Göngutúr og kindur 27 ágúst.

Ég þurfti að fara inn í Grundafjörð í morgun og var þá litið upp í hlíð og sá þar Mónu Lísu sem ég hef ekki séð í allt sumar og ég er mjög spennt að sjá hvernig hrúturinn hennar er svo ég ákvað í bakaleiðinni að keyra upp gamla veginn í Búlandshöfðanum og leggja bílunum og læðast upp að henni og sá svo að Lóa var þar líka með lömbin sín. Þetta gekk svo ljómandi vel og ég náði að taka mynd af lömbunum og fékk meira segja Lóu til að koma til mín og fá klapp og klór hún er alveg yndislegur karekter er alls ekki allra og gerir upp á milli hver má klappa henni og svo getur hún átt þetta til og komið til mín úti alveg yndisleg.

Hér er Lóa 18-012 með lömbin sín undan Grím 23-443.   Mjög falleg lömb hjá henni.   Hér er Móna Lísa 14-008.   Hún var tvílembd í vor en annað lambið hennar dó í burði og hún fóstrar þessa gimbur sem er þrílembingur undan Einstök og Jór sæðingarstöðvarhrút.   Hér er svo fallegi hrúturinn hennar sem ég var svo spennt að sjá hann er undan Anga sæðingarstöðvarhrút og er með hlutlausan fána gulan.   Ég er mjög hrifin af honum og hlakka til að sjá hvernig hann stigast.   Hér er betri mynd af gimbrinni hennar Lóu.   Hér er svo hrúturinn á hlið.   Voru svo mikið að spá í mér þannig að það auðveldaði mér að taka fleiri myndir af þeim.   Hér kemur svo ein sjálfsmynd af okkur Lóu he he.