Velkomin á heimasíðuna okkar !

Dísa,Emil,Benóný Ísak og dýrin.

23.08.2018 10:16

Frábært veður inn í Kötluholti og farið á paddel bard

Það var æðislegt veður um daginn inn í sveit og Maja og Óli eru nýbúnað fá sér þessi 
paddel board bretti. Við skelltum okkur með þeim og fengum að prófa. Hér er Freyja með
Maju. Hjónin sem eiga Mávahlíð eru góðir vinir Maju og Óla og þau voru líka með þeim.
Hér er Benóný að hafa það kósý með Maju.
Freyja Naómí kát eftir að vera búnað fá að prófa.
Æðislegt útsýnið yfir í Mávahlíð. Hér sést Richard og Erin sem eiga Mávahlíð og Óli.
Richard var á svona uppblásum kajak bát.
Hér er Maja með Emblu.
Pollý fylgdist spennt með.
Og Messí auðvitað líka og henni langaði að fara með.
Og Erin lét það eftir henni og tók hana með og hún vildi helst bara fá að vera með.
Hér er Erin á sínu bretti.
Hér er Óli .
Lét mig hafa þetta að prófa fyrst var ég eins og skjálfandi spýtukarl að ná jafnvæginu
og sat fyrst en varð svo að standa upp og það var pínu kúnst að ná jafnvæginu og 
ég var óstyrk en svo eftir smá stund var þetta bara mjög gaman.
Hér erum við systurnar saman ég og Maja. Embla var svo dugleg að taka myndir.

Það eru svo fleiri myndir af þessu hér inn í albúmi.

23.08.2018 10:00

Kíkt á lömbin í byrjun ágúst.

Þegar við komum úr ferðalaginu af norðan i byrjun ágúst stoppuðum við og smelltum 
nokkrum myndum.
Þetta er Rjúpa með lambið sitt sem hún fóstrar fyrir Björg gemling sem var tvílembd.
Það var mjög magnað að sjá eina stærstu rolluna í húsinu með minnsta lambið og það
þurfti að teppa leggja stíuna alveg svo lambið festist ekki í grindunum svo lítið var það
en hér er hann og orðin jafn stór og hin lömbin enda mjólkar Rjúpa rosalega vel og hann
gengur einn undir svo hann verður stór og flottur.
Tala með sín lömb undan Grettir.
Orðinn stór og flottur hann Golsi hjá Botnleðju.
Hér er einn flottur.
Hinn á móti þessir eru undan Ask og Frenju.
Orabora með gimbrina sína undan Kraft.
Stór hrútur undan Urði og Gutta sæðingarstöðva hrút.

17.08.2018 22:28

Vestfjarðarævintýrið og langþráður draumur Benónýs rættist.

Jæja við vorum heldur betur hvatvís á föstudaginn síðast liðinn eftir að við vorum ný komin
heim að norðan og náðum að mála þakkantinn á húsinu sem var búnað bíða eftir að vera 
málaður í allt sumar en aldrei þurrkur eða tími til að sinna því en nóg með það og aftur að
hvatvísinni okkar. Eftir hádegi á föstudaginn datt okkur það brjálæði í hug að láta draum
Benónýs ekki líða þriðja árið í röð um að fara á Vestfirðina og prófa sundlaugarnar þar.
Svo við skelltum í töskur og hentum inn í hjólhýsi og rukum af stað. 
Við komum við í matarvagninum hjá Viði og Kollu á Breiðabliki og fengum æðislega fiskipylsu.
Svo fórum við upp Heiðdalinn og keyrðum fram hjá Hallkelsstaðarhlíð og mér fannst það
mjög gaman því ég man eftir henni síðan ég var barn að fara með Steina frænda í heimsókn
til Einars í Hlíð og mig langaði svo að sjá hvernig þetta liti út núna hvort minningin væri rétt.
Jæja við fórum svo í gegnum Búðardal og þar á eftir kom svakalega leiðinlegur malarvegar
kafli en þar var verið að laga og fara malbika. 

Keyrðum fram hjá Dunkárbakka í Dölum en þar býr frændi hans Sigga í Tungu og 
Gerða mamma hans Sigga er frá þessum bæ.

Hólmavík er fyrsti viðkomu staður.

Auðvitað var skellt sér í sundlaugina á Hólmavík Benóný langaði það mjög mikið.

Mynd af sundlaugarhúsinu á Hólmavík.

Gleymdi að taka eftir hvað þessi brú heitir en hún var mjög flott hún kom eftir að maður
var búnað keyra svolítinn tíma frá Hólmavík.

Eftir langa keyrslu inn alla firðina og skoða náttúrufegurðina í hverjum fjörð vorum við
komin á Súðavík.

Styttist óðum komin að Ísafirði.

Jey loksins kominn á áfangastað Bolungarvík hér komum við. Það tók við allsherjar þrif
því hjólhýsið var fullt af ryki eftir malarvegskaflann frá Búðardal. Svo hafði opnast 
hrásalat dolla og hún var út um allann ískáp voða stuð.

Svona var útsýnið út um dyrnar á hjólhýsinu daginn eftir, rennibrautin í sundlauginni.

Benóný gat ekki lýst gleði sinni yfir að fara loksins að prófa rennibrautina á Bolungarvík
sem hann er búnað dreyma um í þrjú ár.

Hann fékk mynd af sér og stóru plakkati sem er af Bolungarvík og var inn í sundlaugahúsinu.

Það var svo gaman að bróðir Emils hann Marinó var akkurrat staddur á Bolungarvík
og kíkti á okkur á tjaldstæðið.

Við fengum æðislegt veður sól og 14 til 20 stiga hita loksins rötuðum við á réttann
stað með gott veður.

Það var skellt sér í sund strax um morguninn og hún stóð alveg undir væntingum og 
Benóný fannst hún rosalega flott og skemmtileg. Mér fannst aðstaðan sú besta sem ég
hef farið í sturturnar voru æðislegar og hef ég nú farið í þær margar.

Það var líka frábært leiksvæði við skólann og sundlaugina og líka hoppudýna.

Freyja að klifra.

Benóný að gera æfingar he he.

Ísafjörður.

Sundhöllin á Ísafirði. Við skoðuðum hana bara en fórum ekki í sund þar.

Fallegt tjaldsvæðið á Ísafirði.

Göngin sem liggja til Flateyrar,Þingeyrar og Suðureyrar.

Sjáið þessa hæð á fjöllunum þvílík fegurð sem þau eru og dalirnir sem myndast inn í 
fjörðunum ég var alveg dáleidd af náttúrunni.

Svakalega tignarleg fjöll.

Komin á Suðureyri.

Bingó kominn til Suðureyrar.

Kort af bænum.

Skoðuð bryggjan.

Auðvitað vildi Benóný fá mynd af sér við sundlaugina á Suðureyri og honum langaði
geggjað mikið í hana en við vorum bara ekki með sundfötin okkar með því við vorum 
búnað fara í sund á Bolungarvík.

Krakkarnir á bryggju á vatninu við sundlaugina á Suðureyri.

Það var fallegt sveita kaffihús sem heitir Kaffi Sól á bænum Neðri Breiðdal á leiðinni
að Flateyri.

Það var rosalega kósý að fá sér kaffi og ostaköku og Emil fékk sér vöfflu og horfa svo
á þetta æðislega útsýni yfir Önundafjörðinn.

Næsti staður var Flateyri.

Það var keyrt fram hjá sundlauginni á Flateyri og skoðað hana fyrir Benóný.

Löbbuðum upp þar sem snjóflóðavörnin er fyrir ofan bæinn.

Hér sést útsýnið yfir Flateyri.

Það var líka hoppudýna á Flateyri þeir eru mjög duglegir á Vestfjörðunum að vera með
flotta aðstöðu fyrir börn. Við þurfum klárlega fara redda okkur svona í Ólafsvík.

Jæja þá er að fara skella sér á Þingeyri.

Embla kallaði þetta prinsessu kastala. Ég veit ekki hvað þetta er eða hvað þetta heitir.

Hér sést til Þingeyrar.

Jæja þá er komið að Þingeyri og svo förum við aftur til baka á Bolungarvík og gistum
aðra nótt þar.

Sundlaugarhúsið á Þingeyri.

Kort af stöðunu sem við eru búnað rúnta í dag út frá Bolungarvík.

Feðgarnir niðursokknir í að skoða kortin.

Skruppum í Gamla bakaríið á Ísafirði og mér fannst svo flott að sjá þetta skilti í 
miðbænum að ég varð að taka mynd af því.

Fórum í Raggagarð á Súðavík.

Marinó bróðir Emils og konan hans Fríða sýndu okkar Raggagarð og sonur þeirra var
líka með þeim hann Pétur og hann og krakkarnir náðu vel saman.

Hér eru þau öll saman svo gaman að leika og þetta er frábær garður.
Við ætluðum að fara sömu leið til baka vestur og fara heim í dag sunnudag en datt svo í
hug að koma Benóný á óvart og hafa það hluta af afmælisgjöfinni hans að halda áfram
og fara yfir á Tálknafjörð svo hann gæti farið í sundlaugina þar sem er líka búnað vera 
draumurinn hans ef hann færi á Vestfirðina. Það gekk svo allt upp þegar ég gat útvegað
okkur ferð með Baldri frá Brjánslæk að Stykkishólmi svo við myndum sleppa við að 
fara með hjólhýsið alla malarvegina svo við lögðum aftur af stað frá Bolungarvík og
fikra okkur í áttina að Tálknafirði.

Komin aftur að Þingeyri og förum upp á heiði og malarveg.

Þetta er Hrafnseyrarheiði og hún var gríðalega brött upp og hæðin að horfa niður eftir
henni vakti manni óhug alla vega mér. Þó ég geti smalað um öll fjöll þá á ég ekki gott með
að vera í bíl upp og niður svona fjöll og hvað þá með hjólhýsi í afturdragi.

Og Guð minn almáttugur þegar upp á toppinn var komið að fara svo að keyra niður ég
var alveg sturlast og Emil og krakkarnir hlógu bara af mér. Þetta var svakalegt ég er búnað
fara Hellisheiði og yfir á Vopnafjörð en mér fannst þessi svakaleg því hæðin á fjöllunum
er rosaleg en kanski er ég bara búnað gleyma hvað Hellisheiðin var svakaleg en þá var
ég líka á fólksbíl en ekki jeppa og þá situr maður svo hátt uppi.

Jæja eftir að vera búnað vera á bremsunni ,ríghalda í beltið og slátra tveim bjórum til að
róa mig lifði ég af þessa niður leið he he. Hér erum við komin að fossinum Dynjanda.

Og en er ein önnur heiðin og það er Dynjandisheiði en hún var nú mikið skárri.

Jæja nú fer þetta að styttast.

Þegar við komum svo neðar í áttina að Bíldudal sáum við þessa frábæru náttúrulaug
sem var alveg ævintýri fyrir okkur hún var æðislega flott.

Svo voru líka heitir pottar í læknum alveg geggjað og sá efsti var örugglega 42 gráður
en þessir neðri aðeins minna.

Þetta var það magnaðasta sem við gerðum í þessu ævintýri en Benóný fannst það 
auðvitað vera að komast á Bolungarvík í rennibrautina og hina sem er eftir á Tálknafirði.

Benóný vildi fá mynd af sundlaugahúsinu he he en þetta var klósett og svo stelpu og 
stráka klefi til að skipta um föt en engar sturtur en samt alveg æðislegt. Við hittum
þarna bandaríkjamenn sem spurðu okkur hvaðan við værum og þeir hlógu svo bara þegar
við sögðum að við væru íslendingar að túristast um Vestfirðina þeim fannst það mjög
skemmtilegt að heyra.

Þessa bók gaf Irma Benóný þegar skólinn hætti það átti að fara hætta með þær og hún
var sko mikið notuð í sumar bæði fyrir sunnan,norðan og núna Vestfjörðunum.
Það var svo gaman að sjá hvað hann fylgdist með hvar við værum og svo gat hann sagt 
okkur til um nöfnin á fjöllunum og margt vissi hann því hann var búnað skoða það á 
kortavefnum inn á skólavefnum.

Bíldudalur.

Sundlaugar húsið á Bíldudal.

Bryggjan á Bíldudal. Tekið mynd af sundlaugum fyrir Benóný og bryggjum og bátum 
fyrir Emil.

Jæja þá er best að halda áfram í átt að Tálknafirði og þá er ein heiði eftir þangað það er
Botnheiði held ég.

Jæja þetta er að hafast.

Sundlaugin á Tálknafirði.

Við búnað koma okkur fyrir og komið kvöld. Krakkarnir spenntir að prófa sundlaugina
á morgun sem er hliðina á tjaldstæðinu.

Hér er minn maður kominn í sundlaugina og er að fara í rennibrautina á Tálknafirði.
Hann bræddi alveg konuna í sundlauginni og sagði við hana að þetta væri flottasta 
sundlaug sem hann hafi séð og það er mikið hrós því margar eru þær sem hann hefur
komið í. Ég þarf endilega að fara taka það saman hversu margar sundlaugar með 
rennibrautum við eigum eftir að fara í á íslandi ég held að það séu bara mjög fáar eftir.

Þetta er Pollurinn sem er fyrir ofan Tálknafjörð og er svona náttúrulaug ég tók bara mynd
af henni en við prófuðum hann ekki.

Hér sést Tálknafjörður nú erum við lögð af stað eftir sundið í áttina að Patreksfirði.
Við erum upp á Botnaheiði.

Jæja nú erum við komin á Patreksfjörð. Við náðum ekki að taka mynd af sundlauginni
þar því hún er svo upp í brekku. En hún er víst mjög flott og flott útsýni úr henni.

Sáum þennan á leiðinni frá Patreksfirði í áttina að Brjánslæk. Þetta er elsta stál skip
á Íslandi.

Áfram höldum við og förum yfir Kleifaheiði.

Komin niður og sjáum Barðarströndina.

Heilluðumst svo af ströndinni að við parkeruðum og hlaupum niður í fjöru.

Þetta var æðislegt frjálsæðið og frelsið svo mikið og ekki má gleyma æðislega veðrinu 
sem var búnað fylgja okkur alla ferðina.

Skrifað í sandinn. Kastað af sér skóm og sokkum og rokið af stað.

Emil dugnaðar maðurinn minn búnað keyra með okkur alla þessa leið og hlusta á 
hræðsluna i mér yfir heiðarnar he he. 

Jæja þá erum við komin að Brjánslæk og hér er Baldur ferjan.

Sundlaugin í Flókalundi við keyrðum að henni og tókum mynd og fórum svo á Hótel
Flókalund og fengum okkur að borða.

Þá er Emil að fara keyra um borð í Baldur.

Krakkarnir ótrúlega spenntir að fara um borð.
Það leynir sér ekki gleðin sem skín af þeim. Stelpunum fannst þetta mest skemmtilegt í 
ferðalaginu okkar að fá að fara í ferjuna heim.

Veðrið var náttúrulega bara æðislegt og siglingin tók aðeins 2 og hálfan tíma en er áætluð
rúmlega 3 tímar.

Freyja Naómí.

Benóný Ísak.

Embla Marína.

Flatey við komum við þar en engin fékk að fara frá borði nema hann væri að fara til vera
þar.

Benóný í leikherberginu í Baldri.

Farin að sjá Stykkishólm.

Emil búnað keyra út úr ferjunni og kominn í Stykkishólm.

Ein hér að lokum af krökkunum að nálgast Stykkishólm úr ferjunni. Þetta ferðalag var
alveg æðislegt og munum við öll eiga góða minningu um hversu frábært ævintýri þetta var.
Takk fyrir að skoða og upplifa þetta með okkur emoticon

Það eru svo fullt af myndum í viðbót af þessu ferðalagi fyrst hér úr myndavélinni og svo
með því að smella hér eru síma myndirnar.

Ég er svo búnað ná flottum lamba myndum og þær munu koma hér inn á næstunni því
nú er svo gaman að sjá lömbin það er farin að síkka ullinn og þau eru orðin svo stór og flott.

14.08.2018 21:55

Verslunarmannahelgin á Akureyri með fjölskyldunni

Byrjuðum á þvi að koma við á Hvammstanga en þar var Steinar bróðir Emils og fjölskylda og Jóhann bróðir Emils og fjölskylda í útilegu. Við fórum í sund á Hvammstanga og svo borðuðum við með þeim á tjaldstæðinu. Við héldum svo áfram og fórum á Skagaströnd.
Útgerðin sem Emil vinnur hjá var að kaupa bát og hann er að fara róa með hann um miðan ágúst. Þetta er bátur með beitningarvél um borð svo þeir verða 4 á honum í staðinn fyrir að þeir hafa verið 3 á línu bátnum sem Emil er að róa núna á. Við gistum eina
nótt á Skagaströnd og Emil fór aðeins að ræða við mennina sem eiga bátinn.
Tjaldstæðið á Skagaströnd var mjög flott og flott leiktæki fyrir krakkana.

Hér er báturinn sem er á Skagaströnd.

Ég gleymdi nú alveg að við fórum fyrst í sumarbústað í Húsafelli áður en leið okkar lá norður
og vorum við hjá Freyju og Bóa þau voru með nýja bústaðinn hjá Verkalýðsfélaginu og 
hann er rosalega flottur og stór.

Hér er stór hluti af barnabörnum Freyju og Bóa saman komin í heitapottinum í Húsafelli.

Kamilla Rún skemmti sér vel í útilegu í Húsafelli. 

Við geymdum hjólhýsið okkar í Deildartungu hjá Önnu Dís dóttir Bóa og hér fórum við
að skoða kálfana hjá þeim.

Það var mikið sport að klifra upp á háaloft í fjósinu.

Flottar saman allar upp í tré. Vigdís,Embla,Freyja og Sesselja.

Hér sést hjólhýsið okkar parkerað í Deildartungu.

Fórum í sundlaugina á Kleppársreykjum og hún var rosalega kósý og fín.

Hreppslaug var lokuð en við urðum að keyra upp að henni fyrir Benóný til að sýna 
honum hana það verður bara fara í hana næst.
Jæja leið okkar lá svo norður á Skagaströnd eins og ég sagði áðan og þaðan yfir á 
Varmahlíð sem við fórum í sund og Benóný var svo ánægður og hissa þegar hann sá að
það var komin ný rennibraut þar en því miður var ekki búið að opna hana strax það var
en verið að gera og græja hana. Við létum það þó ekki stoppa okkur og fórum í sund þar 
og Benóný horfði bara á hana og skoðaði hana með aðdáunar augum.
Við héldum svo áfram til Akureyrar og fórum á tjaldstæðið á Hömrum sem við höfum verið
áður og er æðislegt að vera. Jóhann,Þórhalla og krakkarnir voru komin þangað og líka
Steinar, Unnur og krakkarnir og þau voru búnað taka frá stæði svo við gætum verið öll
saman. Þetta var alveg æðislega gaman hjá okkur og það var farið í sund alla dagana
auðvitað Akureyri, Hrafnagil, Ólafsfjörð og tvisvar á Þelamörk sem er æðisleg sundlaug.

Sundlaugin í Varmahlíð.

Mikið um að vera á tjaldstæðinu á Hömrum nóg afþreying fyrir krakkana.

Á leiðinni að fara í hjólabát sem var á Hömrum.

Komin um borð.

Hér sést hvað það var kósý hjá okkur hjólhýsið hans Steinars sést hérna fremst svo kemur
hjá Jóhanni og svo glittir í okkar hér á endanum.

Auðvitað var skellt sér á Kaffi Kú sem er alltaf viðkomu staður fyrir okkur þegar við
förum norður við elskum þetta kaffi hús.

Þessi kisa á Kaffi kú var alveg einstaklega gæf og alveg elskaði að láta krakkana 
klappa sér og meira segja þegar við opnuðum bílinn stökk hún inn ætlaði bara koma með 
okkur he he en svo tókum við hana auðvitað út aftur en ekkert smá fyndið að hún skyldi
fara á eftir krökkunum inn í bíl. Við kíktum svo auðvitað á góðvini okkar Birgittu og Þórð
á Möðruvöllum en við gleymdum að fá mynd af okkur í þetta skipti en við eigum 
auðvitað mynd af okkur þegar við fórum til þeirra í júní því þetta er annað skiptið í 
sumar sem við förum norður enda elskum við allt fyrir norðan það er svo æðislegur staður.
Við fengum að sjá nýja eldhúsið hjá Birgittu sem er alveg frábært og auðvitað fengum
við kaffi og kræsingar í nýja eldhúsinu.

Kósý hjá krökkunum í hjólhýsinu okkar.

Rafmagnsbílar voru á Hömrum yfir verslunarmanna helgina.

Embla að keyra.

Freyja að keyra.

Það voru líka svona hjól.

Freyja rétt nær niður he he.

Benóný.

Benóný gerði sér lítið fyrir og massaði alveg þetta flekahlaup alla leið yfir.

Embla að hlaupa yfir hún þurfti smá hjálp fyrst frá Unni en svo kom þetta alveg eftir
eitt skipti og þá fór hún endalaust aftur yfir.

Freyja að fara yfir hún fékk líka hjálp frá Unni og lét sér eitt skipti duga.

Birgitta að fara yfir.

Unnur var svo dugleg að hjálpa krökkunum yfir og óð alveg út í. Hér er Alexsander svo
stoltur að fara yfir með mömmu sinni.

Hér erum við komin í Daladýrð dýragarð fyrir norðan.

Embla svo glöð að klappa kettlingunum.

Freyja með kettling.

Svo gaman hjá þeim.

Kamilla að kíkja á kettlingana.

Alexander með kettling.

Embla og Freyja með kanínu.

Birgitta og Alexander að hoppa í heyjið.

Kara og Daníel komu líka með okkur í dýragarðinn og hér er hún með kiðling.

Embla og Kamilla sætar frænkur.

Embla og Birgitta að skoða folöldin.

Sundlaugin á Akureyri.

Sundlaugin á Ólafsfirði.

Hér sést í nýju rennibrautirnar sem eru að koma á Dalvík. Það verður nóg fyrir okkur að 
prófa á næsta ári nýju rennibrautina í Varmahlíð og kannski á Sauðárkrók ef hún verður
tilbúin og svo þessar í Dalvík strax komin ný markmið fyrir Benóny næsta sumar.

Hann Benóný fann meira segja teikningarnar af nýju rennibrautunum á Dalvík því hann
var svo spenntur að það væri að koma nýjar því þetta hefur alveg farið fram hjá honum
því hann vissi ekki að það væru að koma nýjar þar.

Kósý hjá þeim Birgitta,Embla ,Freyja og Benóný.

Svo kósý hjá okkur hér er krakka hornið með kojunum.

Hér er svo matarkrókurinn hjá okkur og svo sést inn í krókinn hjá krökkunum.

Öll að kúra hjá pabba í hjólhýsinu.

Birgitta svo stolt með litlu systir.

Allar saman frænkurnar svo gaman.

Öll búin í klippingu og fengu lita sprey í hárið svo mikið sport.

Það var þó ekki lengi í hárinu því við fórum svo beint í sund og þá lak allt úr he he.

Í bakaleiðinni komum við aftur við á Skagaströnd því Emil var að tala við mennina í 
sambandi við bátinn og þá fékk Benóný ósk sína uppfyllta að fara í sundlaugina á 
Skagaströnd. Hún var ótrúlega hlýleg og kósý og gaman að koma í hana okkur var boðið
upp á kaffi í heitapottinum og alveg dekrað við okkur.

Benóný vildi að ég tæki mynd af henni og heitapottinum líka.
Þetta var flottur endir á góðri útilegu hjá okkur.

Það eru svo fullt af myndum hér inn í albúmi af þessu öllu saman.

27.07.2018 01:13

Heyjað í Tungu og keyrt möl í veginn í Kötluholti.

Stelkur á staur inn í Tungu.
Ísak. Tvinna sonur.
Drjóli. Hæng sonur frá Sigga.
Grettir hans Sigga. Máv sonur.
Kaldnasi. Magna sonur.
Glámur. Saum sonur.
Askur tók til fótana. Askur er Kalda sonur.
Þeir voru að sniglast í túninu þegar við voru að heyja í Tungu en vildu þó ekkert tala við
mig og Benóný þegar við reyndum að nálgast þá.
Jóhanna búnað snú fyrir Sigga. Það var ansi hvasst í dag þegar Jóhanna var að snúa
en það lægði seinni partinn og þeir byrjuðu að rúlla klukkan 5 og það gekk allt saman
hratt og vel fyrir sig.
Drífa með hrút undan Svan og fóstrar hrút fyrir Hrímu hennar Jóhönnu og hann er líka
undan Svan.
Flottir feðgarnir saman í lyftaranum að fara ná í möl.
Það þurfti að fylla í gras veginn í Kötluholti svo við kæmumst niður eftir til að sækja
rúllurnar og keyra þær á vörubíl upp í Tungu. Emil og Bói náðu að keyra talsvert í 
veginn í kvöld en svo verðum við að keyra rúllurnar bara í rólegheitum á morgun.
Skrúfa hans Sigga með lömbin sín undan Drjóla.
Snúlla gemlingur hennar Jóhönnu með hrútinn sinn undan Kaldnasa.
Þeir feðgar lagðir af stað.
Fíóna með lömbin sín undan Ísak.
Urður með hrútana sína undan Gutta sæðishrút.
Botnleðja með boltana sína undan Ask.
Nútella með lömbin sín undan Glám.
Gimbrin.
Hrúturinn.
Flottar mæðgur Nútella og gimbrin hennar.
Frenja með hrútana sína undan Ask. Hinn er botnóttur og er bak við þann hvíta.

jæja Siggi fékk 13 rúllur af túninu heima hjá sér og þeir kláruðu það í kvöld.
Það eru svo fleiri myndir af þessu hér inn í albúmi.

27.07.2018 00:22

Heyjað í Kötluholti og ný lömb sjást.

Ljósbrá með hrútinn sinn undan Dranga sæðishrút og svo með gimbur sem gengur 
undir henni og er þrílembingur undan Dröfn og Berg sæðishrút.
Skrúfa hans Sigga með lömb undan Drjóla.
Frá Sigga Storð með gimbur undan Drjóla og svo eru tvær gimbrar undan Fönn og Hlúnk.
Sarabía með hvíta gimbur undan Móra sæðishrút og svo er svartur hrútur undan Sölku
sem gengur undir henni.
Jökulrós með lömbin sín undan Kaldnasa.
Gimbur undan Gersemi og Ask.
Hrúturinn á móti.
Hyrna með hrútinn sinn undan Bjart sæðishrút.
Hér sést hrúturinn betur.
Flottir hrútarnir hennar Skrýtlu og undan Tinna hans Gumma Óla.
Ég komin á gamla flotta Zetorinn og er að fara snúa inn í Kötluholti.
Emil að snúa. Lýst ekkert á útlitið er svo hræddur við rigninguna sem vofir yfir.
Skessa hans Sigga.
Gimbrin hennar Skessu sú golsótta og svo er hrútur undan Sprengju gemling sem 
gengur undir. Hann er undan Tinna hans Gumma Óla.
Undan Frenju og Ask.
Emil að rúlla inn í Kötluholti.
Allt á fullu til að vera á undan rigningunni og það hafðist leið og seinasta rúllann kom
út úr rúlluvélinni þá byrjaði að rigna. Þetta var á miðvikudagskvöldið.
Bói að raka saman.
Siggi að plasta.
Hann var orðinn ansi þungur yfir en sem betur fer beið hann eftir okkur með að fara
rigna og þegar við fóru yfir á hitt stykkið þá sneri ég á meðan þeir rúlluðu.
Við fengum 23 rúllur af fyrsta stykkinu og 4 af litla og 25 af stóra stykkinu hér fyrir ofan.
Það eru svo fleiri myndir af þessu hér inn í albúmi.


26.07.2018 22:57

Heyjað í Fögruhlíð og fleira

Verið að tættla heyjið inn í Fögruhlíð.
Emil að raka saman fyrir framan sumarbústaðinn hjá Gunna Óla og Ástu í Fögruhlíð.
Rákumst á Hrímu hennar Jóhönnu og gáfum henni brauð.
Björg gemlingur með hrútinn sinn undan Ask og Morgunstjarna hennar Jóhönnu með 
gimbrar undan Gretti.
Gurra gemlingur með lömbin sín undan Hlúnk.
Morgunstjarna.
Björg gemlingur með hrútinn sinn.
Hríma hennar Jóhönnu með lömbin sín.
Krakkarnir fundu þennan fína sílapoll til að veið síli.
Hér erum við búnað raka frá Spóa hreiðri sem þeir voru næstum búnað slá en tóku 
eftir því sem betur fer og skildu það eftir.
Hér eru þeir.
Hér eru krakkarnir með ungan voða gaman.
Botnleðja með lömbin sín. Mér finnst þau virka svo geðveikt þykk og falleg.
Þau eru undan Ask.
Gimbur undan Villimey og Ísak.
Urður með hrútana sína undan Gutta sæðishrút.
Gimbur undan Fíónu og Ísak.
Hrúturinn á móti.
Bói að koma með gamla djásnið fyrir mig svo ég geti farið að tættla í Kötluholti.
Hrútur undan Hnotu hennar Jóhönnu og Berg sæðishrút og gimbrin er undan Skvísu
og Klett sæðishrút.
Dúfa hennar Jóhönnu með hrútana sína undan Móra sæðishrút.
Svo flott.
Hinn hrúturinn.
Lömb undan Snædrottningu og Svan.
Hér er Snædrottning.
Grár hrútur frá Sigga.
Hinn á móti.
Hláka hans Sigga með lömb undan Gretti.
Flottir hrútar frá Sigga ég náði ekki að sjá hvaða rolla þetta væri.
Héla gemlingur frá Sigga með lömbin sín undan Glám. Þau ganga bæði undir.

Það eru svo fleiri myndir af þessu hér inn í albúmi.

Það gekk vel hjá okkur að heyja í Fögruhlíð en það voru frekar blaut túnin. 
Það voru 38 rúllur á Fögruhlíðar Eyrunum og 6 rúllur af litla stykkinu við 
afleggjarann upp Fögruhlíð.

25.07.2018 00:13

Öskubuska í sjálfheldu

Það skall heldur betur hurð nærri hælum hjá henni Öskubusku í gær. Við vorum á leiðinni að
fara inn í Fögruhlíð að slá þegar við rákum augun í Öskubusku út í miðjum Ós niður við Tungu.
Þarna sjáiði hana á eyrinni eftir að ég var búnað öskra á hana en hún var á smá blett
þarna nær sem sést varla á þessari mynd en næsta mynd gefur til kynna hvar hún var.
Þar sem örin bendir þar stóð hún fyrst og það er ágætlega djúpt þar í kring svo þær 
þurftu að synda út í eyrina.
Hér er ég að reyna öskra á hana því oftast nær hefur það dugað þegar þær festast
þarna.
Jæja búið að sækja vöðlurnar og hér er Emil að klæða sig í.
Virkar glæfralega djúpt og ekki lengra kominn en þetta.
Þetta leit þó betur út en á horfðist því það eru svona hólar ofan í vatninu og það var
grunnt inn á milli. Emil komst alveg yfir og leið og hann var kominn upp á grasið þá synti
hún yfir í land svo allt endaði þetta vel.
Hér var Emil að græja tindana a tættluna. Þetta var tekið áður en við fórum að byrja heyja.
Emil og Bói að setja olíu á traktorana.
Búið að slá og snúa stóra stykkið í Fögurhlíð.
Hér er svo minna stykkið en það gefur yfirleitt vel af sér. 
Siggi að slá í Tungu.
Gemlingarnir hans Sigga með lömbin sín.
Emil og Bói að slá í Kötluholti.
Stelpurnar alsælar í sveitinni. Fundu smá sílapoll til að veiða síli voða gaman og veiddu
 11 síli.
Dásamlegt veður loksins.
Benóný alltaf kátur.
Nál með gimbrina sína og hin er fyrir aftan hana.
Villimey með gimbur undan Ísak.
Hrúturinn á móti.
Hrútur og gimbur undan Bifröst og Gutta sæðishrút.
Tunga með hrút undan Bjart sæðishrút.
Sami hrútur.
Dröfn með þrílembingana sína sem ganga tveir undir og eru undan Berg sæðishrút.
Dollý hans Sigga þessi kollótta er þarna með henni á myndinni.
Hér er önnur mynd af þeim.
Kvika með gimbur og hrút undan Klett sæðingahrút.
Önnur mynd af þeim.
Hrúturinn hennar Tungu og Bjarts sæðingarhrúts.
Smá prufu mynd af Donnu hún var alltaf fyrir þegar ég var að taka myndir.
Hér er hún svo blörruð og sólarlagið og kindurnar í fókus.

Jæja það eru svo fleiri myndir af þessu hér inn í albúmi.





24.07.2018 23:31

Útilega á Selfoss

Skelltum okkur í útilegu á Selfossi með Steinari , Unni og börnunum. Það var mjög gaman þó svo að það hafi verið rigning mest allann tímann. Við fórum í sund á Selfossi og kíktum í 
Slakka dýragarðinn. Vorum frá fimmtudegi til sunnudags.
Út að borða á KFC á Selfossi.
Freyja á KFC.
Benóný, þau fengu öll derhúfu voða lukkuleg.
Benóný að hafa það kósý í hjólhýsinu.
Emil með Emblu og Birgittu.
Fyrsta útilegan hjá Kamillu Rún Steinarsdóttur.
Á leiðinni í Slakka.
Í Slakka Freyja, Birgitta,Embla og Benóný.
Freyja með naggrís.
Embla með páfagauk.
Og Freyja og Birgitta.
Benóný lika með hann.
Hérna voru hvolpar.
Með kanínur.
Birgitta með einn á hausnum.
Alexander Ísar Steinarsson.
Embla var yfir sig hrifinn af þessari hænu.
Hér eru þær saman frænkurnar með hænuna.
Benóný í mínigolfi í Slakka.
Töff haninn í Slakka.
Hér endaði svo ferðalagið okkar í Slakka og þá lá leiðinn heim að fara heyja.
Benóný var ekki sáttur því hann átti eftir að fara í sund á Laugarland og Reykholt svo það
verður að bíða til næstu útilegu að fara í þær. Það var nefnilega sunnudagur þegar við 
vorum á ferðinni og þá loka sundlaugarnar svo snemma að við náðum ekki að fara í þær
þegar við vorum búinn í Dýragarðinum Slakka.

Það eru svo fleiri myndir af ferðalaginu okkar hér inn í albúmi.

19.07.2018 12:03

Rúntur 18 júlí

Jæja þetta hafðist hjá þeim að klára að binda allt heyjið. 
Þetta var frekar minna en fyrra en það voru 11 rúllur af Gilinu, Túnið hliðina á Gilinu eru 3, Hliðina á fjárhúsinu í Mávahlíð voru 7 og í Mávahlíðinni voru 13 svo alls voru þetta 34 rúllur. Það er svo ekki útlit fyrir að fara slá meira alveg strax því nú spáir hann áfram rigningu um helgina.
Hrútur undan Mjallhvíti og Hlúnk hans Sigga.
Hér er Mjallhvít með lömbin sín.
Næla.
Hrútur undan Svan og Nælu. 
Hinn á móti.
Hérna eru þeir saman virka vel þykkir og flottir.
Svakalega fallegur á litinn þetta er hrútur frá Gumma Óla í Ólafsvík.
Hitt á móti.
Hér er kindin hans Gumma með lömbin.
Glittir í lömbin hannar Þoku.
Hosa með sín lömb undan Grettir.
Hér sést önnur gimbrin betur.
Sóldögg með gimbranar sínar.
Önnur gimbrin hannar Sóldögg og Ísak.
Hin gimbrin hennar Sóldögg.
Undan Hexíu og Ísak.
Hin gimbrin á móti.
Hrútar undan Skrýtlu og Tinna hans Gumma Óla. Svo flottir.
Hér eru þeir.
Hér er Skrýtla mamma þeirra.
Litla Gul með hrút undan Skuggadís þennan gráa og svo gimbrina sína undan Ask.
Held að þessi golsótta verði svakaleg gimbur hún virkar rosalega þykk.
Hér er ein frá Gumma Óla.
Aðrar frá Gumma Óla.
Hér sést það betur.
Annað frá Gumma.
Frá Gumma.
Litla krúttið sem fær greinilega ekki mikið hjá rollunni.
Hér er litla sílið og svo hrútur og rolla frá Sigga.
Hér er Björg gemlingur með lambið sitt hún er einmitt mamma litla lambsins sem gengur
undir hjá hinni rollunni.
Þetta verður örugglega vænasta lamb hjá henni.

jæja læt þetta duga í bili af rollu rúntinum.
það eru svo fleiri myndir hér inn í albúmi.

18.07.2018 01:53

Heyjað langt framm á nótt

Það byrjaði ekki vel hjá okkur önnur rúllan sem átti að fara í plast fór ekki strax í plast heldur
affelgaðist dekkið á plastaranum. Alltaf svo gaman þegar byrjar allt á afturfótunum og þá 
er engin sem andmælir því að bölva því.
Hér má sjá dekkið en til allra lukku tók ekki mikinn tíma að tjakka upp vélina og Siggi og
Emil kipptu því undan og svo náðist að koma því á og setja meira loft í dekkið.
Ég byrjaði auðvitað á að plasta fyrstu rúlluna og fór af stað á traktornum og fattaði 
ekkert að horfa eftir því hvort væri lint í dekkinu eftir að hann væri búnað standa í 
geymslu yfir veturinn svo það hefur örugglega verið orsökin fyrir því að dekkið fór svona.
En engin skaði skeður fyrst þetta reddaðist svona fljótt.
Ég fór heim að hugsa um krakkana og Bói var búnað vinna og kom til að hjálpa.
Hér er verið að byrja. Siggi á plastaranum, Emil á rúlluvélinni og Bói á rakstrarvélinni.
Allt komið í lag og verið að rúlla Mávahlíðina.
Farinn að þykkna upp með kvöldinu.
Benóný og Embla dugleg að hjálpa til.
Byrjað í brekkunum í Mávahlíðinni.
Stelpurnar duglegar að merkja rúllur.
Túnin eru ansi blaut á ýmsum stöðum í ár.
Það var fjör í sveitinni hjá Freyju ömmu þennan langþráða sólardag.
Auðvitað var tekið myndir af lömbum sem við rákumst á í dag. Hér eru tveir hrútar 
undan Hriflu og Tvist sæðingar hrút.
Hér er hún Hnota hennar Jóhönnu að koma hlaupandi til krakkana eftir að þeir voru 
búnað hrista brauðpoka.
Svo gaman hjá þeim.
Hér eru lömbin hennar hrúturinn er sæðingur undan Berg og gimbrin er undan Skvísu
og Klett sæðingar hrút.
Hrúturinn undan Berg sæðingar hrút.
Þrílembingur undan Skvísu og Klett sæðingar hrút.
Vala hans Sigga með gimbur undan Korra.
Hrúturinn undan Völu og korra. Korri er Garra sonur.
Jæja náði loksins mynd af veturgömlu hrútunum hér er Svanur undan Svönu og Máv.
Hlúnkur hans Sigga undan Skessu og Máv.
Hér eru þeir saman.
Nál með lömbin sín undan Tinna hans Gumma Óla.
Bifröst með lömbin sín undan Gutta sæðingar hrút.
Hér er Nótt hans Sigga með hana Emblu eins og dóttir mín skírði hana he he.
Embla er þrílembingur undan Klett sæðingar hrút.

Jæja ég er að klára þetta blogg núna klukkan hálf 3 um nótt 18 júlí og enn er Emil ekki
kominn heim svo þeir eru enn að klára heyja og nú ætla ég að segja þetta gott og segi
bara góða nótt .

Það eru svo fleiri myndir af þessu hér inn í albúmi.

17.07.2018 00:15

Þurrkað af krafti og sílaveiði með krakkana

Það var þurrkað og þurrkað heyjið í dag og túnin eru ansi blaut. Ég þurfti að raka heilmikið
af túnunum í Mávahlíð og fékk Freyju tengdamömmu með mér með krakkana. Hann er aftur
búnað breyta spánni og nú á hann að fara rigna á miðvikudaginn svo það verður reynt að
gefa allt í botn og binda það sem búið er að slá.
Emil að tættla.
Hér sést yfir Mávahlíðina og Siggi er að vinna við að skipta um þak með Jóni smið og 
Emil er svo að tættla þarna fyrir neðan við vaðalsbakkann.
Það hefði mátt vera aðeins meiri sól í dag en það rættist þó úr því þegar leið á seinni
partinn og þá kom líka gustur með þvi svo það hefur þurrkað vel.
Hérna er Bói að raka saman.
Það er mikið sport hjá krökkunum að fá að sitja í traktornum hjá Bóa afa en þar er spes
barnasæti.
Jæja nú er sólin loks farin að láta sjá sig. Hér er Alex stoltur í traktornum með afa sínum.
Alex er sonur Unnar og Steinars bróðir Emils og eru þau hérna fyrir vestan núna.
Hér er amma Freyja og Steinar að veiða síli með krökkunum.
Steinar, Bjarki og Alex.
Bjarki og Alex að skoða sílin.
Birgitta, amma Freyja, Embla og Alex.
Freyja og Alex.
Kamilla litla sú yngsta hjá Steinari og Unni fékk líka að koma með og var í bílnum hjá 
mömmu sinni.
Rakst á þessar gimbrar þær eru sæðingar undan Klett og Skvísu. Fæddir þrilembingar
en ganga tvær undir Skvísu.
Skvísu gimbrar og svo hrútur frá Sigga þessi hvíti og þetta litla botnótta var vanið 
undir og rollan tók því ekki alveg svo það sést á vextinum að það fær örugglega
ekki mikið að sjúga hana en fylgir henni.
Jæja læt þetta duga af bloggi í bili .

15.07.2018 21:55

Bjartsýniskast og byrjað að slá

Tókum sénsinn í gær og byrjuðum að slá. Siggi sló hjá sér og við slóum Mávahlíðina og svo
var bara látið liggja enda í bjartsýninni okkar þá rigndi hann eins og hellt væri úr fötu í dag.
En það var svo sem vitað en það spáir þurrk alveg fram á fimmtudag eins og spáin er núna
svo við urðum að taka sénsinn og byrja á einhverju enda langt liðið á júlí.
Emil og Siggi að græja tækin. 
Siggi byrjaður að slá í gær.
Það sést hér útsýnið yfir í Mávahlíð.
Siggi að slá.
Stóru hrútarnir fóru ekki langt í sumar og eru allir í túninu hjá Sigga.
Það er svo sem ágætt því þessi var í sjálfsmorðs hugleiðingum um daginn og var að
afvelta og Siggi sá til hans og gat velt honum við sem betur fer þetta er hann Kaldnasi sem
er svo mikið uppáhald hjá krökkunum og algert gæðablóð við alla og ekki skemmir fyrir
að hann kemur líka vel út og gefur falleg og vel gerð lömb. 
Korri hans Sigga hann er undan Garra sæðishrút og Svört hans Sigga.
Grettir hans Sigga hann er undan Máv sæðishrút.
Kaldnasi hann er undan Magna sæðishrút og Askur er undan Kalda sæðishrút.
Ísak er undan Tvinna heimahrút og Mjallhvíti.

Náði engum merkilegum lamba myndum núna en vonandi fer nú að haldast þurrkur hjá 
okkur svo hægt sé að ná að þurrka heyið sem er búið að slá og hefja heyskapinn af krafti.
Ég hef ekki náð myndum af lambhrútunum síðan við slepptum en þeir fóru eitthvað í burtu.

13.07.2018 19:33

Rúntur 11 og 12 júlí

Botnleðja með lömbin sín undan Ask. Hún og Skuggadís voru búnað koma sér í klípu
í gær þegar þær voru næstum búnað flæða í Tunguósnum en sem betur fer var ég 
látin vita af því svo ég gat keyrt inn eftir og flautað á þær þar sem þær voru út á einum
tanganum og þá föttuðu þær að stökkva í land áður en þær yrðu fastar.
Skuggadís með lamb frá Sigga sem var vanið undir hana.
Hrútur undan Svönu og Part.
Gimbrin á móti.
Hrúturinn hér aftur og er nú lagstur.
Nál með sín lömb undan Tinna hans Gumma Óla.
Birta gemlingur með hrút undan Glám.
Skessa hans Sigga með gimbur undan Ask og fósturlamb frá mér sem er undan Tinna
hans Gumma.
Hér er önnur mynd af lömbunum.
Bræla var upp í hlið með lömbin sín undan Kraft.
Rakel gemlingur með hrútinn sinn undan Glám.

Þetta var það eina sem ég náði á þessum rúnti að mynda. Svo í dag 13 júlí er grenjandi 
rigning og rok svo það er ekkert hægt að mynda núna.

09.07.2018 20:18

Rúntur 30 júní

Hér er Gláma hans Sigga held ég með hrút og gimbur undan Grettir.
Hér er svo Nótt hans Sigga með Gránu litlu sem er aldeilis búnað stækka. Grána greyjið
er þrílembingur undan Skuggadís og var Nótt þriðja mamman sem hún fékk.
Fyrst átti Skuggadís hana og var hún svo vanin undir aðra sem kom í ljós að hún var með
júgurbólgu svo hún var vanin undir Tungu sem var svo skappill og tók hana aldrei.
Svo bar Nótt og missti bæði lömbin sín í fæðingu og tók hún vel á móti Gránu litlu.
 
Orðin svo falleg. Hún er undan Klett sæðishrút.
Gribba hans Sigga búnað stækka sjálf og maður sér alveg mun á lömbunum síðan
ég tók mynd af henni seinast.
Snælda með hrút og gimbur undan Ísak.
Hér sjást þau betur.
Tveir hrútar undan Frenju og Ask.
Sunna gemlingur með lömbin sín undan Glám.
Fíóna með hrút og gimbur undan Ísak.
Falleg gimbur undan Fíónu og Ísak.
Frenja með lömbin sín undan Ask.
Verið að fljúga flugdreka í sveitinni hjá ömmu Freyju og afa Bóa.
Donna hundurinn okkar og Fiðla hundurinn hennar Freyju og Bóa.
Hestarnir eru komnir í sveitina hjá Freyju og Bóa.
Hænu unginn stækkar og stækkar.
Hér eru hinar hænurnar og haninn hann Marteinn og litli unginn er frekar feiminn að elta
þær og vill heldur elta okkur.
Máni.

Það eru svo fleiri myndir hér inn í albúmi frá þessu.
Flettingar í dag: 3164
Gestir í dag: 8
Flettingar í gær: 6914
Gestir í gær: 37
Samtals flettingar: 1402356
Samtals gestir: 75232
Tölur uppfærðar: 15.2.2025 14:19:41

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar