins og hinum þannig að það verða kanski ekki neinar væntingar með þau sem fæddust svona snemma. Það kom nú svo í ljós að annar hrúturinn er gallaður hann er með trönu svo það verður ekkert úr skoðun á honum.

Hérna er hann Móri sem er undan Þrumu og Bjarka hans Gumma, það verður gaman að vita hverning hann kemur út. Það er einnig mórauð gimbur á móti honum.

Hérna er hún Hlussa með hrútana sína undan Topp sem voru á seinna gangmáli og fæddust ekki fyrr en 30 maí svo það er mikill munur á þeim og hrútunum sem fæddust í mars. En mér til mikilllar sorgar fór ég rúnt inn eftir í dag og var þá annar þeirra búnað vera afvelta út á túni og var steindauður og helvítis hrafninn náttúrulega búnað  fara í hann og plokka augun og gera gat á magann þeir eru svo fljótir að finna þetta uppi. Já útlitið er frekar svart þessa dagana það vantaði hrútinn undan Vafa hjá Aríel og svo vantar örugglega eina gimbur undan Hrímu hvíta sem ég ætlaði að skipta við Bóa á og hann fengi mína mórauðu en hann fær hana en ég verð bara finna einhverja aðra en svona gengur þetta það er ekki alltaf hægt að fá allt sem maður vill. Já til að bæta gráu ofan á svart þá náði Bói rjúpna unga sem hann var búnað vera með hjá hænunum og var aldeilis lukkulegur með hana en nei þá var hún dauð þegar hann kom til baka þegar við vorum búnað smala hafði kramist einhverstaðar á milli.

Það verður auðvitað að fylgja smá vandamál í smölun og festist einn bílinn sem var með kerruna til að ná í rollu sem gafst upp og var þá bara reddað því og dró Hannes á Leirárgörðum Emil upp svo það vandamál var fljótt úr sögunni. Hér má svo sjá Óla ,Snorra og Bóa aðstoða.

Hér er Bói og Siggi að halda kindinni sem gafst upp.

16.09.2010 19:09

Hrútasýning veturgamla á Mýrum 15 sept

Jæja það fór vel fram hrútasýninginn á Mýrum í gær og var þar saman komnir bestu veturgömlu hrútarnir á svæðinu. Það var vel mætt og mikill spenningur að fylgjast með stigun og þukkli hjá reyndum mönnum. Það var svo kjötsúpa að hætti Dóru og brauð með eggi úr búinu hans Bárðar og var það allveg til fyrirmyndar. Það var svo farið í úrslitin og var byrjað á kollóttu hrútunum og var það Gunnar á Kolgröfum sem skipaði fyrsta sæti þar og Óli Tryggvar í öðru en svo átti Gunnar á Kolgröfum líka þann sem var í þriðja. Í flokki hyndra hrúta var Óttar í fyrsta sæti með hrút sem var 87 stig og með 19 í læri feikilega góð skepna. Í öðru sæti var Moli frá okkur sem ég fékk hjá Önnu og Jón Bjarna og í þriðja sæti var Óli á Mýrum. Í flokki mislitra var hrúturinn Uppi sem vann í fyrra lambhrútasýningu mislitra í fyrsta og er í eigu Lalla. Í öðru sæti var Jensína og Andrés með hosóttan hrút. Í þriðja sæti var svo hann Rambó sem er í eigu okkar.

Vinningshafar í kollótta flokkinum.

Óttar með vinningshrútinn í hyrnda flokknum. Hann heitir Morgunn.

Hér er til hægri hrúturinn hans Lalla í fyrsta sæti og Jensína í öðru sæti og Emil með Rambó í þriðja sæti.

Ég varð að fá eina mynd af mér með Rambó sem stóð sig svo vel. Þ/F 100 kíló fótl 124,
ómv 37 ómf 6,5 lag 4,5.
Hér er stigunin á honum. 8 8,5 8,5 9 8,5 læri 17,5 ull 7 fætur 8 samr 9 alls 84 stig.

Hér er svo mynd af Mola sem var í öðru sæti. Hér er stigunin á honum.
8 9 8,5 9 9 læri 18,5 ull 7,5 fætur 8 samr 8 alls 85,5.
 Þ/F 91 kíló,fótl 117, ómv 36 ómf 6,2 lag 4,5.

12.09.2010 10:19

Hæsnakofinn hjá Freyju og Bóa og lambaskoðun hjá Bárði og Eiríki.

Það er sko búið að vera nóg að gera hjá Bóa við að byggja nýja hæsnakofann og er hann núna tilbúinn. Hann er allveg hreint snilldar smiður hann Bói og er kofinn allveg 5 stjörnu lúxus hótel fyrir hænurnar.

Hér má sjá lúxus hótelið hjá Freyju og Bóa.

Ég og Emil tókum svo rúnt inn í Grundafjörð og var Bárður búnað reka inn. Við fórum náttúrulega og skoðuðum hjá honum og var það mjög gaman maður er orðinn svo spenntur að bíða eftir að fara sækja féið og reka inn og skoða en það verður ekki fyrr en á næstu helgi hjá okkur. Það var mikið af fallegum sæðingum hjá Bárði, sérstaklega botnóttur hrútur og bíldóttur undan Grábotna þeir voru afskaplega þéttir og fallegir. Það er svo merkilegt að segja frá því að það var keyrt á sæðing hjá Bárði í vor. Bárður tók hann heim og spelkaði hann og náði hann að lagast því næst var honum keyrt inn í Hólm og hann settur út í eyju. Þessi hrútur var kominn til Bárðar í gær og leit bar mjög vel út og Dóra fór að skoða hann og gat hún engan veginn fundið að hann hafi nokkuð brotnað svo það hefur allveg gróið að fullu alger snilld. Ferð okkar var svo heitið til Eiríks og Hreins. Þeir voru að reka inn líka og var þar líka mikið af fallegum lömbum en þótti mér einn hrútur bera mikið af og ein gimbur þau voru svo svakalega þétt að aftann allveg boltar. Það var svo skoðað og þukklað og Óttar kom líka til þeirra að skoða.

Botni og Bíldótti hrúturinn undan Grábotna hjá Bárði.

Dóra með sæðinginn sem brotnaði og náði sér allveg.

Hjá Eiríki feikna fallegur hrútur.

Séður aftann frá allveg bolti.

05.09.2010 11:31

Rollurúntur

Jæja það fer nú að styttast í uppáhaldstímann hjá flestum bændum og er spenningurinn alltaf að magnast. Allavega hjá mér því það er orðinn vani eiginlega að fara næstum rúnt á hverjum degi meðan Benóný sefur og kíkja á rollurnar og skoða. Ég fór einmitt um daginn og náði þá nokkrum myndum af lömbum inn í Höfða og svo er voða gaman að rúnta fram hjá Hömrum hjá Bárði því þar er svo mikið komið inn. Það er svo skondið að segja frá því að það fæddist gimbur í vor undan Skrautu sem var eins og móbotnótt yrjótt einhver ólitur og kölluðum við hana Ösku en það hefur nú ræst úr henni því hún er orðin bara gul sem er miklu skárra en hún var. Svölugrána er svo með myndarleg lömb undan Svart sem ég fékk lánaðan hjá Hreinn og er hann Kveik sonur. Það er svo nóg að gera hjá Bóa með hænurnar og er hann að byggja svaka hæsnakofa ekkert smá flott heit og fórum við þangað um daginn og var hann þá með hanan Bóaling inni en Benóný var nývakanaður og leist ekkert á hann fékk bara hroll þegar hann kom við hann he he. Mér til mikillar vonsvikni þá er hún Aríel tvæfættlan mín með 2 lömb undan Vafa sem Eiríkur lánaði mér og einu lömbin sem ég fæ undan honum búnað tapa öðru lambinu því hún er bara með gimbrina en ekki hrútinn sem ég var að vona kæmi vel út til rækturnar en svona vill þetta oft verða ef maður er með væntingar um eitthvað ákveðið.
Regína Golsudóttir tvæfættla með gimbur.

Hrútur og gimbur undan Svölugránu og Svart kveik syni.

Virka falleg að sjá að aftann.

Hérna er svo hann Bólingur hani með Perlu.



01.09.2010 20:07

Benóný byrjar að labba.

Jæja þá er litli strákurinn okkar ekki svo mikið lítill lengur því hann er byrjaður að labba út um allt hús og það sem er mest spennandi þessa dagana eru blómin mín og rótar hann upp moldinni og smakkar hana. Við erum sem sagt í því að skamma hann en hann setur bara upp striðnis svip og hlær. Við fórum í hestaferð seinustu helgi en ég tók ekki myndavélina með svo ég á engar myndir af henni en það var mjög gaman við fórum frá Búðum að Hofgörðum og þar var grillað og sumir gistu en við fórum bara heim um kvöldið og var Benóný hjá Huldu ömmu á meðan. Daginn eftir var svo riðið að Búðum aftur og hestarnir svo keyrðir heim.

