Sauðburðar lok loksins 12 júní

Það eru búnað vera ansi margar fýluferðirnar inn eftir að athuga seinustu kindurnar tvær

sem voru eftir en loks kom þó að því að Mjallhvít bar í hádeginu 11 júní tveim risa stórum

hrútum undan Korra. Svo bar Frostós kvöldið eftir.

Hér er hún nýborin.

Mjög jafnir og flottir hrútar hjá henni.

Orðin stór lömbin undan Glóð og Zesari. Gimbrin er mórauð og hrúturinn móflekkóttur.

Ég var að reka tvær kindur hjá mér um daginn sem voru komnar alla leið að Brimisvöllum

og þá tók þessi fallega meri á rás með folaldið ekkert smá flott.

Það var mikill leikur í þeim.

Jæja daginn eftir hjá Mjallhvíti hrútarnir orðnir vel sprækir.

Sauðburður kláraðist svo 12 júní þegar Siggi dró úr þessum gemling fyrir mig þennan

stóra myndarlega hrút undan Jökul Frosta. Hann var stór og stirður og lengi að komast

á lappir en svo hafðist þetta allt fyrir rest.

Hér er hann orðinn sprækur.

Hér er svo Frostrós komin út með hrútinn daginn eftir 13 júní.

Mjallhvít kominn út með hrútana sína.

Hér er Dúfa með lömbin sín inn í Fögruhlíð.

Magga Lóa með lömbin sín undan Zesari.

Eik er með henni svo þær mæðgurnar eru saman Eik er með hrút og gimbur undan Ask.

Kriu egg á Mávahlíðar rifinu.

Krían.

Mikil gleði hjá mér að sauðburður sé búinn loksins enda ansi langt liðið á júní svo núna

getur maður farið að slaka á og gera eitthvað með krökkunum. Emil er kominn í útilegu

á Bolungarvík og verður að róa þar í einhvern tíma svo ég er bara ein með krakkana.

Við bárum á túnin 6 júní og það er enn bara þurrkur í kortunum en það var vel rakt í

morgun eftir þokuna sem var gær. En upp á áburðinn að gera væri fínt að fá smá

rigningu fyrir okkur.

Jæja það eru svo myndir af þessu öllu saman hér inn í albúmi .

Tenglar