18.08.2015 10:17

Ferðalag á Akureyri

Við fórum norður 7 ágúst og vorum í viku á Akureyri. Það var allveg rosalega

gaman við fengum yndislegt veður og við tókum rúnt um Skagafjörðinn þegar

við vorum á leiðinni á Akureyri og ég fékk loksins að sjá hvar Ytri Hofdalir eru

og fleiri staðir og mér fannst það mjög gaman að sjá það loksins.

Við fórum í sund á hverjum degi fyrir krakkana og Benóný fékk að velja

sundlaugarnar því hann er allveg með sundlaugar dellu og það var farið í

allar sundlaugar sem voru þarna nálægt. Akureyri, Hrafnagil, Dalvík, Húsavík

og Þelamörk. Þelamörk er allveg æðisleg sundlaug og mæli ég eindregið með

henni fyrir barnafólk þar er hugsað einstaklega vel um barnalaugarnar þær eru

vel heitar og þar sem rennibrautin er , er líka mjög heitt. Því sá sem fer mikið

með börnin sín í sund og rennibrautir kannast vel við hvað það er alltaf kalt

þar sem rennibrautirnar eru. Á Hrafnagil er samt uppáhalds rennibrautin hans

Benónýs og meira segja fór Freyja litla okkar í hana líka eins há og hún er

fannst henni þetta allveg æði.

Sundlaugin á Akureyri er líka rosalega fín en þar er líka smá kalt þar sem

rennibrautirnar eru. Á heimleiðinni fórum við í sundlaugina á Blöndósi en

Benóný þorði ekki í rennibrautirnar þar því það er mjög erfitt fyrir hann að

fara í lokaðar sem er myrkur í hann er nefla einhverfur og eru rennibrautir

hans þráhyggja núna og heltekur hann allveg á sumrin. Honum langaði

svo á Hvammstanga en við héldum að það væri ekki rennibraut þar því

ferðabæklingurinn segir að svo sé ekki og eins heimasíðan hjá sundlauginni

en Benóný hélt því framm að það væri rennibraut en við trúðum honum ekki

en svo þegar við komum heim sáum við á N4 stöðinni af norðan að það er

rennibraut sem er nýkomin þangað og hann hefur séð það á netinu einhvers

staðar svo ég mæli með þvi að þeir á Hvammstanga leiðrétti þetta á heima

síðu sundlaugarinnar því margir fara eftir síðunum hvort rennibraut sé eða

ekki.

Nú á bara eftir að þræða sundlaugarnar á suðurlandi draumurinn hans

Benónýs er að fara í sundlaugina á Hellu og verðum við að reyna láta þann

draum rætast. Svo á hann eftir að fara á Höfn í Hornafirði annars erum við

að vera búin með margar laugar á landinu og er stefnan tekin á að fara í

allar sundlaugar á landinu sem eru með rennibrautir og verður því takmarki

örugglega náð næsta sumar he he svo heillaður er hann af rennibrautunum

og hann veit hvar þær eru allar hann er með ferðahandbókina sem er gefin

út og skoðar nákvæmlega hvar þær eru á landakortinu og hann er kominn

með það vel á minnið aðeins 5 ára gamall og verður reiður ef við getum ekki

rétt þegar hann spyr hvað er rétt hjá sundlauginni á Akureyri þá eigum við að

vita nákvæmlega að það er Þelamörk og Hrafnagil og þetta veit hann um

flestar aðrar sundlaugar á landinu allveg magnaður áhugi hjá honum.

Á handverkssýningunni í Hrafnagili. Þar var margt að skoða og gaman að sjá hvað

margir eru í íslenskri hönnun.

Við fórum í heimsókn til Birgittu og Þórðar á Möðruvöllum.

Það var æðislegt að koma til þeirra í þessa fallegu sveit og auðvitað var tekið á móti

okkur með kræsingum og við vorum í mat hjá þeim og ekkert smá dekrað við

okkur. Ég náði nú ekki að fara með henni á rollu rúnt en mun stefna á það næst þegar

ég á leið norður. Takk kærlega fyrir okkur kæru vinir.

Auðvitað smellti ég mynd af fræga lambaveggnum hennar Birgittu sem er í eldhúsinu.

Hann er allveg æði. Svo er hún með mynd af rollunum líka. Ekkert smá flott hjá henni.

Þetta er draumurinn minn allavega að setja myndir af rollunum inn í fjárhús ég á mynd af

þeim öllum en á bara eftir að koma mér í að prenta þær út.

Magnað að hugsa til þess að við Birgitta kynntumst bara hérna í gegnum síðuna

hún sá síðuna mína einn daginn að það var rollu rúntur og þá hafði hún samband við

mig og síðan þá höfum við allveg smollið saman og tölum saman reglulega gegnum

síðunar okkar og höfum heimsótt hvor aðra þegar við eigum leið hjá.

Við erum líka með sömu rollu sóttina og er ég afar þakklát fyrir að hafa kynnst

Birgittu hún er allveg yndisleg manneskja og gaman að tala við.

Rakst á þetta svaðalega tún á leiðinni á Húsavík. Mér finnst þetta allveg geggjað ekkert

smá stórt og allveg í brekku eins og hjá okkur í Mávahlíð nema ekki allveg eins bratt.

Ef maður hefði eitt svona tún þyrfti maður bara að heyja eitt tún he he.

Þetta var rosalega flott sveit með flottum túnum.

Það eru svo fleiri myndir af þessu öllu hér inn í albúmi.

Tengill á færslu

Bæta við áliti

Sýna álit

18.08.2015 10:17

Ferðalag á Akureyri

Tenglar

Tenglar

Tenglar