Lukkulegur að elta Olíver um allt hús.



19.08.2010 23:01

Benóný Ísak 1 árs

Jæja tíminn er sko aldeilis fljótur að líða því litli sæti strákurinn sem er svo nýkominn í heiminn er orðinn árs gamall. Það var haldið kaffi fyrir hann og fjölskylda og vinir mættu og samglöddust honum það vantaði þó guðfeðurna tvo og var þeirra sárt saknað en þeir eru að byrja nám í lögfræði í háskólanum heldur betur flottur árangur hjá þeim Steinari og Magnúsi líka eins gott þeir þurfa að standa sig í guðfeðra hlutverkinu he he. Veislan gekk vel og er Benóný alltaf að fara meira fram í að labba og tók hátt í 23 skref í dag rosa montinn og fékk hann fullt af fallegum gjöfum bæði dót og föt og þakka ég kærlega öllum fyrir komuna og gjafirnar og vona að allir séu vel saddir og ánægðir því ég veit að Benóný er hæðst ánægður með daginn og ætlaði aldrei að sofna því það var svo gaman að öllu nýja dótinu en það hafðist og þá fengum við að klára að þrífa og slappa af. Maður er samt alltaf óskaplega feginn þegar svona afmæli og veislur eru búnar það er alltaf ákveðið stess sem fylgir þessu.

Stóri strákurinn okkar.

Allir segja sís og svo klikkaði ég allveg á að taka mynd af afmælistertunni ýkt fúl.

17.08.2010 20:04

Hænur og Hrútar

Það er allt að gerast í sveitinni hjá Bóa og Freyju því Bói er búnað unga út fullt af hænu ungum og nú eru þeir sko orðnir stæðulegir og hlaupa út um allt og ekki er það allt því hann er kominn með 40 egg í viðbót sem hann ætlar að unga út svo það verður kátt í koti. Benóný fékk náttla að kíkja á þær og klappa þeim og var pínu hræddur fyrst en svo lagaðist það allt saman. Hrútarnir voru inn á túni fyrir utan fjárhúsin svo við ákváðum að reka þá inn og klippa á þeim klaufarnar.  Golsa og Stjarna voru inn í túni líka með stóru hrútana sína sem fæddust fyrst og ætluðum við sko aldeilis að reka þær inn líka og taka á hrútunum sem virka svakalega flottir en nei hún Golsa stökk yfir girðinguna fyrst og hinar á eftir og svo náðum við henni aftur og Snorri Rabba og Kalli áttu leið hjá og ætluðu að hjálpa okkur en það tókst ekki betur en það að hún tók strauið beint út um hliðið sem var opið algjör synd að hafa ekki fattað að loka því sérstaklega þegar maður er að reyna reka hana. Svo þannig fór það og við fáum ekkert að skoða þau fyrr en í haust he he. Hrútarnir rötuðu þó beinustu leið inn og gekk það allt vel og Emil klippti þá alla og voru þeir bara nokkuð góðir það þurfti allavega ekki mikið að snyrta þá.

Hæna á grein.

Benóný Ísak að klappa þeim.

Hrútarnir Flekkur 08, Herkúles 06, Toppur 08, Moli 09, Rambó 09.

Upprennandi bændur á ferð Benóný og Birgitta voru svaka köld í fjárhúsunum.

13.08.2010 00:58

Akureyri og fleira.

Fórum á Akureyri á föstudaginn og Maja,Óli og Karítas líka og dvöldum við þar í fimm daga. Það var mjög fínt við kíktum á fiskidagana á Dalvík og þar var allt troðið af fólki. Við fórum svo í keilu og kíktum rölt í Lystagarðinum og Kjarnaskóg sem var allveg yndislegt og veðrið var allveg æði 20 stiga hiti og sól. Maja og þau fóru svo heim deginum á undan okkur en við vorum lengur og kíktum rúnt á Ólafsfjörð og Siglufjörð svo þetta var bara mjög gaman hjá okkur. Áður en við fórum á Akureyri kom Guðmundur Óli og Maggý í heimsókn með Lindu Mjöll og var Benóný var afar hrifinn af henni enda hljóp hún næstum um allt og hann var allveg óður að geta ekki farið á eftir henni en reyndi ákaft að labba svo þetta fer nú allt að koma hjá honum. Það eru myndir af þeim og ferðalaginu í albúmi svo endilega skoðiði og kommentið emoticon


Stoltur allveg að fara labba.

