29.05.2013 09:07

Afmæli Irmu og lambfé sleppt út.

Góðan daginn loksins gefst mér tími til að setjast niður og blogga eitthvað af viti hér. Ég var búnað setja inn myndir fyrir 2 dögum síðan en gafst aldrei tími til að blogga en nú gerist það já maður verður að skipuleggja sig vel þegar maður er með 3 grislinga og sauðburður í gangi líka og ekki má gleyma að skella sér á smá djamm líka sem setur auðvitað allt úr skorðum he he.

Irma besta vínkona mín hélt upp á þrítugs afmælið sitt núna um helgina og var það allveg rosalega gaman. Það var geggjaður matur og Krissi mágur hennar sá um uppistand að rifja upp gamlar góðar sögur af stelpunni sem var vel hlegið af enda reyndur maður hér á ferð sem kann að skemmta fólki með frásögum sínum he he. Kirkjukór Ólafsvíkur samdi allveg frábært lag um hana úr laginu Ég á líf eftir Eyþór Inga.

Það var svo skellt sér á dansi ball með Klakabandinu en þeir voru með styrktarball fyrir Viking Ólafsvíkur í Klifinu og það var allveg rosalega gaman þótt ekki hafi verið mikið af fólki enda rúmar þetta húsnæði svo gríðalega mikið af fólki að það fer svo lítið fyrir manni. Þó mættu held ég hundrað og eitthvað manns á þetta ball.

Ég fékk svo að kenna á þynnkunni daginn eftir eins og alltaf þegar ég fæ mér í glas, þoli það voða illa en núna voru Benóný og Embla í næturpössun í sveitinni hjá Freyju og Bóa svo þetta var auðveldara að geta slappað aðeins af og vera bara með yngstu prinsessuna.

Við skvísurnar saman Irma afmælisbarn,Ég og Regína Ösp.

Það eru svo myndir af þessu tjútti með því að smella hér.

Sauðburður er búnað ganga allveg dásamlega og verið eins og í sögu. Veðrið er aðeins búið að vera hráslegt og þar af leiðandi höfum við aðeins verið að treina að setja út en það er bara ekki endalaust hægt að bíða eftir því þó það sé smá rigning í kortunum.

Þessi grey verða fara komast út í þessi fáu grænu grös sem komin eru.

Við erum ekki búnað missa neitt lamb eins og komið er og hefur það ekki gerst síðan við tókum við kindunum hjá pabba og Steina svo ég er allveg rosalega ánægð með hvað það er búið að ganga rosalega vel í ár þrátt fyrir að það hafi ekki byrjað vel hjá mér að missa 2 kindur fyrr í vor.

Reyndar missti Maja systir eitt úr slefsýki og missti sú rolla líka annað lambið sitt í fyrra úr því svo við höldum að það sé eitthvað í gangi hjá rollunni sjálfri því lömbin hafa fengið pillu leið og þau fæðast og verið hress allveg framm á þriðja dag en svo veikjast þau frekar skrýtið að sama rollan missi svona undan sér 2 ár í röð.

Ekki beint sumarlegt að sjá en við getum svo sem ekki kvartað miðað við þá fyrir norðan.

Svakalega flott gimbur hjá Bóa undan Rák og Draum. Hún er hosubotnótt með hvíta sokka og verður allveg pottþétt sett á ef hún kemur af fjalli.

Dóra mín kom svo á óvart og kom með þrjú þrátt fyrir að vera sónuð með 2 svo það var bara bónus og enn meiri bónus að ég fékk botnuhosótta gimbur svo ég þarf kanski ekki að sækjast eftir að skipta við Bóa á þessari fyrir ofan he he.

Þetta eru 2 gimbrar sú bíldótta og botnótta og svo botnubíldóttur hrútur.

Það eru myndir af fyrri hluta sauðburðar hér.

Hér er farið að líða á seinni hlutann. Það eru aðeins þrjár eftir hjá okkur núna og 2 hjá Sigga en þær bera ekki fyrr en um mánaðarmótin og sú seinasta hjá okkur á tal 7 júní.

Verið að setja út og hér er Lotta hans Bóa með svarta gimbur frá sér og gráan hrút sem hún stal frá Frigg he he.

Hér er hún Ronja með svarta gimbur undan Draum og hefur kviðslitið hennar ekkert versnað svo ég vona að hún tóri sumarið og skili mér þessari gimbur svo ég geti sett hana á því Ronja er í miklu uppáhaldi hjá mér og langar mér að framlengja hennar kyn áfram.

Benóný með lambið sitt undan Dóru.

Embla með lambið hennar Pöndu.

Og auðvitað fékk Freyja líka að sjá lömbin og var allveg hissa á þessu öllu saman.

Svakalega falleg lömbin hans Sigga undan Svört og Brimil.

Vígaleg kind hún Botnleðja með tvær gimbrar undan Draum.

Bríet hennar Karítas með flekkótta gimbur.

Það eru svo fleiri myndir af þessu öllu með því að smella hér.

Það er svo liðið undir lok sauðburðurinn hjá Bárði og Dóru og endaði hann með að fá 19 þrílembdar í allt ekkert smá frjósemi hjá þeim.

Þrílembingar hjá Bárði og Dóru.

Önnur þrílemba hjá þeim. Það er sko mikil litagleði hjá þeim. Nú er ekki hægt að hlæja að mér lengur he he með alla litina mína því mér sýnist vera orðnir fleiri litir hjá flestum nágrönnum mínum líka enda er mislita féið orðið svo gott að það er ekkert síðra heldur en hvíta féið hvað gerð og byggingu varðar.

Þrílembingur hjá Herði undan Séra Hrein hans Bárðar og Óttars sem var lógað í vor en það var hrúturinn sem var í þriðja sæti á lambhrútasýningunni í haust svo það verður gaman að bíða eftir og sjá hvort þetta verði næsti kynbóta hrúturinn á svæðinu og það með þennan sjaldgæfa lit móflekkótt. Það eru svo fleiri myndir frá ferð minni hjá Bárði með því að smella hér.

Jæja þá er þetta loksins komið hjá mér þetta langa blogg sem ég þurftir að koma frá mér og vonandi njótið þið þess að lesa og skoða

Kveðja Dísa

Tengill á færslu

Bæta við áliti

Sýna álit

29.05.2013 09:07

Afmæli Irmu og lambfé sleppt út.

Tenglar

Tenglar

Tenglar