25.09.2017 21:31

Smölun Búlandshöfði,Mávahlíð og fleira

Jæja þá er komið að því að ég geti sest niður og komið einhverjum upplýsingum fyrir ykkur hér inn á Bloggið.

Við byrjuðum á þvi að smala Mávahlíðar Rifið og ég fekk Freyju tengdamömmu

og vínkonu hennar Bjöggu mér til aðstoðar og þær stóðu sig alveg eins og hetjur og þetta

gekk allt eins og í sögu. Við byrjuðum á því að taka Rifið svo fórum við inn fyrir Búlandshöfða

og náðum í það sem var þar og fikruðum okkur svo í áttina að Mávahlíð og tókum hlíðina og

þá kom til liðs við okkur Siggi í Tungu og Jóhanna. Því næst var Bói kominn og Emil og þá

fór Bói og Siggi upp á Sneið sem er fyrir ofan Fögruhlíð og svolítið langt fyrir ofan

sumarbústaðinn hjá Sigrúnu og Ragga. Ég arkaði áfram hlíðina alveg frá Búlandshöfða og út

að Fögruhlíð og beið mitt á milli Fögruhlíðar og Traðar þangað til Siggi og Bói voru búnað

komast upp fyrir féið upp á Sneiðinni og reka það í áttina að mér. Gummi Ólafs kom svo líka

til okkar og hjálpaði til niðri ásamt Freyju,Bjöggu,Jóhönnu og Emil. Þetta gekk svo allt saman

eftir og við náðum megninu af okkar féi á þessum fimmtudegi.

Hér er ég Mávahlíðar megin í Höfðanum.

Hér sést svo niður í Mávahlíðar Rif eftir afleggjaranum þar er Sigga bíll og Freyju

tengdamömmu.

Hér erum við að smala Mávahlíðar Rifið.

Hér er ég niður í Búlandi sem er fyrir neðan Búlandshöfða þar sem er hægt er að keyra

út á fjallið áður en maður keyrir Grundarfjarðar megin niður Búlandshöfðann. Ég fann

hræ af einni rollu þarna niður frá og komst svo að því að það var rolla frá mér sem

heitir Dalrós því hún gengur þarna og lömbin hennar skiluðu sér.

Hér halda þær svo áfram undir Höfðanum en þar er rollu stígur undir honum öllum alla

leið fram á Mávahlíðarhellu.

Hér er stigurinn sem ég labba á eftir þeim undir Höfðanum hann er gríðalega brattur og

mun brattari heldur en myndin gefur til kynna og svo þegar maður horfir upp sér maður

bara fjöll yfirgnæfa sig og svo þverhnýtt niður þegar maður horfir niður þegar maður er

komin hérna áleiðis en trixið er að horfa bara í stiginn en ekki vera horfa niður eða upp

því þá getur hræðslan hertekið mann.

Hér eru rollurnar komnar á Mávahlíðar Helluna.

Sumar fengu far með kerrunni hjá Emil.

Emil og frændi hans Gumma Óla að ná einu lambi sem gafst upp og henda því upp á

kerru.

Það er Dalur upp á Búlandshöfða sem við köllum Grænsdali og þar faldi stóra Móra mín

sig og 3 aðrar með henni og ég fann þær þar.

Hér eru þær og ég náði að koma þeim niður en þær tóku straujið upp í kletta fyrir ofan

útsýnispallinn í höfðanum þar sem flestir túristar stoppa og ég lagði ekki alveg í að fara

á eftir þeim svo ég prílaði niður aftur og fór fyrir neðan Höfðann og tók kindur þar sem

ég hafði misst af á fimmtudeginum þegar við smöluðum Hlíðina. Svo þegar Siggi kom til

liðs við okkur sagði hann að ég kæmist alveg á eftir Móru upp í klettunum svo ég lagði af

stað eina ferðina enn upp í Hlíð og fór svo eftir þeim undir klettunum og það kom mér

á óvart hvað það var góð kinda gata þarna uppi en ofboðslega mikið gras svo ég þurfti

alveg að skríða þetta og halda mér í grasið svo ég myndi ekki renna niður. Allt hafðist

þetta þó en þegar ég var komin yfir allt þetta bratta drasl tók helvítið hún Móra á rás og

aftur upp á fjall í Kotaketilshöfðanum sem er framanvörðu í Höfðanum Mávahlíðarmegin

svo við létum þar við liggja þennan daginn.