Bara flottastur.

Sæt saman Karítas Bríet og Benóný Ísak.

03.08.2010 16:21

Ferðalag á ýmsa staði

Byrjuðum á að fara í Hveragerði á Hótel Örk og vorum þar í tvær nætur og rúntuðum á Apavatn til Jóhanns og Þórhöllu og kíktum svo á Gullfoss og Geysi. Nærst fórum við svo í Húsafell og var Freyja og Bói með bústað þar og gistum við þar í tvær nætur og höfðum það kósý í heitapottinum og svo var brenna og brekkusöngur með Eyfa og var það mjög gaman við hittum einnig Ágúst bróðir hann var þar með fjölskylduna sína. Við fórum svo rúnt í Munaðarnes til Björk og Guðna og þar var Dagmar amma hans Emils og Dísa systir Freyju og þar var grillað æðislegan mat og spjalllað og þótti Benóný voða gaman að hitta langömmu og ættingja. Það er svo skondið að segja frá því að þetta er í annað skipti sem við fáum lánaðan tjaldvaginn hjá Freyju og hann er svo ekkert notaður fær bara að fara á rúntinn með okkur he he það hlýtur að koma sá tími að hann verði notaður. Jæja þetta verður þá ekki lengra en það eru svo fullt af nýjum myndum í albúminu.

Yndislegt veður í Mávahlíð.

Það er gaman að segja frá því að þessi ungi fæddist í vegkantinum í afleggjaranum í Mávahlíð og er það mesta furða að hann náði að komast til lífs því það var hálf hættulegt að verpa þarna sem bílar keyra ótt og títt í gegn.

Þeir braggast vel hænu ungarnir hjá honum Bóa.

Í Húsafelli.

Prinsinn fékk fyrirfram afmælisgjöf frá Maju og fjölskyldu og er hann vel montinn með slökkviliðsbílinn sinn.

27.07.2010 00:11

Ættarmót í Mávahlíð

Jæja ég vil bara þakka ykkur Brynju og Steina fyrir vel heppnað ættarmót sem byrjaði frekar rólega og maður hélt að enginn yrði bara eitt tjald hjá Bigga en nei það komu svo flestir og það var grillað og spjallað og drukkið í blíðskapar veðri og allir skemmtu sér konunglega. Vonandi höldum við svo Mávahlíðinni lengur svo hægt sé að endurtaka þetta einhvern tímann og hafa það bara svona ekkert skipulagt bara hittast og hafa gaman af emoticon

25.07.2010 22:54

Hænu ungar hjá Freyju og Bóa

Jæja það er sko aldeilis fjör í Varmalæk því á dögunum byrjuðu eggin að klekjast út og þá byrjaði ballið og ungarnir komu og allir voða hamingjusamir sérstaklega yngsta kynslóðin.

Benóný vildi bara éta þá :)

Hérna eru svo hluti af ungunum.

20.07.2010 00:48

Heyskapur og Benóný Ísak 11 mánaða

Það er búið að vera allveg yndislegt veður hjá okkur og heyskapurinn gekk allveg ljómandi vel og byrjaði hann á þriðjudegi og lauk á sunnudegi. Benóný fékk náttúrulega að vera í vagninum á rúntinum og prufa að sitja í traktornum og svo inn í bústað hjá Maju inn á milli í sólbaði og í heitapottinum algjör lúxus. Það er svo gaman að segja frá því að eitt kvöldið náði Donna að læsa sig inn í bíl og við komumst ekki inn og var reynt mikið að láta hana opna því læsingin er milli sætana og hún hafði stigið ofan á hana og læst. Eftir margar tilraunir gáfumst við upp og Maggi kom með aukalykillinn og opnaði fyrir okkur og var það mikill léttir. Í dag vorum við inn í sveit í allann dag að vaða í vaðlinum og svo í sólbaði hjá Maju í bústaðnum svo var grillað þorsk hnakka og skötusel og borðað með bestu lyst enda snilldar kokkur þar að leik hann Ólafur Sigmarsson. Um kvöldið fórum við svo í fjöruferð niður að Hellu og prufuðum að veiða en fengum ekkert en veðrið var allveg yndislegt og bara gaman að vera til og vera úti í náttúrunni.

