08.07.2014 16:44

Ferðalag á Akureyri og rollu rútntur

Fórum norður til Akureyrar með Magga bróðir og Erlu

og áttum þar rosalega flott viku.

Það var Magga og Erlu að þakka að

við fórum því þau voru með verkalýðsíbúð sem þau

gátu bara nýtt yfir helgina og

við fengum svo að nýta restina af vikunni.

Við fengum allveg geggjað veður og

sem betur fer því ekki hefur verið mikið um sólardaga

hér heima síðan að við komum heim.

Eins og sést á myndinni þá er Benóný allveg í essinu

sínu í rennibrautunum og fórum við oftast á Hrafnagili í sund

því þar var mjög gott að vera og alger snilld fyrir barnafólk því

þar er upphituð vaðlaug við rennibrautina. Hver kannast ekki

við að þurfa að bíða í ískaldri lauginni við rennibrautina

meðan krakkarnir renna allavega ég og þarna þurfti

ég þess ekki heldur lá bara með Freyju í vaðlauginni

og fylgdist með svo ég mæli eindregið með þessari laug

mér fannst hún snilld.

Embla er orðin svo köld að hún gaf Benóný ekkert

eftir í rennibrautunum og hér erum við í sundi á

Dalvík og fórum við svo einnig í sund á Akureyri og

Eskifirði þegar við enduðum svo ferðalagið okkar

á því að fara allaleið austur til Ágústar bróðirs og Írisar.

Mér til mikillar ólukku þá eyðilagðist myndavélin mín á

Dalvík og ég gat ekki tekið myndir á hana þegar

við fórum austur en ég á það til í símanum og

ég kann ekki að færa þær yfir í tölvuna eins og

er svo það verður bara að koma þeim myndum

inn á facebookið.

Ég fór svo auðvitað í heimsókn til hennar Birgittu kindavínkonu

og þar var tekið vel á móti okkur og fórum við meira segja

tvisvar til hennar og Þórðs í þeirra yndislegu sveit.

Ég var allveg dáleidd af sveitinni þeirra það er svo

rosalega fallegt umhverfið hjá þeim.

Ég veit þessi mynd er svolítið hreyfð en ég varð bara að setja hana inn.

Það var rosalega gaman að fá að kíkja til ykkar takk kærlega fyrir okkur .

Freyja blómarósin mín í Kjarnaskógi.

Kíktum líka í sumarbústað til Jóhanns og Þórhöllu á móti Illugastöðum

ég man ekki hvað það heitir en það var æðislegur staður

og svakalega flott leiksvæði fyrir börn.

Hér eru allir í krikket og það endaði með því að Freyja

fékk kúlu eftir systir sína sem sveiflaði óvart í hana kylfunni.

Maggi og Erla með Freyju í Lystagarðinum á Akureyri.

Sessa með gimbrina sína og Vigga með flekkóttu.

Mjallhvít með hrút undan Ás og Hríma hennar Jóhönnu með gimbur undan Ás.

Það eru svo fleiri myndir bæði af rollum og ferð okkar norður með því að smella hér.

Mist með gimbur undan Ás og mun hún heita Ása ef hún verður sett á.

Hrútur og gimbur undan Kára og Frigg ég er rosalega spennt fyrir þeim.

Þrílemibngarnir undan Mugison og Rán.

Svana með tvær gimbrar undan Garra virka mjög flottar.

Botnleðja með þrílembingana sína undan Brján.

Skuggadís, Ísabella og er ekki allveg klár á hver hin er en ég held að það sé Herdís hennar Jóhönnu.

Svana með gimbrarnar sínar undan Garra.

Kápa með hrút og gimbur undan Brimil.

Það eru svo fleiri myndir af þessu hér inni.

Jæja svo er núna komið að því að fara huga af heyskap

og ekki er nú veðrið að leika við okkur þessa dagana

það er alltaf rigning. Siggi sló fyrir mánaðarmót og

hefur ekki getað hreyft við því fyrr en núna fyrst og

tóku þeir eitthvað af þvi saman í gær og er það harla

fátt sem hann hirðir því megnið af því er orðið ónýtt.

Samkvæmt nýjustu spám veður kanski hægt að heyja

um helgina og vona ég að það standist. Af okkur að segja

þá er Emil á fullu að græja bátinn á makríl og krakkarnir

eru komnir í frí á leikskólanum svo það er nóg að

gera að hafa ofan fyrir þeim.

Tala nú ekki um þegar veðrið er svona.

En við verðum bara vera bjartsýn það

hlýtur að fara koma sól og sumar hjá okkur.

Tengill á færslu

Bæta við áliti

Sýna álit

08.07.2014 16:44

Ferðalag á Akureyri og rollu rútntur

Tenglar

Tenglar

Tenglar