Rákumst á þessar tvær gimbrar móðurlausar og það tók mig smá tíma að læðast að þeim og reyna finna rétta sjónarhornið til að ná mynd af númerinu hjá þeim svo ég myndi ná að sjá undan hverju þær væru en það hafðist þó og kom í ljós að þetta eru gimbrar undan Mávadís og Bassa. Ég er svo búnað taka rúnt eftir þetta og það bólar ekkert á Mávadís svo ég er ansi hrædd um að ég afskrifi hana á lífi fyrst hún sést hvergi.

Þetta eru mjög fallegar gimbrar og miðað við stærðina á þeim er ekki langt síðan hún hefur drepist eins voru Siggi og Kristinn búnað sjá hana fyrir ekki svo löngu.   Þessi gimbur er undan Ramma sæðingarstöðvarhrút og Kleópötru.   Terta með þrilembingana sína og svo móðurlausu gimbrarnar fyrir ofan hana.   Ég sagði Emblu minni að læðast ofur rólega að Viktoríu því ég var áður búnað ná að klappa henni úti og það gekk eftir hún er svo æðisleg kind hún var svo góð og leyfði þeim að klappa sér og svo ætlaði hún bara elta þær þegar þær voru að fara. Viktoría er undan Hexíu minni og Vikíng frá Bárði og Dóru Grundarfirði. Viktoría er svo með lömb undan Ljúf.   Hér eru stelpurnar að tala við Diskó sinn sem er veturgamal undan Tón sæðingarstöðvarhrút og Vaíönnu. Hann er alveg einstaklega skapgóður og elskar stelpurnar jafn mikið og þær hann.   Hann eltir þær svo upp að fara tala við Ljúf og hina veturgömlu hrútana sem eru allir mjög rólegir og geðgóðir.   Sá mórauðu kindina hans Sigga hana Storð með hrútana sína en hún á þennan svarta sjálf og hann er undan Ingiberg eða  Bibba eins og við köllum hann. En ég veit ekki alveg hver á þennan hvita sem gengur undir líka.   Hér er sá hvíti þeir virka báðir mjög fallegir.   Það er náttúrulega allt eðlilegt við það að vera súma að í myndavélinni og skoða afturendann á lömbunum he he en þessi er bara svo rosalegur að maður stenst  það ekki að skoða hann betur, þetta er svakalegt lamb frá Sigga undan Lottu og Bibba. Hann vaggar svo geggjað þegar hann labbar og bilið milli lærana er svakalegt það verður svo spennandi að sjá hvað hann fær í læri ég man ekki eftir að hafa séð svona áberandi mikið lamb því myndir sýna auðvitað ekki eins mikið eins og sjá þetta með berum augum en trúið mér þetta er alveg magnaður hrútur.

Við áttum góða daga á Akureyri þrátt fyrir kulda og rigningu og biðum það af okkur fram á föstudag sem var búið að spá að yrði sól og gott veður og það stóðst og það var mjög gott veður þá. Við fórum í flestar sundlaugarnar eins og Akureyri, Dalvík, Húsavík og Geosea, Hrafnagil, Jarðböðin á Mývatni og Egilsstaði. Það var mjög gaman að prófa þessar náttúrulaugar og Mývatn var svona allt öðruvísi en mjög skemmtileg, bláa vatnið og hveralyktin var frábrugðin hinum og einkennir jarðböðin og auðvitað náttúran í kringum þau. Á Akureyri fórum við rölt um Kjarnaskóg og Lystagarðinn og svo fórum við í sund á Hrafnagili og þá var komið við í jólahúsið sem alltaf er gaman að koma. Embla var alveg eyðilögð yfir að Kaffi Kú væri ekki til lengur en það var uppáhaldsstaðurinn hennar að koma þegar við höfum komið til Akureyrar svo það er mikill söknuður eftir þeim stað. Við tók svo löng ferð í Breiðdalinn alla leið til Ágústar bróðirs og á þeirri leið ákváðum við að koma við í Jarðböðunum til að stytta ferðina fyrir krakkana. Þegar við komun svo austur vorum við með hjólhýsið á planinu hjá Ágústi og Írisi á Felli. Það var yndislegur tími þó stuttur væri, við vorum í tvær nætur hjá þeim og krakkarnir alveg elska að koma til þeirra. Embla og Freyja fóru að veiða með Ágústi bróðir og svo fengu þær að fara á hestbak með Dalíu frænku sinni og auðvitað hitta heimalinga sem voru tveir kiðlingar sem alveg bræddu mann og þær vildu helst bara eiga þá. Benóný var að safna greinum og allsskonar spýtum fyrir brennu á eldstæðið hans Ágústar en það var svo mikill rigning að við gátum aldrei kveikt upp í því svo það verður nóg til að brenna næst þegar Ágúst ætlar að kveikja upp í eldstæðinu. Dalía var svo með Dugguandarunga sem var mjög skemmtilegur hann hagaði sér eins og hundur og át hundamat og vatn úr matardallinum og elti Dalíu um allt og kúraði svo ofan á henni þegar hann varð þreyttur.

Hér eru Benóný og Emil að njóta veðurblíðunnar á Hömrum Akureyri.   Gönguferð um miðbæ Akureyrar svo fallegur bær.   Lystigarðurinn Akureyri.   Freyja í Kjarnaskógi sem er alltaf skemmtilegur staður til að fara með krakkana í göngu og leiktækji.   Jólahúsið er alltaf skemmtilegur staður líka til að koma við og kaupa sér jólakúlu fyrir hvert ár.   Áttum gæðastundir sem fjölskylda og spiluðum á kvöldin í fortjaldinu.   Hér erum við í Geosea Húsavík.   Benóný og Ronja í Geosea.   Freyja og Embla í Geosea.   Í Jarðböðunum á Mývatni við vorum svo heppin að ein kona kom og bauðst til að taka mynd af okkur saman.   Embla að baða sig upp úr Mývatni og setja maska á sig af botninum.   Hér erum við mætt til Ágústar,Írisar og Dalíu á Felli.   Hér eru stelpurnar að gefa heimalingnum á Felli.   Dalía með ungann sinn og kisu að kúra.   Hér er unginn að gæða sér á mat og vatni.   Embla að veiða með Ágústi, hún alveg elskar að veiða.   Freyja að veiða líka og þær fengu saman með Ágústi held ég 8 bleikjur.   Ronja Rós á Reyðarfirði í slönguspili.   Hér eru Dalía og Embla á hestbaki.   Hér er Freyja að reka lestina.   Stelpurnar að kveðja kiðlinginn áður en við færum heim.   Hér erum við mætt til Birgittu kinda vinkonu minnar og Þórðar á Möðruvöllum Hörgársveit.    Við vorum svo heppin að fá að sjá nýfæddu lömbin sem hún var að fá.   Hér er Embla alveg í skýjunum.   Hér eru þau með mömmu sinni hún bar úti en Birgitta var búnað taka hana inn þegar við komum.   Við Birgitta fengum árlegu myndina af okkur með nýfæddu lömbin og ég myndi segja að það væri besta myndin af okkur enda með áhugamálið okkar lömbin með okkur. Við erum báðar með heimasíðu af 123.is og spjöllum mikið og kommenntum á síðuna hjá hvor annari.   Ronja Rós fékk líka að halda á lambi svo lukkuleg.   Emil að prófa fjórhjólið hans Þórðar og keyra krakkana niður að húsi frá fjárhúsunum rosa sport fyrir krakkana.   Svaka stuð hjá þeim.   Hér er mikið sport að prófa sitja á hjólunum hjá Birgittu og Þórði. Ronja Rós og Freyja Naómí eru alveg að elska þetta. Við áttum skemmtilegan dag í heimsókn hjá Birgittu og Þórð og strákunum og það er alltaf svo gaman að koma til þeirra og vel tekið á móti okkur. Krakkarnir okkar eru alveg farnir að tengja Akureyri við Birgittu því við förum yfirleitt í heimsókn til þeirra eða farið í sund saman. Þau voru í ferðalagi fyrir austan þegar við komum norður og svo fórum við austur en svo aftur norður svo það var frábært að þau væru heima þegar við komum aftur norður svo við gætum hitt þau áður en við færum vestur aftur.   Eftir að við komum heim úr ferðalaginu fóru Embla og Freyja að hoppa í sjóinn með Aroni inn í Ólafsvík.   Embla að taka undir sig stökk og Aron komin ofan í .   Og hoppa .

Fórum í útilegu strax eftir heyskap og byrjuðum á að fara í Fossatún til vinafólks okkar sem var þar og mælti með að þar væri svo gott að vera og það stóðst allar væntingar og var mjög flott tjaldstæði og frábærar gönguleiðir um allt og mikil saga. Barnaleiktækin eru æðisleg og svo eru heitir pottar sem vöktu mikla lukku hjá krökkunum. Það stóð svo næst til að fara í Bakkaflöt og vera þar yfir verslunarmannahelgina með frábærum hóp af vinafólki okkar ásamt þeirra vinum og á planinu var að fara mikið í blautbúninga svo við gerðum okkur ferð til Reykjavíkur einn dag og keyptum búninga fyrir Emblu og Freyju svo þær gætu tekið þátt með krökkunum. Leið okkar lá svo í Bakkaflöt og var þar haldin svona litil verslunarmannahelgi og það var mikið fjör, farið í kubb fjölskyldu keppni,grillaðir sykurpúðar,dagsferð til Akureyrar í tívolíð og náttúrulega sundlaugina og svo fór hluti af okkur í River rafting og það var toppurinn á þessari ferð ég hafði aldrei trúað því að þetta væri svona gaman þetta var alveg mergjað. Benóný var svo svakalega duglegur og fór og tók þetta með stæl hoppaði af kletti ofan í ána ásamt mér,Emblu og Freyju og flestir úr hópnum líka og svo fór maður á bólakaf hausinn ofan í og allt og svo þurfti að synda í land og hann gerði þetta allt svaka flott hjá honum og eins stelpunum svo þetta var algert ævintýri og ég tala ekki um náttúruna sem er inn í gljúfrinu háir klettar og það voru meira segja geitur í klettunum að fylgjast með okkur húrra niður ána í bátunum. Leiðsögumennirnir sem voru með okkur að stýra bátnum voru svo kátir og flottir svo var stoppað og við fengum okkur heitt kakó úr náttúrlæk með heitu vatni alveg geggjað. Ég fór bara ein með krökkunum því Emil var með yngstu okkar Ronju upp í hjólhýsi en ég á alveg tvímælalaust eftir að fara aftur og taka hann með því þetta var svo gaman. Eftir raftinginn fengum við svo að fara í sund og heita potta upp í Bakkaflöt og fengum þjónustu ofan í pottana með drykki fyrir okkur og krakkana alveg frábær þjónusta og aðstaða hjá þeim. Við fórum svo áfram á Akureyri eftir helgina en þar skiptust leiðir okkar við hópinn því þau fóru í áttina vestur og fóru aftur í Fossatún. En þetta var alveg rosalega skemmtileg helgi með frábæru fólki og kynntumst nýju frábæru fólki í leiðinni.

Hérna er hópmyndin af okkur þegar við vorum að fara í River Rafting og þetta var virkilega stór og flottur hópur 

Við sem vorum með krakkana fórum í aðeins rólegri ferð en Snorri,Ólöf,Regína,Dagbjört og Alli vinur Snorra fóru í djarfari ferð enda alvön og búnað fara áður og þau veltu bátnum og allir duttu úr og það var mikið fjör og mikið hlegið.

Hér erum við tilbúin í ævintýrið og búið að galla okkur upp.    Hér erum við að fá heitt kakó. Ólöf tók þessar myndir og sendi mér af okkur. Ég er fremst svo Benóný og Dagbjört og Eva.   Hér eru svo Aron,Freyja,Embla og Dísela frænka Arons. Hér er flottur hópur í kósý í hjólhýsinu hjá Evu og Emma vinafólki okkar.   Svo flottar að leika saman Hildur líf og Ronja Rós.   Þeim stóð nú ekki alveg á sama að vera ofan í pottinum he he.   Ronja upp á tröllinu voða huguð.   Benóný að tromma í Fossatúni.   Ronja og Hildur að kíkja á torfbæinn.   Það var svo komið við á Blöndósi og skellt sér í rennibrautirnar og tekið gopro video af þeim.   Búið að koma sér fyrir í Bakkaflöt þetta er hjóhýsið okkar hér nær svo Evu og Emma.   Hildur og Ronja að hafa það kósý í fortjaldinu okkar og horfa á ipadinn.   Skvísurnar komnar í gallana og búnað prófa leiktækin í Bakkaflöt sem voru yfir vatni.   Gaman hjá krökkunum að spila.   Verið að grilla sykurpúða svaka sport.   Ronja Rós alveg að fíla þetta.   Feðgarnir Emil og Benóný einbeyttir í fjölskyldukubbinu og Benóný náði kónginum niður svaka flottur.   Hér erum við komin á Akureyri í Tívolíð.   Þessar tvær eru svo dásemlegar og skemmtu sér svo vel.   Eldri krakkarnir skelltu sér svo í þetta alveg svakalegt tæki fór þó ekki alveg hring en mjög hátt upp og sveiflaðist til og frá.   Freyja Naómí og Embla Marína með froðumaska. Í Þelamörk í sundi.   Í Skógarböðunum á Akureyri alveg æðislegur staður svo gaman og fallegt að koma þangað.   Við Benóný Ísak saman.   Mikið sport að fá krap.   Þetta er svo fallegur staður og gaman að taka myndir.   Benóný og Emil alveg að njóta.   Í gufubaðinu.   Ein hópmynd af okkur en vorum ekki alveg öll í fókus.   Og auðvitað vildu krakkarnir eina grettu mynd og það var það sama vantaði aðeins fókus á Emil og Benóný. Við skemmtum okkur svo vel þarna og mæli hiklaust með að gera sér leið í böðin svo þess virði. Við verðum áfram hér á Akureyri þrátt fyrir rigninga og kulda spá en bíðum spennt eftir að fá sól á föstud og laugard ef spáin helst og svo verðum við alltaf að koma til Akureyrar á hverju ári alveg elskum þennan stað og svo margt skemmtilegt að gera og eigum nóg eftir vildi bara aðeins henda inn hér smá bloggi til að halda því lifandi.