06.09.2011 11:31

Rollur og aftur lömb.

Jæja ég er allveg að tapa mér í því að fara á rúntinn á hverjum degi og reyna að ná alltaf betri og betri myndum af lömbunum. En svona er þetta þegar maður er svona heltekinn af þessari vitlausu he he. Það er komið á hreint að það verður stigað 23 sept svo ég smala líklega helgina 17 á sama tíma og Grundararnir enda er þetta allt í einum graut inn í Höfða bæði frá mér og öðrum. Það er samt allveg yndislega gaman að hafa þetta áhugamál og hafa þennan spenning í maganum að bíða eftir smölun og stigun sérstaklega núna þegar ég á loksins sæðinga eftir mína sæðingu. Ég sæddi nú samt fleiri rollur hjá Bóa en hann er svo mikil öðlingur að hann skiptir fúslega við mig því hann var ekkert að sækjast eftir að sæða heldur sæddi ég bara það sem var að ganga þessa daga. Endilega kíkið í myndaalbúmið ef þið hafið áhuga að skoða því þar eru fleiri myndir af lömbunum. Ég ætla nú að bæta því hér við að ég hef ekki verið talandi í 3 daga fékk svo heiftalega hálsbólgu að ég þarf að hvísla og get ekki einu sinni öskrað á hundinn né Benóný þegar hann er að gera eitthvað af sér allveg skelfilegt helvíti.

Aríel með gimbrarnar sínar undan Mola. Moli er undan Róna frá Bergi sem er undan Raft og var Moli annar hæðsti á veturgömluhrútasýningunni í fyrra og var með 18,5 í læri og 35 í ómvöðva minnir mig.