Benóný Ísak okkar fermdist á Hvítasunnu 28 maí ásamt 7 öðrum bekkjarfélögum í Ólafsvíkur kirkju. Við vorum svo með litla veislu niður í kirkjunni og var boðið nánustu ættingjum og vinum sem Benóný hefur umgengist og þekkir því honum liður ekki vel í miklu margmenni og við gerðum þetta nákvæmlega eins og hann vildi hafa hana.

Hann fékk mikið af flottum stórum gjöfum við gáfum honum borðtölvu og svo gaf Dagbjört systir Emils og fjölskylda

honum skjá við tölvuna. Maja systir og fjölskylda gáfu honum tölvuleikjaskrifborðsstól. Systkinin hans gáfu honum

sýndarveruleika gleraugu sem hann getur upplifað eins og hann sé að fara í rússíbana alveg magnað að prófa þau.

Amma Freyja og afi Bói gáfu honum hleðslustöð fyrir gleraugun og pening. 

Jóhanna frænka gaf honum tvenn heyrnatól eitt til að stinga í samband og hitt þráðlaust.

Ágúst bróðir gaf honum pening og íslensk frímerki í bók.

Held þetta sé nokkurn veginn upptalið og svo fékk hann í heildina 209 þús í peningum.

Hann var alveg i skýjunum með daginn og þakkar kærlega fyrir sig.

Hér er verið að ferma Benóný Ísak.     Hér eru þau í fermingarmessunni.   Flottur hópur.   Hér bíður hann spenntur eftir gestunum.   Hér er fjölskyldumynd af okkur sem Óli tók fyrir okkur.   Hér er Benóný með afa Bóa og ömmu Freyju.   Hér er Benóný með ömmu Huldu.   Hér er hann með stoltum ömmum sínum   Hér eru Karítas og Daníel,Steini og Dagbjört og Maja systir min og Óli mágur.   Krakka borðið hér eru frændsystkinin saman komin.   Siggi í Tungu og Ágúst bróðir minn og fyrir aftan eru Ólína frænka Emils og Þórður maðurinn hennar og þau hafa séð Benóný fyrir brauðstöngum og magarítu gegnum árin en þau voru að hætta rekstri sjoppunnar en nýjir eigendur eru teknir við.   Freyja með Mattheu Katrínu svo fallegar saman.   Freyja og Aron svo góðir vinir.   Flottar vinkonur Hildur Líf og Ronja Rós.

Hér er verið að undirbúa veisluborðið og salinn. Ég pantaði þennan æðislega lampa frá Glerást á Akureyri í staðinn fyrir fermingarkerti.    Við hengdum upp með klemmum myndir af Benóný Ísak.   Hér er prinsinn við veisluborðið og það eru líka hengdar myndir milli fána veifana bak við.   Græjuðum svona mynda horn og þar var mynd af honum litlum og fyrsta sundskýlan sem hann eignaðist.   Fermingarkakan hans ég pantaði hana í Tertugallerý.   Freyja tengdamamma gerði þessa marengstertu og hún var fljót að klárast enda alveg lostæti.   Við pöntuðum brauðtertur hjá Tertugallerý bæði rækju og skinku og þær voru æðislegar. Jóhanna frænka Emils gerði fyrir okkur risekrispí muffins og kleinur sem vöktu mikla athygli því þær voru svo svakalega góðar hjá henni. Ég gerði svo líka svona litlar pizzur inn í ofni og  svo pöntuðum við líka hjá Tertugallerý 20 kleinuhringi með karmellu.   Þessi var líka frá Tertugallerý og var með jarðarberja frómas en sú stóra var með karmellu og daim frómas.   Benóný Ísak fékk dominos brauðstangir.   Fallegar saman Gulla og Freyja.   Steinar með Mattheu Katrínu.   Benóný svo glaður með Evu sinni.   Flottir fermingar drengir.   Flottar fermingar stelpur.   Flottir félagar Benóný og Svavar.   Flott fjölskylda Þórhalla,Jóhann,Jakob og Bjarki en það vantar Eyrúni hún var í Rvk.   Ronja Rós og Hildur Líf að leika sér í krakkahorninu.   Hér er mjög glæsilegur pakki sem Gulla,Steinar og krakkarnir gáfu Benóný sem var þakinn myndum af Benóný í sundlaugum víðs vegar um landið.    Hér sést Benóný taka upp pakkann og þá kom upp peninga lengja mjög flottur og skemmtilegur pakki.   Benóný með Karítas Bríet frænku sinni.   Freyja Naómí og Birgitta Emý svo góðar vinkonur og frænkur.   Ólafsvíkur kirkja svo falleg.   Flotti fermingarstrákurinn okkar.   Við mæðginin saman.   Það var stuð á krökkunum í myndatöku horninu.   Hér eru Emil og systkinin hans öll saman komin. Þá verður maður að nýta  tækifærið og fá systkina mynd.   Flottir feðgar Marinó og Pétur.   Hér eru okkar gullmolar.   Óli og Ronja Rós. Hér má sjá gestina í veislunni. Það voru rúmlega 45 manns sem voru í veislunni.   Þessi skvísa hún mamma átti afmæli 18 maí og við fórum börnin hennar og barnabörn út að borða með hana á Skerinu og fögnuðum með henni 73 ára afmælinu.

Jæja það er auðvitað búið að vera allt á haus þennan mánuðinn og ég ætla núna að gefa mér tíma í að fara rifja upp sauðburðinn og skella því hér inn smátt og smátt.

2 maí bar Ósk þrílembingum undan Gimstein og það var ein gimbur og tveir hrútar og við náðum að venja einn hrút undan henni. Við áttum svo til sýni og tókum sýni úr þeim lömbum fljótlega og sendum svo í greiningu svo það verður spennandi að sjá hvað kemur út út því. Við fengum alls 4 lömb undan Gimstein og Siggi fékk eitt.

Hér er Ósk með Gimsteinana sína mjög jöfn og falleg lömb.   Vagninn orðinn klár með öllu sem nauðsynlegt er að hafa klárt á sauðburði.   Hér eru fyrstu ærnar að fara út í tún og hér er Ljúfa með lömbin sín undan Bibba.   Þyrnirós gemlingur með risa stóra gimbur undan Ás.   Ronja Rós með lambið hjá Ljúfu.   Freyja með vinkonur sínar Heklu og Birtu að skoða lömbin.     Mugga hans Sigga með þrílembingana sína undan Bassa svo fallegt hvað þau eru samrýmd.     Ég hef haft það markmið að hafa alltaf undan að þvo en svo safnast það saman sem hægt er að grípa í og brjóta saman þegar álags tíminn er mikill. Því þvotturinn á stóru heimili stoppar ekki heldur eykst með fjárhúsaferðunum.   Embla var fljót að spekja lömbin undan Ljúfu og Perlu.   Melkorka með þrílembingana sína undan Blossa móbotnótt gimbur og svartgolsótt gimbur og svartbotnóttur hrútur. Það var svo vaninn stærsti hrúturinn undan henni undir Moldavíu.     Perla með lömbin sín undan Alla sæðingarstöðvarhrút hún bar 1 maí.   Doppa með mógolsuflekkótta gimbur og mórauðan hrút undan Grettir sæðingarstöðvarhrút.   Botna hans Sigga með hrút undan Gimstein sæðingarstöðvarhrút.   Embla með hrút og gimbur undan Gimla sæðingarstöðvarhrút.   Spyrna með lömbin sín undan Þór sæðingarstöðvarhrút.   Hrísla gemlingur með hrútinn sinn undan Grettir sæðingarstöðvarhrút.   Gurra var sónuð með eitt og það var beðið eftir að hún myndi bera og tilbúið lamb til að venja undir hana en hún heldur betur blekkti okkur þegar hún var svo með tvö og búið að venja undir hana þriðja lambið he he svo hún  endaði með að fara með þrjú á fjall.   Gimbrin hennar Gurru svo falleg hún er undan Byl .   Gimbrin hennar Rúsínu og Byl mjög sérstök á litinn.   Þota hans Kristins með lömb undan Baldri sæðingarstöðvarhrút.   Vaíana með hrútinn sinn undan Gimstein og Embla dóttir mín tók þessar myndir þess vegna vantar aðeins að hún nái  heildarmyndinni af þeim he he.   Brá með með hrút undan Þór sæðingarhrút og fóstrar þrílembing undan Gimstein og Von.   Hrúturinn hennar undan Þór.   Undan Gimstein og Von þrílembings hrútur.   Flottir gránar undan Gránu hans Sigga og Ingiberg.   Blesa með lömbin sín undan Bassa.   Bylgja er með gimbur undan Óðinn og svo þessi sem er með svartan blett á fætinum er vanið undir hana frá Randalín og er undan Hnaus sæðingarstöðvarhrút.   Óskadís með mórana sína undan Blossa.   Móna Lísa með hrútana sína undan Byl.   Panda með gráa gimbur og flekkóttan hrút undan Kóng frá Bergi.   Píla með lömbin sín undan Óðinn.   Randalin var þrílembd með tvær gimbrar og einn hrút undan Hnaus sæðingarstöðvarhrút. lambhrúturinn hennar var fyrir því óláni að fótbrjóta sig fyrir neðan hné og Siggi og Kristinn gerðu að því og settu á hann spelku sem hann verður með í rúmlega 3 vikur.   Skvetta hans Sigga var sónuð með 2 en kom með 3 undan Glúm frá Gumma Ólafsvík.   Embla að veita fæðingarhjálp hjá Tertu.   Hér er hún búnað sækja seinna lambið og er að spreyja joð á naflastrenginn.   Emil og Kristinn að klaufsnyrta.   Þessi hrútur er undan Gyðu Sól og Klaka og er ofboðslega fallegur og þykkur.   Svona var morguninn 15 maí ekki spennandi að vita af lömbunum sem voru alveg komin út en sem betur fer bráðnaði þetta fljótt.   Það þurfti nokkrum sinnum yfir maí mánuðinn að reka inn í hlöðu vegna veðurs bæði snjókomu og út af mikilli rigningu og kulda. Hér er Ronja ofan á Hrafney sem lét lambinu sínu en það fór allt einu að leka frá henni og júgrið var farið að minnka undir henni mjög leiðinlegt.   Gaman hjá stelpunum að halda á litríku lömbunum.   Ronja og Freyja.   Embla með fallega gimbur.   Þyrnirós gemlingur með gimbur undan Ás.   Hér er Slydda hans Sigga með þrílembingana sína undan Kóng.   Hér er búið að reka inn Botnu hans Sigga og Brá til að taka sýni úr lömbunum sem eru undan Gimstein. Hér er Siggi að taka sýni úr Gimstein lömbunum hjá Botnu og Ósk.   Viktoría með lömbin sín undan Blossa.   Stuð hjá krökkunum að vera í kerrunni.   Smá litadýrð.   Rúsína með lömbin sín undan Byl.   Gurra  með lömbin sín undan Byl og fóstrar eitt fyrir Sigga.   Lóa með gráa gimbur og flekkóttan hrút undan Glúm hans Gumma Óla.   Hildur gemlingur með lömbin sín undan Bibba.   Erika,Embla og Freyja með lömb. Þær eru svo duglegar í fjárhúsunum.   Margir litir.   Embla elskar þessa gimbur undan Álfadís hans Kristins og er búnað leggja inn pöntun um skipti við hann í haust.   Lömbin eru svo spök hjá stelpunum.   Krúttlegar systur undan Margréti gemling.   Rósa með hrútinn sinn sem ullar bara á mig he he.   Falleg systkini undan Mávahlíð og Glúm.   Þessar systur eru þrílembingar undan Melkorku og Blossa.   Freyja Naómí með Snót og Möggulóu.   Maggalóa er svo æðisleg kind og elskar börnin og þau elska hana.   Benóný með Doppu sína sem er upphalds hænan hans.   Kóróna með lömbin sín undan Klaka.   Þrílembingar undan Snædrottningu og Glúm hans Gumma Óla Ólafsvík. Einn var vaninn undir Möggulóu en hún mjólkaði ekki alveg er eitthvað lúin svo hann var tekinn af henni  og vaninn undir kind hjá Sigga.   Skotta með hrútinn sinn undan Kóng hún var með tvo en annar dó í fæðingu eða rétt fyrir fæðingu.   Epal með hrútana sína undan Blossa.   Einstök með hrút og gimbur undan Óðinn.   Kaka með tvo hrúta undan Reyk hans Sigga.   Klara með hrút og gimbur undan Bassa.   Dísa með lömbin sín undan Bassa. Var með þrjú og einn hrútur var vaninn undir Dúllu.   Hrafntinna hennar Jóhönnu með hrút og gimbur undan Óðinn.   Panda með lömbin sín undan Kóng frá Bergi.   Kolfinna með tvær gimbrar undan Klaka.   Dorrit hans Kristins með hrút og gimbur undan Óðinn.   Terta með tvo hrúta undan Kóng frá Bergi.   Álfadís sú hvita er frá Kristinn og er með tvær gimbrar undan Kóng frá Bergi.   Gjöf með hrút og gimbur undan Diskó.   Blóma gemlingur frá Kristinn með hrút undan Byl.   Álfadrottning frá Kristinn með hrút og gimbur undan Glúm hans Gumma Óla Ólafsvík.   Mávahlíð með hrút og gimbur undan Glúm frá Gumma Ólafsvík.   Rósa með hvíta gimbur og flekkóttan hrút undan Ás.   Margrét gemlingur með gimbrarnar sínar undan Tígul þær eru móflekkóttar.   Snúra gemlingur með gimbur undan Glúm frá Gumma Ólafsvík.   Hríma með hrútana sína undan Byl.   Þær eru glaðar að komast í græna grasið fremst uppi er Hríma svo kemur Snúra,Spöng og Ófeig. Þessi gimbur er alveg rosalega falleg hún er undan Fjöru gemling og Baldri sæðingarstöðvarhrút.   Freyja með ulla sinn eins og hún kallar hann en það er eins og hann sé með of stóra tungu er alltaf ullandi he he.   Við skiptum á spelkunni hjá Bláman undan Randalín 26 maí.   Fallegir þrílembingar frá Sigga.   Snædrottning með hrútana sína undan Glúm.   Branda átti tvær gimbrar svarta og gráa en var fyrir því óláni að sú svarta  festist í grindunum og hún hefur lagst ofan á hana. Þessar lambær voru settar út 30 maí og er núna bara 3 gemlingar inni og það er pottþétt lamb í tveim sem eiga tal 4 til 6 júní en svo er ein sennilega ekki með lambi eða hefur látið því það hafa stækkað spenanir hennar en júgrið er of lítið. Við allavega höldum henni inni með hinum þangað til þær bera.   Annars gekk sauðburður bara mjög vel og vaktirnar vel skipulagðar hjá okkur öllum svo allir náðu að hvíla sig eitthvað. Við misstum tvö lömb eitt hjá Bröndu og eitt hjá Skottu sem drapst rétt fyrir fæðingu held ég. Jóhanna missti svo eitt hjá Snúllu sem fæddist svona kram lamb og lifði bara í klukkutíma. Moldavía kom með eitt dautt fóstur og tvær létu lömbunum Fía Sól rétt eftir  seinni sprautu og svo Hrafney rétt eftir að hún átti að bera og þá vorum við búnað spotta að það var grunsamlega lítið undir henni. Við fengum eitt auka lamb frá talningu hjá Gurru. Siggi fékk 4 þrílembdar í viðbót sem áttu að vera með 2 svo hann kom vel út í plús svo hann er með 7 ær þrílembdar í heildina. Ein þrílemba hjá honum drapst eftir seinni sprautuna veiktist eitthvað og svo kom einn þrílembingur úldið fóstur en annars held ég að hann hafi ekki misst neitt lamb fyrir utan þetta.   Ég náði ekki að taka mynd af öllum kindum og lömbum en læt þetta stóra blogg duga í bili og tek svo fleiri myndir í sumar af lömbunum sem ég sé. Við fengum 65 hrúta eins og komið er og 60 gimbrar og inn í þeirri tölu er líka frá Kristni og Jóhönnu og okkur.   Þetta vor byrjaði mjög vel fyrst í maí en svo fór að kólna og rigna út í eitt og nokkrir góðir dagar inn á milli þess vegna þurfti að reka oft inn úr girðingunni og leyfa þeim að vera inn í hlöðu meðan veðrið gekk yfir en svo er allt að verða bjartara núna með veðrið og loksins farið að hlýna hjá okkur og minni rigning svo nú má sumarið fara láta sjá sig og seinsustu ærnar að skjóta þessu úr sér. Benóný Ísak sonur okkar fermdist svo á Hvítasunnu 28 maí svo það var allt í gangi hjá okkur en ég mun svo fljótlega henda inn fermingarbloggi.   Bestu kveðjur Dísa

