Gleðileg jól og farsælt komandi ár.

Kæru vinir Gleðileg jól og farsælt komandi ár. Við þökkum kærlega fyrir heimsóknirnar

og kommenntin á liðnu ári og vonum að þið haldið áfram samfylgninni á nýju ári.

Mér finnst líka bara svo frábært að fá heimsóknir og kommennt inn á síðuna það gerir

bloggið svo miklu meira spennandi og skemmtilegra og gefur manni innblástur að

blogga meira. Takk kærlega fyrir það kæru vinir og megi gleði og hamingja umvefja

ykkur yfir hátíðarnar.

Við höfum haft það frábært yfir jólin haft nóg að gera í fjárhúsunum. Ég sá mest megnis

um að hleypa til sjálf og við gerum það upp á gamla mátann og leitum með hrút og svo

leiðum við ærnar í einn og einn hrút.

3 daga í röð voru 10 til 12 að ganga og það tók dágóðan tíma og ég nota líka svolítið

mikið af hrútum miðað við fjölda he he en það er bara svo gaman að sjá hvað þeir

gefa og spá og speklura í ræktuninni og hvað passar best saman.

En ég þakka þó fyrir að það var vont veður og

bræla hjá Emil manninum mínum og þá gat ég notið nærveru hans og hjálpar við

tilhleypingarnar því áður en hann kom til hjálpar voru dagarnir langir og erfiðir.

Því mikið átti eftir að gera heima líka í undirbúning fyrir jólin og sinna 3 orkuboltum

sem vilja alla athygli þegar maður kemur heim.

En þau bræða mann alveg með brosinu og góðmennskunni sinni þessir englar og hafa

alveg ótrúlega þolinmæði fyrir að mamma sé alltaf í fjárhúsunum.

Áttum æðislegan aðfangadag í faðmi fjölskyldunnar.

Það eru svo fleiri myndir af jólunum hér inn í albúmi.

Jólakveðja fjölskyldan Stekkjarholti 6

Tengill á færslu

Tenglar