Velkomin á heimasíðuna okkar !

Dísa,Emil,Benóný Ísak og dýrin.

17.02.2019 17:41

Fósturtalning 9 febrúar

Laugardaginn 9 febrúar kom Guðbrandur Þorkelsson að fósturtelja hjá okkur ásamt að hann
taldi inn í Ólafsvík og Hellissandi og held ég að það hafi komið víðast hvar vel út. Frétti að
Gummi Ólafs Ólafsvík hafi fengið fjórlembu og hjá Óttari á Kjalvegi hafi verið 7 þrílembdar.
En að okkar talningu þá kom hún bara ágætlega út þó svo ég hafi viljað sjá sæðisærnar
í meiri frjósemi en þetta getur verið margt annað að spila inn í eins og heyið og annað.

Ég hef eitthvað ruglast í talningunni á kindunum sem héldu úr sæðinu en þær voru 10 en      ekki 8 svo maður er alltaf að græða he he. En af þessum 10 sæðiskindum voru 5
sónaðar einlembdar. 

Af 93 kindum alls voru talin 159 fóstur.

Eldri kindur alls 61

Eldri kindur voru ein ónýt hjá mér og ein hjá Jóhönnu.

10 hjá okkur með 1 og ein með 1 hjá Jóhönnu.

39 hjá okkur með 2 og 4 hjá Jóhönnu.

4 hjá okkur með 3

1 hjá okkur með 4

Meðaltal eldri ær er 1,85

Tveggja vetra ær 15 í heildina

2  með 1

13 með 2

Meðaltal tveggja vetra ær 1,87

Gemlingar 17 í heildina

5 geldir

6 með 1

6 með 2

Meðaltal gemlingar 1,06

Skvísa sem er fjórlembd í ár er fædd árið 2013 og kom með eitt sem gemlingur og svo
tvisvar sinnum þrílembd svo fjórlembd og svo aftur þrilembd og núna aftur fjórlembd.
Skvísa er undan Lunda sem var undan Grábotna og Svört hans Sigga.
Móðir Skvísu var Rán sem var undan Rambó frá mér og Dóru.

Hér er hún árið 2015 með þrílembingana sína.
Búið að gera klárt fyrir fósturtalninguna.
Og svo hefst glaðningurinn.
Hér sést Guðbrandur að störfum.
Hér er svo Skvísa eins og hún er í dag.
Freyja með okkur í fjárhúsunum.
Að skoða gemlingana hjá Sigga.
Hér er Svarti Pétur hans Óttars og þeir eru allir komnir með mikil hornahlaup 
lambhrútarnir og taka vel við sér.
Botni hans Óttars á Kjalvegi.
Stjóri hans Kristins Bæjarstjóra. Kristinn kom i heimsókn til mín núna á laugardaginn og 
leist vel á hrútinn sinn sem er líka með mikil hornahlaup.
Zezar hefur lika bætt sig vel hann var frekar tuskulegur á fengitímanum en lítur vel út núna.
Jökull Frosti dafnar líka vel. Hann hefur ekki virkað á þennan eina gemling sem ég setti
hann á því hann gekk upp svo sæðið hefur ekki verið virkt eftir pensilín kúrinn hans svo
ég fæ engin lömb undan honum í ár en kemur vonandi bara sterkur inn á næsta ári.
Það var mikið fjör hjá krökkunum í snjónum í sveitinni hjá Freyju ömmu og 
afa Bóa þar sem var búið að byggja svaka snjóhús.
Það voru vel stórir skaflarnir til þess að byggja snjójhús.
Hér eru þau inn í húsinu og með friðarkerti voða kósý.

Það eru svo fleiri myndir hér inn í albúmi.




17.02.2019 17:22

Freyja á Reiðnámskeiði í febrúar

Hestamannafélagið Hringur í samvinnu við Fanney Gunnarsdóttur hélt reiðnámskeið tvær
helgar í röð og ætluðu báðar stelpurnar okkar að fara en Embla var ekki alveg tilbúin og
hætti við en Freyja Naómí var alveg tilbúin og stóð sig eins og hetja.
Búið að gera Ljóra hennar Jóhönnu tilbúinn fyrir námskeiðið.
Emil teymdi undir henni fyrst.
En hún var fljót að biðja um að sleppa sér og vildi gera alveg sjálf svo dugleg.
Fyrst var Freyja með eldri stelpunum því Embla hætti við en fór svo næstu helgina með
sínum flokki.
Hér er hún komin með sínum flokki.
Hér er Freyja komin fremst en þau skiptust á að taka fram úr hvort öðru og gera æfingar.
Svo gaman hjá henni. Þetta var flott námskeið og hún er orðin svo örugg og vill bara 
fara ein og orðin svo sjálfstæð að öllu leiti á hestbaki og við auðvitað mega stolt af henni.

Það eru svo fleiri myndir af námskeiðinu hér inn í albúmi.

30.01.2019 17:50

Janúar 2019

Kæru vinir Gleðilegt nýtt ár þó seint sé og takk kærlega fyrir það gamla og innlitið á síðuna.
Af sæðingum að segja þá gengu þær ekki vel í ár. Við breyttum til og leituðum á morgnana
í staðinn fyrir kvöldin svo ég vil kenna því um en annars er engu um að kenna he he þetta 
getur bara verið svona þetta árið. 25 kindur frá okkur sæddi ég og af þeim héldu 8 og hjá 
Sigga sæddi ég held ég 8 og aðeins 3 héldu svo þetta var mjög lélegt ár hjá okkur í sæðingum.
Við notuðum Fáfnir, Kraft, Óðinn, Guðna, Dreka, Bergsson, Máv, Anga og Borkó.
Við fáum lömb úr Máv, Fáfni,Borkó,Kraft,Óðinn og Guðna. Ég fæ ekkí úr Bergsson en Siggi
fær það var eitt lamb sem ég sæddi hjá honum sem hélt með honum.

