14.09.2014 08:21

Benóný fer í Sandgerði í sund og fleiri rollur sjást.

Langþráður draumur Benónýs Ísaks rættist um seinustu helgi.

Benóný er 5 ára gamal sonur okkar og er með dæmigerða einhverfu.

Eins og flest einhverf börn er hann með áráttu.

Áráttan hans núna er fyrir rennibrautum og

varð Sandgerði þar efst á blaði og hann þarf að vita nákvæmlega hvar hún er

hvaða stað hún er rétt hjá það er mikið atriði hjá honum að tengja saman staðina.

Og veit hann núna nánast hvar allar rennibrautir eru á Íslandi og hverning þær eru

á litinn og hverju þær eru rétt hjá.

Svo það var mikið atriði hjá okkur að komast í sund í Sandgerði áður en sumarið

yrði á enda til þess að uppfylla þennan draum og er næsti draumur að fara í sund

á Hellu Já hann velur ekki nálægustu staðina þessi elska he he.

Það var rok og rigning og frekar kalt þegar við fórum í Sandgerði en það aftraði honum

ekki að prófa rennibrautirnar. Eins og þið sem þekkið Benóný þá hefur Sandgerði

verið allveg í uppáhaldi og samdi hann meira segja lag sem ég setti á Facebook um

sundlaugina í Sandgerði og svo fékk hann líka afmælisköku sem ég reyndi eftir

mestu megni að líkja eftir sundlauginni í Sandgerði og má sjá hana neðar hér á blogginu.

Ég fór á mjög skemmtilegt námskeið sem nýtist vel fyrir þá sem eiga börn með einhverfu

og það heitir Cat kassinn og þykir mér hann mjög spennandi og stefni á að reyna prófa

gögn úr honum til að nýta mér í að hjálpa Benóný.

Það eru svo nokkrar myndir hér úr ferð okkar í Sandgerði.

Ég fór í fjöruferð um daginn með gullmolana okkar og það var allveg magnað

hvað smá tilvera í náttúrunni getur glatt mann.

Þau allveg elskuðu að hlaupa frjáls í fjörunni og auðvitað fattaði

minn maður hann Benóný að klifra upp á barð

og renna sér eins og í rennibraut.

Mikil hamingja hjá þeim að renna sér niður.

Þið getið svo skoðað fallegar myndir af þessu hér inn í albúmi.

Rollu rúnturinn gengur líka áfram og sá ég til lambakóngsins núna nýverðið sem fæddist

fyrstur og er kollóttur hrútur undan tvævettlu og Baug sæðishrút.

Hér er hann ásamt fleiri lömbum.

Svana með fallegu gimbranar sínar undan Garra.

Hér sést niður í Búland sem er fyrir neðan Búlandshöfða Höfða megin.

Það eru ekki allir sem vita af þessum stað hann er fyrir neðan veg og þarna ganga

Höfða rollurnar mínar þær eru allveg hættar að fara lengra nema aðeins framm í brekku

framan á Höfðanum. Ég er mjög fegin því þá eru þær ekki að hanga á veginum.

Hér sjáiði veginn og Höfðann fyrir ofan og ef litið er niður sést ofan í Búland.

Þetta er mjög garalegt svæði að smala og alls ekki fyrir lofthrædda.

Það er nefla gömul kindaslóð sem liggur hérna niður og meðfram öllum Höfðanum

og er hún ekki mannfær bara rollufær.

Ófeig veturgömul hans Bóa með tvo hrúta undan Mugison.

Uppáhaldshrútarnir mínir undan Hyrnu ég er svo spennt fyrir þeim, þeir eru undan

Rafal sæðishrút.

Hér er Mjallhvít með móra sem var vanin undir og svo hvítan hrút undan Ás.

Flottur hópur hér Fíóna veturgömul með hrút undan Glaum hans Sigga og svo Snælda

með gimbranar sínar undan Brimil Borðasyni.

Drífa með gimbur undan Snævari og svo veturgömul frá Sigga með gráa gimbur og

það er eina mislita lambið hans Sigga í ár.

Donna er hundurinn okkar og er hún aðal fjárhundurinn minn til að nálgast kindurnar

því það er svo skondið að þær eru svo forvitnar í hana að þær koma mikið nær þegar

hún er nálægt og þá næ ég betri myndum.

Þessar glytti í um daginn upp í Fögruhlíð og eru þetta Skuggadís og Ísabella og svo

Herdís hennar Jóhönnu með þeim. Þær eru svo styggar að ég gat rétt náð myndum af

þeim áður en þær tóku straujið aftur upp í fjall.

Það eru svo miklu fleiri myndir af

þessu hér inni.

Jæja spennan er allveg að fara með mann núna rétt aðeins vika í smölun.

Ég veit að Birgitta vínkona mín er að smala núna um helgina og réttað hjá þeim

ó hvað þetta er æðislega spennandi tími.

Jæja læt þetta duga að sinni en skrifa hér fljótlega aftur

kveðja Dísa

Tengill á færslu

Bæta við áliti

Sýna álit

14.09.2014 08:21

Benóný fer í Sandgerði í sund og fleiri rollur sjást.

Tenglar

Tenglar

Tenglar