Við Bói fórum svo þennan sama dag seinni partinn upp með Hrís ánni og niður fyrir

Tungufell og svo yfir ána og upp í Hríshlíð. Það var alveg magnað að sjá hvað það var

allt kröggt af berjum hefði sko alveg verið til í að vera með fötu með mér og fylla.

Hér sést svo Tungufellið það er svo flott stuðlabergið í því og eins og sjá má er allt fullt

af berjalyngi allt í kring.

Það var svo rekið inn og séð hvað væri komið og það er megnið komið nema nokkrar

rollur frá Sigga og svo hún Móra mín og gengið hennar.

Á mánudags morgun fór ég eina ferðina enn upp á fjall fyrir ofan Höfðann Mávahlíðar

megin og labbaði upp og í kringum Búlandshöfða toppinn og kom svo niður hinum

megin sem sagt þar sem maður keyrir niður Grundarfjarðar megin og ég kom niður í

Grænsdalinn og ekkert var þar svo ég fór alveg niður í Búland og arkaði það allt og

undir Höfðann og var með Donnu hundinn minn með og hún greyjið var alveg búin

á því enda bara tjúi he he. Ekki fann ég neitt svo var ég loks komin í bílinn og ákvað

að fara í kaffi til Sigga í Tungu og hann kíkti með kíkirnum og viti menn hann sá þær og

sagði þú hefur labbað fram hjá þeim þær voru akkurrat hinum megin við þig sem sagt

lengra að Mávahlíð upp á fjalli. Það er nefnilega svo erfitt að sjá þegar maður er komin

upp þá sér maður ekki ofan í lægðina sem er hliðin á manni upp á fjalli. En allavega

þá veit ég hvar þær eru og planið var að fá Maju og Óla með mér eftir kl 3 að ná þeim.

En þegar ég var komin inneftir um kl 3 þá var skollið á grenjandi rigning og þoka og ég

sá ekki neitt þannig þessi dagur kom ekki til greina til að ná í þær.

Jæja nú er komin þriðjudagsmorgun og ég er komin aftur upp á sama stað og rölti

núna beint upp og fikra mig nær Mávahlíð og Jibbí ég fann þær en spurningin er hvert

ætli þær stefni þegar ég nálgast þær. Allt gekk vel fyrst þær færa sig niður á við sem

betur fer svo ég missi þær allavega ekki upp aftur. Þegar ég nálgast svo niður sé ég að

þær fara aftur upp í uppáhaldið mitt klettana fyrir ofan útsýnis pallinn í Höfðanum svo ég

ákvað að fara bara niður enda klukkan farin að nálgast hálf 2 og þá þarf ég að sækja

krakkana í skólann og leikskólann. Ég græja það svo og fer svo aftur með Maju og Óla

eftir klukkan 2 og þá voru þær búnað færa sig aftur upp í Dalinn fyrir ofan Höfðann sem

var eiginlega bara betra því það er alveg hrikalegt að labba þarna fyrir neðan klettana

sem þær voru og Vúla loksins náðum við þeim niður og náðum að reka þær inn í

Mávahlíð í gömlu hrúta kofana þar.

Þessir kofar eru fullir af drasli en okkur tókst að koma þeim þar inn. Við tjasluðum svo

hurðinni fyrir og drifum okkur upp í Tungu að reka inn kindurnar í túninu því Arnar á

Bláfeldi var kominn til að sækja rollu sem hann átti hjá okkur og plús það að við þurftum

að reka inn því við látum dæma lömbin okkar á morgun og svo ná í veturgömlu hrútana

því það verður hrútasýning á eftir klukkan 6 inn á Hömrum.

