Velkomin á heimasíðuna okkar !

Dísa,Emil,Benóný Ísak og dýrin.

08.12.2018 20:09

Tekið af rollunum 24 nóv.

Jæja búið að vera heldur rólegt hjá mér í blogginu og ekki að ástæðu lausu. Hef bara ekki
getað gefið mér tíma til þess við skelltum okkur í 4 daga til Skotlands með góðum vinum
strax eftir að Arnar var búnað koma og taka af fyrir okkur og svo er ég byrjuð að vinna 
niður á Leikskóla fyrir hádegi svo það er nóg fyrir stafni. Miklar hugleiðingar núna yfir
komandi fengitíma og sæðingum sem er auðvitað bara gaman og spennandi en krefst
mikils tima og nákvæmni.
Fallegur veturinn hjá okkur hér í nóvember.
Búið að flokka kindurnar fyrir rúninginn.
Hvítu og svo mjallahvítu.
Arnar Ásbjörnsson mættur og klár í slaginn.
Þær voru svo stilltar og prúðar við hann.
Hann var eldsnöggur af þessu og hefði verið en sneggri ef klippurnar hefðu ekki verið
að striða honum en þær voru aðeins erfiðar við hann.
Freyja að heilsa Vaíönnu.
Embla að tala við Hröfnu.
Benóný að tala við Kaldnasa.
Veturgömlu komnar sér.
Gemlingarnir sér líka.

Þá er hægt að fara dekra við þær og fóðra þær sér svo þær hafi nóg fyrir sig.
Það eru svo fleiri myndir hér inn í albúmi af rúninginum og fleira.

08.12.2018 18:58

18 nóvember var kindunum smalað inn í Tungu

Það var smalað inn fyrir Höfða og Mávahlíðina á sunnudaginn 18 nóv en ekki á laugardaginn
eins og stóð til vegna veðurs.
Fallegur foss fyrir neðan þjóðveginn í Búlandshöfðanum.
Lagðar vel af stað undir Höfðanum.
Hér kemur brattur kafli.
Ein leyndist fyrir aftan mig og kemur hér og ætlar sko ekki að verða eftir.
Hér er ég að komast fyrir Höfðann og í áttina að Mávahlið.
Embla mætt að hjálpa mér.
Flottur Mávahlíðarfossinn i baksýn.
Þessi gafst upp.
Embla og Freyja hjálpuðu mér að passa hana þangað til Bói kæmi með kerruna.
Svo lá leiðin upp hjá Fögruhlíð upp á Sneið og reka þær niður í Hlíð.
Hér sést niður í Fögruhlíð og Holtsána.
Þetta gekk svo allt saman vel og hér eru þær komnar allar saman inn í Tungu.
Freyja að tala við vinkonur sínar.
Freyja og Hrafna eru bestu vinkonur.
Ég þurfti svo að fara aðra leit daginn eftir að sækja þessar en þær hafa skotið sér upp hjá 
Kötluholti þegar við vorum að smala hlíðina og sáum ekki til þeirra.
Það var ansi kalt þegar ég sótti þær og ég þurfti að skilja bilinn eftir á Holtshæðinni og þurfti svo
að labba til baka í hávaða roki og sækja hann.
Freyja Naómí okkar sem fer alveg að detta í að verða 6 ára núna 12 desember var að missa 
sína fyrstu tönn og auðvitað var henni skellt undir koddann um kvöldið.

Það eru svo fleiri myndir af smöluninni hér inn í albúmi.

14.11.2018 13:14

Óvissuferð með Sauðfjárræktarfélagi Helgafellssveitar og nágrennis

Síðast liðinn laugardag fórum ég ,Emil maðurinn minn,Guðmundur Ólafs Ólafsvík
Siggi í Tungu og Kristinn Bæjarstjóri í Óvissuferð með Sauðfjárræktarfélagi 
Helgafellssveitar og nágrennis. Það voru líka 3 úr Staðarsveitinni Sveinn og Helga á Fossi
og Gísli á Álftarvatni svo við vorum 28 í allt held ég.


Harpa Björk Eiríksdóttir sá um að skipuleggja Ósvissuferðina og var einnig 
fararstjóri og talsmaður í rútunni. Guðmundur Hjartarsson Helgafelli Helgafellssveit
var bílstjórinn í ferðinni. Við mættum frá Ólafsvík inn að afleggjara við Vatnaleið og
fórum þar í rútuna með þeim.

Það var lagt af stað um hálf 10 frá Vatnaleið og pikkað upp þessi þrjú í Staðarsveitinni
á Rjúkanda eða eins og við þekkjum betur sem Vegamót.

Svo hófst ferðin og allir voða spenntir og vissu ekkert hvert ferðinni var heitið en hún
lá í Borgarnes og þar var tekin aukahringur á hringtorginu til að villa um fyrir hvert
við værum að fara en héldum svo áfram í gegnum Borgarnes og þaðan fórum við
á upphafsstaðinn sem var Hvanneyri og við byrjuðum á að fara þar í 
Hvanneyrarfjósið og þar tók á móti okkur Hafþór Finnbogason fjósameistari og
hann gaf okkur fræðslu um fjósið og starfið sem þar fer framm.

Hér er Harpa með Hafþóri og búnað gefa honum gjöf fyrir að taka á móti okkur og 
fræða okkur um Hvanneyrarfjósið.

Síðan héldum við aftur upp í rútu og þá lá leið okkar að næstu búgrein sem var hestar
og við fórum aðeins andartak frá Hvanneyri og komum að Gríðarlega stórri byggingu
sem er 750 fermetrar og tekur 79 hesta í stíur já þetta er sem sagt Hestamiðstöðin
á Mið-Fossum í Borgarbyggð og þar leiddi Harpa okkur í gegn með fróðleik og sögu
um starfið sem þar fer framm. Þetta er rosalega stórt og flott og það er heil reiðhöll
þarna sem er með reiðvöll,skeiðvöll og áhorfendastúku og hún er svo hlýleg og flott.
Stíurnar hjá hestunum eru merktar með nafni og ætterni og ýmsum upplýsingum um
hvern hest fyrir sig og einnig um fóðrun hans.

Hér má sjá hluta af reiðhöllinni.

Hér er Harpa að veita okkur fræðslu um samstarf Landbúnaðarháskólans og Mið-Fossa.

Næst fórum við aftur til baka inn á Hvanneyri og fórum þá í hádegismat í mötuneyti
Landbúnaðarháskóla Íslands þar fengum við auðvitað ekta íslenskt lambalæri með 
bakaðari karteflu og meðlæti sem var auðvitað alveg frábært.

Því næst kom Ragnhildur Helga Jónsdóttir bóndi á Ausu sem er jafnframt safnstjóri
Landbúnaðarsafns Íslands. Hún fræddi okkur um skólann og fór með okkur í smá
leiðsögutúr um skólann og fór yfir hvaða starf og námsefni væri þar í boði síðan
leiddi hún okkur yfir í Lanbúnaðarsafnið og kynnti okkur uppruna þess og sögu.
Safnið er í Halldórsfjósi á Hvanneyri sem er sögumerk bygging sem var reist 
á árunum 1928-29 en safnið var þó fyrst í Verkfærahúsinu á Hvanneyri og var fyrst
opið almenningi 1987 og var þá bara lítið um sig.

Ullarselið er einnig í móttökurými safnsins og það er mjög gaman að skoða það þar
er allsskonar handverk unnið úr íslenskri ull og öðrum hráefnum.
Þetta er alveg frábært safn og fróðlegt að fara svona aftur í tímann í Landbúnaði og 
kynna sér söguna bak við það og það sýnir okkur hvað við eigum miklar auðlindir í
íslenskum landbúnaði sem við verðum að varðveita.

Hér erum við á leiðinni að fara að skoða safnið. Skemmtilegur lestur hér.

Ég var mjög heilluð af þessu verki ekkert smá flott.

Verið að rifja upp gamla tíma.

Emil var mjög hrifinn af þessum Willys jeppa.

Hér er svo Harpa með Ragnhildi safnstjóra sem leiddi okkur í gengum söguna og safnið.

Mér fannst þetta æði sérstaklega þessi bleika kanna svo hlýlegt og kósý ég elska svona
gamla daga hluti þeir eru svo krúttlegir.

Jæja þá erum við aftur komin á ferð í rútunni hér er Kristinn Jónasson Bæjarstjóri
Snæfellsbæjar, Guðmundur Ólafsson Ólafsvík og Sigurður Kjartan Gylfason Tungu.
Hvert skyldi ferðinni verið heitið núna.

Það var á Tilraunastöðina á Hesti í Borgarfirði og þar tók á móti okkur hann 
Eyjólfur Kristinn Örnólfsson og kynnti okkur allt um starfið og ræktunina sem fer framm
hjá þeim í samstarfi við þau sem reka búið sem eru Snædís Anna Þórhallsdóttir og 
Helgi Elí Hálfdánarson. Við fengum svo áfram leiðsögn og innlit í fjárhúsið og þar var
rúningsnámskeið í gangi sem við fengum aðeins að kíkja á.

