08.12.2013 23:14

Brjálað að gera og sæðingar byrjaðar.

Jæja tímalausa manneskjan ég ætla loksins að gefa mér tíma til að blogga.

Nýjasta nýtt er það að hún Freyja Naómí tók sín fyrstu skref í dag og er byrjuð að labba 3 til 4 skref svo brátt verður allur friður úti he he enn þetta passar allveg hún er á svipuðum tíma og hin í kringum 1 árs afmælið sitt. Ég á eftir að ná myndum af henni að labba enn það eru smá myndir hér af þeim systkynum.

Það er allveg ótrúlegt hvað það er alltaf mikið að gera eitthvað, mér vantar allveg auka tíma

í sólarhringinn til að geta komist yfir allt sem ég þarf að gera : með börnunum, á heimilinu

og í fjárhúsinu spurning um að fara klóna sig bara.

Hlutirnir eru þó alltaf gerðir í fjárhúsinu þeir meiga ekki bíða enn svefn og hvíld er látin sitja

á hakanum og fæ ég stundum að kenna á því með hausverk og háum blóðþrýstingi.

Það er gaman að segja frá því að ég vaknaði á föstudagsmorgun með dúndrandi hausverk

og hafði mig til og græjaði krakkana á leikskólann og auðvitað gekk það ekki eins og dans

á rósum, Embla þurfti að vera geðveikt þrá að fara í fötin og allt einhvern veginn öfug snúið.

Mamma kom svo 10 mín í 8 og ég orðin nett pirruð og hugsa o afhverju hringdi ég ekki í hana og lét hana koma fyrr argg enn svo gekk þetta allt og ég var búnað drösla þeim niður á leikskóla korter yfir 8.

Kominn heim að verða hálf 9 og þá varð ég að fletta upp hrútaskránni og gera upp við mig hvaða hrúta ég ætti að sæða með í dag. Samt sem áður var ég búnað liggja yfir skránni til hálf 1 í gærkveldi plús það að skreyta eldhúsið já maður er ekki allveg eðlilegur stundum.

Svo þegar ég loksins fór að sofa þá var ég að hugsa svo mikið út í hrútana að ég ætlaði aldrei að sofna en já áfram með daginn í dag eins og ég sagði þá ákvað ég að taka sénsinn og panta mér 2 strá í rollur sem voru byrjaðar að ganga á fimmtudeginum seinni partinn því þær voru svo margar og bölvaði ég því vel að hafa ekki byrjað að leita fyrr og sæða.

Enn já svo var kl orðin 9 þegar ég loksins komst af stað því ég átti tíma hjá lækni út af blóðþrýstinginum upp á Skaga kl 11 og það var brunað af stað og mamma kom með til að

passa Freyju fyrir mig. Þegar við vorum komin í Borgarnes var kl orðinn 25 mín í 11 og ég

allveg í stress kasti og skuttlaði mömmu og Freyju til Hafdísar systir mömmu og brunaði af stað í hendingskasti upp á Skaga og náði á mínótunni 11. Þegar ég var svo komin inn og búið að mæla blóðþrýstingin og gera hjartalínurit mældist blóðþrýstingurinn auðvitað eftir því allt of hár enn klárlega ekki að marka það eftir allt þetta stress.

Það kom svo betur fyrir ekki að þessi ferð hefði getað sleppt því að eiga sér stað því ekkert amar af mér allveg stál hraust og meira segja sagði læknirinn að það væri ekkert óeðlilegt að vera með of háan blóðþrýsting þegar maður væri með svona mörg lítil börn því fylgdi ákveðið álag og líka að hugsa um heimilið með því.

Svo kom reikningurinn Bvaaaa 17 þúsund krónur takk fyrir eins og það hafi ekki verið nóg að keyra alla þessa leið í einu kasti og mamma greyjið enn þá með hjartað í buxunum þorði ekki einu sinni að biðja mig að stopppa til að fara á klóstið he he. Ég á nýjum nagladekkjum

og ekki að ódýrustu gerð og örugglega búnað spæna nokkra naglanna úr Emils til mikillar ánægju ...

Ég var svo líka að drífa mig heim því ég þurfti að fara sæða og hafðist þetta allt á endanum ég náði að vera kominn heim um hálf 3 og þá beint að sækja krakkana á leikskólann og svo beint út í fjárhús að sæða.

Já það má segja að jólastessið sé farið að segja til sín hjá mér he he enn þetta verður bara gaman nóg að gera og vonandi kemst maður yfir það allt og brosir.

Gummi úr Dölunum kom og snyrti fyrir okkur dömurnar um daginn.

Snöggur og vandleg vinnubrögð hjá honum.

Eins og vanalega fengum við þvílíkt kuldakast stuttu eftir

enn það slapp því það hélst allveg mátulegur hiti í húsunum.

Embla Marína svo dugleg að gefa rollunum brauð.

Við fórum í heimsókn til hans Hannesar á Eystri Leyrárgörðum um daginn og hér er hann Siggi undan Svört hans Sigga og Grábotna sem Hannes fékk hjá Sigga í fyrra.

Ekkert smá langur og flottur gripur.

Flottir lambhrútar hjá Hannesi annar Mórauður og hinn Grámórauður.

Emil kíkti aðeins í heimsókn í fjárhúsin hjá Jóa og Auði sem eru með fjárhús út á Hellissandi með Rabba og Gunnu og hér eru ásettnings gimbrarnar hjá þeim.

Það eru svo fleiri myndir af ferð okkar til Hannesar,rúninginum og fleiru með

því að smella hér.

Ég var enda við að sæða núna kl hálf 10 með hrút frá Suður landinu.

Ég og Bárður áttum pantað sæði þaðan úr Saum og Rafal.

Ég fékk sæðið svo seint að ég gat ekki sætt nema 3 sem voru að ganga 2 hjá mér og 1

hjá Sigga með Saum en Rafal ætla ég að taka sénsin á að kæla og geyma í ískápnum

til morguns ef eitthvað skyldi vera ganga í fyrramálið.

Tengill á færslu

Bæta við áliti

Sýna álit

08.12.2013 23:14

Brjálað að gera og sæðingar byrjaðar.

Tenglar

Tenglar

Tenglar