Þetta verður langur sauðburður því það gekk seint upp úr sæðingunum því ég sæddi frekar
seint síðan gekk ein kind upp leiðinlega seint eða 16 janúar svo það verður stuð.
Næsta spenna verður svo núna á næstunni þegar fósturtalningin verður.
Hér er Freyja með Dröfn mömmu hans Mávs sem er á Sæðingarstöðinni.
Jökull Frosti er þrílembingur undan Dröfn og Berg sæðingarstöðvarhrút og ég ætlaði að
nota hann á mjög margar kindur en hann heltist á afturfót fyrir fengitímann og við 
sáum svo að hann hafði stungið sig á einhverju og fékk sýkingu í fótinn og við urðum að
setja hann á pensilín kúr og þá lagaðist hann og ég prófaði svo að nota hann á eitt lamb
og ég bíð spennt eftir hvernig þetta eina lamb sem ég fæ úr honum verður eða 2 ef hún
skildi verða tvílembd.
Korri Garrasonur hans Sigga hann fékk 6 kindur.
Hlúnkur Mávsonur frá Sigga fékk 6 kindur.
Grettir Mávsonur frá Sigga fékk 3 kindur.
Askur Kaldasonur fékk 11 kindur.
Kaldnasi Magnasonur fékk 7 kindur.
Zezar sona sonur Dreka sæðingarstöðvarhrút fékk 15 kindur svo það eru miklar 
væntingar með hann.
Botni hans Óttars fékk 10 kindur.
Gosi frá Gumma Ólafs Bjartssonur fékk 5 kindur.
Einbúi Ísakssonur fékk 1 kind og hann átti að fá aðra en það var svartur hrútur hjá
Bárði sem heitir Svarti Sambó sem fékk hina.
Víkingur er undan Skjöld frá Bárði og hann fékk 3 kindur.
Stjóri Grettissonur frá Kristinni Bæjarstjóra fékk 6 og Svarti Péturs hans Óttars fékk 3

Svanur Mávsson fékk 4 kindur og svo fór hann í afkvæmarannsókn á Hofsstaði svo hann
var bara notaður rétt í byrjun hjá okkur áður en hann fór.

Þannig ef allt gengur eftir þá ættum við að fá lömb úr 19 hrútum alls með sæðingunum.

Fengum frænku og frænda stelpnanna með okkur í fjárhúsin yfir hátíðarnar hér er 
Embla, Sunnefa, Freyja og Bergþór.
Hanna Líf nágranni okkar með stelpunum okkar í fjárhúsunum.
Á brennunni á áramótunum.
Embla og Freyja.
Freyja með Lóu sína sem er alveg einstakur karekter en er að verða of frek hún er farin
að stanga í rassinn á mér þegar ég er að sópa.
Embla og Feyja hjá kindunum.
Hér eru gemlingarnir.
Hér er Svala Partsdóttir og Lóa.
Hér er Klara Svansdóttir og Rósalind.
Hér er Terta og Óska Dís.
Bára undan Berg og Dröfn og svo Blíða.
Frostrós, Elektra,Klara og Rósalind.
Randalín og Aska.
Brúða og Poppý.
Lóa, Harpa og Dröfn.
Embla að knúsa gimbranar.
Freyja að klappa þeim.
Og svo dugleg að hjálpa mér að gefa.
Embla og Guðjón vinur hennar komu með mér í fárhúsin.
Verið að sníkja á þrettándanum Benóný aftastur og svo Freyja og Bjarki frændi þeirra.
Embla og Hanna á þrettándanum.
Embla og Freyja misstu báðar tönn á sama tíma í janúar.
Alex og Birgitta komu í heimsókn í janúar.
Og það var farið út að renna leið og snjórinn kom loksins.
Allir að baka pizzu saman.
Skellt í eina grettumynd.
Alexander Ísar að baka.
Við fórum svo til Reykjavíkur með Birgittu og Alex til foreldra sinna og skelltum
okkur í bíó með þeim.
Benóný svo glaður að fá að sjá spiderman í bíó.
Í snjónum hjá ömmu Freyju og afa Bóa.
Fallegt vetrarveður í sveitinni.
Að renna inn í Mávahlíð.
Benóný Ísak.
Sólin skein á okkur enda æðislegt veður en það var mjög kalt.
Inn í Mávahlíð.
Embla og Freyja.
Embla Marína, Freyja Naómí og Benóný Ísak.
Ég var að sýna þeim fjárhúsið í Mávahlíð og segja þeim að þegar ég var lítil var svo
mikill snjór alltaf að maður gat klifrað upp á þak og rennt sér niður en það vantar talsvert
upp á það núna.
Freyja að renna með dúkkuna inn í Ólafsvík.
Benóný að renna líka inn í Ólafsvík.

Jæja nú er ég búnað skella svona því helsta inn sem er búið að vera gerast hjá okkur
í janúar svo eru tvö myndaalbúm af þessu öllu saman hér og hér svo endilega kíkið.


28.12.2018 00:57

Gleðileg jól og fengitími

Við fjölskyldan óskum ykkur kæru vinir Gleðilegra jóla og farsældar á komandi ári.
Hér hefur verið nóg að gera eins og sést á blogginu ég hef ekki getað gefið mér neinn tíma
þanga til núna og þá hendi ég inn marga daga bloggi. Fengitíminn fór jafnt og þétt af stað
ég byrjaði að hleypa til 14 des og byrjaði svo að sæða 16 des og sæddi til 22 des.
Það er að segja að ég geymdi sæði í ískápnum og sæddi daginn eftir og svo kemur bara í ljós
hvort ég hafi dottið í lukkupottinn með það. Ég sæddi 25 kindur og notaði Kraft,Óðinn,Máv
Bergsson,Borkó,Fáfnir,Dreka,Anga og Guðna. Svo geng ég með hrút á hverjum einasta degi
í kindurnar. Korri Garrasonur hans Sigga sér um að leita fyrir mig og ég skelli á hann skírlifs
poka svo hann nái ekki að lemba neina óvart þegar ég leita með honum því hann er svo stór
og sterkur að það gæti auðveldlega gerst óvart. Því miður hef ég ekki getað notað aðal
hrútinn sem ég ætlaði að nota en það er hann Jökull Frosti sem er undan Berg sæðishrút og
Dröfn sem er mamma hans Mávs sem er á sæðingarstöðinni. Hann meiddist á afturfót og 
hefur ekki getað sinnt sínu starfi en ég vona að hann nái sér og þá verður hann bara að koma
að góðum notum á næsta ári. Það eru 11 rollur eftir að fá og ég reikna með að það verði 
kominn hringinn á gamlársdag.
Mamma með krakkana okkar heima hjá okkur.
Á aðfangadag.
Það er mjög vinsælt þessa dagana að hafa eina grettimynd líka he he.
Freyja og Embla.
Freyja að opna pakkana. Embla las á alla pakkana og rétti svo okkur.
Hér eru þær saman að opna.
Benóný alsæll með sínar gjafir.
Benóný var svo montinn að fá loksins síma en við létum undan þeirri ósk og gáfum
honum síma í jólagjöf.
Stelpurnar fengu þessar flottu peysur frá Maju systir og fjölskyldu.
Benóný með ömmu Freyju og Bóa afa.
Það var fjör á þessum að hittast eftir að búið var að opna pakkana. 
Freyja,Embla og Bjarki
Jólaboð hjá Huldu mömmu minni á Jóladag.

Við höfðum það rosalega kósý yfir jólin við vorum bara við fjölskyldan þetta árið en svo
komu allir í kaffi til okkar eftir að við vorum búnað opna pakkana og það var mjög 
gaman að hitta alla.

Ég mun setja frekari blogg um fengitímann þegar mér gefst timi en læt þetta duga í bili
og hafið það sem allra best yfir hátíðarnar það eru svo fleiri myndir af jólunum hér inn 

28.12.2018 00:15

Ferð til Glasgow og Edinburgh með góðum vinum

Þann 28 nóvember fórum við með vinum okkar til Glasgow og keyrðum þaðan til Edinburgh.
Við vorum þar í 4 nætur og náðum að afreka ansi margt á þessum stutta tíma. Fyrsta daginn
fórum við í draugahús sem fjallar um sögu Edinburgh og heitir Dungeon og það var geggjað
ég var að skíta á mig úr hræðslu þetta var ótrúlega óhugnalegt allt leikið af alvöru fólki.
Við fórum svo líka i sjónhverfingar safn og svo fórum við líka í neðanjarðar safn um sögu
Edinborgar sem er frá 18 öld og segir frá lífinu sem þar var og plágu sem gekk þar yfir og fleiri manns dóu úr. Við skoðuðum svo Kastallann sem var rosalega flottur og við vorum með leiðsögumann sem sagði okkur alla söguna og fylgdi okkur í gegnum Kastallann sem var alveg gríðarlega stór og mikið að skoða. Því næst var skoðað Royal Yacht Britannia
sem var svakalega flott skip sem Konungsfólkið á. 
Hér er Kastallinn í Edinburgh.
Hér erum við vinahópurinn fyrir framann Kastalann.
Við fengum mikla rigningu daginn sem við fórum að skoða Kastallann.
Á Sjónhverfingarsafninu Emil í matinn.
Og ég he he.
Edinburgh er rosalega falleg.
Flott útsýnið úr Kastallanum.
Við vinkonurnar.
Anna og Vigfús.
Nonni og Irma.
Við í Kastallanum.
Emil að máta skipstjórastólinn í Konungssnekkjunni.
Hér sést kynningin um hana.
Flugvélinn okkar.
Við flottar saman .
Ég að máta rúmmið í fangelsinu.
Nonni, Irma og Vigfús
Svakleg kirkja hérna í baksýn.
Stuð hjá strákunum í leigubílnum.
Og við sátum á móti þeim í bílnum ýkt skrýtið þannig maður sá allt afturbak þegar það var
verið að keyra og líka ýkt skrýtið að bílstjórinn sé hægra megin í bílnum.
Anna, ég og Emil.

Þetta var æðisleg ferð og æðisleg borg við vorum öll sammála um að við værum til í að
fara þangað aftur og skoða þá betur hálöndin. Ég held að þar sé svakaleg náttúrufegurð
og mér finnst alltaf gaman að skoða fallega náttúru. 
Það eru svo fullt af fleiri myndum af ferðinni okkar hér inn í albúmi.


27.12.2018 23:49

Smalað fé frá Hoftúni sem endaði svo í sjálfheldu.

Siggi rakst á fé inn í Búlandshöfða og komst að því að hann Kristján í Hoftúni átti þessa kind
og tvö lömb svo hann hafði samband við hann og hann og Gísli á Álftavatni, Snæbjörn á 
Neðri Hól og sonur hans komu og við aðstoðuðum þá við að reyna ná þeim. Fyrst fór allur
tíminn í að finna þær og þær fundust svo og við fórum að reyna ná þeim og þeir náðu að
fanga rolluna og eitt lamb. En eitt lambið leitaði niður í kletta í fjörunni og var of hættulegt 
að reyna styggja það, var þá hugmyndin að sleppa rollunni og athuga hvort lambið myndi
þá stökkva sjálft upp úr sjálfheldunni en það vildi þá ekki betur til en að rollan fór sömu leið
og lambið og hreyfði sig hvergi þó reynt væri að styggja við þeim. Það var svo annar hrútur
sem var auka með þeim og við náðum að elta hann uppi og króa hann af hann var svo ekki
frá þeim heldur frá Kvíarbryggju fangelsinu. Snæbjörn ætlaði að reyna klifra upp klettana til 
að komast að rollunni en það var of mikill klaki og of hátt að klifra svo hún var skilin eftir.
Ég frétti svo nokkrum dögum seinna að hún hafi náðst inn í Grundarfirði.
Hér sést í lambið og hundinn að passa það.
Hér erum við fyrir neðan Búlandshöfðann og niður á Mávarhlíðarhellu.
Hér er svo rollan komin í sjálfhelduna líka og vill sig ekkert hreyfa.
Hér sést innst inn í fjörunni í klakanum þar er rollan.
Hér eru Siggi og Snæbjörn að færa sig nær og Snæbjörn er á ísbroddum og ætlar að
athuga hvort hann geti klifrað upp að henni.
Hér sést Snæbjörn fyrir neðan en aðstæður voru ekki nógu góðar til að klifra.
Svo þeir fóru heim með aðeins annað lambið og kindin náðist svo eins og ég sagði 
nokkrum dögum seinna inn í Grundarfirði svo það hefur verið mikil ferð á henni.


27.12.2018 23:31

Freyja Naómí 6 ára 12 des

Yndislega Freyja Naómí okkar varð 6 ára þann 12 desember sem er án efa flottasti 
afmælisdagurinn því hún er fædd 2012 og á því kennitöluna 12,12,12.
Hún og Bjarki Steinn frændi hennar héldu upp á afmælin sín saman heima hjá Bjarka.
Hér er gullið okkar svo yndisleg og góð stelpa.
Að fá pakkann sinn.
Bjarki og Freyja.
Afmælisveislan.
Fékk breyti tösku.
Svo mikil gull þessi tvö.
Það var horft á bíómynd og farið í leiki og þetta var svo rólegt og gott afmæli.

Það eru svo fleiri myndir af afmælinu hér inn í albúmi.

08.12.2018 20:09

Tekið af rollunum 24 nóv.

Jæja búið að vera heldur rólegt hjá mér í blogginu og ekki að ástæðu lausu. Hef bara ekki
getað gefið mér tíma til þess við skelltum okkur í 4 daga til Skotlands með góðum vinum
strax eftir að Arnar var búnað koma og taka af fyrir okkur og svo er ég byrjuð að vinna 
niður á Leikskóla fyrir hádegi svo það er nóg fyrir stafni. Miklar hugleiðingar núna yfir
komandi fengitíma og sæðingum sem er auðvitað bara gaman og spennandi en krefst
mikils tima og nákvæmni.
Fallegur veturinn hjá okkur hér í nóvember.
Búið að flokka kindurnar fyrir rúninginn.
Hvítu og svo mjallahvítu.
Arnar Ásbjörnsson mættur og klár í slaginn.
Þær voru svo stilltar og prúðar við hann.
Hann var eldsnöggur af þessu og hefði verið en sneggri ef klippurnar hefðu ekki verið
að striða honum en þær voru aðeins erfiðar við hann.
Freyja að heilsa Vaíönnu.
Embla að tala við Hröfnu.
Benóný að tala við Kaldnasa.
Veturgömlu komnar sér.
Gemlingarnir sér líka.

Þá er hægt að fara dekra við þær og fóðra þær sér svo þær hafi nóg fyrir sig.
Það eru svo fleiri myndir hér inn í albúmi af rúninginum og fleira.

08.12.2018 18:58

18 nóvember var kindunum smalað inn í Tungu

Það var smalað inn fyrir Höfða og Mávahlíðina á sunnudaginn 18 nóv en ekki á laugardaginn
eins og stóð til vegna veðurs.
Fallegur foss fyrir neðan þjóðveginn í Búlandshöfðanum.
Lagðar vel af stað undir Höfðanum.
Hér kemur brattur kafli.
Ein leyndist fyrir aftan mig og kemur hér og ætlar sko ekki að verða eftir.
Hér er ég að komast fyrir Höfðann og í áttina að Mávahlið.
Embla mætt að hjálpa mér.
Flottur Mávahlíðarfossinn i baksýn.
Þessi gafst upp.
Embla og Freyja hjálpuðu mér að passa hana þangað til Bói kæmi með kerruna.
Svo lá leiðin upp hjá Fögruhlíð upp á Sneið og reka þær niður í Hlíð.
Hér sést niður í Fögruhlíð og Holtsána.
Þetta gekk svo allt saman vel og hér eru þær komnar allar saman inn í Tungu.
Freyja að tala við vinkonur sínar.
Freyja og Hrafna eru bestu vinkonur.
Ég þurfti svo að fara aðra leit daginn eftir að sækja þessar en þær hafa skotið sér upp hjá 
Kötluholti þegar við vorum að smala hlíðina og sáum ekki til þeirra.
Það var ansi kalt þegar ég sótti þær og ég þurfti að skilja bilinn eftir á Holtshæðinni og þurfti svo
að labba til baka í hávaða roki og sækja hann.
Freyja Naómí okkar sem fer alveg að detta í að verða 6 ára núna 12 desember var að missa 
sína fyrstu tönn og auðvitað var henni skellt undir koddann um kvöldið.

Það eru svo fleiri myndir af smöluninni hér inn í albúmi.

14.11.2018 13:14

Óvissuferð með Sauðfjárræktarfélagi Helgafellssveitar og nágrennis

Síðast liðinn laugardag fórum ég ,Emil maðurinn minn,Guðmundur Ólafs Ólafsvík
Siggi í Tungu og Kristinn Bæjarstjóri í Óvissuferð með Sauðfjárræktarfélagi 
Helgafellssveitar og nágrennis. Það voru líka 3 úr Staðarsveitinni Sveinn og Helga á Fossi
og Gísli á Álftarvatni svo við vorum 28 í allt held ég.


Harpa Björk Eiríksdóttir sá um að skipuleggja Ósvissuferðina og var einnig 
fararstjóri og talsmaður í rútunni. Guðmundur Hjartarsson Helgafelli Helgafellssveit
var bílstjórinn í ferðinni. Við mættum frá Ólafsvík inn að afleggjara við Vatnaleið og
fórum þar í rútuna með þeim.

Það var lagt af stað um hálf 10 frá Vatnaleið og pikkað upp þessi þrjú í Staðarsveitinni
á Rjúkanda eða eins og við þekkjum betur sem Vegamót.

Svo hófst ferðin og allir voða spenntir og vissu ekkert hvert ferðinni var heitið en hún
lá í Borgarnes og þar var tekin aukahringur á hringtorginu til að villa um fyrir hvert
við værum að fara en héldum svo áfram í gegnum Borgarnes og þaðan fórum við
á upphafsstaðinn sem var Hvanneyri og við byrjuðum á að fara þar í 
Hvanneyrarfjósið og þar tók á móti okkur Hafþór Finnbogason fjósameistari og
hann gaf okkur fræðslu um fjósið og starfið sem þar fer framm.

Hér er Harpa með Hafþóri og búnað gefa honum gjöf fyrir að taka á móti okkur og 
fræða okkur um Hvanneyrarfjósið.

Síðan héldum við aftur upp í rútu og þá lá leið okkar að næstu búgrein sem var hestar
og við fórum aðeins andartak frá Hvanneyri og komum að Gríðarlega stórri byggingu
sem er 750 fermetrar og tekur 79 hesta í stíur já þetta er sem sagt Hestamiðstöðin
á Mið-Fossum í Borgarbyggð og þar leiddi Harpa okkur í gegn með fróðleik og sögu
um starfið sem þar fer framm. Þetta er rosalega stórt og flott og það er heil reiðhöll
þarna sem er með reiðvöll,skeiðvöll og áhorfendastúku og hún er svo hlýleg og flott.
Stíurnar hjá hestunum eru merktar með nafni og ætterni og ýmsum upplýsingum um
hvern hest fyrir sig og einnig um fóðrun hans.

Hér má sjá hluta af reiðhöllinni.

Hér er Harpa að veita okkur fræðslu um samstarf Landbúnaðarháskólans og Mið-Fossa.

Næst fórum við aftur til baka inn á Hvanneyri og fórum þá í hádegismat í mötuneyti
Landbúnaðarháskóla Íslands þar fengum við auðvitað ekta íslenskt lambalæri með 
bakaðari karteflu og meðlæti sem var auðvitað alveg frábært.

Því næst kom Ragnhildur Helga Jónsdóttir bóndi á Ausu sem er jafnframt safnstjóri
Landbúnaðarsafns Íslands. Hún fræddi okkur um skólann og fór með okkur í smá
leiðsögutúr um skólann og fór yfir hvaða starf og námsefni væri þar í boði síðan
leiddi hún okkur yfir í Lanbúnaðarsafnið og kynnti okkur uppruna þess og sögu.
Safnið er í Halldórsfjósi á Hvanneyri sem er sögumerk bygging sem var reist 
á árunum 1928-29 en safnið var þó fyrst í Verkfærahúsinu á Hvanneyri og var fyrst
opið almenningi 1987 og var þá bara lítið um sig.

Ullarselið er einnig í móttökurými safnsins og það er mjög gaman að skoða það þar
er allsskonar handverk unnið úr íslenskri ull og öðrum hráefnum.
Þetta er alveg frábært safn og fróðlegt að fara svona aftur í tímann í Landbúnaði og 
kynna sér söguna bak við það og það sýnir okkur hvað við eigum miklar auðlindir í
íslenskum landbúnaði sem við verðum að varðveita.

Hér erum við á leiðinni að fara að skoða safnið. Skemmtilegur lestur hér.

Ég var mjög heilluð af þessu verki ekkert smá flott.

Verið að rifja upp gamla tíma.

Emil var mjög hrifinn af þessum Willys jeppa.

Hér er svo Harpa með Ragnhildi safnstjóra sem leiddi okkur í gengum söguna og safnið.

Mér fannst þetta æði sérstaklega þessi bleika kanna svo hlýlegt og kósý ég elska svona
gamla daga hluti þeir eru svo krúttlegir.

Jæja þá erum við aftur komin á ferð í rútunni hér er Kristinn Jónasson Bæjarstjóri
Snæfellsbæjar, Guðmundur Ólafsson Ólafsvík og Sigurður Kjartan Gylfason Tungu.
Hvert skyldi ferðinni verið heitið núna.

Það var á Tilraunastöðina á Hesti í Borgarfirði og þar tók á móti okkur hann 
Eyjólfur Kristinn Örnólfsson og kynnti okkur allt um starfið og ræktunina sem fer framm
hjá þeim í samstarfi við þau sem reka búið sem eru Snædís Anna Þórhallsdóttir og 
Helgi Elí Hálfdánarson. Við fengum svo áfram leiðsögn og innlit í fjárhúsið og þar var
rúningsnámskeið í gangi sem við fengum aðeins að kíkja á.

Hér er hluti af lambhrútunum með nýjustu tísku klippinguna en ég held þetta sé gert
því þeir eru viðkvæmir fyrir kulda sérstaklega í lungunum og því er þetta alveg kjörin
klipping fyrir þá. Þeir taka sig vel út og eru vigalegir eins og ljón. Hér leynast nýjir
sæðingarhrútar sem verða væntanlegir á næsta ári frá Hesti.

Hér er Snædís Anna að fræða okkur um ræktunarstarfið á búinu.

Sveinn á Fossi, Gísli á Álftarvatni og Guðmundur Ólafs Ólafsvík að virða fyrir sér 
lambhrútana á Hesti.

Myndarlegur hópur af ásettningsgimbrum á Hesti.

Harpa búnað veita þeim gjöf fyrir heimsóknina þeim Eyjólfi Kristinn og Snædísi Önnu.

Svo var ferðinni haldið áfram og aftur lagt af stað upp í rútu á leið út í óvissuna.

Viðkomustaður að þessu sinni var Brugghús Steðja hjá Dagbjarti Arilíusarsyni.
Hann fræddi okkur um bjórinn Steðja og ýmsar bragðtegundir hans og þess má geta að 
bjórinn er 100 % náttúrulegur og enginn viðbættur sykur.

Hér eru allir áhugasamir að fylgjast með og fræðast um bjórinn og svo fengum við 
auðvitað að smakka nokkrar tegundir.

Hér er svo Harpa með honum Dagbjarti að lokinni heimsókninni og færir honum líka
þakkargjöf fyrir að taka á móti okkur.

Nú er farið að síga á seinni hluta ferðarinnar og hér erum við mætt í fjárhús hjá 
hagyrðingi miklum honum Dagbjarti Dagbjartsyni og Þórdísi Sigurbjörnsdóttur 
á Hrísum í Flókadal. Þau tóku vel á móti okkur með kræsingum eins og sjá má hér á mynd.

Myndarlegir lambhrútar hér hjá þeim bæði undan sæðingarstöðvahrútum og heima hrútum.

Svakalega stór og flott fjárhús hjá þeim.

Þessi er alveg ótrúlega spes á litinn og flott.

Glæsilegur hópur af ásettnings gimbrum hjá þeim.

Það var svo skellt í hópmyndir af okkur. Hér eru Dagbjartur og Þórdís líka með 
á myndinni og Harpa tók myndina.

Hér er verið að gæða sér á lærinu og melónunni.

Hér er svo Harpa með þeim Dagbjarti og Þórdísi og færir þeim kveðjugjöf fyrir 
gestrisni þeirra og skemmtilega heimsókn.

Jæja þá er komið að síðasta en ekki síðsta áfangastaðnum í þessari Óvissuferð.

Kannist þið við hann he he já þetta er Háafell og þar búa Jóhanna B Þorvaldsdóttir og 
Þorbjörn Oddsson og þar eru um 185 vetrarfóðraðar geitur og á sumrin bætast svo við
kiðlingarnir þau eru með Geitfjárrækt.

Þær eru alveg æðisleg dýr svo sterkir og miklir karektrar og mikill leikur í þeim.

Það var alveg yndislegt að fá að fara ofan í til þeirra og kynnast þeim.

Stórir og miklir Hafarnir.

Hér er Jóhanna að veita okkur fræðslu um ræktunina og starfið sem felst í Geitfjárrækt.

Gummi fékk alveg þvílíka athygli og var næstum búnað læða einni með sér heim.
Þær alveg bræða mann þessar elskur.

Svo flott hjá þeim hér má sjá ýmsa fræðslu og útskýringar um geitina sem er mjög
áhugavert að skoða.

Þessir stálu alveg senunni með krúttlegheitum og sakleysi.

Hér erum við mætt í Geitfjársetrið þeirra sem er með hlýlegri litilli verslun sem er með
afurðir og fleira sem tengist geitinni. Þar má nefna krem,sápur,ís,pylsur og fleira.
Við fengum auðvitað að smakka og fræðast um vörurnar hennar í notalegu versluninni.

Það var einnig hægt að setjast niður og fá sér kaffi og spjalla um skemmtilega daginn
sem við erum búnað fá að upplifa í dag þökk sé Hörpu Björk sem skipulagði þessa 
æðislegu Ósvissuferð og á vissulega stórt hrós skilið.

Hér er svo Harpa með Jóhönnu og Þorbyrni og búnað veita þeim þakklætisgjöf fyrir
að fá okkur í heimsókn. Mæli hiklaust með að þið heimsækjið þau margt sniðugt sem
er þess virði að skoða og einnig stórsniðugar gjafir svona þegar jólin eru að nálgast.
Hún hafði orð á því að hún er með svo góð krem og sápur sem hún gerir og hafa verið að gera kraftaverk á fólki sem er búið að vera glíma við ofnæmi,exem og kláða í húð og 
ekkert hefur unnið á því en svo þegar það prófaði vörurnar hennar lagaðist það.

Fengum svo þennan flotta minjagrip í lok ferðar frá Hörpu sem var bjór frá Steðja
merktur Óvissuferðinni og með mynd af félagshrút. 

Harpa var svo kjörinn einróma um að verða áfram skipuleggjari fyrir næstu ferð og 
klappað ærlega fyrir henni. Takk enn og aftur Harpa fyrir frábæra ferð þetta var æði
og takk fyrir að bjóða okkur að koma með félaginu ykkar.

Það eru svo fleiri myndir hér inn í albúmi af ferðinni.

08.11.2018 13:33

Ásettningur hjá Guðmundi Ólafs Ólafsvík 2018

Þessi gimbur er undan Kölska sæðingarstöðvar hrút.

54 kg 35 ómv 3,4 ómf 5 lag 106 fótl 9 framp 18,5 læri 8 ull 8,5 samræmi.
Þessi er undan Kölska líka.

43 kg 30 ómv 3,7 ómf 4,5 lag 106 fótl 8,5 framp 18 læri 8 ull 8,5 samræmi.
Þessi er undan Tobba heimahrút frá Gumma.

47 kg 32 ómv 3,7 ómf 4,5 lag 107 fótl 8,5 framp 17,5 læri 7,5 ull 8,5 samræmi.
Hrúturinn hans heitir Gosi og er undan Bjart sæðingarstöðvar hrút. Hann er með 
þykkasta bakvöðvan á Snæfellsnesi núna í ár sem er 38.

57 kg 38 ómv 3,2 ómf 4,5 lag 110 fótl

8 8,5 9 10 8,5 18 8 8 8,5 alls 86,5 stig.

Hér er Gummi að gefa þeim brauð. Svakalega falleg sú hvíta fremmsta svo þykk og jöfn.
Gummi fær óskipta athygli frá þeim þegar hann gengur að garðanum.
Þær eru alveg til í að tala við hann og fá smá brauð í leiðinni.
Hér er hann að gefa þeim og þær ánægðar að fá matinn sinn enda við búnað vera
trufla hann með því að vera heimsækja á matartíma he he.
Þetta eru svo hlýleg og snyrtileg fjárhús alveg til fyrirmyndar hjá honum.
Hér má sjá betur hvað þetta er flott hjá honum. Alltaf gaman að koma í heimsókn til 
Gumma í fjárhúsin og skoða fallegu kindurnar hans. 
Gummi á en eftir að heimta fé og í því leynist ein ásettnings gimbur til viðbótar sem er
flekkótt og er undan Bjart sæðingarstöðvar hrút svo ég á eftir að smella mynd af henni
þegar hann er búnað heimta hana.


Það eru svo fleiri myndir hér inn í albúmi.

07.11.2018 15:46

Minningarorð um Ísak Tvinnason

Var alveg búnað steingleyma að hann Ísak okkar var bráðkvaddur þegar við smöluðum lömbunum inn fyrir Héraðssýninguna. Alveg ömurlegt hann var að gefa okkur svo flott lömb núna í ár og eins eru dætur hans alveg að skara fram úr í mjólkurlagni og ég var næstum 
búnað ákveða hvað ég ætlaði að nota hann á núna í vetur en svona getur allt breyst bara
einn tveir og tíu. Langaði að taka hér saman smá sögu af lífsleiðinni hans.
Besti hyrndi hvíti hrúturinn 2015 frá Mávahlíð. 
Lamb númer 852 undan Tvinna 14-001
Stigun: 63 kg fótl 112 ómv 36 ómf 2,3 lögun 4
8 9 9 9 9 19 8,5 8 8,5 alls 88 stig.
Hér afhenti Lárus Birgisson mér Herdísi Leifsdóttur Farandsskjöldinn fyrir besta
lambhrútinn 2015. Ég er enn í sjokki eins og sést á myndinni og allveg rosalega
þakklát fyrir að fá þann mikla heiður að fá þennan mikla grip.
Mér fannst líka æðislegt að fá þessa viðurkenningu frá Jón Viðari og Lárusi
heiðursmönnum sem  ég lít mjög upp til síðan ég var
smá stelpa í Mávahlíð á hrútasýningum.
Enda sagði Emil að ég hafi sofnað með bros á vör eftir daginn emoticon

Hér er minningar klippa frá því að við fengum Farandsskjöldinn fyrir Ísak árið 2015.

Hér er svo önnur þegar hann var valinn besti veturgamli hrúturinn hjá Sauðfjárræktarfélaginu Búa


Hér er ég svo með vinningshafann í hvítu hyrndu nr 15-001 Ísak Tvinna sonur og Mjallhvítar.
Tvinni er Saum sonur og Mjallhvít er undan heimaær og Storm Kveiksyni.

Ísak 15-001 frá Mávahlíð.

Hann var 105 kg fótl 119 ómv 38 ómf 3,4 lag 4

8 haus 9 H+h 9 B+útl 9 Bak 9,5 malir 19 læri 8,5 ull 8 fætur 8,5 samr. Alls 88,5 stig.

Ísak fór svo með Máv í afkvæmarannsókn á Gaul árið 2016 og hafði þar Mávur vinninginn og var
tekin á stöð en Ísak stóð rétt á eftir honum í rannsókninni.


Einbúi er undan Ísak og Tungu og er í eigu míns og Bárðar.

58 kg 35 ómv 2,5 ómf 5 lögun 108 fótl.

8 8,5 9 9 9 18,5 9 8 8,5 alls 87,5 stig.

Þessi hrútur undan honum er enn til og er hjá Bárði hann hefur ekki verið notaður neitt af ráði
svo það er spurning um að fara prófa hann almennilega núna því hann á að geta gefið mjög gott.
Tunga móðir hans er undan Dröfn sem er móðir Mávs sem er á sæðingarstöðinni frá okkur og svo
er hún undan Garra sæðingarstöðvarhrút. Hann var svo mikið skyldur mínu fé svo Bárður tók
hann en ég á núna eitthvern hóp sem er óskyldur honum svo það væri gaman að prófa hann.

Við eigum nokkrar dætur undan Ísak sem mig langar að telja hér upp.


Bifröst er undan Dröfn og Ísak. Tvílembingur fædd 2016

50 kg 32 ómv 3,6 ómf 4,5 lögun 108 fótl 9 framp 17,5 læri 8 ull 8,5 samræmi.


Þoka er undan Ísak og Elsu. Tvílembingur fædd 2016

55 kg 31 ómv 4 ómf 4 lögun 8,5 framp 18 læri 8 ull.

Urður er undan Snældu og Ísak. Tvílembingur fædd 2016

46 kg 30 ómv 2,9 ómf 4 lögun 106 fótl 9 framp 18 læri 7,5 ull 8,5 samræmi.



Snædrottning er undan Ísak og Maístjörnu. Tvílembingur fædd 2016

45 kg 29 ómv 2,9 ómf 4 lögun 108 fótl 8,5 framp 17,5 læri 9 ull 8,5 samræmi.

Sprengja 17-003 undan Dröfn og Ísak. Þrílembingur fædd 2017

44 kg 34 ómv 3,4 ómf 4,5 lag 105 fótl.

9,5 framp 18,5 læri 7,5 ull 8 samræmi 43,5 heildarstig


18-005 Brúða undan Villimey og Ísak. Tvílembingur fædd 2018

50 kg 35 ómv 3,8 ómf 5 lag 108 fótl 18,5 læri 8 ull 8,5 samræmi 43,5 heildarstig

18-009 Elektra undan Fíónu og Ísak. Þrílembingur fædd 2018

54 kg 34 ómv 3 ómf 4,5 lag 107 fótl 9 framp 18,5 læri 8 ull 9 samræmi 44,5 heildarstig


18-013 Terta undan Hexíu og Ísak. Tvílembingur fædd 2018

47 kg 35 ómv 3,5 ómf 5 lag 107 fótl 8,5 framp 18 læri 7,5 ull 8,5 samræmi 42,5 heildarstig
Kraftur 17-002 undan Íssól og Ísak. Tvílembingur fæddur 2017

44 kg 30 ómv 2,2 ómf 4,5 lag 110 fótl.

8 8,5 9 8,5 9 18,5 8 8 8,5 alls 86 stig.

Þessi var að koma rosalega vel út í haust og voru öll lömbin undan honum með 18 í læri og yfir
og 2 sem fóru í sláturhús undan honum fóru bæði í E svo þetta hefur verið hörku gerðar hrútur
hann fórst um veturinn eftir fengitíma hafði lent í einhverjum áflogum við hina hrútana og náði 
sér aldrei og fóðraðist ekki.

Kynbótamatið hans Ísaks var Gerð 108 Fita 114 Frjósemi 103 Mjólkurlagni 107

Jæja læt þetta duga sem minningarorð um hann Ísak Tvinnason. 

Það verður svo næst á blogginu hjá mér ásettningurinn hjá Guðmundi Ólafs Ólafsvík.

05.11.2018 20:36

Gefið ormalyf og fullorðinsmerkin sett í lömbin.

Síðast liðinn sunnudag gáfum við gimbrunum og lambhrútunum ormalyf og settum í þau fullorðinsmerkin. Bæði gimbrarnar og lambhrútarnir eru mörg að verða gæf og hefur ásettningshópurinn aldrei verið eins gæfur sem gerir gjöfina og umhirðuna miklu skemmtilegri.
Hér er Freyja dóttir okkar að knúsa hana Hörpu sem er alveg einstaklega gæft lamb.
Hér er hin dóttir mín Embla búnað hlamma sér á bak á Vaíönnu sem er veturgömul og 
er líka alveg einstaklega gæf.
Benóný sonur okkar að klappa Kaldnasa sem er uppáhalds hrúturinn hjá krökkunum hann
er líka alveg einstaklega blíður og góður við alla.
Embla og Aníta vinkona hennar að klappa Dröfn sem leyfir bara krökkunum að klappa
sér en vill ekki sjá að tala við okkur fullorðnu he he.
Það var milt og fallegt veður í Fróðarhreppnum um daginn en nístings kuldi.
Já það er alveg að koma vetur og orðið allt svo gult og kuldalegt og Snæfellsjökulinn
orðinn hvítur á ný.
Harpa komin með fullorðins merki ásamt öllum hinum.
Heyjið virðist fara vel af stað í þau og gimbrin sem við sóttum seinast er strax komin
með hornhlaup.
Þau voru skuggaleg börnin okkar Embla Marína, Benóný Ísak og Freyja Naómí á leiðinni
á Halloween skóla ball.
Freyja með sínum uppáhalds Dröfn ,Harpa og Gulla.

Það eru 3 gimbrar Harpa, Lóa og Ósk sem eru alveg draugspakar og elta mann og svo eru
fleiri sem eru forvitnar og á ég von á því að þær verði flestar gæfar í vetur.

Svarti Pétur hans Óttars er alveg spakur og Botni. Minn hvíti hann Jökull Frosti er mjög
spakur og svo er Zezar sá móflekkótti alveg að koma til og líka hrúturinn hans Kristins
svo þetta er bara gleði og gaman að koma í fjárhúsin á hverjum degi.

Það eru svo fleiri myndir af þessu hér inn í albúmi.

31.10.2018 15:36

Ásettningur hjá Sigga í Tungu

Þessi er undan Gránu og Bjart sæðingarstöðvarhrút.

48 kg 34 ómv 4 ómf 4 lag 107 fótl 8,5 framp 18 læri 7,5 ull 8,5 samræmi


Þessi er undan Gullu og Hlúnk Máv syni.

47 kg 33 ómv 3,8 ómf 5 lag 106 fótl 8,5 framp 18 læri 8,5 ull 9 samræmi


Þessi er undan Litlu Gul og Ask Kalda syni.

55 kg 33 ómv 4,7 ómf 4 lag 106 fótl 9 framp 18 læri 7,5 ull 8,5 samræmi


Þessi er undan Glámu og Gretti Máv syni.

49 kg 31 ómv 4,8 ómf 5 lag 105 fótl 8,5 framp 18 læri 8,5 ull 8,5 samræmi


Þessi er undan Slyddu og Gretti Máv syni.

44 kg 34 ómv 4,1 ómf 5 lag 106 fótl 9 framp 18,5 læri 8 ull 8,5 samræmi.


Þessi er frá Sigga og er undan Korra Garra syni og Völu.

53 kg 31 ómv 2,8 ómf 4,5 lag 112 fótl

8 8,5 8,5 9 9 19 8 8 8,5 alls 86,5 stig.

30.10.2018 10:44

Ásettnings gimbrarnar okkar 2018


18-004 Svala undan Svönu og Part. Tvílembingur

48 kg 33 ómv 2,9 ómf 4 lag 108 fótl 9 framp 18 læri 7,5 ull 8,5 samræmi 43 heildarstig


18-005 Brúða undan Villimey og Ísak. Tvílembingur

50 kg 35 ómv 3,8 ómf 5 lag 108 fótl 18,5 læri 8 ull 8,5 samræmi 43,5 heildarstig


18-006 Aska undan Botnleðju og Ask. Tvílembingur

48 kg 30 ómv 2,7 ómf 5 lag 106 fótl 8,5 framp 18 læri 8 ull 8,5 samræmi 43 heildarstig


18-007 Bára undan Dröfn og Berg. Þrílembingur

47 kg 34 ómv 3,3 ómf 5 lag 103 fótl 9 framp 18,5 læri 8 ull 8,5 samræmi 44 heildarstig


18-008 Ósk undan Von og Móra. Þrílembingur

44 kg 28 ómv 3,2 ómf 3,5 lag 107 fótl 8 framp 17,5 læri 8 ull 8,5 samræmi 42 heildarstig


18-009 Elektra undan Fíónu og Ísak. Þrílembingur

54 kg 34 ómv 3 ómf 4,5 lag 107 fótl 9 framp 18,5 læri 8 ull 9 samræmi 44,5 heildarstig


18-010 Óskadís undan Eldey og Knarran. Tvílembingur

44 kg 30 ómv 2,8 ómf 4,5 lag 108 fótl 8,5 framp 17 læri 8 ull 8,5 samræmi 42 heildarstig


18-011 Harpa undan Eik og Móra. Einlembingur

57 kg 27 ómv 7,1 ómf 4 lag 113 fótl 8,5 framp 17 læri 7,5 ull 8,5 samræmi 42 heildarstig


18-012 Lóa undan Möggu Lóu og Móra. Tvílembingur

47 kg 29 ómv 4,6 ómf 4 lag 110 fótl 8,5 framp 17,5 læri 8,5 ull 9 samræmi 43,5 heildarstig


18-013 Terta undan Hexíu og Ísak. Tvílembingur

47 kg 35 ómv 3,5 ómf 5 lag 107 fótl 8,5 framp 18 læri 7,5 ull 8,5 samræmi 42,5 heildarstig


18-014 Rósalind undan Snotru og Kaldnasa. Þrílembingur í eigu Jóhönnu.

43 kg 28 ómv 4 ómf 3,5 lag 105 fótl 8,5 framp 17 læri 8,5 ull 8,5 samræmi 42,5 heildarstig


18-015 Klara undan Snót og Svan. Tvílembingur

43 kg 36 ómv 2,8 ómf 5 lag 106 fótl 9 framp 19 læri 8,5 ull 8,5 samræmi 45 heildarstig


18-016 Randalín undan Brælu og Kraft. Tvílembingur

48 kg 32 ómv 3,8 ómf 4 lag 110 fótl 8,5 framp 18 læri 7,5 ull 8,5 samræmi 42,5 heildarstig


18-017 Frostrós undan Mjallhvít og Hlúnk. Þrílembingur

46 kg 31 ómv 2,7 ómf 4,5 lag 107 fótl 9 framp 18 læri 8,5 ull 9 samræmi 44,5 heildarstig


18-018 Poppý undan Kolfinnu og Blika. Tvílembingur

43 kg 30 ómv 4,1 ómf 4 lag 107 fótl 8,5 framp 17,5 læri 8 ull 8,5 samræmi 42,5 heildarstig


18-019 Blíða undan Glóð og Knarran. Gemlings lamb

49 kg 29 ómv 2,5 ómf 3,5 lag 107 fótl 8,5 framp 17 læri 7,5 ull 8,5 samræmi 41,5 heildarstig


18-020 Embla frá Óttari veit ekki alveg ættir og hún er óstiguð en er 50 kg og tvíelmbingur

Þetta eru ásettnings gimbrarnar okkar 2018. Vel litskrúðugur hópur.
Flettingar í dag: 262
Gestir í dag: 67
Flettingar í gær: 278
Gestir í gær: 55
Samtals flettingar: 1424095
Samtals gestir: 191227
Tölur uppfærðar: 25.3.2019 22:00:46

Um okkur

Nafn:

Dísa,Emil,Benóný Ísak, Embla Marína og Freyja Naóm

Farsími:

8959669,8419069

MSN netfang:

Disa_99@hotmail.com

Afmælisdagur:

17 júní 1982,1 apríl 1985, 19 ágúst 2009. 28 Mars

Heimilisfang:

Stekkjarholt 6

Staðsetning:

355 Ólafsvík

Heimasími:

4361442

Um:

Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.

Tenglar

Tenglar

Tenglar