Emil var kominn af sjónum og

gat því náð í kerruna hjá Gumma og veturgamla hrútinn hans og komið beint inn eftir.

Við rákum svo inn og fórum svo inn í Mávahlíð að sækja Móru og þær. Emil bakkaði að

og við röðuðum okkur í kring og ætluðum að reka þær bara upp á kerruna til hrútsins

frá Gumma sem var inn í kerrunni en það fór ekki eins vel og við ætluðum við misstum

eina rollu út fyrir og hrúturinn hans Gumma tók stökkið á eftir henni og okkur var svo

mikð um að missa hrútinn Gvuð það væri þá eitthvað að segja Gumma heyrðu við

misstum hrútinn þinn inn í Mávahlíð svo hann komst ekki á sýninguna

arrrrrrrggg he he.

Við hlupum öll á eftir honum og rollunni og gleymdum að loka hurðinni á kofanum og

þar af leiðandi sluppu hinar allar út líka og Emil varð að bakka kerrunni aftur frá

og sem betur fer hafðist þetta hjá okkur að ná þeim aftur inn og hrútnum lika úffff og

teymdum svo bara eina og eina upp í kerru. Ég varð svo að láta Freyju tengdamömmu

bruna með mig í rennvotum smalaskóm beint á Hrútasýninguna til að gera klárt.

En þetta var æðislegt að hafa náð rollunum loksins ,ég var búnað vera springa úr kvíða að

ná þeim ekki og ná ekki að komast yfir þennan dag en þetta hafðist allt að lokum og svo

vorum við langt framm eftir nóttu að sortera lömbin fyrir stigun daginn eftir sem var á

miðvikudags morgun kl 9. Ég get samt ekki annað en hlegið þegar ég hugsa um þegar

við misstum hrútinn hans Gumma út þetta var alveg bíó og hafði ekki getað verið meira

klúður he he sem fór svo allt vel að lokum sem betur fer.

Á sunnudaginn fórum við að ná í rest af rollunum hans Sigga sem sáust við Holtsána.

Hér er Hannes Magnússon og Emil Freyr lagðir af stað upp Rauðskriðumelið í átt að

rætum Svartbakafellsins til að komast fyrir ofan þær.

Hér leggjum við í hann og veður er ágætt það er rigningarlegt og alveg spurning með

hvað hann helst lengi þurr fyrir okkur. Siggi í Tungu og Bói eru komnir þarna lengra.

Þarna neðst við Holtsána má sjá glytta í rollurnar hans Sigga en víð þurfum að fikra

okkur fyrir ofan bústaðinn og í átt að Svartbakafellinu til að komast upp fyrir þær.

Rigningin skall svo á okkur með vindi líka en þetta gekk fínt og við náðum öllum

rollunum hans Sigga sem eiga að vera þarna og þá vantaði bara Móru hans Sigga sem

er einhverstaðar í Hrísum eða Geirakoti.

Siggi fór svo helgina eftir upp á Fróðarheiði og labbaði yfir að Hríshlíðinni og fann

Móru fyrir neðan Korran ásamt 10 kindum frá Friðgeiri á Knörr. Við komum honum til

aðstoðar þegar hann var komin með þær niður.

Hér er hún Móra með hrútana sína sem eru alveg sívalhyrndir og mjög vænir.

Þá erum við búnað heimta allt okkar fé heim. Mig vantaði 3 rollur sem hafa drepist

í sumar eða haust því lömbin skiluðu sér. Það voru Dalrós, Ása og Saumavél.

Það eru svo myndir af rest af smölun og fleira hér inn í albúmi.

Tengill á færslu

Bæta við áliti

Sýna álit

25.09.2017 21:31

Smölun Búlandshöfði,Mávahlíð og fleira

Tenglar

Tenglar

Tenglar