Með mömmu í heyskapnum.

Kara að labba inn á Hellu.

Montinn með pabba í traktornum.

15.07.2010 01:34

Heyskapur byrjar

Jæja nú er heyskapur að bresta á og það er blíðskapar veður í Mávahlíðinni og lífið allveg yndislegt í alla staði. Benóný stækkar með hverjum deginum og er að verða skæfari og skæfari tætir í öllu og stendur allsstaðar upp og sleppir sér meira segja svo það verður ekki langt í að hann fari að labba.
Ég ætla nú bara að hafa þetta stutt en henti annars fullt af myndum inn að fallega veðrinu í dag og af Benóný Ísak síðast liðna daga svo njótið vel.

Bói og Kara björguðu æðakollu ungum frá sláttuvélinni hans Emils.

Hér má svo sjá kolluna elta þau.

Byrjað að slá inn í Mávahlíð.

Og ein grallara mynd af gaurnum okkar.

06.07.2010 00:03

Sjóferð

Ég ætla að verða skipstjóri eins og pabbi he eh emoticon Við fórum smá siglingu um daginn og var Benóný bara sallarólegur og óður að fá að stýra og tæta en mest hafði hann þó gaman af því þar sem sjórinn spýttist út úr bátnum og vildi bara fara að sulla.

Helduru að maður sé nú ekki flottur skipstjóri.
 
Jæja það er svo myndir af þessu og einnig þegar við hleyptum hestunum inn í Bug og þegar Bói og Emil voru að dæla út úr húsunum hjá Óla,Sigga og Brynjari og voru þeir gersamlega í skítabaði emoticon
Emil fékk gusu framan í sig tvisvar og Bói fékk líka og meira segja sló barkinn hann niður svo hann lá kylliflatur á grindunum og var bara heppinn að detta ekki ofan í skítinn. Já þetta var hreint ævintýri hjá þeim og mikið hlegið.

Smá skítabað hjá Bóa he he.

28.06.2010 12:28

Folald hjá Hörpu, Ættarmót hjá Emil og Margt um manninn í Bústaðnum hjá Sigrúnu og Ragga.

Jæja það er búið að vera margt að gerast hjá okkur meðal annars kastaði hún Harpa merfolaldi sem er rautt á lit með hvíta blesu og fékk það nafnið Kapitóla og er í eigu Steina og Jóhönnu. Við kíktum svo á graddann sem er hjá Gumma og fór Emil með Gyðju í hann svo það verður spennandi hvort eitthvað skeði þar.

Það var svo ættarmót núna um helgina hjá afkomendum Dagmars og Bergþórs og var það haldið á Görðum í Staðarsveit. Við fengum allveg æðislegt veður og allt gekk allveg ljómandi vel og allir skemmtu sér vel. Það var farið í gólf, tínt helling af fallegum steinum og eins steina og drumba og kveikt upp í smá varðeld svaka kósý og sungið svo og trallað eftir nóttu og náttúrulega grillað lambakjöt sem var allveg nauðsynlegt í svona útilegu.

 Við fórum svo inn í Mávahlíð í gær og það var þetta rosalega fallega veður og allir í sveitinni. Ferðinni var heitið í bústaðinn hjá Ragga og Sigrúnu og þar var allt fullt af fólki og meira segja Raggi sjálfur allveg rosa ánægður og svo náði Maggi í pabba og Fríða og Helgi voru líka svo Steini og Björk þannig að það var eins og lítið ættarmót he he þetta var góð upphitun fyrir ættarmótið í sumar. Já lifið er búið að vera allveg æðislegt þegar allir eru svona ánægðir og gott veður kemur alltaf öllum í gott skap. Jæja nóg af blaðri það eru hellingur af myndum síðan inn í myndaalbúminu af þessu öllu saman.


Harpa með Kapitólu

Á ættarmótinu á Görðum.

Benóný Ísak með Snæfellsjökull í baksýn.

Ingi Björn og Benóný voru allveg í essinu sínu að leika saman.
Flettingar í dag: 1052
Gestir í dag: 5
Flettingar í gær: 1606
Gestir í gær: 50
Samtals flettingar: 667903
Samtals gestir: 45755
Tölur uppfærðar: 29.3.2024 12:15:04

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar