|
Velkomin á heimasíðuna okkar ! Dísa,Emil,Benóný Ísak og dýrin. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Færslur: 2014 Maí22.05.2014 22:30Sauðburður og kettlingar Hér er litla vinnukonan mín að störfum hún Freyja Naómí þó hún sé smá er hún allveg ótrúlega dugleg að stússast í fjárhúsunum með mömmu sinni. Þessi sauðburður er búnað ganga bara að mestu leyti vel og aðeins hafa 2 lömb drepist fyrir utan dauð fóstur úldin sem kom einmitt hjá kind sem heitir Móra og við lentum í því að legið á henni kom út og hún hefur farið á stað með 3 lömb og 2 voru úldin fóstur og eitt lifandi. Þetta var með því ógeðslegasta sem ég hef lent í því ég hafði samband við Hjalta dýralækni og ég reyndi með mesta móti að troða því aftur inn og Siggi og Gummi Ólafs héldu henni á meðan en ekkert gekk þetta var allt of stórt til að komast inn aftur enda komið allveg niður á gólf svaka köggull svo Gummi lóaði henni fyrir okkur og lambinu sem lifði var komið undir næstu einlembu sem bar. Hin 2 lömbin sem dóu var þannig að Ösp var byrjuð að bera um 10 og ekki komin belgur eða neitt og við ákváðum að gefa henni tíma til að verða 12 og þá var hún borin og annað lambið hafði kafnað í belgnum ekkert smá svekkjandi það kenndi manni að maður á ekki að láta líða svona langt á milli það er aldrei að vita hversu fljótar þær eru. Hitt lambið var þrílembingur undan Rauðhettu gimbur botnuflekkótt rosa falleg og hún dó úr slefsýki. Það var gefið henni sykur vatn, skítapillu og reynt öll trix en það gekk ekki. Ótrúlegustu hlutir hófu svo að gerast þetta sauðburðar ár því fyrst fór legið út á henni Móru og henni var lógað. Spíra hans Sigga skaut svo líka út á sér leginu og tókst Sigga og Bóa að koma því aftur inn með átökum og loka fyrir með stikkinu sem er fest í ullina . Svo kom ég í fjárhúsin í gær og þá var legið komið hálft út á annari henni Sillu og ég stökk og náði mér í milda sápu og þvoði það og lét svo renna ískalt vatn á það og hringdi svo í Bóa og hann kom og hjálpaði mér og ég kom því inn aftur og allt í lagi með það en svo var Smári búnað koma og sækja Bóa og þá lít ég við og DEM legið var aftur komið út svo ég tróð því aftur inn og alla leið inn í þetta sinn ég vissi ekki að ég ætti að fara með hendina lengst inn í hana til að það myndi sogast inn OJ ég veit þetta hljómar ekki vel enda var þetta ógeðslegt. En þetta hafðist og fyrir algera tilviljun var ég með gula stykkið í bílnum því ég hafði fengið það lánað hjá Óla í Lambafelli og ætlaði að skila því þennan morgun allveg ótrúlegt að vera með það og lenda í þessu og auðvitað festi ég það svo á hana og legið helst allavega inni núna. Hversu skrítið getur þetta samt verið að þetta hefur ekki skeð í 30 ár eða meira svo Siggi muni að það komi svo 3 núna með legið út. Ég var svo einmitt að tala um þetta við Bárð og þá lenti hann líka í því að gemlingur hjá honum kom með þetta út og áður hafði hann aldrei lent í þessu. Einnig talaði ég við vinkonu mína á Ytri Hofdölum og þau lentu í þessu núna og dýralæknirinn hjá þeim sagði að hann væri búnað sinna óvenju mörgum svona tilfellum í ár. Já þetta er stór spurning hvað veldur þessu svona mikið í ár.  Hér er hún Silla greyjið með leghölduna sína og ég búnað binda hana með bandi svo hún losni allveg örugglega ekki. Það er svo líka gaman að segja frá því að það er aldeilis búið að bætast við lamba talninguna hjá okkur því það komu tvær þrílembdar sem voru sónaðar með 2 og 1 veturgömul með 2 sem átti að vera með 1. 2 gemlingar með 2 sem áttu að vera með 1. Ein síðan með 2 fósturlátin þessi mórauða sem hefur farið af stað með 3 en kom með 1. Svo það eru 5 auka lömb sem bættust við eins og komið er. Bara gaman að fá svoleis svo er ég rosalega lukkuleg með að allir gemlingarnir sem fengu með Blika Gosa syni komu með 2 því einn kom með auka lamb en var sónaður með 1. Eins fæ ég bæði þrílembur og tvílembur undan Brimil Borðasyni svo ég get hætt að vera hrædd við ófrjósemina á bak við ætternismatið þeirra vona ég.  Mist með fallega gimbur undan Ás.  Frigg er ein af okkar bestu kindum og hér er hún með hrút og gimbur undan Kára sæðishrút.  Hnota hennar Jóhönnu með tvo undan Guffa sæðishrút. Það eru svo fleiri myndir hér inni.  Kettlingarnir stækka og stækka.  Alger krútt hér má sjá fleiri myndir af þeim með því að smella hér.  Fíóna með hrút undan Glaum.  Embla Marína og Freyja Naómí með litlu gimbrina hennar Ísey.  Tvílembingar undan gemlingum þeir svörtu undan Zeldu og þeir botnubildóttu undan Sölku. Þeir eru undan Mugison móflekkótta hrútnum mínum og hann er að gefa mjög þroskamikil lömb enda stór og þroskamikil sjálfur.  Botnleðja að fara með þrílembingana sína á fjall undan Brján.  Snotra hennar Jóhönnu með hrút undan Glaum og annað í fóstri.  Dóra með þrílembinga undan Brimil 2 gimbrar og einn hrút.  Snælda sem átti stigahæðsta lambhrútinn hjá Búa í fyrra með 2 gimbrar undan Brimil.  Móheiður með hrútana sína undan Mugison.  Dóra og Rán mæðgur eru báðar þrílembdar og ganga með þau öll og keyrðum við þær inn í Máfahlíð í safaríka grasið. Það má svo sjá fleiri myndir hér af þessu .  Vigga gemlingur með lömbin sín undan Brján.  Ófeig gemlingur með hrútana sína undan Mugison.  Fallegu lömbin hennar Rósulind undan Glaum. Sú fremri gimbur og botnuflekkótta hrútur.  Skrúfa hans Sigga var með 2 annað drapst en þetta litla sæta er rosalega duglegt.  Botna hans Sigga með stóru lömbin sín undan Brimil.  Soffía hans Sigga með gimbrina sína hún kom einnig með eitt úldið.  Spíra sem legið kom út en hún er allveg að ná sér. Dollý hans Sigga með gimbrina sína.  Rósalind að fara með gullin sín út.  Undan Þrumu og Mugison hrútur og gimbur.  Lagt af stað að vitja um með Bóa og Freyju.  Svakalega spennandi hvort það komi fiskur í netið.  Flottar saman Freyja og Freyja.  Svo var byrjað að draga.  Engin bleikja var í netinu bara ósaflúðra en krakkarnir skemmtu sér konunglega. Það eru svo fleiri myndir af sauðburði og fleira með þvi að smella hér.  Svo er hérna prinsinn með uppáhaldið sitt þann svarta.  Hér eru svo glænýjar kettlinga myndir af þessum krúttum með því að smella hér. Jæja segjum þetta gott að sinni ég á svo eftir að koma með loka sauðburðarblogg því en eru 8 kindur eftir að bera og verður sú síðasta gemlingur um mánarðmótin. 05.05.2014 18:12Sauðburður hafin og Myrra gotinJæja þá gef mér loksins tíma til að henda einhverju hér inn og ekki seinna vænna því sauðburður er hafin en þó rólega og er ég að deyja úr óþolinmæði að allt fari á fullt.  Hrafna bar fyrst 28 apríl hrút undan Baug sæðishrút. Svakalega hvítur þykkur og fallegur.  Nala var önnur og hún er með 2 gimbrar undan Baug sæðishrút.  Flekka kom næst með 2 hrúta undan Baug líka.  Svana með 2 gimbrar undan Garra.  Svört hans Sigga kom með 3 undan Garra sæðishrút.  Hrifla var sónuð með 2 en kom með 3 undan Saum sæðishrút.  Dröfn með þrílembingana sína undan Garra. Það var vanið undan henni undir tvævettlu sem er með 1.  Hér er Benóný með fyrstu bleikju sumarsins sem ég fékk í vaðlinum. Farið að grænka vel og maður bíður spenntur eftir sumrinu. Það eru svo fleiri myndir af þessu hér inn í albúmi.  Gugga með þrílembingana sína undan Þorsta. Það tókst að venja undan henni undir tvævettlu sem var með 1. Það er svo gaman að segja frá því að 1 strá sem ég notaði út Garra var notað í 5 kindur 2 hjá Sigga og 3 hjá mér og Siggi fékk tvær þrílembdar og ég fékk 1 þrílembda og 2 tvílembdar svo það er ekkert smá góð nýting á 1 strái 13 lömb alls. Sauðburður hefur gengið rosalega vel en hann fer mjög rólega af stað það bar til dæmis bara ein í dag og það var fyrsta mislita lambið sem kom og það er svartur hrútur undan Kára sæðishrút annars er allt hvítt sem komið er. Nú eigum við eftir að fá lömb úr Guffa, Ás og Kára í viðbót úr sæðingunum svo byrjar að koma úr heimahrútunum okkar og ég er að deyja úr spenningi yfir að sjá lömbin undan Mugison og Glaum.  Fyrstu lambærnar fengu að fara út í gær og geldu gemlingarnir.  Hrútarnir fengu líka að fara út í heimahagana sína í Máfahlíð og var rosa fjör eins og sjá má á þessari mynd.  Mugison og Glaumur komnir inn í Máfahlíð. Myrra gaut svo 4 kettlingum á sumardaginn fyrsta.  Hér eru krúttin.  Benóný Ísak elskar svarta kettlinginn.  Freyja verður líka að fá að halda á þeim.  Embla Marína elskar þann hvíta mest.  Algjörar krúttsprengjur engin furða að krakkarnir séu sjúkir. Ég þarf allveg að skammta þeim tíma með þá því þau gætu verið með þá allan daginn.  Hér er svo Myrra með ungana sína. Það eru svo fleiri myndir af henni og krökkunum með kettlingana hér inni í albúmi.Aðalfundur Búa var haldin núna seinast liðinn miðvikudag 30 apríl í Átthagastofu í Ólafsvík og fór þar fram verðlauna afhending , venjuleg fundarstörf, reikningar og fleira.  Hér er Gummi að afhenda Ragnari á Kverná verðlaun fyrir þriðju afurðahæðstu ánna hjá Búa og fyrsta sæti hlaut Anna Dóra og Jón Bjarni Bergi og annað sæti Óli Tryggva Grundarfirði.
 Efstur í þessum flokki var Ingibjörg og Valgeir og svo átti Óli á Mýrum sem hér tekur við verðlaununum annað og þriðja sætið. 
Hér er Andrés og Jensína í 1 sæti fyrir kjötmat og gerð svo Þór annað sæti og svo Marteinn Gíslason Ólafsvík þriðja sæti.
 Hér er verið að veita verðlaun fyrir Bú með 9,0 í gerð sláturlamba. Í fyrsta sæti Sigurður Gylfason Tungu og í öðru sæti Óttar Sveinbjörnsson og í þriðja við.
 Emil að taka við verðlaunum fyrir okkur fyrir hæðst stiguðu lambhrútana og áttum við 1 og 3 sæti og svo átti Anna Dóra og Jón Bjarni Bergi 2 sæti.
Flettingar í dag: 121 Gestir í dag: 29 Flettingar í gær: 1296 Gestir í gær: 74 Samtals flettingar: 1188310 Samtals gestir: 69632 Tölur uppfærðar: 21.11.2024 07:10:19 |
Eldra efni
Um okkur Nafn: Dísa,Emil,Benóný Ísak, Embla Marína og Freyja NaómFarsími: 8959669,8419069Tölvupóstfang: benonyisak@gmail.comMSN netfang: Disa_99@hotmail.comAfmælisdagur: 17 júní 1982,1 apríl 1985, 19 ágúst 2009. 28 MarsHeimilisfang: Stekkjarholt 6Staðsetning: 355 ÓlafsvíkHeimasími: 4361442Um: Sjúkleg áhugamanneskja um sauðfjárrækt og allt sem henni tengist. Mikið um rollur á þessari síðu og örlítið um hesta og hænur og allskyns sveitalíf. Svo má ekki gleyma fjölskyldunni því það er auðvitað reglulega sett myndir og blogg af börnunum og daglegu lífi okkar.Tenglar
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||