Heyskapur byrjar aftur 23 júlí

Jæja þá er loksins aftur útlit fyrir smá þurrk og það var stokkið á það og farið að slá í Fögruhlíð og Siggi að slá hjá sér inn í Tungu.

Emil og Kristinn slóu í Fögruhlíð og það var nú eitthvað bras til að byrja með eins og getur oft gerst þegar maður er með gömul tæki.

Traktorinn hans Kidda var eitthvað stríða honum og það brotnaði hosuklemma og það þurfti að panta nýja en hann gat þá verið á

rauða traktornum í staðinn svo var blái traktorinn hjá Emil líka að stríða þeim og það slitnaði glussaslanga á honum svo Bói tók 

hana fyrir Emil og lét laga hana í vélsmiðjunni en svo gekk þetta vel eftir það. Þeir kláruðu að slá og svo fór Bói og Emil í að

laga veginn niður á túnið í Kötluholti . Maja talaði við Erin og Richard sem eiga Kötluholt og það var allt í góðu að við myndum fá 

að taka rauðskriðmöl og fylla upp í veginn svo það væri þæginlegra að koma tækjunum niður á tún og þá sérstaklega þegar við 

þurfum að keyra rúllurnar af túninu og inn í Tungu þegar búið er að heyja. Kiddi rakaði með túninu á meðan og það sem var

búið að fara aðeins út í skurðina sem var búið að slá. Ætlunin er svo að snúa heyjinu í dag og vonandi er þá hægt að fara binda

eitthvað seinnipartinn í dag.

Hér er verið að slá í Kötluholti.   Hér eru Kiddi og Emil að slá.   Hér er Emil að koma með mölina í veginn og Bói er á gröfunni að slétta úr.   Hér er Bói á gröfunni.   Hér er Emil að moka mölina upp í Rauðskriðumel.   Hér er Emil að moka á sturtuvagninn.   Malla kisan okkar að ulla þegar ég tók myndina.   Krúttlega fjölskyldan Malla og kettlingarnir öll að kúra saman.   Örk með þrílembingana sína undan Prímus einn hrút og tvær gimbrar þau eru  öll með R171 og gulan fána. Ég náði að labba að henni og klappa henni úti mjög gaman það eru sí fleiri kindur sem við erum að ná að labba að úti og klappa þeim.