Hér er hluti af lambhrútunum með nýjustu tísku klippinguna en ég held þetta sé gert
því þeir eru viðkvæmir fyrir kulda sérstaklega í lungunum og því er þetta alveg kjörin
klipping fyrir þá. Þeir taka sig vel út og eru vigalegir eins og ljón. Hér leynast nýjir
sæðingarhrútar sem verða væntanlegir á næsta ári frá Hesti.

Hér er Snædís Anna að fræða okkur um ræktunarstarfið á búinu.

Sveinn á Fossi, Gísli á Álftarvatni og Guðmundur Ólafs Ólafsvík að virða fyrir sér 
lambhrútana á Hesti.

Myndarlegur hópur af ásettningsgimbrum á Hesti.

Harpa búnað veita þeim gjöf fyrir heimsóknina þeim Eyjólfi Kristinn og Snædísi Önnu.

Svo var ferðinni haldið áfram og aftur lagt af stað upp í rútu á leið út í óvissuna.

Viðkomustaður að þessu sinni var Brugghús Steðja hjá Dagbjarti Arilíusarsyni.
Hann fræddi okkur um bjórinn Steðja og ýmsar bragðtegundir hans og þess má geta að 
bjórinn er 100 % náttúrulegur og enginn viðbættur sykur.

Hér eru allir áhugasamir að fylgjast með og fræðast um bjórinn og svo fengum við 
auðvitað að smakka nokkrar tegundir.

Hér er svo Harpa með honum Dagbjarti að lokinni heimsókninni og færir honum líka
þakkargjöf fyrir að taka á móti okkur.

Nú er farið að síga á seinni hluta ferðarinnar og hér erum við mætt í fjárhús hjá 
hagyrðingi miklum honum Dagbjarti Dagbjartsyni og Þórdísi Sigurbjörnsdóttur 
á Hrísum í Flókadal. Þau tóku vel á móti okkur með kræsingum eins og sjá má hér á mynd.

Myndarlegir lambhrútar hér hjá þeim bæði undan sæðingarstöðvahrútum og heima hrútum.

Svakalega stór og flott fjárhús hjá þeim.

Þessi er alveg ótrúlega spes á litinn og flott.

Glæsilegur hópur af ásettnings gimbrum hjá þeim.

Það var svo skellt í hópmyndir af okkur. Hér eru Dagbjartur og Þórdís líka með 
á myndinni og Harpa tók myndina.

Hér er verið að gæða sér á lærinu og melónunni.

Hér er svo Harpa með þeim Dagbjarti og Þórdísi og færir þeim kveðjugjöf fyrir 
gestrisni þeirra og skemmtilega heimsókn.

Jæja þá er komið að síðasta en ekki síðsta áfangastaðnum í þessari Óvissuferð.

Kannist þið við hann he he já þetta er Háafell og þar búa Jóhanna B Þorvaldsdóttir og 
Þorbjörn Oddsson og þar eru um 185 vetrarfóðraðar geitur og á sumrin bætast svo við
kiðlingarnir þau eru með Geitfjárrækt.

Þær eru alveg æðisleg dýr svo sterkir og miklir karektrar og mikill leikur í þeim.

Það var alveg yndislegt að fá að fara ofan í til þeirra og kynnast þeim.

Stórir og miklir Hafarnir.

Hér er Jóhanna að veita okkur fræðslu um ræktunina og starfið sem felst í Geitfjárrækt.

Gummi fékk alveg þvílíka athygli og var næstum búnað læða einni með sér heim.
Þær alveg bræða mann þessar elskur.

Svo flott hjá þeim hér má sjá ýmsa fræðslu og útskýringar um geitina sem er mjög
áhugavert að skoða.

Þessir stálu alveg senunni með krúttlegheitum og sakleysi.

Hér erum við mætt í Geitfjársetrið þeirra sem er með hlýlegri litilli verslun sem er með
afurðir og fleira sem tengist geitinni. Þar má nefna krem,sápur,ís,pylsur og fleira.
Við fengum auðvitað að smakka og fræðast um vörurnar hennar í notalegu versluninni.

Það var einnig hægt að setjast niður og fá sér kaffi og spjalla um skemmtilega daginn
sem við erum búnað fá að upplifa í dag þökk sé Hörpu Björk sem skipulagði þessa 
æðislegu Ósvissuferð og á vissulega stórt hrós skilið.

Hér er svo Harpa með Jóhönnu og Þorbyrni og búnað veita þeim þakklætisgjöf fyrir
að fá okkur í heimsókn. Mæli hiklaust með að þið heimsækjið þau margt sniðugt sem
er þess virði að skoða og einnig stórsniðugar gjafir svona þegar jólin eru að nálgast.
Hún hafði orð á því að hún er með svo góð krem og sápur sem hún gerir og hafa verið að gera kraftaverk á fólki sem er búið að vera glíma við ofnæmi,exem og kláða í húð og 
ekkert hefur unnið á því en svo þegar það prófaði vörurnar hennar lagaðist það.

Fengum svo þennan flotta minjagrip í lok ferðar frá Hörpu sem var bjór frá Steðja
merktur Óvissuferðinni og með mynd af félagshrút. 

Harpa var svo kjörinn einróma um að verða áfram skipuleggjari fyrir næstu ferð og 
klappað ærlega fyrir henni. Takk enn og aftur Harpa fyrir frábæra ferð þetta var æði
og takk fyrir að bjóða okkur að koma með félaginu ykkar.

Það eru svo fleiri myndir hér inn í albúmi af ferðinni.

08.11.2018 13:33

Ásettningur hjá Guðmundi Ólafs Ólafsvík 2018

Þessi gimbur er undan Kölska sæðingarstöðvar hrút.

54 kg 35 ómv 3,4 ómf 5 lag 106 fótl 9 framp 18,5 læri 8 ull 8,5 samræmi.
Þessi er undan Kölska líka.

43 kg 30 ómv 3,7 ómf 4,5 lag 106 fótl 8,5 framp 18 læri 8 ull 8,5 samræmi.
Þessi er undan Tobba heimahrút frá Gumma.

47 kg 32 ómv 3,7 ómf 4,5 lag 107 fótl 8,5 framp 17,5 læri 7,5 ull 8,5 samræmi.
Hrúturinn hans heitir Gosi og er undan Bjart sæðingarstöðvar hrút. Hann er með 
þykkasta bakvöðvan á Snæfellsnesi núna í ár sem er 38.

57 kg 38 ómv 3,2 ómf 4,5 lag 110 fótl

8 8,5 9 10 8,5 18 8 8 8,5 alls 86,5 stig.

Hér er Gummi að gefa þeim brauð. Svakalega falleg sú hvíta fremmsta svo þykk og jöfn.
Gummi fær óskipta athygli frá þeim þegar hann gengur að garðanum.
Þær eru alveg til í að tala við hann og fá smá brauð í leiðinni.
Hér er hann að gefa þeim og þær ánægðar að fá matinn sinn enda við búnað vera
trufla hann með því að vera heimsækja á matartíma he he.
Þetta eru svo hlýleg og snyrtileg fjárhús alveg til fyrirmyndar hjá honum.
Hér má sjá betur hvað þetta er flott hjá honum. Alltaf gaman að koma í heimsókn til 
Gumma í fjárhúsin og skoða fallegu kindurnar hans. 
Gummi á en eftir að heimta fé og í því leynist ein ásettnings gimbur til viðbótar sem er
flekkótt og er undan Bjart sæðingarstöðvar hrút svo ég á eftir að smella mynd af henni
þegar hann er búnað heimta hana.


Það eru svo fleiri myndir hér inn í albúmi.

07.11.2018 15:46

Minningarorð um Ísak Tvinnason

Var alveg búnað steingleyma að hann Ísak okkar var bráðkvaddur þegar við smöluðum lömbunum inn fyrir Héraðssýninguna. Alveg ömurlegt hann var að gefa okkur svo flott lömb núna í ár og eins eru dætur hans alveg að skara fram úr í mjólkurlagni og ég var næstum 
búnað ákveða hvað ég ætlaði að nota hann á núna í vetur en svona getur allt breyst bara
einn tveir og tíu. Langaði að taka hér saman smá sögu af lífsleiðinni hans.
Besti hyrndi hvíti hrúturinn 2015 frá Mávahlíð. 
Lamb númer 852 undan Tvinna 14-001
Stigun: 63 kg fótl 112 ómv 36 ómf 2,3 lögun 4
8 9 9 9 9 19 8,5 8 8,5 alls 88 stig.
Hér afhenti Lárus Birgisson mér Herdísi Leifsdóttur Farandsskjöldinn fyrir besta
lambhrútinn 2015. Ég er enn í sjokki eins og sést á myndinni og allveg rosalega
þakklát fyrir að fá þann mikla heiður að fá þennan mikla grip.
Mér fannst líka æðislegt að fá þessa viðurkenningu frá Jón Viðari og Lárusi
heiðursmönnum sem  ég lít mjög upp til síðan ég var
smá stelpa í Mávahlíð á hrútasýningum.
Enda sagði Emil að ég hafi sofnað með bros á vör eftir daginn emoticon

Hér er minningar klippa frá því að við fengum Farandsskjöldinn fyrir Ísak árið 2015.

Hér er svo önnur þegar hann var valinn besti veturgamli hrúturinn hjá Sauðfjárræktarfélaginu Búa


Hér er ég svo með vinningshafann í hvítu hyrndu nr 15-001 Ísak Tvinna sonur og Mjallhvítar.
Tvinni er Saum sonur og Mjallhvít er undan heimaær og Storm Kveiksyni.

Ísak 15-001 frá Mávahlíð.

Hann var 105 kg fótl 119 ómv 38 ómf 3,4 lag 4

8 haus 9 H+h 9 B+útl 9 Bak 9,5 malir 19 læri 8,5 ull 8 fætur 8,5 samr. Alls 88,5 stig.

Ísak fór svo með Máv í afkvæmarannsókn á Gaul árið 2016 og hafði þar Mávur vinninginn og var
tekin á stöð en Ísak stóð rétt á eftir honum í rannsókninni.


Einbúi er undan Ísak og Tungu og er í eigu míns og Bárðar.

58 kg 35 ómv 2,5 ómf 5 lögun 108 fótl.

8 8,5 9 9 9 18,5 9 8 8,5 alls 87,5 stig.

Þessi hrútur undan honum er enn til og er hjá Bárði hann hefur ekki verið notaður neitt af ráði
svo það er spurning um að fara prófa hann almennilega núna því hann á að geta gefið mjög gott.
Tunga móðir hans er undan Dröfn sem er móðir Mávs sem er á sæðingarstöðinni frá okkur og svo
er hún undan Garra sæðingarstöðvarhrút. Hann var svo mikið skyldur mínu fé svo Bárður tók
hann en ég á núna eitthvern hóp sem er óskyldur honum svo það væri gaman að prófa hann.

Við eigum nokkrar dætur undan Ísak sem mig langar að telja hér upp.


Bifröst er undan Dröfn og Ísak. Tvílembingur fædd 2016

50 kg 32 ómv 3,6 ómf 4,5 lögun 108 fótl 9 framp 17,5 læri 8 ull 8,5 samræmi.


Þoka er undan Ísak og Elsu. Tvílembingur fædd 2016

55 kg 31 ómv 4 ómf 4 lögun 8,5 framp 18 læri 8 ull.

Urður er undan Snældu og Ísak. Tvílembingur fædd 2016

46 kg 30 ómv 2,9 ómf 4 lögun 106 fótl 9 framp 18 læri 7,5 ull 8,5 samræmi.



Snædrottning er undan Ísak og Maístjörnu. Tvílembingur fædd 2016

45 kg 29 ómv 2,9 ómf 4 lögun 108 fótl 8,5 framp 17,5 læri 9 ull 8,5 samræmi.

Sprengja 17-003 undan Dröfn og Ísak. Þrílembingur fædd 2017

44 kg 34 ómv 3,4 ómf 4,5 lag 105 fótl.

9,5 framp 18,5 læri 7,5 ull 8 samræmi 43,5 heildarstig


18-005 Brúða undan Villimey og Ísak. Tvílembingur fædd 2018

50 kg 35 ómv 3,8 ómf 5 lag 108 fótl 18,5 læri 8 ull 8,5 samræmi 43,5 heildarstig

18-009 Elektra undan Fíónu og Ísak. Þrílembingur fædd 2018

54 kg 34 ómv 3 ómf 4,5 lag 107 fótl 9 framp 18,5 læri 8 ull 9 samræmi 44,5 heildarstig


18-013 Terta undan Hexíu og Ísak. Tvílembingur fædd 2018

47 kg 35 ómv 3,5 ómf 5 lag 107 fótl 8,5 framp 18 læri 7,5 ull 8,5 samræmi 42,5 heildarstig
Kraftur 17-002 undan Íssól og Ísak. Tvílembingur fæddur 2017

44 kg 30 ómv 2,2 ómf 4,5 lag 110 fótl.

8 8,5 9 8,5 9 18,5 8 8 8,5 alls 86 stig.

Þessi var að koma rosalega vel út í haust og voru öll lömbin undan honum með 18 í læri og yfir
og 2 sem fóru í sláturhús undan honum fóru bæði í E svo þetta hefur verið hörku gerðar hrútur
hann fórst um veturinn eftir fengitíma hafði lent í einhverjum áflogum við hina hrútana og náði 
sér aldrei og fóðraðist ekki.

Kynbótamatið hans Ísaks var Gerð 108 Fita 114 Frjósemi 103 Mjólkurlagni 107

Jæja læt þetta duga sem minningarorð um hann Ísak Tvinnason. 

Það verður svo næst á blogginu hjá mér ásettningurinn hjá Guðmundi Ólafs Ólafsvík.

05.11.2018 20:36

Gefið ormalyf og fullorðinsmerkin sett í lömbin.

Síðast liðinn sunnudag gáfum við gimbrunum og lambhrútunum ormalyf og settum í þau fullorðinsmerkin. Bæði gimbrarnar og lambhrútarnir eru mörg að verða gæf og hefur ásettningshópurinn aldrei verið eins gæfur sem gerir gjöfina og umhirðuna miklu skemmtilegri.
Hér er Freyja dóttir okkar að knúsa hana Hörpu sem er alveg einstaklega gæft lamb.
Hér er hin dóttir mín Embla búnað hlamma sér á bak á Vaíönnu sem er veturgömul og 
er líka alveg einstaklega gæf.
Benóný sonur okkar að klappa Kaldnasa sem er uppáhalds hrúturinn hjá krökkunum hann
er líka alveg einstaklega blíður og góður við alla.
Embla og Aníta vinkona hennar að klappa Dröfn sem leyfir bara krökkunum að klappa
sér en vill ekki sjá að tala við okkur fullorðnu he he.
Það var milt og fallegt veður í Fróðarhreppnum um daginn en nístings kuldi.
Já það er alveg að koma vetur og orðið allt svo gult og kuldalegt og Snæfellsjökulinn
orðinn hvítur á ný.
Harpa komin með fullorðins merki ásamt öllum hinum.
Heyjið virðist fara vel af stað í þau og gimbrin sem við sóttum seinast er strax komin
með hornhlaup.
Þau voru skuggaleg börnin okkar Embla Marína, Benóný Ísak og Freyja Naómí á leiðinni
á Halloween skóla ball.
Freyja með sínum uppáhalds Dröfn ,Harpa og Gulla.

Það eru 3 gimbrar Harpa, Lóa og Ósk sem eru alveg draugspakar og elta mann og svo eru
fleiri sem eru forvitnar og á ég von á því að þær verði flestar gæfar í vetur.

Svarti Pétur hans Óttars er alveg spakur og Botni. Minn hvíti hann Jökull Frosti er mjög
spakur og svo er Zezar sá móflekkótti alveg að koma til og líka hrúturinn hans Kristins
svo þetta er bara gleði og gaman að koma í fjárhúsin á hverjum degi.

Það eru svo fleiri myndir af þessu hér inn í albúmi.

31.10.2018 15:36

Ásettningur hjá Sigga í Tungu

Þessi er undan Gránu og Bjart sæðingarstöðvarhrút.

48 kg 34 ómv 4 ómf 4 lag 107 fótl 8,5 framp 18 læri 7,5 ull 8,5 samræmi


Þessi er undan Gullu og Hlúnk Máv syni.

47 kg 33 ómv 3,8 ómf 5 lag 106 fótl 8,5 framp 18 læri 8,5 ull 9 samræmi


Þessi er undan Litlu Gul og Ask Kalda syni.

55 kg 33 ómv 4,7 ómf 4 lag 106 fótl 9 framp 18 læri 7,5 ull 8,5 samræmi


Þessi er undan Glámu og Gretti Máv syni.

49 kg 31 ómv 4,8 ómf 5 lag 105 fótl 8,5 framp 18 læri 8,5 ull 8,5 samræmi


Þessi er undan Slyddu og Gretti Máv syni.

44 kg 34 ómv 4,1 ómf 5 lag 106 fótl 9 framp 18,5 læri 8 ull 8,5 samræmi.


Þessi er frá Sigga og er undan Korra Garra syni og Völu.

53 kg 31 ómv 2,8 ómf 4,5 lag 112 fótl

8 8,5 8,5 9 9 19 8 8 8,5 alls 86,5 stig.

