Færslur: 2021 Febrúar

20.02.2021 07:30

Fósturtalning,bolludagur og öskudagur

Guðbrandur Þorkelsson kom til okkar síðast liðinn laugardag og fósturtaldi. Hér má sjá hann vera stilla upp og Embla og Freyja fylgjast spenntar með og svo er Jóhanna, Emil og Kristinn orðin svo spennt að bíða og sjá hvernig kemur út.

Það kom bara mjög vel út hjá bæði okkur og Sigga.

Eldri ær eru 27 og 20 voru með 2 og 7 með 3 meðaltal 2,26

2 vetra ær eru 9 og 6 voru með 2 og 2 með 1 og ein var ónýt. meðaltal 1,56

Gemlingar eru 16 í allt og við ákváðum að hafa helming geldan sem voru minni og undan

uppáhalds kindum sem við létum fara í haust svo það var ekki mikið af fóstrum í gemlimgunum.

4 voru með 2 og 4 voru með 1 og svo voru 8 geldir.

Inn í þessari tölu eru líka kindurnar frá Kristinn bæjarstóra sem eru 2 og var ein með 2 og

ein með 3. Gemlingarnir hans eru 2 og var einn með 2 og einn með 1.

Hjá Jóhönnu voru allar ærnar með 2 þær eru 3 og svo á hún einn gemling sem er hafður

geldur.

Hjá Sigga voru 4 þrilembdar 1 með eitt og ein geld og rest með 2.

7 gemlingar eru hjá honum og 3 voru með 2 og 3 með eitt og í einum var fóstrið að drepast.

Af okkar talningu að segja er ég bara mjög ánægð nema með hana Skellibjöllu sem er ónýt

það er mjög falleg kollótt kind sem er undan Guðna sæðingarstöðvarhrút og var hún geld

sem gemlingur og svo sá ég hana aldrei ganga núna í ár.

Hérna er hún í haust þegar við tókum inn sú kollótta sem er ónýt.

Þær sem voru með eitt var Gjöf sem ég fékk hjá Friðgeiri á Knörr í fyrra og svo var það

Embla sem Embla dóttir mín á og ég sæddi hana með Glitni.

Þetta er hún Harpa og er í miklu uppáhaldi hjá Benóný hún var geld í fyrra og Bárður tók

hana að sér og ætlaði að reyna fá lamb í hana fyrir Benóný og lét sprauta hana

fyrir fengitímann svo það yrðu meiri líkur að hún myndi fá en hún gekk aldrei svo var

sónað hjá Bárði á þriðjudaginn og hún var tóm greyjið og hann sá einhvað inn í henni,

hún var með lamb sem gemlingur en hefur eitthvað eyðilagst síðan eftir það svo Benóný

verður að kveðja hana.

Hér er svo hún Lóa sem ég gaf óvart séns í haust en hún hafði aldrei komið með lamb var

geld sem gemlingur og var sónuð með lambi veturgömul en kom svo ekki með neitt svo

ég taldi víst að hún hafi látið og ákvað að taka séns á henni aftur núna í haust og Emil

hristi bara hausinn yfir vitleysunni í mér en viti menn hún er sónuð núna með 2 lömb og

ég er svo geggjað hamingjusöm yfir að hafa farið eftir mínu innsæi og látið hana lifa því

hún er ekki bara falleg heldur er hún alveg súper karekter og einstaklega gjæf og á það enn

til að reyna hoppa í fangið á mér þegar ég er að sópa þó hún sé nú orðin fullstór og þung til

að príla upp á mig.

Sóldögg mamma hans Dags var búnað vera mikið að slást við hinar kindurnar og mjög úrill

svo tók ég eftir að hún var hætt að fara á jötu og Siggi tók eftir þvi líka og tók hana frá svo

þegar ég kom að gefa daginn eftir þá var hún steindauð og það var búið að blæða út úr henni svo ég held að hún hafi verið barinn svo illa að hún hafi fengið einhverja innvortis blæðingu.

Hér er þegar verið var að sortera fyrir talninguna.

Ronja Rós er búnað vera fara í sveitina hjá ömmu Freyju og afa Bóa á morgnana meðan

ég fer að gefa og hún er alveg að elska að fá að labba úti og verður brjáluð þegar á að

taka hana inn.

Hér er hún að gefa hænunum brauð.

Að máta stólinn hjá ömmu svo mannaleg.

Út að labba með Freyju og Emblu.

Að labba fyrir neðan húsið hjá okkur þar er göngustígur.

Svo skemmtileg birtan á þessari mynd tekin um morguninn í sveitinni.

Í sandkassanum hjá ömmu og afa í Varmalæk.

Mamma Hulda með bollukaffi á bollu daginn.

Ég var með sérþarfir og kom með bleikt krem fyrir mig og hér er mamma með Ronju Rós.

Hér eru svo allir saman á öskudaginn Embla Marína kúreki,Ronja Rós jarðarber,Freyja Naómi zebrahestur og Benóný risaeðla.

Svona fóru þau í skólann svo flott.

Við kíktum svo í glæsilegu fjárhúsin hjá Jóa og Auði á Hellissandi og hér er kaffistofan

ekkert smá hlýleg og notaleg með fallegum myndum af Bjarti sem var pabbi hans Jóa og

elskaði mikið kindurnar sínar.

Jói fékk Blíðu þessa móflekkóttu hjá okkur og hún er sónuð með þrjú.

Það er vel hugsað um kindurnar hér og þær eru vel dekraðar hér er Jói að klappa einni.

Hér eru gemlingarnir hjá þeim.

Hér er Urður sú gráflekkótta Jói fékk hana líka hjá okkur í haust hún er sónuð með 2.

Hér eru svo lamhrútarnir hjá Jóa og Auði.

Hér er Jói svo að klappa gemlingunum sínum. Þessi mógolsótta sem hann er að klappa

fékk hann hjá okkur í haust hún er undan Kol og Poppý.

Það eru svo fleiri myndir af þessu hér inn í albúmi.

Tengill á færslu

Bæta við áliti

Sýna álit

18.02.2021 11:51

Reiðnámskeið á Brimisvöllum

Stelpurnar okkar Embla Marína og Freyja Naómí fóru á reiðnámskeið hjá Veronicu og Gunnari á Brimisvöllum og þær voru alveg alsælar með það fannst svo gaman. Þetta er alveg frábært hjá þeim að hafa svona námskeið og æðislegt að hafa þetta í boði fyrir krakkana.

Hér er Embla að gera klárt.

Freyja að gera klárt.

Hér er Freyja,Erika,Friðrika og Embla hjá Veronicu og Gunnari.

Hér eru vinkonurnar Friðrika og Embla.

Embla svo mikil hesta stelpa alveg að elska þetta.

Hér er svo Freyja og Embla þarna lengra svo duglegar.

Friðrika og Freyja.

Erika og Freyja og Gunni að leiðbeina þeim.

Hér eru þær að gera ýmsar æfingar eins og halda í hjálmin og sleppa taumnum.

Hér eru skvísurnar búnað ljúka námskeiðinu og eru alveg í skýjunum það er búið að vera svo gaman og svo voru þær aldeilis kátar að heyra að það verður framhald af námskeiðinu svo þær ætla allar að halda áfram alveg æðislegt.

Tengill á færslu

Bæta við áliti

Sýna álit

02.02.2021 13:46

Ronja Rós 16 mánaða og útkoma úr erfðagreiningu á hrútunum

Frábæra,kröftuga og uppatækjasama Ronja Rós er full af orku og fagnar núna 16 mánaða

afmæli sínu. Hún er mjög skýr og farin að tala heilmikið og skilur mun meira en maður heldur og finnur sínar leiðir til að komast sem hún vill.

Hér er þessi eldklára og káta dama sem bræðir alla.

Hún elskar að ögra mömmu sinni og príla út um allt og gera alskyns gloríur.

Út að leika í snjónum.

Fórum líka að renna en hún var ekki mikið fyrir það vildi bara fá að labba.

Benóný kom með okkur að renna í sjómannagarðinum.

Siggi fékk svo sent til sín frá Mast útkomuna úr hrútunum hjá okkur öllum og það kom

mjög vel út allir í góðu lagi og Kaldnasi er bestur hann er með arfblendið fyrir þolnu arfgerðinni. Ég setti bréfið hérna inn sem Siggi fékk.

Við Maja systir fórum suður að kveðja Guðmund Helga eða Helga hennar Fríðu eins og við

kölluðum hann en hann dó 15 janúar og var orðinn 90 ára og búnað vera veikur.

Hann var maður systir hans pabba sem heitir Friða og þau eiga sumarbústað í Fögruhlíð og

komu þangað á hverju sumri þegar við bjuggum í Mávahlíð og dvöldu þar megnið af

sumrinu svo við eigum margar minningar með þeim og fjölskyldu þeirra. Við Emil höfum

mikið farið til þeirra líka þegar við förum til Reykjavíkur í heimsókn svo við höfum alltaf

verið náin. Mamma kom með okkur í jarðaförina og var þetta mjög falleg athöfn og í hans

anda var tæknin að stríða og streymið virkaði ekki alveg fyrst og þurfti að pása smá athöfnina og flestir voru sammála því að þarna væri Helgi á ferðinni enda svakalega stríðinn.

Hans verður sárt saknað og minningar hans lifa áfram hjá okkur. Myndin hér að neðan var

tekin í brúðkaupi okkar Emils og þótti mér afar vænt um að hann og Fríða skildu komast

en hann hafði þá verið að glíma við veikindi og var hæpið að þau kæmust.

Tengill á færslu

Bæta við áliti

Sýna álit

Færslur: 2021 Febrúar

20.02.2021 07:30

Fósturtalning,bolludagur og öskudagur

18.02.2021 11:51

Reiðnámskeið á Brimisvöllum

02.02.2021 13:46

Ronja Rós 16 mánaða og útkoma úr erfðagreiningu á hrútunum

Tenglar

Tenglar

Tenglar