20.09.2015 23:52

Smalað og styttist óðum í stigun

Jæja þá er búið að smala. Ég byrjaði á því að smala Höfðann á fimmtudaginn og koma

öllu sem er þar fram yfir Höfðann svo það væri aðeins búið að pústa áður en það þyrfti

að fara alla leið í Tungu og það gekk mjög vel. Þó var ég nærri því búnað missa féið

þegar ég var að reka það upp hjá stallinum inn í Höfða sem allir stoppa þvi þar var

einn túristi sem stóð bara fyrir og hreyfði sig ekki þegar ég kom með féið en það fór

betur en á horfðist og ég náði að koma því fram hjá honum he he.

Jóhanna,Bói,Gummi og Siggi bættust svo í hópinn um 5 leytið og þá tókum við

allt inn í Mávahlíð,rifið og Fögruhlíðina að Mávahlíð. Þær voru frekar óþekkar við

okkur en það tókst að lokum að koma þeim niður og reka heim að Tungu.

Stór hópur af fénu náðist þennan dag.

Á föstudaginn fengum við Maju og Óla til liðs við okkur og fórum upp inn í Höfða og

löbbuðum yfir í Fögruhlíð þar fengum við nokkrar sem okkur vantaði og hóp frá Óla

á Mýrum. Óli og Maja komust ekki upp fyrir Bjarnaskarð því það var svo mikil þoka

svo það verður að kíkja þar seinna.

Fengum milt og gott veður á föstudaginn.

Annað mátti segja um laugardaginn þá fórum við ekki upp fyrr en á hádegi. Ég ,Siggi,Emil,Bói og fengum

Hannes á Eystri Leirárgörðum og son hans með okkur sem stóð sig eins og hetja í

þessu átakmiklu veðri sem var. Friðgeir og hans fólk kom líka með okkur.

Okkur leist ekkert á þetta fyrst það var varla stætt þegar við byrjuðum að arka upp og

þokan allt of þétt til að sjá nokkra kind. En hvassara tók við uppi og þurfti maður að

hafa sig allan við að halda sér niðri. Við fórum upp á Fróðarheiði og löbbuðum svo yfir í

Svartbakafell sem er fyrir ofan Fögruhlíð en Friðgeir og hans fólk fór niður í Hrísar

og svo straujuðum við allt þar á milli og niður í Tungu. Þrátt fyrir óveður og mikla þoku

tókst okkur að finna heilmikið fé svo ferðinn var alls ekki til einskis og það var ljúft

eftir erfiðan dag að fá kaffi og kjötsúpu inn í Tungu.

Mér vantar eina veturgamla og lamb hana Stiku og eina aðra veturgamla en lambið

hennar kom svo það er spurning hvort hún hafi drepist.

Í heildina sem hefur drepist í sumar og vantar eru 10 lömb.

Það er leiðinlega mikið.

Við vigtuðum svo í gær og er meðalvigtin 46,56 það er 1 og hálfu kíló léttara enn í fyrra.

Það verður svo stigað hjá okkur á morgun svo nú er spennan allveg í hámarki og

stressið eftir því.

Hrútasýning veturgamla verður svo hjá Óla á Mýrum á þriðjudaginn

kl 17.00 svo það verður líka spenningur að fara á hana og sjá hvernig hrútarnir koma

út og ég minni félagsmenn Búa að koma með veturgömlu hrútana sína og hafa gaman

af að koma og vera með og sjá aðra. Frekari upplýsingar um sýninguna má finna hér

inn á 123.is/bui

Flottur Hæng sonur frá Sigga .

Tvær gullfallegar frá Sigga undan Gloppu og Danna sæðishrút það verður spennandi

að sjá hvernig þær dæmast.

Flottur Bekra sonur frá Sigga undan Botnu.

Hæng sonur frá mér undan Hriflu.

Tveir undan Marel Guffasyni og Skuggadís.

Það eru svo fleiri myndir inn í albúmi hér.

Kveð í bili með hnút í maga og held ég sofi ekki í nótt fyrir stressi og spenningi

fyrir stigun

Tengill á færslu

Bæta við áliti

Sýna álit

20.09.2015 23:52

Smalað og styttist óðum í stigun

Tenglar

Tenglar

Tenglar