30.10.2018 10:44

Ásettnings gimbrarnar okkar 2018


18-004 Svala undan Svönu og Part. Tvílembingur

48 kg 33 ómv 2,9 ómf 4 lag 108 fótl 9 framp 18 læri 7,5 ull 8,5 samræmi 43 heildarstig


18-005 Brúða undan Villimey og Ísak. Tvílembingur

50 kg 35 ómv 3,8 ómf 5 lag 108 fótl 18,5 læri 8 ull 8,5 samræmi 43,5 heildarstig


18-006 Aska undan Botnleðju og Ask. Tvílembingur

48 kg 30 ómv 2,7 ómf 5 lag 106 fótl 8,5 framp 18 læri 8 ull 8,5 samræmi 43 heildarstig


18-007 Bára undan Dröfn og Berg. Þrílembingur

47 kg 34 ómv 3,3 ómf 5 lag 103 fótl 9 framp 18,5 læri 8 ull 8,5 samræmi 44 heildarstig


18-008 Ósk undan Von og Móra. Þrílembingur

44 kg 28 ómv 3,2 ómf 3,5 lag 107 fótl 8 framp 17,5 læri 8 ull 8,5 samræmi 42 heildarstig


18-009 Elektra undan Fíónu og Ísak. Þrílembingur

54 kg 34 ómv 3 ómf 4,5 lag 107 fótl 9 framp 18,5 læri 8 ull 9 samræmi 44,5 heildarstig


18-010 Óskadís undan Eldey og Knarran. Tvílembingur

44 kg 30 ómv 2,8 ómf 4,5 lag 108 fótl 8,5 framp 17 læri 8 ull 8,5 samræmi 42 heildarstig


18-011 Harpa undan Eik og Móra. Einlembingur

57 kg 27 ómv 7,1 ómf 4 lag 113 fótl 8,5 framp 17 læri 7,5 ull 8,5 samræmi 42 heildarstig


18-012 Lóa undan Möggu Lóu og Móra. Tvílembingur

47 kg 29 ómv 4,6 ómf 4 lag 110 fótl 8,5 framp 17,5 læri 8,5 ull 9 samræmi 43,5 heildarstig


18-013 Terta undan Hexíu og Ísak. Tvílembingur

47 kg 35 ómv 3,5 ómf 5 lag 107 fótl 8,5 framp 18 læri 7,5 ull 8,5 samræmi 42,5 heildarstig


18-014 Rósalind undan Snotru og Kaldnasa. Þrílembingur í eigu Jóhönnu.

43 kg 28 ómv 4 ómf 3,5 lag 105 fótl 8,5 framp 17 læri 8,5 ull 8,5 samræmi 42,5 heildarstig


18-015 Klara undan Snót og Svan. Tvílembingur

43 kg 36 ómv 2,8 ómf 5 lag 106 fótl 9 framp 19 læri 8,5 ull 8,5 samræmi 45 heildarstig


18-016 Randalín undan Brælu og Kraft. Tvílembingur

48 kg 32 ómv 3,8 ómf 4 lag 110 fótl 8,5 framp 18 læri 7,5 ull 8,5 samræmi 42,5 heildarstig


18-017 Frostrós undan Mjallhvít og Hlúnk. Þrílembingur

46 kg 31 ómv 2,7 ómf 4,5 lag 107 fótl 9 framp 18 læri 8,5 ull 9 samræmi 44,5 heildarstig


18-018 Poppý undan Kolfinnu og Blika. Tvílembingur

43 kg 30 ómv 4,1 ómf 4 lag 107 fótl 8,5 framp 17,5 læri 8 ull 8,5 samræmi 42,5 heildarstig


18-019 Blíða undan Glóð og Knarran. Gemlings lamb

49 kg 29 ómv 2,5 ómf 3,5 lag 107 fótl 8,5 framp 17 læri 7,5 ull 8,5 samræmi 41,5 heildarstig


18-020 Embla frá Óttari veit ekki alveg ættir og hún er óstiguð en er 50 kg og tvíelmbingur

Þetta eru ásettnings gimbrarnar okkar 2018. Vel litskrúðugur hópur.

28.10.2018 10:07

Smalað og náð í síðasta lambið og stóru hrútarnir teknir inn

Við tókum lömbin inn fyrir Héraðssýninguna og þá vantaði eitt lamb hjá mórauðum gemling
og einnig vantaði gemlinginn og annan móflekkóttan gemling sem heitir Vaíanna.

Ég var svo búnað taka rúnt á hverjum degi eftir gjöf og leita af þeim en hafði ekkert séð til
þeirra en svo var Siggi búnað sjá þær upp á fjalli fyrir ofan Tröð.

Við fórum svo af stað í gærmorgun og fórum upp inn í Búlandshöfða í blíðskapar veðri og 
það hreyfðist ekki hár á höfði manns. Það var kalt enda fyrsti snjórinn farinn að láta sjá sig.

Það var við frostmark en ekki svo kalt því það var svo fallegt veður. Ég ákvað að græja mig
í Nike strigaskóna sem ég smala alltaf í og þeir klikka aldrei þeir eru alveg snilldar skór ég var svo bara með mannbrodda utan um þá og í þykku sokkunum sem Jóhann bróðir Emils 
gaf mér þegar við vorum í útilegu í sumar og ég fann ekkert fyrir kulda. 

Siggi var í stígvélunum sínum eins og alltaf þegar hann smalar ég hef aldrei getað smalað í stigvélum en ég dáist af þeim sem geta það. Mér finnst ég vera of þung á mér ef ég er í stígvélum en pabbi smalaði einmitt eins og Siggi alltaf í stígvélum.

Við vorum heppin því stuttu eftir að við vorum komin inn í Tungu fór að hvessa og gerði
svo brjálaðan byl. Það var aðeins farið að hvessa þegar við komum niður svo við
vorum alveg á réttum tíma.


Hér er Siggi tilbúin að fara með mér í smá kletta klifur upp inn í Kotengishöfðanum eins og
Siggi sagði á facebook he he þá fattaði ég að ég með mína brengluðu heyrn hef alltaf
heyrt að hann heiti Kotaketilshöfði ha ha en ég hef greinilega bara búið það til ha ha það
væri þá ekki fyrsta skipti sem ég misskil nöfn og breyti þeim emoticon

Þá er að fara klifra.

Ég í skónum mínum æðislegu og með gamlan vetrargöngustaf frá Steina frænda frá 
Mávahlíð og með mannbroddana. 

Jæja ég komin upp búnað taka fram úr Sigga sem gerist ekki oft.

Hér er Siggi alveg að komast upp en það eru erfiðar aðstæður í snjó þá er allt svo sleipt.

Flott útsýnið hér uppi yfir í Ólafsvík og yfir Fróðarhreppinn.

Hér sést í Snæfellsjökulinn og ég labba hérna meðfram brúninni og Siggi er aðeins ofar
og við erum ekki en búnað rabba á þær.

Jæja þá erum við búnað finna þær , þær eru ofan í þar sem Mávarhlíðargilið er.

Hér sáum við þær fyrst og hér sést gilið upp á fjalli. Nú þurfum við að reka þær yfir allt
og láta þær koma niður hjá Sneiðinni og yfir í Rauðskriðumel og þaðan niður í Fögruhlíð.

Hér eru þær farnar alveg með brúninni og ég fæ flott myndefni í leiðinni og geggjað útsýni.

Siggi hér að hlaupa fyrir ofan til að komast í veg fyrir þær því það er laut sem þær
komast í hérna fyrir ofan Fögurhlíð sem þær gætu komist niður í Hlíð og við viljum
ekki missa þær þangað.

Hérna er hann kominn fyrir þær. Fjallið sem blasir hér lengst frá er Svartbakafellið.

Þær halda vel áfram og eru bara mjög þægar.

Aðeins verið að pústa. Það styttist óðum í að við förum niður á leið.

Jæja þá eru þær að fara niður.

Ég orðin vel héluð en finn ekki fyrir kulda.

Vel bratt niður hjá okkur.

Áfram á niður leið hér erum við komin niður á Sneið.

Jæja allt að koma hér eru þær komnar á veginn inn í Fögruhlíð. Fjallið sem er fyrir framan
okkur er það sem við erum búnað vera ganga upp á.

Komin niður að Holtsánni. Hér sést til baka að við vorum á fjallinu hér fyrir ofan og 
komum niður fyrir ofan klettabergið sem sést hér efst í sjónarhorn við Svartbakafellið.

Komnar niður að Holtsá. Glóð,Vaíanna og lambið sem fær nafnið Blíða.

Reyna auðvitað að stiga sér niður með ánni og halda sér ekki á veginum.

Þetta gekk þó eins og í sögu og þær rötuðu beint inn í Tungu.

Þessa mynd tók ég 23 okt þegar það gránaði vel upp í fjöllunum en mjög milt og gott 
veður.

Hrafnarnir tveir vakta yfir fjárhúsinu í Tungu ofan á Hlöðu þakinu.

Tók þessa mynd líka af Kaldnasa og Hlúnk 23 okt.
Kaldnasi er Magna sonur og Hlúnkur er Máv sonur í eigu Sigga í Tungu.

Þessar fengu að koma með mér í fjárhúsin á hverjum degi seinast liðnar 2 vikur en þá
var ég að passa þá hvítu hún heitir Fiðla og er í eigu Freyju tengdamömmu og Bóa.
Þau voru á Tenerife.

Svanur Máv sonur frá mér og svo Drjóli Hæng sonur og Korri Garra sonur báðir í eigu
Sigga í Tungu.

Askur Kalda sonur, Korri Garra sonur, Svanur Máv sonur og Drjóli Hæng sonur.

Drjóli og Kaldnasi.

Svanur Máv sonur.

Korri svo stór og fallegur hrútur.

Grettir Máv sonur frá Sigga.

Þessi mynd var tekin 26 okt hérna sést hvernig snjókoman er að skella á.

Tók rúnt einmitt þennan sama dag að leita af lambinu og sá bara rollur.

Hér eru þær á sama stað og við fórum upp inn í Búlandshöfða.

Hér er svo hún Blíða komin yfir í ásettningshópinn. Þá er hægt að fara heyra í honum
Hjalta og koma og sprauta lömbin.

Ég er búin að taka myndir af þeim en á eftir að koma því saman og set það hér inn við
fyrsta tækifæri fyrst þessi síðasta er komin í hópinn.


Hér er Glámur Saum sonur hans Sigga og Grettir Máv sonur frá Sigga lika.

Hér erum við að reka inn stóru hrútana. Bói kom svo með traktorinn og það er búið að 
setja hann inn í Hlöðu hjá Sigga svo það er allt að vera tilbúið fyrir veturinn.

Það eru svo fleiri myndir af smöluninni og ásettningslömbunum hér inn í albúmi.

23.10.2018 09:05

Héraðssýning lambhrúta á Snæfellsnesi 2018

Héraðssýning lambhrúta var haldinn núna um síðustu helgi. Hún byrjaði kl 1 á Hofsstöðum í Eyja og Miklaholtshreppi hjá Eggerti Kjartanssyni og endaði þar um rúmmlega 4.
Lárus Birgisson og Eyþór Einarsson voru dómarar. Kvennfélag Eyja og Miklaholtshrepps sá
um kaffi veitingar og súpu og stóðu sig frábærlega. 
Það var gúllassúpa mér til mikilla ánægju he he því ég borða ekki kjötsúpu og hún sló í gegn hjá þeim og var rosalega góð.

20 hvítir hyrndir hrútar , 10 mislitir og 7 kollóttir voru mættir til keppnis vestan megin við
girðinguna. Þeim var svo raðað í uppröðun án þess að vita hvort þeir yrðu í verðlaunasæti.

Seinni sýningin fór svo framm kl hálf 9 um kvöldið í Haukatungu Syðri 2 hjá Ásbyrni og 
Helgu. Það var góð mæting og mjög skemmtileg sýning þar var boðið upp á kaffi ,öl og
kræsingar. Alltaf gaman að koma í glæsilegu fjárhúsin þeirra.

Þar voru mættir 15 hvítir hyrndir hrútar , 5 mislitir og 3 kollóttir sem kepptu svo við þessa
sem voru vestan megin. Alls í heildina voru 35 hvítir hyrndir lambhrútar, 15 mislitir og
10 kollóttir þá bæði vestan og sunnan megin við varnargirðinguna.

Það var vel mætt af fólki á báðar sýningarnar en heldur fleiri sem komu um kvöldið í
Haukatungu Syðri 2 . Þetta voru flottar sýningar báðar og gaman að allir gerðu sér fært að
koma því veðurguðinn var nú ekki allt of góður við okkur eins og hann getur verið þegar
hrútasýningar eru og skall á með rigningu og roki en auðvitað létu bændur það ekki á sig fá.


Ég ætla að byrja á toppnum og segja ykkur frá ofurhrútnum sem vann Farandsskjöldinn
fallega í ár. Það var lambhrútur frá Snæbyrni á Neðri Hól undan Tvist sæðingarstöðvar
hrút og hann var 90,5 stig og er án efa hæðst dæmdi lambhrútur á Snæfellsnesi.
Þetta var glæsilegur hrútur í alla staði og þvílíkar tölur hefur maður ekki séð emoticon
Hér eru feðgarnir stoltir með verðlaunin sín ég óska þeim enn og aftur innilega til
hamingu.

1 sæti lambhrútur frá Neðri Hól nr 43 faðir Tvistur sæðingarstöðvar hrútur

55 kg 105 fótl 35 ómv 2,6 ómf 5 lag

8 9 9,5 9,5 10 20 8 8 8,5 alls 90,5 stig


Ég held að þetta sé hrúturinn en er þó ekki alveg viss en vona að ég hafi á réttu að standa.
Hann var nefnilega vestan megin og þá náði ég ekki að fá mynd af Snæbyrni með hann.

Hér eru verðlaunahafarnir í hyrndu hvítu hrútunum.
1.Snæbjörn Viðar Neðri Hól
2.Ásbjörn og Helga Haukatungu Syðri 2
3. Heiða Helgadóttir Gaul

Í öðru sæti var lambhrútur frá Ásbyrni og Helgu Haukatungu Syðri 2 nr 8131

undan Leyni 16-522. 50 kg 103 fótl 33 ómv 3,0 ómf 4,5 lag

8 9 9 9,5 9,5 19 8,5 8 8 alls 88,5 stig.


Það gæti mögulega verið hrúturinn sem Ásbjörn heldur í hér. Langur og vel þykkur.


Í þriðja sæti var lambhrútur frá Heiðu á Gaul nr 124 og er undan Bjart sæðingarstöðvarhrút.

54 kg 107 fótl 31 ómv 4,5 lag 

8 9 9 9 9 18,5 8,5 8 9 alls 88 stig.


Hér sést Heiðu hrútur ásamt 5 í uppröðun vestan megin.
Það var Snæbjörn Neðri Hól, Heiða á Gaul, Halla Dís Hoftúni, Eiríkur Helgason með hrút
frá Hjarðafellsbúinu og svo Emil með hrút frá okkur.

Í fjórað sæti var svo lambhrútur frá Guðný og Atla í Dalsmynni 1

nr 12 undan Blíðfinni 16-001 45 kg 108 fótl 35 ómv 2,4 ómf 5 lag

8 9 9 9,5 9,5 18,5 7,5 8 8,5 alls 87,5 stig


Hér er Guðný með hann 4 hrútur talið frá vinstri.

Hér sést framan í hann, hann er kolóttur og hefur fengið nafnið Korgur hjá Guðný þetta 
var einstaklega fallegur og vel holdfylltur hrútur.

Í fimmta sæti var hrútur frá Höllu Dís og Kristjáni í Hoftúni.

nr 141 undan hrút 16-252. 53 kg 101 fótl 35 ómv 4,5 ómf 5 lag.

8 9 9 9,5 9,5 19,5 8 8 9 alls 89,5 stig.



Kollóttu lambhrútarnir.

Í fyrsta sæti var hrútur nr 16 undan Koll. 46 kg 108 fótl 35 ómv 3,2 ómf 5 lag.

8 9 9,5 9,5 9 19 8 8 9 alls 89 stig.


Hér sést í þessa kollóttu sem voru í uppröðun vestan girðingar. Eirikur með frá 
Hjarðafelli svo Eyberg í Hraunhálsi með besta og svo annar frá Hjarðafelli og svo
sá sem var í öðru sæti hjá Kristjáni á Fáskrúðabakka.


Hér eru verðlaunahafarnir fyrir bestu kollóttu. 
Guðlaug Sigurðardóttir Hraunhálsi.
Kristján Fáskrúðarbakka.
Guðbjartur Hjarðarfelli.


Hér er besti kollótti lambhrúturinn 2018 frá Hraunhálsi.

Í öðru sæti var lambhrútur frá Kristjáni á Fáskrúðarbakka undan Vöðva.

nr 19 47 kg 110 fótl 34 ómv 4 ómf 4,5 lag

8 8,5 8,5 9 9 18,5 9 8 9 alls 88 stig.

Í þriðja sæti var lambhrútur frá Hjarðarfellsbúinu undan Magna.

nr 431 61 kg 111 fótl 35 ómv 3,5 ómf 4,5 lag

8 9,5 9 9,5 9 18,5 9 8 9 alls 89,5 stig.

Í fjórað sæti var einnig Hjarðarfellsbúið með hrút undan Hnöll.

nr 716 52 kg 106 fótl 32 ómv 4,1 ómf 4,5 lag

8 9 9 9 9 19 8,5 8 8,5 alls 88 stig.

Í fimmta sæti var lambhrútur sunnan girðingar frá Arnari og Elísarbetu á Bláfeldi undan Koll.

nr 49 51 kg 108 fótl 31 ómv 4,2 ómf 4 lag

8 8,5 8,5 9 9 ,8 9 8 9 alls 87 stig.

Þeir voru rosalega öflugir kollóttu hrútarnir í ár og gáfu hvítu hyrndu ekkert eftir í stigun.


Hérna eru Arnar og Elísarbet með 3 kollóttu hrútana sem kepptu sunnan girðingar á
Haukatungu Syðri 2. Einn af þessum hefur því verið í 5 sæti.


Miklar pælingar hjá Lárusi og Eyþóri yfir öllum þessum stór glæsilegu hrútum.
Guðmundur Ólafsson Ólafsvík er þarna með þeim á myndinni.

Mislitu lambhrútarnir

Í fyrsta sæti var svartbotnóttur lambhrútur frá Óttari Sveinbjörnssyni Kjalvegi undan 
Fóstra 17-378.

nr 374 57 kg 104 fótl 31 ómv 3,6 ómf 4,5 lag

8 8,5 9 9 9 19 8 8 8,5 alls 87 stig.


Hér er besti misliti lambhrúturinn 2018 frá Óttari á Kjalveg.


Hér eru verðlaunahafarnir í mislitu hrútunum.

Emil tók við verðlaunum fyrir fyrsta sæti fyrir Óttar sem er staddur erlendis.
Elísabet Bjarnardóttir Bláfeldi.
Arnar Ásbjörnsson Bláfeldi.

Í öðru sæti var svartur lambhrútur frá Arnari og Elisabetu Bláfeldi undan Hermil

nr 83 50 kg 107 fótl 32 ómv 2,1 ómf 4,5 lag

8 9 8,5 9,5 9,5 19 8,5 8 8 alls 88 stig.

Í þriðja sæti var einnig hrútur frá þeim undan Hermil og hann er grár.

nr 234 47 kg 108 fótl 30 ómv 1,9 ómf 4 lag

8 9 9 9 9 18,5 læri 8 8 8,5 alls 87 stig.


Hér er verið að skoða mislitu hrútana í Haukatungu Syðri 2. Hér sést í hrútana frá
Arnari og Elisarbetu þann svarta sem var í öðru sæti og gráa sem var í þriðja sæti.

Í fjórað sæti var svartur lambhrútur frá Óttari á Kjalvegi undan Fóstra eins og sigurvegarinn.
Móðir hans er systir Kletts sem er Kveik sonur frá Óttari.

nr 385 54 kg 105 fótl 30 ómv 3,3 ómf 5 lag

8 8,5 9 9 9,5 18,5 8 8 8,5 alls 87 stig.


Hér er mynd af þessum svarta hans Óttars sem hefur fengið nafnið Svarti Pétur.

Í fimmta sæti var svartur lambhrútur frá Guðmundi Ólafssyni Vallholti 24 Ólafsvík.

nr 193 undan Kölska 55 kg 110 fótl 32 ómv 2,3 ómf 4,5 lag

8 8,5 8,5 9 9 18,5 8,5 8 8,5 alls 86,5 stig.


Hér sést í þá sem voru í uppröðuninni vestan girðingar og þar er Gummi með svarta
hrútinn sinn sem var í 5 sæti.

Þá er þetta upptalið með verðlaunasætin í öllum flokkum og óska ég öllum innilega
til hamingju með þessa frábæru gripi sem verður spennandi að fylgjast með í framtíðinni.

Ég ætla svo að setja smá myndasyrpu hér af sýningunum.


Hér er verið að skoða kollóttu hrútana vestan girðingar á Hofsstöðum.

Hér eru allir spenntir að fylgjast með.

Hér er verið að skoða mislitu hrútana vestan megin.

Hér er önnur.

Mikið af fallegum hrútum veit nú ekki hver á þessa en fallegir eru þeir.

Verið að skoða hvítu hyrndu hrútana sem voru 20 alls vestan girðingar.

Hér er önnur.





Sérstakur á litinn frá Guðmundi Ólafs Ólafsvík golsubíldóttur.

Jæja þá er búið að raða öllu upp hérna megin og þá er að fara í smá pásu og halda svo
áfram í Haukatungu Syðri 2 í kvöld.

Ég fór með Stjórann fyrir Kristinn Bæjarstjóra en hann komst ekki í uppröðun en það
var bara gaman að fara með hann fyrir Kristinn og taka þátt enda vígalegur og fallegur
hrútur. Kristinn var staddur erlendis þegar sýningin var. Hann heitir ekki Stjóri mér 
fannst bara passa vel við hann að kalla hann það he he.

Við fórum með þennan frá okkur eða Jóhönnu sem er með okkur í húsum en hann er 
ættaður alveg í okkar fé. Hann er undan Svan Máv syni og Hrímu rollu frá Jóhönnu sem
er undan Brimil sem var Borða sonur hjá okkur. Hann komst í topp 5 í uppröðun
vestan megin. 51 kg 112 fótl 37 ómv 3,1 ómf 5 lag

8 8,5 8,5 10 9,5 18,5 8,5 8 8,5 alls 88 stig.

Hann var svo seldur til Hlífars á Víðiholti í Varmahlíð.


Hér er svo mynd af myndarlegu kvennfélagskonunum úr Eyja og Miklaholtshreppi sem 
voru með frábæru súpuna,kaffið og kræsingarnar á Hofsstöðum. Vona að ég fari með
rétta frásögn að þetta sé kvennfélag þeirra annars meigiði endilega leiðrétta mig í 
kommenntum hér fyrir neðan.

Jæja það eru svo myndir hér inn í albúmi af Sýningunni vestan megin.

Hér koma svo nokkrar myndir af Sýningunni í Haukatungu Syðri 2.


Verið að fylgjast með í Haukatungu Syðri 2.

Mér fannst alveg frábært að sjá þessar litlu verðandi bónda konur fylgjast með af svo
mikilli athygli og stóðu bara svo prúðar og stilltar.







Verið að skoða hvítu hyrndu sem voru 15 alls sunnan megin.



Hér eru glæsilegar og gómsætar kræsingar hjá þeim í Haukatungu og glæsilegu
verðlaunagripirnir standa fyrir aftann.
Það voru svo veitt auka verðalaun fyrir efstu þrjú sætin í hverjum flokki og sáu
Sauðfjárræktar félögin um það. Það voru egg og hamborgarar sem koma alltaf að góðum
notum og svo var smá bland kinda spil, kertastjaki og hrúta spjald til að hengja upp.

Svo tók við þó nokkur bið eftir að dómararnir kæmu sér saman um útslitin enda erfitt
val á öllum þessum glæsilegu hrútum.







Allir spenntir að fylgjast með úrslitunum.

Hér er Lárus að afhenda Snæbyrni Farandsskjöldinn glæsilega til eins árs.
Þetta er stórglæsilegur gripur.

Hér er svo búið að afhenda honum verðlauna skjöldinn fyrir besta lambhrútinn 2018 á
Snæfellsnesi.
Þetta var frábær dagur og glæsilegir gripir.

Það eru svo fleiri myndir hér inn í albúmi af Sýningunni í Haukatungu Syðri 2.

Svo endilega kíkið inn í albúmin.



17.10.2018 20:37

Lömbin tekin inn 13 okt.

Við smöluðum síðast liðinn laugardag og hér erum við að smala Búlandshöfðann.
Hér erum við komin áleiðis með þær inn í Mávahlíð.
Emil og Benóný á leiðinni upp á Sneið sem er fyrir ofan Fögruhlíð.
Benóný,Embla og Siggi.
Embla með smalaprik og kominn lengst upp að Rauðskriðumel.
Hér erum við kominn upp fyrir kindurnar og búnað finna kindurnar hans Óla á Mýrum.
Þær voru mjög þægar við okkur og rötuðu vel heim og við fengum Jóhönnu og Óla og
Maju til að hjálpa okkur við að koma þeim heim.
Hér eru þær að renna inn í girðingu við fjárhúsin í Tungu.
Hér eru rollurnar hans Óla á Mýrum og ein frá Kvíarbryggju komnar. Þær voru mjög
þægar og fóru beint niður eftir að við náðum þeim.
Núna er svo æðislegur tími framundan að taka frá lífgimbranar og fara skíra þær
og mynda þær. Hér er gimbur undan Möggu Lóu og Móra og hún er spök.
Hér er Móbottnótt gimbur sem er systir Möggu Lóu og hún er líka mjög spök.
Móra gamla er 2007 módel og hún verður tekin inn á hús í dekur.
Drauma liturinn minn er auðvitað sett á til lífs.
Það má segja að ásettningurinn í ár verði mjög litskrúðugur.
Það verður ein svartbotnótt undan Botnleðju og Ask.
Grána sem ég fékk hjá Óttari á Kjalvegi.
Þessi flekkótta er undan Brælu og Kraft.
Grá kollótt undan Móra sæðishrút. Siggi setur aðra af þessum golsóttu á .
Ég ætla bara aðeins að sýna ykkur sýnishorn núna en svo á ég eftir að setja inn myndir af
þeim og dóma seinna.
Hér eru hrútarnir en tveir í sitt hvoru horninu eru seldir og eru í eigu Sigga í Tungu.
Sá svarti er frá Óttari og fyrir aftann hann er hrúturinn hans Kristins Bæjarstjóra og svo
eigum við þennan móblesótta og hvíta fyrir aftann hann.
Hér er svo svartbotnótti hrúturinn hans Óttars.
Það hefur aldrei verið svona mikið af mórauðu í ásettninginum áður og örugglega ekki 
svona margir litir svo þetta verður alveg drauma ásettningur hjá mér he he.

Ég hlakka til að fara gefa mér tíma í að skíra þær og setja þær svo hér inn á bloggið
með stigunum og ættum.

Það eru svo fleiri myndir hér inn í albúmi af þeim og hrútunum.

Það er svo næst á dagskrá hjá okkur Héraðsýning lambhrúta á Snæfellsnesi og má sjá
auglýsingu um hana hér inn á heimasíðu Búa














10.10.2018 20:53

Lambhrútar frá Óttari á Kjalvegi

Þessir tveir myndarlegu hrútar komu til okkar í dag og verða í fjárhúsunum okkar í vetur þeir
eru í eigu Óttars á Kjalvegi. Okkur er farið að vanta nýja hrúta og var því tilvalið að semja um
að hugsa um þá og fá svo í staðinn að nota þá þegar Óttar verður búinn að nota þá á sitt fé.
Þeir eru báðir undan Fóstra sem var grár veturgamal hrútur frá Óttari sem drapst í vor.
Hann var undan Fóstru rollu frá honum og Kaldnasa sem er hrútur frá Óla á Mýrum.
Þessi er 57 kg 31 ómv 3,6 ómf 4,5 lag 104 fótl

8 8,5 9 9 9 19 8 8 8,5 alls 87 stig.

Þessi er 54 kg 30 ómv 3,3 ómf 5 lag 105 fótl

8 8,5 9 9 9,5 18,5 8 8 8,5 alls 87 stig.

Sá botnótti er þrílembingur og sá svarti er undan systir Kletts sem er 10 vetra.

Ég fékk svo þessa fallegu gimbur hjá Óttari hún heimtist seint og er undan tvævettlu.
Hún er óstiguð en ég hef engar áhyggjur af því enda féið hans Óttars afburðar gott.
Ég er mjög ánægð og spennt yfir þessari flottu gimbur hún vigtaði 50 kg.

Ég fékk svo eina kind til baka sem ég lét Arnar á Bláfeldi hafa sem var Blika dóttir en ég
hef ekki náð að taka mynd af henni en ég er mjög spennt yfir henni líka. Hann er að flytja
yfir í Haukatungu svo hann gat ekki tekið ærnar með sér og ég var svo heppin að fá hana.

Það var fallegt haustveður í Fróðarhreppnum í fyrradag og haust litirnir eru komnir i 
allri sinni fegurð.
Ég fór að viðra hundana minn sem er svarta litla og heitir Donna og svo er ég að passa
fyrir Freyju og Bóa þessa hvítu sem heitir Fiðla. Við erum upp á Rauðskriðumel að kíkja
eftir kindum og hér blasir Svartbakafellið við í baksýn sem við vorum að smala um daginn.

Nú styttist óðum í helgina en þá ætlum við að smala og heimta lömbin inn það verður 
gaman að fá þau það er svo spennandi og skemmtilegur tími að fara skoða þau
almennilega og taka myndir.

Það eru svo fleiri myndir af hrútunum hans Óttars og gimbrinni hér inn í albúmi.

08.10.2018 11:47

Eftirleitir 7 okt í Svartbakafelli

Ég og Siggi fórum upp í Svartbakafell rúmmlega 11 í gær og vorum ekki nema í 2 og hálfan
tíma að sækja 14 stykki og koma þeim inn í fjárhús í Tungu. Það má segja að þetta hafi 
gengið frábærlega og þær voru alveg með á hreinu að fara styðstu leið þó þær væru ekki
frá okkur. Læt hérna smá myndasyrpu lýsa atburðar rásinni.
Hér erum við að leggja af stað.
Langt komin á leið og haust litirnir skarta sínu fegursta. Lengst niður frá má sjá í húsin
inn í Mávahlíð.
Siggi að kíkja eftir þeim.
Farin að nálgast snjóinn enda er það hann sem er búnað hrekja þær niður.

Hérna er Svartbakafellið og við þurfum að fara upp að snjónum og svo innst inn til
vinstri í áttina að Rjómafossi til að fara fyrir ofan þær.
Jæja núna erum við að nálgast og förum að geta séð ofan í Skálina en þar eru rollurnar.
Þær eru hérna lengra alveg innst inn af Gilinu og þar ofan í laut sem nefnist Skál.
Á móti fyrir ofan eru Urðirnar og fyrir neðan er Hríshlíðin. Þegar ég var að smala í haust
með Maju og Óla var ég fyrir ofan upp á snjónum og þið sjáið lautirnar hvernig þær eru
á móti og þá er mjög erfitt fyrir mann að sjá fyrir neðan sig og ofan og þess vegna var 
ekki nóg að ég og Maja vorum bara tvær þarna hinum megin því Óli þurfti svo að fara
yfir í Fellið sem við erum núna. En við ætlum að passa okkur næsta haust að fara fleiri
þarna megin upp.
Þetta gekk svo eins og í sögu þær fóru alveg eins og þær áttu að gera niður með Gilinu
og yfir ána réttum megin og yfir í Tungufellið sem blasir hér á móti okkur. Siggi fór fyrir
ofan og ég var fyrir neðan. Við þurftum að fara hér yfir ána til að komast hinum megin.
Svo fallegt hérna í náttúrunni.
Það var ein sem stökk inn í girðingu og við rákum hinar inn og sóttum svo hrútana sem 
voru inn í girðingunni til að ná henni með þeim. Hún ætlaði þó að reyna að stökkva út úr girðingunni en sem betur fer rataði hún ekki á réttan stað og við náðum henni inn.
Hér eru þær svo allar 14 komnar inn svo þetta var bara skemmtilegur brennslu göngutúr
sem gekk svona ljómandi vel. Þær eru sennilega allar frá Friðgeiri á Knörr.

Hér eru þrír Skjaldarsynir frá Bárði og Dóru. Þeir eru sem sagt undan Skjöld sem var
Héraðsmeistari á Héraðssýningunni 2017. Þeir eru allir svo fallegir að Bárður á erfitt með
að gera á milli þeirra og meira segja eru þeir fjórir en ég tók bara mynd af þremum.
Þessi í miðjunni er rosalega líkur Skjöld með alveg eins hornalag.
Mér finnst þessi mjög fallegur hjá þeim.
Hér er Skrýtla með strákana sína þann fremri setjum við á og hinn er seldur.
Ég er vonast eftir að hann gefi mér mórautt með mórauðu.

Jæja nú styttist í spennuna að smala lömbunum heim á næstu helgi og svo er það að 
fara finna nöfn á gripina það er alltaf gaman. Ég reikna með að við smölum á laugardaginn
og tökum þá líka aðra eftirleit Fögruhlíðarmegin við Svartbakafellið í leiðinni.

26.09.2018 10:03

Sláturmat og kjötvinnsla

Jæja það er búið að vera brjálað að gera þessa dagana. Við rákum inn á sunnudaginn til að
flokka sölulömb og sláturlömb sem var mjög mikil vinna því það þurfti að lesa á númer á 
hverju einasta lambi og svo sleppa rollum út sem voru með ásettningslömb eða búið að taka
frá þeim sláturlömb. 

Á laugardaginn voru 6 rollur heimaslátraðar og fengum við frábæra 
hjálp með það frá Bárði,Bóa og Sigga og svo var ég og Emil líka. 
Emil þurfti svo að fara beint út á sjó á Skagaströnd þegar það var búið. 

Daginn eftir fórum við Bói og Siggi svo í þetta sem ég skrifaði fyrst að flokka lömbin og við fengum góða heimsókn og aðstoð hjá Kristinni bæjarstjóra sem var að kaupa hrút af mér og hann létti okkur vel verkið með aðstoðinni sinni.
Hér er hrúturinn sem Kristinn fær undan Grettir og Ögn og er 86,5 stig.
Hann var svo merktur með bláu eins og ásettningslömbin hafa alltaf verið merkt af 
bræðrunum í Mávahlíð. Ég ætlaði þó að breyta því og merkja þau skærbleik sem er
uppáhalds liturinn minn en það var ekki að virka hann var ekki nógu sterkur á þeim svo
við héldum okkur við bláa litinn okkar.

Við fórum inn í Tungu kl 11 um morguninn til að afgreiða sölu lömb og við vorum komin heim á miðnætti svo mikil var vinnan að sortera þetta allt. Emil birtist svo okkur til aðstoðar eftir kvöldmat því það var von á brælu daginn eftir svo hann skaust heim til okkar.

Það eru 17 rollur sem fækkar um sem við létum fara en eina var reyndar keyrt á í sumar og eina seldi ég til Sigurðar Arnfjörð Ólafsvík.

Það fækkar þó ekki mikið hjá mér þvi ég set 15 gimbrar á og Jóhanna eina svo verða 2
lambhrútar sem við setjum á en ég á eftir að segja betur frá því þegar við tökum lömbin inn.

Af 146 lömbum fóru 75 í sláturhús og 56 lömb eru seld til lífs og sett á eru 19 með lambhrútum.

Af þessum 75 lömbum var sláturmatið svona.

Meðaleinkunn Gerð 10,56

Meðaleinkunn Fita 7,73

Meðaleinkunn Þyngd 19,9

8 skrokkar fóru í E

2 í E2

4 í E3+

2 í E3

12 í U3+

31 í U3

4 í U3-

1 í U4

11 í R2

6 í R3

2 í R3-

1 í R3

Þá er þetta upptalið og ég er bara mjög sátt við þetta enda búnað selja allt af þessu besta
úr þessu.

Við er búnað vera ótrúlega þakklát fyrir að eiga svona góða að eins og fjölskylduna
til að aðstoða okkur Jóhanna er búnað vera eins og klettur fyrir mig að passa börnin og
vera með tilbúin mat fyrir okkur þegar við komum heim eftir annasaman dag einnig hefur
mamma og Freyja tengdamamma líka passað fyrir okkur. Bói er búnað standa með mér í
einu og öllu hvað rollunum tengist en samt er hann hættur en fær engan frið frá mér he he
en það góða við það er að hann vill hjálpa og hefur gaman að því. Við erum svo auðvitað með góða samvinnu með Sigga og hjálpumst að í einu og öllu sem tengist þessum tíma.
Við vorum heppin að það hitti á brælu hjá Emil þegar háanna tíminn var og hann gat 
tekið þátt í þessu öllu með mér.
Þetta er Vaíanna hennar Emblu og er veturgömul og alveg gæðablóð.
Hér er Freyja á bak á henni og Embla að klappa henni og knúsa. Hún er alveg frábær 
eins og heimalingur og eltir okkur en hefur þó aldrei verið heimalingur heldur varð bara
svona spök í fyrra sem gemlingur.
Fékk frábæra aðstoð í gær fyrst frá Bóa að hjálpa mér að ná í kjötið og brytja það niður og
svo frá mömmu og Jóhönnu að úrbeina með mér og svo hakkaði ég.
Mamma að rifja upp gamla takta úr Mávahlíð sem hún fær að halda við á hverju ári með
mér og hefur engu gleymt og er eldsnögg að úrbeina 4 læri fyrir mig.

Jæja læt þetta duga í bili og takk fyrir innlitið kæru vinir.


22.09.2018 12:42

Hrútasýning Veturgamla 2018 á Hömrum Grundarfirði

Hrútasýning veturgamla fór framm núna síðast liðinn þriðjudag. Það var vel mætt af fólki en 
heldur minna af hrútum ég tók nú ekki alveg eftir hversu margir hrútar voru en það var allavega ein kró af hrútum í bland kollóttum,hyrndum og milslitum. Það voru milli 30 til 40 manns sem komu.
Ég bakaði eina skúffuköku og Dóra var með salat og ég með grafinn lax og við fengum brauð úr bakaríinu hjá honum Eiríki í Stykkishólmi. Auðvitað vantaði svo ekki árlegu kjötsúpuna sem ég gerði núna í fyrsta skipti og tókst bara vel til eftir því sem mér var sagt því ég hef aldrei borðað kjötsúpu svo ég get ekki dæmt um það. Jóhanna aðstoði mig við kaffið og að skammta súpuna í skálar og við vorum með tvo potta af súpu og það fór einn og hálfur pottur af súpu. 
Lárus Birgisson og Anton Torfi Bergsson komu að dæma hjá okkur hrútana.
Það var frábær aðstaða að vana hjá Bárði og Dóru og vakti mikla lukku hjá krökkunum sem
komu á sýninguna að það var rennibraut og kar sem hægt var að róla í inn í hlöðu. 
Veittir voru 3 farandsbikarar til eins árs fyrir besta hyrnda hrútinn, kollótta og mislita.
Besti hvíti hyrndi hrúturinn er nr Jökull 17- 202 undan Ketil og Ofurflekku.
Hér er Jón Bjarni og Sól dóttir hans með verðlauna bikarinn og hrútinn.

90 kg 119 fótl 39 ómv 4,7 ómf 4,5 lag
8 8,5 8,5 8,5 9,5 9 18,5 8,5 8 8,5 alls 87 stig.

Það er gaman að segja frá því að hann á ættir að rekja til mín því Ketil keypti hann af mér og
er undan Hriflu 12-005 minni og Hæng 10-903 sæðingarstöðvarhrút.
Orfurflekka 14-100 er frá Bergi og á ættir að rekja til Grábotna.
Þetta er svakalega flottur hrútur hjá þeim.
Jökull 17-202. Frá Bergi
Hér er Lárus búnað raða upp í sæti í hvítu hyrndu.
 2.sæti var Hlúnkur frá Sigga í Tungu sem er undan Máv sæðingarstöðvarhrút.
móðir Skessa frá Sigga.

92 kg 116 fótl 34 ómv 8,7 ómf 4,5 lag
8 8,5 9 9 9 18,5 8,5 8 8,5 87 stig.
Hér er hann Hlúnkur 17-450 frá Sigga í Tungu.

3.sæti var Svanur 17-001 frá mér og Emil hann er undan Máv líka og Svönu frá okkur.
Þar er gaman að segja frá því að Svana á ættir að rekja til Jón Bjarna og Önnu Dóru á Bergi.
Svana er undan Mola sem ég fékk hjá þeim og var undan Róna 08-201.

90 kg 120 fótl 37 ómv 5,2 ómf 5 lag.
8 8,5 8,5 9 9 18 8,5 8 8,5 86 stig.

Besti kollótti hrúturinn var frá Ólafi Tryggvasyni Grundarfirði.
Mjaldur 17-601 undan Steðja og Gullbrá.

82 kg 114 fótl 36 ómv 6,4 ómf 4 lag
8 8,5 9 9 9 18,5 8,5 8 8 alls 86,5 stig.
Hérna er Óli með frábæra hrútinn sinn.
Hér er hann Mjaldur.

Í öðru sæti var Steðji undan Ebita 13-971 sæðingarstöðvarhrút, frá Ragnari og Guðfinnu á 
Kverná Grundarfirði.

78 kg 115 fótl 32 ómv 6,9 ómf 4 lag
8 9 9 8,5 9 18 8 8 8 alls 85,5 stig.

Hér sjást þrír efstu kollóttu hrútarnir.

3.sæti kollóttu er Haki 17-282 undan Fannar 14-972 og Stjörnu 11-027, Frá Ragnari og 
Guðfinnu á Kverná Grundarfirði.

77 kg 118 fótl 34 ómv 5,6 ómf 4,5 lag
8 8,5 8,5 8,5 8,5 17,5 8,5 8 8,5 alls 84,5 stig


Besti misliti hrúturinn var frá Óla Tryggvasyni Grundarfirði og má með sönnu segja að 
hann hafi toppað sýninguna með því að eiga bæði besta kollótta og mislita hrútinn.
Glæsilegir hrútar hjá honum og frábær ræktun.

Söðull 17-602 undan Bug og Von.
80 kg 119 fótl 36 ómv 5,9 ómf 4 lag
8 9 8,5 9 8,5 18 8 8 8,5 alls 85,5 stig.

Hér er önnur mynd af Söðul sem er besti misliti veturgamli hrúturinn.

2.sæti var Bangsi 17-283 undan 15-403 og Hjördísi 12-199 , frá Ragnari og Guðfinnu á Kverná Grundarfirði.

80 kg 117 fótl 32 ómv 3,5 ómf 4,5 lag
8 8,5 8,5 8,5 9 18,5 8 8 alls 85 stig.

Hér er hann Bangsi.

Í þriðja sæti var Tinni 17-030 undan Dreka sæðingarstöðvarhrút og Steinunni.
Hann er frá Guðmundi Ólafssyni Ólafsvík.

94 kg 121 fótl 35 ómv 4,4 ómf 4,5 lag
8 8,5 8,5 9 8,5 18 8 8 8,5 alls 85 stig.

Hér sjást þau með þrjá efstu mislitu hrútana.

Hér er Torfi að ómmæla vöðvann.

Farandsbikararnir hjá Sauðfjárræktarfélaginu Búa.

Anna Dóra frá Bergi og Hulda Magnúsdóttir frá Mávahlíð.

Bárður með yngsta barnabarnið sitt og auðvitað upprennandi búkona.

Dætur mínar og vínkona þeirra Hanna Líf og svo mamma mín Hulda frá Mávahlíð.

Þessar eru nú ansi skemmtilegar á litinn og maður bráðnar alveg þær eru í eigu 
Bárðar og Dóru á Hömrum.

Lárus og Torfi að fara segja okkur úrslitin.

Hér er verið að vigta og ómmæla hrútana.

Knarran og Bliki frá Bárði og Dóru. Svo fallegir á litinn.

Jæja það eru svo fleiri myndir af sýningunni hér inn í albúmi.
Flettingar í dag: 949
Gestir í dag: 12
Flettingar í gær: 145
Gestir í gær: 14
Samtals flettingar: 666194
Samtals gestir: 45712
Tölur uppfærðar: 28.3.2024 17:34:52

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar