Velkomin á heimasíðuna okkar !

Dísa,Emil,Benóný Ísak og dýrin.

Færslur: 2014 Febrúar

19.02.2014 12:17

Spennufall komið og fósturtalningin búin

Jæja það er búið að vera mikið spennufall nú þegar talningunni er lokið og nú verður langt að bíða til sauðburðar en það bætir þó upp að það er bjálað að gera í lærdómi hjá mér og þarf ég að hafa mig alla við að komast yfir heimilið,börnin,rollurnar og læra. En ég held ég þrífist bara best þegar ég hef svona mikið að gera og þetta er bara gaman og ákveðin áskorun.

Jæja eruði tilbúinn ............emoticonég gat ekki elt sónarinn í ár og tekið myndir hjá hinum því ég var heima með börnin og Emil á sjó svo ég ákvað að halda mig bara heima og baka í staðinn til að dreifa huganum.


63 voru sónaðar hjá okkur í allt

Guðbrandur kom ekki fyrr en 7 um kvöldið og spenningurinn var allveg óbærilegur.
Ég er bara mjög sátt við útkomuna.

Það eru 7 einlembdar af veturgömlu og þær voru allar sæddar og sumar af þeim var eiginlega runnið af svo það kemur mér ekkert á óvart að þær hafi bara verið með eitt. 
Veturgömlu eru 14 og ein var með  3 og svo restin voru með 2.

Af fullorðnu rollunum voru allar tvílembdar nema 2 voru með eitt og önnur þeirra var sædd svo það var bara ein með eitt undan heimahrút. 5 voru þrílembdar og þar með 2 sem voru sæddar.

Af 15 gemlingum sem fengu voru 7 með 2 og rest með 1.

Ef allt gengur eftir eigum við eftir að fá 32 lömb úr sæðingunum í vor.

5 undan Þorsta. 6 undan Kára. 2 undan Rafall. 1 undan Snævari. 7 undan Garra.

5 undan Baug. 2 undan Saum. 1 undan Guffa. 4 undan Ás.

Í heildina sem sagt eru 9 einlembdar. 5 þrílembdar. rest með 2 og 7 af 15 gemlingum sem fengu með 2. Gemlingar alls 19 og 4 hafðir geldir.

2 gemlingar sem fengu með Blika Gosa syni eru með 2 og 3 sem fengu með Mugison Soffa syni eru með 2. Þrír af þessum gemlingum sem voru með 2 eru undan Draum svo hann hefur verið feikna hrútur bæði hvað frjósemi og gerð varðar allveg týpiskt að hann hafi þurft að drepast seinasta vetur en Siggi á Glaum og vonandi á hann eftir að erfa þessi flottu gen sem pabbi hans bjó yfir.

2 rollur í sæðingunum voru með 3 og er það undan Garra og Þorsta.

Fósturtalningin gekk bara víðast hvar mjög vel. Út á Hellissandi var að koma mjög vel út hjá Óttari þar voru 6 þrílembdar. 4 einlembdar og 25 með 2. Hjá Þór var 1 með 3 og ein úr sæðingunum með 1 annars allt með 2. Eddu Báru voru 4 með 3 og rest með 2 heyrði ég .

Í Ólafsvík var líka sömu sögu að segja að það var að jafnaði 1,9 til 2 lömb á rollu. Hjá Gumma var að koma fínt út úr sæðingunum voru sæddar 6 rollur og 2 eru með 1. 2 með 3 og 2 með 2 svo hann fær 12 lömb úr þeim.  Það var eitthvað slakari útkoma hjá Marteini heldur en hefur verið en það er bara samt flott útkoma því hann fékk 4 þrílembur núna í staðinn fyrir að hafa 7 í fyrra svo það er bara ekki eins mikið af auka lömbum hjá honum núna. Í Lambafelli var líka fínasta útkoma hef ég heyrt.

Hjá Bárði af 100 og eitthvað kindum voru 6 með 3. 9 með eitt og af 18 gemlingum eru 7 með 2. Fín útkoma hjá honum en hún var sum staðar inn frá í Grundafirði og víða að koma verr út heldur en í fyrra.

Það eru svo örfáar myndir af þessu hér inni.

Við skelltum okkur í bæinn um daginn og fórum í heimsókn og aðallega að skemmta börnunum í skemmtigarðinum og fleira. Benóný allveg elskar Reykjavík enda ekki annað hægt það er alltaf gert eitthvað skemmtilegt þar. Gistum hjá Dagbjörtu og það er alltaf yndislegt að koma til þeirra.

Brjálað stuð í klessubílunum með Emelíu.

Við skelltum okkur svo á Þorrablót um daginn líka og það var rosalega gaman og þið getið séð bæði myndir af Reykjavíkurferðinni og Blótinu með því að smella hér.

KV Dísa

01.02.2014 09:52

Allt á fullu í janúar

Komiði sæl það er nú allveg löngu komin tími blogg hjá mér en það er þetta vanalega það vantar alltaf tíma og maður gleymir að gefa sér smá tíma en nú er sá tími loksins komin.

Það er mikið búið að vera að gerast þessa dagana ég skráði mig til dæmis í dreifnám í fjölbrautaskólanum í Grundarfirði í 3 fög þroskasálfræði, félagsfræði og næringarfræði og er það bara mjög skemmtilegt en félagsfræðin er kanski ekki alveg mjög ofarlega á vinsældar listanum en hún sleppur. Það var erfitt fyrst að ná upp því sem hinir voru búnir með því ég byrjaði ekki fyrr en 19 jan í skólanum og er núna fyrst komin á sama stað og hinir. Ég er samt hæðst ánægð með mig að hafa loksins látið verða af því að fara í skóla.

Svo er það að bústörfum. Það gekk ýmislegt á undanfarnar vikur fyrst sleit Siggi í Tungu hásin við að ýta rúllu í fjárhúsunum og hann er í 6 til 8 mánuði að verða fullgóður. Það er allveg rosalegt að þurfa vera svona lengi að ná sér og þarf maður að vera ósköp rólegur og þolinmóður að endast svona lengi aðgerðarlaus en auðvitað borgar sig að vera ekkert að reyna neinar kúnstir því þá verður kanski bara lengri tími. 

Ég gef núna fyrir okkur og Sigga líka og gengur það bara rosalega vel ég er í svona rúman 1 og hálfan tíma og svo gefur maður sér yfirleitt tíma til að kíkja á Gerðu og Sigga sem taka alltaf vel á móti manni þau eru svo yndisleg. 

Bói skar sig svo á bor í vinnunni hjá sér og það þurfti að sauma 6 spor í visifingur hjá honum svo það er búið að vera mikið að gerast hjá sjúklingunum he he.

Annars er bara allt ljómandi gott að frétta og nú bíður maður bara spenntur eftir talningunni á fóstrunum á næstunni. Þorrablót í kvöld og skemmtileg heit heyrumst betur síðar. Jú það er búið að ganga frá sölunni á Fögruhlíð svo nú eru Guðmundur Óli og bræður orðnir eigendur allveg glæsilegt að það skildi haldast inn í fjölskyldunni.


Sætu mín á leiðinni að sníkja gott í gogginn á þrettándanum.

Freyja var jarðarber.

Sætu grallararnir Bjarki Steinn og Freyja Naómí.

Nýju hanarnir hjá Freyju og Bóa.

Ég er enn að læra á að gefa rollunum hjá Sigga og gef allt of mikið eins og þið sjáið þá slæddu þær talsvert mikið fyrstu dagan.

Það eru svo fleiri myndir hér inn í albúmi með þvi að smella hér.
  • 1
Flettingar í dag: 762
Gestir í dag: 181
Flettingar í gær: 555
Gestir í gær: 178
Samtals flettingar: 1501706
Samtals gestir: 206251
Tölur uppfærðar: 22.9.2019 18:03:10

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar