Sauðburði lokið!

Jæja þá er þessum langa sauðburði loks lokið. Hann gekk vel til að byrja með en endaði svo frekar leiðinlega. Það voru 2 dagsgömul lömb hjá sitt hvorri rollunni sem fengu Slefsýki og greindi ég hana ekki nógu snemma. Þrátt fyrir að þau hefðu fengið skítapillu stuttu eftir burð fengu þau hana og prufaði ég að gefa þeim sykurvatn og sprauta pensilíni í vöðva en það dugði ekki til svo ég missti þau bæði. Það var ferlega fúlt það hafði verið mikill umgangur í fjárhúsunum þegar þær báru svo það er ábyggilega ástæða þess að við tókum ekki almennilega eftir þess því þau veikjast vanalega af slefsýki 12-48 klst.gömul og þau verða dauf,hætta að sjúga og innan 1 klst fara þau að slefa og það safnast loft í vinstur og gutlar í belgnum. Lömbin deyja svo eftir 6-24 klst sé ekkert gert. Þetta gerist líka ef þau fá ekki nægan brodd til að byrja með. En svona er þetta bara ég missti náttla svakalega spennandi lit úr þessu það var hrútur sem var svargolsóttur með hvíta blesu afar sérkennilegt allveg típist. 

Sauðburður endaði svo að það voru 31 sem báru ,11 gemlingar og 20 rollur og fengum við 46 lömb.

7 lömb drápust yfir sauðburðin sem er allt of mikið.

Aðeins ein rolla var þrílembd það var hún Golsa og 13 voru tvílembdar og svo voru6 einlembdar og svo gemlingarnir með eitt allir nema einn sem var hafður geldur.

Það eru svo myndir inn í albúmi af Benóný í Maí,sauðburði og Emil að sækja merina sína úr tamingu á Kverná svo það er nóg að skoða 

Drottning með gimbrarnar sínar undan Topp 

Króna besti gemlingurinn minn þurfti að fara í keisara og var lambið dautt fyrir 1-2 dögum í henni því nú ver, það var nefla snúið upp á legið í henni.

Á rúntinum með pabba sínum í Stekkjarholtinu á nýjasta farartækinu he he 

Fannst síðan allveg vera við hæfi að setja þessa vísu hér með.

VIÐ LOK SAUÐBURÐAR

Eftir strangan vetur var

von á daufu skari,

fekkst þá best til fagnaðar

að finna líf í kari.

Þegar kviknar lítið líf

lambs í grónum haga,

burtu hörfar bóndans kíf,

boðar sæla daga.

Þá er gott að vaka við

vorsins óðinn þýða,

lambajarm og lækjarnið

lofsöng hlýrri tíða.

                                                                      Höf Sig.Sig og Jói í Stapa.