Siggi og Emil klaufsnyrtu hrútana sem voru eftir að klippa og hornskelltu hrútinn fyrir Jóa og Auði Hellissandi en hrúturinn hans

var frá okkur og þau komu með hann svo hann gæti farið út með okkar hrútum. Í gærkveldi bar Komma frá Jóhönnu og Siggi tók á móti hjá henni en það kom hausinn fyrst á báðum lömbunum það var hrútur og gimbur undan Prímusi. Glæta hans Sigga bar svo í dag og hún kom með hrút og gimbur undan Hnaus sæðingarstöðvarhrút og það eru mjög þykk og falleg lömb.

Það var nú ekki mikil læti í hrútunum að komast út og næstum engin slagsmál. Hér eru lambhrútarnir.   Hér eru þeir að undirbúa sig undir tilhlaup.   Svo kom höggið.   Svona var það allt og sumt svo slógust þeir ekki meira og stóru hrútarnir voru bara slakir.   Hér er fyrirmynd af hrútnum hans Jóa áður en hann var horntekinn en hann er mjög krapphyrndur.   Hér er eftir mynd og eins og sést þurfti að taka hann ansi hátt uppi en það gekk rosalega vel.   Hér er Komma með lambið sitt undan Primusi hitt lambið var bak við hana.   Hér er Glæta hans Sigga með hrút undan Hnaus.   Hér er svo gimbrin á móti ekkert smá falleg lömb.

Siggi og Kristinn voru í fjárhúsunum að setja upp myndavélakerfið í gær 27 apríl og þá byrjaði Ljúfa að bera

og ég kíkti inneftir á þá til að vera viðstödd og Embla og Erika komu með mér. Hún þurfti smá aðstoð því það kom

bara hausinn á fyrra lambinu og ég náði annari löppunni og svo lagðist hún niður aftur  og skaut lambinu út og 

ekkert mál svo kom seinna lambið bara sjálft svo hún er mjög flott kind og á auðvelt með að bera hún Ljúfa 

sem er gemlingur undan Ljúf og Hexíu. Þessir lambakóngar eru undan Bibba og annar er móhosu flekkóttur og hinn er svartflekkóttur með krúnu.

Mjög flottir tvílembingar hjá henni hún fékk 8 des og átti tal 30 apríl.

Hér er hún Ljúfa með lamba kóngana sína.   Hún er alveg fædd í móðurhlutverkið og varð strax súper góð mamma.   Hér eru Siggi og Kristinn sáttir við dagsverkið búið að færa ullina inn í hlöðu svo við getum farið með hana og svo er búið að hleypa út hrútum sem búið er að klippa og hornskella ásamt því að Ljúfa startaði sauðburð og myndavélarnar komnar upp og virkar svo nú má sauðburður fara skella á.   Þessa mynd tók ég 22 apríl og það er aðeins farið að grænka þó kalt sé úti þessa dagana.   Bylur orðin vel gleiðhyrndur eftir að við settum vír í hornin á þeim í vetur. Blossi líka tilbúinn og hornin hans orðin vel frá.   Klaki var lengst með vírinn enda er hann með mjög þykk og mikil horn en hann er líka orðinn flottur.   Reykur líka tilbúinn svo þeir fara í klaufsnyrtingu um helgina og fá að fara út í girðingu.   Fór suður 26 apríl og fór með Benóný og Freyju til tannlæknis og Freyja var svo ánægð að  hún er laus við góminn sinn í næstu 18 mánuði svo hún er komin í pásu. Benóný fór að láta strekkja teinana og það gekk vel hann fann ekki mikið fyrir því og fékk auðvitað dominos brauðstangir og svo var á óskalistanum að fara í bíó á Mario Bros myndina og hún var mjög skemmtileg.

Við sprautuðum allar kindurnar,lambhrútana og veturgömlu hrútana með blandaða bóluefninu á sunnudaginn 19 mars.

Það hefur verið mikið að sópa á grindunum seinustu daga síðan það var tekið af þær hafa étið vel og fengið mikið að éta

þessa dagana og þá slæða þær meira.

Hér er Freyja að halda við hlerann og Siggi sprautar og Emil heldur í .   Það gekk mjög vel að sprauta. Við hólfum þær niður og þrengjum að þeim svo það sé sem minnst áreiti á þær þegar verið er að sprauta.   Hér er verið að sprauta lambhrútana.   Hér eru þeir búnir og Klaki er hér fremstur sá hvíti hann er undan Bassa og Brussu.   Elsku Benóný Ísak okkar brosir hér áður en hann fer í teinasettningu sem hann fór í á föstudaginn síðast liðinn.   Hér má svo sjá hann vera kominn með teinana. Það er búið að ganga mjög erfiðlega þessa fyrstu daga og hann hefur ekki getað borðað mikið bara skyr og ís fyrstu dagana en það er sem betur fer að batna með hverjum deginum og í dag gat hann borðað vöfflur og kleinuhring. En þetta tekur verulega á fyrir hann sérstaklega þá því hann er með dæmigerða einhverfu og skynjar þetta allt miklu meira en aðrir og fannst þrýstingurinn alveg óbærilegur og við vorum næstum búnað fara með hann aftur suður og láta taka þetta úr því við höfðum svo mikla samkennd með honum og áhyggjur en hann er svo duglegur og sterkur að þetta er að verða bærilegt hjá honum og hann vill gefa þessu séns og við krossum putta að þetta eigi eftir að lagast og hann geti haldið áfram og byrjað að borða aftur þessar fáu matvörur sem hann borðar því matarræðið var slæmt fyrir svo það má alls ekki skemma það hjá honum svo hann fái sem flest næringarefni.

Arnar Ássbjörnsson kom til okkar á köldum sunnudagsmorgni til að taka snoðið af kindunum. Það er búið að vera verulega kaldir dagar hjá okkur og mikið frost í langann tíma eða allt upp í 10 í mínus. Það verður þó aldrei eins mikið frost hjá okkur eins og fyrir norðan og austan en við getum fengið mikla vindkælingu með þessu því það er svo oft rok hjá okkur. Það gekk þó vel að taka af en þær voru óvenju stessaðar kindurnar og vorum við jafnvel að halda að þær væru enn kvektar yfir búrinu sem þær fóru í þegar það var fósturtalið því þær voru alveg einstaklega mikið í bakkgírnum að koma nær grindinni þar sem var verið að klippa.

Hér eru Kristinn og Siggi viðbúnir og Arnar að klippa og stelpurnar að fylgjast með og eins og sjá má voru allir kappklæddir í kuldanum nema Arnar sem vann á sig hita.   Hér sést hvernig við hólfuðum þær niður og þessar mislitu komu nú ekki mikið nálægt hleranum sem þær voru sem var farið að rýja næst og þegar við opnuðum inn og fórum inn í horn að sækja þær ætluðum við aldrei að ná að ýta þeim að svo þrjóskar voru þær. Kanski hafa þær ekki viljað láta klippa sig í þessum kulda en það helst þó nokkuð hlýtt inn í fjárhúsum þrátt fyrir kuldann úti.   Embla hafði það kósý að fylgjast með Arnari klippa snoðið.   Hér eru lambhrútarnir fyrir klippingu.   Stóru hrútarnir og Diskó er enn með fjólublát í ullinni efir að stelpurnar gáfu honum skreytingu fyrir jólin.   Bolti Vikingssonur hans Kristins fyrir klippingu. Nýrakaður og flottur í dekur stíunni sinni sem hann hefur það svo gott.   Hér eru svo hinir stóru hrútarnir allir búnir að fá klippingu.   Hitinn er búinn að haldast fínt inn í fjárhúsum þrátt fyrir allann kuldann úti og hefur verið á bilinu 5 til 8 gráður inni í vikunni.   Kristinn var með hita myndavél þegar við vorum að taka af og ákvað að gera smá tilraun að ganni að mæla hitann fyrir og eftir rúning og hér er ærin Dorrit í myndavélinni. tölurnar eru á hvolfi því við snerum henni vitlaust.   Hér er hrúturinn Bolti sem var með heilsársull á sér.   Við ákváðum að gera "vísindalega " tilraun með hitamyndavél. Tilraunin fólst í því að mæla hitann sem kom frá kind og hrút fyrir og eftir rúning. Hjá kindinni (Dorrit) var þetta þannig að fyrir rúning var hitinn sem kom frá henni 7,9 C en eftir rúning 29,8 C. Hjá hrútnum (Bolta) var þetta þannig að fyrir rúning var hitinn sem kom frá honum 5,9 C en eftir rúning 33,3 C. Tekið skal fram að hann var með ársull á sér.

Fósturtalning fór fram hjá okkur föstudaginn og það var Jón Árni Magnússon frá Steinnesi sem kom og taldi hjá okkur.

Það er von á 19 sæðislömbum hjá okkur og 9 hjá Sigga.

Verið að gera klárt fyrir talningu.

Hér eru allir orðnir mjög spenntir að byrja og stelpurnar fengu meira segja frí í skólanum til

að fá að vera viðstaddar við að telja.

Nú er þetta alveg að bresta á og allir orðnir tilbúnir í fósturtalningu. Við vorum í fyrsta sinn að nota búr til að  sónaskoða og þær voru nú ekki alveg kátar með það kindurnar og voru frekar mikið í bakkgírnum en það gekk þó allt vel.

Hjá okkur er von á eftirtöldum fjölda frá þessum sæðingarstöðvarhrútum:

Svöður : 1

Alli : 2

Baldur : 1

Gimli : 2 

Grettir : 3

Hnaus : 3

Þór : 3

Gimsteinn : 4

Heimahrútar hljóða svona:

Bylur : 19

Blossi : 14

Bassi : 13

Óðinn : 9

Klaki : 8

Tígull : 8

Ás : 6

Prímus : 2

Diskó : 2

Sigga hrútar sem við notuðum :

Bibbi : 6

Ljómi : 1 

Reykur : 2

Aðrir hrútar fengum lánað hjá Gumma Ólafsvík og Jón Bjarna og Önnu Dóru Bergi.

Glúmur : 10

Kóngur : 15

Eldri ær hljóðuðu svona :

1 geld

7 með 1 ( tvær sæddar af þeim)

27 með 2

5 með 3 ( tvær sæddar af þeim)

Meðaltal 1,9

Tveggja vetra ær 

1 geld hefur aldrei átt lamb sennilega ónýt

1 með 1

16 með 2

1 með 3

Meðaltal 1,89

Gemlingar 

1 geldur

12 með 1

5 með 2

Meðaltal 1,22

Lambafjöldi af öllu er 134 í heildina.

Kristinn ánægður með Dorrit sína sem á von á tveimur lömbum.   Freyja að knúsa Ás sinn eða Tyggjó eins og stelpurnar vilja kalla hann.   Við skelltum okkur suður á laugardaginn síðasta og mamma kom með okkur og við fórum með hana  í bíó á Villibráð og það var mjög skemmtileg mynd og við fórum í lúxus sem var æðisleg upplifun fyrir mömmu sem hefur ekki  farið í bíó í mörg ár.   Maggi bróðir með Ronju og Benóný en þau voru svo heppin að Maggi og Rut fóru með þau í sundferð í Álftaneslaug í rennibrautina og öldulaugina á meðan við hin fórum í bíó. Þau buðu okkur svo í mat eftir bíóferðina og sundið. Svo var ferðinni heitið aftur vestur eftir frábæran dag.

Tíminn flýgur áfram þessa dagana og ég hef lítinn tíma gefið mér í að blogga en loks kom að því að ég gat sest niður og sett það helsta inn sem hefur verið hjá okkur þessa dagana. Benóný fór á árshátíð hjá unglingastiginu og fékk að taka með sér brauðstangir frá sjoppunni sem Doddi sá um að gera klárar fyrir vin sinn áður en hann færi á árshátíðina. Ég er búnað vera vinna inn á leikskóla í febrúar og verð í mars líka að leysa af og núna fer ég þangað hálf 9 á morgnana þegar ég er búnað koma krökkunum í skólann og vinn til 1 og fer svo beint inn í fjárhús og næ þá að fara í sturtu og sækja Ronju kl 3 svo þetta er svona pínu maraþon meðan á þessu stendur. En hér koma smá myndir og frásögn frá febrúar mánuði.

Hér er Benóný Ísak sem er að stækka heldur betur núna og er að fara fermast í vor.     12 febrúar skelltum við okkur í dagsferð til Reykjavíkur og fórum á Emil í Kattholti sem er alveg æðisleg sýning.   Alltaf stuð að koma í fjárhúsin og eiga fjölskyldustund.   Ronja með Blæju kindinni sinni.   Gemlingarnir eru svo rosalega gæfir að þeir vilja fá alla athygli og klapp hjá stelpunum og umkringja þær.   Benóný Ísak að tala við Möggu Lóu sem er í miklu uppáhaldi og er í smá dekri með lambgimbrunum því hún er orðin frekar gömul og lúin.   Ronja Rós dugleg að gefa fóðurbætir með pabba sínum.   Svo er líka spennandi að fá að standa upp á rúllunum og hoppa í heyjið.   Siggi nýbúnað raða rúllunum svona flott upp fyrir vikuna sem hann tekur úti og setur inn í Hlöðu.   Emil að skera niður rúlluna eina helgina sem var 3 febrúar.   Bolti kominn aftur til baka en hann fór inn í Bjarnarhöfn yfir fengitímann en komst aldrei í gang var eitthvað stirður. Hann er í dekri móti kindunum og fær alltaf lúku af fóðurbæti hjá Kristni eiganda sínum.   Ronja með bangsa flóðið sitt að leika sem er samansafn frá krökkunum og einnig frá Karítas frænku síðan hún var lítil.   Ronja í leikskólanum að læra tannbursta því Ari tannlæknir kom í heimsókn.   Bói og Freyja voru að kaupa sér hús í Ólafsvík eftir að þau lentu í því svaka tjóni að það lak inn hjá þeim í Varmalæk og allt fór og flot og mikið af húsinu lá fyrir skemmdum sérstaklega gólfefni og húsgögn. Hér er Ronja Rós að hjálpa afa sínum að mála.   Mikið sport að mála hér er Freyja Naómí líka að mála.   Fallegar nöfnur saman Freyja amma og Freyja Naómí.   Fékk þetta fallega kort og mynd frá Ronju Rós á konudaginn.   Embla Marína og Ronja Rós á öskudaginn. Freyja fór ekki í búning og Benóný var veikur svo það var bara mynd af þeim tveim þetta árið.   Ég fékk klárlega flottustu konugjöfina sem var þessi vinnugalli fyrir fjárhúsin frá Emil.

Jæja þá er komið að því að segja frá hvernig fengitíminn kom út hjá okkur. Í heildina voru 20 kindur sæddar og inn í því var ein frá Jóhönnu og 4 frá Kristinn.

Það voru 11 sem héldu og það var þessi eina frá Jóhönnu sem hélt og ein frá Kristinn og svo rest frá okkur.

Hjá Sigga héldu 6 af 7 og inn í því var ein frá Kristinn.

Fyrsta daginn fékk ég gefins sæði og átti alveg von á því að það myndi ekki halda mikið því við vissum ekkert hvar þær voru staddar en það var ein sem hélt af

þeim svo það var allavega einhver plús.

Við eigum sem sagt von á að fá lömb úr þessum sæðingarstöðvarhrútum:

Hnaus 1 kind

Alli 1 kind

Grettir 2 kindur

Þór 2 kindur

Baldur 1 gemlingur

Gimli 1 kind

Svörður 1 gemlingur

Gimsteinn 2 kindur

Af heimahrútum voru 11 notaðir og 2 sem við fengum lánaða hjá Guðmundi Ólafssyni Ólafsvík og Jón Bjarna og Önnu Dóru á Bergi.

Hér er Kóngur frá Bergi og það fóru 8 kindur í hann.   Glúmur hans Gumma og það fóru 6 í hann.   Óðinn frá okkur og það fóru 5 kindur í hann.   Ingibergur eða Bibbi eins og hann er kallaður fékk 3 kindur.   Bassi frá okkur fékk 7 kindur. Diskó kollótti sem er undan Tón sæðingarstöðvarhrút fékk eina kind og eins Prímus sem var keyptur frá Hjarðafelli og er kollóttur hann fékk eina kind en fór svo í afkvæmarannsókn inn í Bjarnarhöfn.   Ás lambhrútur undan Prímusi fékk 3 kindur.   Tígull lambhrútur undan Bikar sæðingarstöðvarhrút fékk 6 kindur.   Klaki lambhrútur undan Bassa fékk 5 kindur.   Blossi lambhrútur undan Dökkva fékk 7 kindur.   Bylur lambhrútur frá okkur er undan Glitnis son frá Bárði og hann fór á 11 kindur.   Reykur sem er lambhrútur hjá Sigga og hann fékk hjá Friðgeiri á Knörr fékk eina kind.   Ljómi frá Sigga fékk einn gemling frá Kristni sem við sáum ekki ganga en fékk mögulega 6 jan.   Þá er þetta upptalið og voru alls notaðir 22 hrútur með sæðingarhrútunum á kindurnar okkar sem eru 77 alls. Svo nú er bara bíða eftir næstu spennu sem verður fósturtalningin í febrúar.   Það voru tvö lömb sem teygðu sauðburðinn en við vorum aldrei búnað sjá þau ganga og hættum að fara með hrútinn í 1 janúar og settum þá hrútinn í 2 janúar og tókum eftir því að ein gimbrin hafi getað verið að ganga 6 jan þessi frá Kristni og hina sáum við ganga 12 janúar.   Stelpurnar duglegar að draga gimbrina frá kindunum og setja hana aftur hjá lömbunum. Við tókum hrútana úr síðast liðin laugardag.   Hér eru Siggi og Kristinn að græja í lambhrútana vír til að venja hornin.   Hér er búið að græja vír og setja rör utan um. Þetta hefur virkað mjög vel. Á laugardaginn skilaði svo Emil og Siggi hrútunum Kóng og Glúm aftur heim til sín.

Gleðilegt ár kæru vinir og takk kærlega fyrir það liðna og innlitið á síðuna á liðnu ári. Ég var aðeins of lengi að blogga hér eftir áramót og svo þegar ég ætlaði loksins að gefa mér tíma í það þá var bilun á kerfinu í nokkra daga svo það dróst enn þá lengur hjá mér. 

Við höfðum það gott yfir áramótin og borðuðum heima hjá okkur og Freyja,Bói,Jóhanna,Siggi í Tungu og mamma komu og voru hjá okkur.

Við vorum með grillaða nautalund sem við keytpum í kjötkompaní og svo svínahamborgarahrygg og það var alveg æðislega gott.

Jóhanna gerði súpu í forrétt og við fengum hana áður en við fórum á brennuna sem var haldin fyrr núna en venjulega og var klukkan 6.

Það var mjög kósý að hafa súpuna áður og flugveldasýningin á brennunni var alveg svakalega stór í ár og mjög flott.

Hér má sjá hlaðborðið okkar og nautalundin medium rare alveg fullkomin.   Stelpurnar fengu að sitja sér á litlu borði voða kósý hjá þeim.   Ronja Rós spennt að bíða eftir flugveldunum. Þetta var þegar búið var að spila aðeins í krakkaleikum og allir fengu að taka þátt og fullorðnir líka að leika og svo hinir að giska það var mjög gaman og allir skemmtu sér vel.    Benóný búnað bíða svo spenntur eftir að fá að fara skjóta upp og kveikja smá bál.   Hér er Emil búnað hjálpa honum að gera smá bál og þeir notuðu arinkubb til þess og kveiktu svo á blisum og því með bálinu.   Freyja tilbúin að fara sprengja.   Hér er Embla með sjóblys frá Emil.   Ronja gafst fljótt upp á látunum úti og vildi bara fara inn og horfa.   Það var svo kaffi og kræsingar hjá Jóhönnu frænku Emils sem býr á móti okkur og það var gott að fá sér heitt súkkulaði og kökur eftir sprengjurnar og kuldann úti.   Hér er Ronja Rós á nýjársdag á leiðinni í sveitina hjá ömmu Freyju og afa Bóa .   Við áttum góðar stundir með krökkunum milli hátíða bæði í hesthúsunum og fjárhúsunum. Hér er Embla Marína að gefa Ösku folaldinu sínu nammi.   Hér er Freyja Naómí að gefa henni.   Þriðja janúar kom Ronja Rós með okkur í fjárhúsin og var að baka þessa fínu snjóköku.   Hér er hún að gefa Ljóma nammi.   Verið í göngutúr og úti að renna.   Hér er flottur hópur af álfum að sníkja á þrettándanum. Þetta er Embla og Ronja og svo Erika vinkona Emblu og systur hennar og frænka.   Hér fékk ég svo senda mynd af Freyju og vinkonum hennar áður en þær fóru að sníkja.  Það var æðislegt veður til að sníkja því oftar en ekki hefur verið hundleiðinlegt veður á þrettándanum. Þetta var alveg frábært fyrir krakkana og þau fengu fullt af nammi í pokana sína og gleðin eftir því.   Ronja Rós var svo súper spennt yfir þessu enda búnað bíða lengi eftir þessum degi og kallar hann halloween.   Þann 8 janúar fórum við til Steinars bróðir Emils og Gullu og fögnuðum með þeim 1 árs afmæli Mattheu Katrínu. Það var alveg yndislegt að koma til þeirra og þvílikar kræsingar hún Gulla alveg snillingur í matargerð og kökugerð.   Emil stoltur frændi með litlu afmælisprinsessunni sem var með svo æðislega kórónu.   Alveg dásamleg að opna pakkana á eins árs afmælinu sínu. Þau héldu það 8 jan en hún á afmæli þann 9 janúar. Þetta var skemmtilegur dagur í alla staði og alltaf gaman að hittast.   Hér eru frænkurnar að leika saman Ronja Rós og Kamilla Rún og Matthea Katrín.

Við fjölskyldan óskum ykkur kæru síðuvinir Gleðilegra jóla 

Við vorum svo lánsöm að Freyja og Bói buðu okkur í mat á aðfangadag svo við gátum verið róleg og farið í fjárhúsin og græjað krakkana án þess að vera stressa okkur yfir að sjá um matinn líka. Svo dýrmætt að eiga svona góða að. Aðfangadagur fór vel fram og við borðuðum eins og ég sagði hjá tengdó og svo var Ronja svo óróleg búnað vera svo veik greyjið að við fórum heim um 8 leitið og þá steinsofnaði hún í bílnum og við leyfðum henni að sofa úr sér og fórum í að opna pakkana með  hinum krökkunum og Jóhönnu frænku Emils hún var með okkur og það var mjög mikið fjör enda krakkarnir orðnir svo spenntir. Ronja fékk svo að opna pakkana þegar hún var vöknuð og búnað jafna sig aðeins og þá fékk hún ein alla athyglina og var alveg að njóta sín í að opna pakkana og sýna stelpunum hvað hún fékk og ég skrifaði niður hvað hún fékk frá hverjum og tók video af henni.   Af Ronju að segja var hún áfram mjög veik og það náðist ekki að taka blóðprufu af henni hér heima svo ég fór með hana á  þorláksmessu upp á Akranes og var svo heppin að fá mömmu bíl lánaðann og hún kom með okkur. Læknirinn í Ólafsvík var alveg frábær og fylgdi okkur alveg eftir og lét okkur vita að það væri allt klárt fyrir okkur þegar við kæmum upp á Akranes. Ronja var mjög slöpp og með 39,5 stiga hita snemma um morguninn en var búnað vera með 40,5 stig um nóttina svo þetta var orðið frekar óhugnalegt hvað hún er lengi með  þennan háa hita og læknirinn vildi láta skoða allt sem gæti komið til greina hjá henni. Ferðin gekk vel upp á Akranes og hún svaf nánast alla leiðina og við hinkruðum svo upp á Akranesi þangað til við fengjum út úr blóðprufunni og Gunnar læknir í Ólafsvík lét okkur vita hvað kom út úr þeim og sem betur fer kom allt vel út og veirusýkingin var búnað lækka úr 10 frá 20 áður en það var tekið sýni af henni deginum fyrir. Svo allt  bendir núna til að þessi hái hiti stafi af eyrnabólgunni sem hún er með og við erum komin með nýtt pensilin sem á að vinna á henni. Annan í jólum er hún búnað vera á pensilininu nýja í 4 daga og fór svo allt í einu um nóttina í 39,5 svo þetta er ekki alveg búið hjá henni en vonandi fer þetta nú að klárast.

Hér eru gullin okkar orðin svo spennt að biða eftir aðfangadegi.   Hér eru þau með ömmu sinni Huldu mömmu minni og Benóný orðinn svo stór að hann er ná ömmu sinni.   Hér er Embla Marína að opna pakkana og fékk þessa kósý peysu í jólagjöf frá ömmu Freyju og hún var alveg í skýjunum og fór strax í hana.   Hér er litla dúllan okkar að sofa úr sér veikindin á aðfangadag.   Hér er Freyja Naómí að opna pakkann sem hún fékk frá okkur og það var málingardót strigar og akrýl máling og líka til að mála steina hún elskar að teikna og mála.   Jóhanna og Freyja eru að skemmta sér vel við að opna pakkana.   Hér er Benóný að opna pakkana hann var nú heldur betur glaður þegar hann fékk frá okkur playstation 5.   Hér er svo Ronja Rós loksins vöknuð og byrjuð að opna pakkana.   Stelpurnar fengu þessu kósý náttföt í jólagjöf frá ömmu Huldu og Ronja fékk kósý sokkana frá Dagbjörtu frænku og fjölskyldu.   Hér er krúttið okkar inn í sveit hjá Freyju og Bóa fyrir matinn á aðfangadag.   Hér eru Embla og Ronja systurnar saman og Embla með rauðu jóla gervineglurnar sínar.   Það er svo fallegt heimilið hjá Freyju og Bóa og hún er alveg snillingur í uppstyllingu og skreytingu.   Benóný að opna frá ömmu og afa inn í sveit.   Freyja Naómí og Embla Marína og Jóhanna frænka þeirra.   Það er líka jólagleði í fjárhúsunum hér er Magga Lóa komin í jólastuð.   Stelpurnar sáu um að koma Diskó í jólastuðið og hann fékk glimmer sprey og rautt naglalakk svo var nú ekki verra að það var  hans fyrsta kind þetta árið að blæmsa svo þetta var dýrðar dagur fyrir hann og líta svona ljómandi vel út fyrir hana he he.   Vigdís hans Kristins fékk jólahúfu líka til að komast í jólaskapið.   Hér er Kóngur frá Bergi og Skotta. Við fengum Kóng lánaðan yfir fengitímann og hann fékk nokkrar kindur.   Hér eru stelpurnar að skreyta jólatréð.   Benóný Ísak hjálpaði líka til við að skreyta.   Þykir mjög vænt um kindahornið mitt.   Hér má svo sjá jólatréið okkar fullskreytt og þakið pökkum.

Jæja það er aldeilis orðinn allt of langur tími síðan ég gat bloggað og tíminn hreinlega flýgur þegar allt er á fullu. 

Í byrjun desember var ég að berjast við of háan blóðþrýsting og ég dofnaði upp í hálfu andlitinu og hélt ég væri að fá blóðtappa eða heilablæðingu samkvæmt 

því sem gúgglaði og auðvitað á maður ekki að gúggla svona þá fær maður bara kvíða ofan í þetta allt saman. Ég fór svo í myndatöku í kjölfarið á þessu öllu á höfði og sem betur fer var ekkert þar að sjá svo lyfin mín voru yfirfarinn og ég sett á sterkari blóðþrýstingslyf og þetta tók alveg dágóðan tíma að jafna sig og ég er ekki alveg laus við dofann enn þá,en hann er ekki eins mikill en þó aðeins til staðar. Fyrst var ég alveg dofinn eins og ég væri nýkomin frá tannlækni og það var hálft andlitið tennurnar hálf tungan og alveg niður í kok. Fékk svo þær upplýsingar að þetta væri út frá háa blóðþrýstinginum sem ég hef kanski verið með í of langann tíma án þess að vita af því og þá getur maður fengið svona viðvararnir frá líkamanum. Ég var á lyfjum en var ekki búnað spá neitt í þeim eftir að ég átti Ronju því ég var sett á daufari lyf þegar ég var ólétt af henni  ég var ekkert að  spá í þessu en ég dofnaði og þá kom í ljós að ég var allt of há bæði í neðri mörkum og efri.

Við tók svo annasamur tími sæðingar og tilhleypingar svo ég hef ekki náð að slaka almennilega á eins og ég hefði kanski átt að gera en þetta verður allt bjartara þegar fengitíminn er búinn þá get ég farið að huga að því að slaka aðeins á og hugsa betur um mig sjálfa. En nóg af mér snúum okkur að því skemmtilega sem eru sæðingarnar.

Við byrjuðum að sæða 8 des þá fékk ég óvænt gefins strá úr Hnaus og Alla og freistaðist til að nota það á kindurnar sem ég var búnað finna og ætlaði ekki að sæða því ég ætlaði að byrja 9 des. Fékk Sigga til liðs við mig og ég prófaði að sæða þær nema það að stráið úr Hnaus klofnaði þegar ég klippti á það og ég tók ekki eftir því fyrr en ég fór að sprauta upp þá gerðist ekkert og ég skildi ekkert í því hélt fyrst að ég hafið klippt á vitlausan enda en svo var ekki svo það hefur verið eitthvað lélegt í plastinu þegar ég klippti sem varð til þess að sæðið lak allt niður rörið og allt til spillis alveg ömurlegt en það þýddi ekki að spá því svo ég sæddi bara með hinu stráinu sem var Alli og það ætti að fara koma í ljós á morgun eða hinn hvort eitthvað gangi upp úr því.

Ég sæddi 20 kindur fyrir okkur og inn í því var ein frá Jóhönnu og 4 frá Kristinn. Við notuðum Alla, Hnaus,Gimsteinn,Baldur,Jaður,Svöður,Gimla,Þór og Grettir

Ég sæddi 7 fyrir Sigga og inn í því var ein frá Kristini svo í heildina voru 5 frá Kristni sæddar og það voru Alli,Þór,Hnaus,Baldur og Gimsteinn.

Við byrjuðum svo að hleypa til út frá þessu og var seinasti dagur sem var sæðing 13 des og þá fór ég til Reykjavíkur og Gummi Óla Ólafsvík sæddi fyrir okkur.

Það byrjaði svo ansi rólega að hleypa til bara ein til þrjár á dag en svo í gær voru 12 nýjar og í dag voru 10 nýjar svo það hefur verið stærstu dagarnir hjá okkur svo núna eru ekki svo margar eftir það eru 11 með öllu og af því eru 7 kindur og 4 lömb. Hjá Sigga eru aðeins þrjár eftir.

Ingibergur eða Bibbi er aðal leitar hrúturinn minn og hér er ég með hann á móti kindunum sem ég sæði ég er með hann í  taumi meðan ég leita svo ég geti passað betur að hann lembi ekki einhverja sem hann má ekki fara á.   Embla Marína dóttir mín var svo dugleg að koma með mér suma daga og klappa kindunum meðan ég sæddi og þær varla hreyfðu sig og löðuðust allar af honum Bibba hinum megin við grindina.   Hér er Freyja líka aðstoðar maður við að klappa meðan ég geri sæðið klárt.   Hér er Blossi að störfum með henni Óskadís.   Hér er hann Tígull Bikar sonur að gera sig klárann.   Bylur að gera sig klárann hann er með ljósbláan og gráan fána. Við völdum í hann ær með ljósbláan fána.   Benóný að hjálpa til við að gefa.   Freyja svo dugleg og tekur svo stór föng þó lítil sé.   Erika vinkona Emblu alltaf dugleg að koma með okkur.   Embla sá um að gefa lýsið ofan á heyjið.   Embla að knúsa vinkonur sínar. Það er svo æðislegt hvað krakkarnir eru áhugasöm og hörku dugleg að koma með hjálpa.   Þær eru líka duglegar að koma með okkur í hesthúsin. Ég gef alltaf morgungjöfina á virkum dögum áður en ég fer inn í fjárhús en svo höfum við verið líka að sjá um seinni gjöf eftir að það snjóaði svona mikið því þá komst Jóhann ekki því bilinn hennar var fastur í stæðinu.   Embla með Ösku folaldinu sínu sem er undan Sægrími frá Bergi.   Elsku Freyja Naómí okkar varð 10 ára 12 desember og var búnað bíða mjög spennt eftir þessum degi enda löng bið þegar maður á afmæli í desember.   Við urðum við ósk hennar en það var þessi risavaxni gíraffi sem var efstur á óskalistanum he he og ég vissi nú ekki að þegar búið væri að blása í hann að hann yrði svona hrikalega stór og tæki næstum hálft herbergið hennar he he.   Við héldum svo smá afmælis partý fyrir nánustu vini hennar heima hjá okkur.   Það var mikið stuð og hoft á HM í beinni Frakkland og Argentína og í kjölfarið á því lengdum við afmælið því það fór svo stór hluti af tímanum að horfa á leikinn sem var svo hörku spennandi.   Við fórum til Reykjavíkur 13 des og Embla fór til tannlæknis 14 des og fékk að losna við góminn sinn og er komin í ár í pásu en Freyja þarf að halda áfram og svo átti Benóný að fara í teina en við frestuðum því þangað til í mars því við vorum svo stressuð fyrir því að það myndi eyðileggja jólin ef hann myndi fá mikinn þrýsting og sár af þeim eins og maður getur fengið fyrst.   Það var nóg um afþreyingarnar í Rvk og alltaf gaman að koma svona rétt fyrir jól.   Benóný var alsæll með þetta tæki uppi í smáralindinni sem er svona sýndarveruleiki eins og þú sérst í rússibana og hann fór tvisvar í það því það var svo gaman og tók pabba sinn með og Emil fannst þetta alveg magnað hvað þetta var raunverulegt. Við skelltum okkur svo á Flyover Iceland og fórum í flyover Cananda og það var alveg geggjað ég alveg ríghélt mér í haldfögnin og þurfti alveg að loka augunum mér fannst þetta svo svakalegt en þetta var alveg ótrúleg upplifun og magnað að sjá hvað hægt er að gera með svona tækjum. Svo þeir sem hafa ekki prófað þetta myndi ég hiklaust mæla með því en ég á eftir að prófa Ísland en Emil og krakkarnir voru búnað fara í það áður og þau sögðu að það væri skemmtilegra líka kanski því þú þekkir umhverfið og Ísland er bara svo fallegt umhverfi og margir fallegir staðir sem hægt er að sjá. Hér er Freyja og Benóný að keppa í mótorhjólakeppni í skemmtigarðinum í Smáralindinni.   Það snjóaði heldur betur um daginn og það skóf svo rosalega inn í hlöðu hjá Sigga að hann man ekki eftir að það hafi nokkurn tímann komið svona mikið inn.   Freyja bjó meira segja til snjóhús inni.   Hér má sjá hluta af hlöðinni þakin í snjó og við meira segja festum okkur svo daginn eftir og komumst ekki að gefa og hleypa til en sem betur fer kom Siggi okkur til hjálpar og gæjaði það fyrir okkur. Kristinn fékk svo Vigfús til að fara og moka brekkuna fyrir Sigga daginn eftir svo við kæmust upp í fjárhús og Siggi kæmist leiðar sinnar.   Þessum leiddist ekki að fá þennan fína snjó og Ronja fékk aðeins að fara út bara í korter því hún er búnað vera svo lengi veik.   Ronja að hjálpa til við að búa til hafragraut. Hún er sem sagt búnað vera heima í tæpar 3 vikur, byrjaði 8 des sama dag og ég byrjaði að sæða og hefur verið með hita síðan. Hún fékk svo pensilin 13 des en þá var hún komin með streftakokka og veirusýkingu og var mjög veik alveg með 40,5 stiga hita þetta hélt svo áfram og hún var bara á hitalækkandi inn á milli og náði að vera smá góð á daginn meðan það virkaði en hækkaði svo alltaf aftur upp í 40 nóttinni og 39 á morgnana þrátt fyrir að vera á pensilinu. Það kom svo einn dagur sem hún var hitalaus og fór á leikskólann og ég hugsaði núna hlýtur þetta vera búið en þá um nóttina fór hún aftur upp í 40 og fékk hitalækkandi og vakti hálfa nóttina og sofnaði svo aftur og þegar hún vaknaði um morguninn var hún með 39,5 og þá fékk hún aftur hitalækkandi og það dugði bara til þess að hitinn fór niður í 38,3. Ég fékk svo Maju systir til að passa hana fyrir mig í dag meðan við fórum inn í fjárhús og það voru alveg 19 í heildina sem þurfti að hleypa til og það fór langur tími í það og þá hringdi Maja í mig um 5 leytið og þá var hún aftur komin með 40,5. Svo aumingja stelpan er ekki búnað eiga sældardagana þennan desember en ég endaði svo með hana til læknis hér í Ólafsvík og hún er með eyrnabólgu í báðum eyrum og jafnvel eitthvað meira fyrst sýklalyfið vinnur ekki á þessu og ég á tíma með hana í blóðprufu á morgun og hún fær annað sýklalyf svo vonandi fer þetta nú að vera betra hjá henni svo hún geti fengið að njóta jólanna.   Jæja þá er þetta komið gott hjá mér og ég reyni nú að vera duglegri að henda inn bloggi, það hlýtur að fara koma stopp hjá okkur núna í veikindum og brasi og ég ætla að vera jákvæð og segja að það birtir allt upp um síðir og bjartari dagar framundan með hverjum deginum.

Á laugardaginn fórum við að baka piparkökur með krökkunum í grunnskólanum og það er alltaf gaman og ákveðin hefð.

Embla kát að skreyta.   Ronja lagði sig alla í þetta og er hér mjög einbeytt á svip að skreyta.   Emil í mikilli skreytingar hugleiðslu.   Hér er Freyja svo kát með allar fallegu skreyttu piparkökurnar okkar.   Við skelltum okkur svo í bónus í Stykkishólmi og fórum svo í sund og það er búið að vera svo gott  veður og rennibrautirnar eru enn þá opnar og hér má sjá nýja barnarennibraut í barnalauginni og Ronja var ansi montin að sjá hana. Það er alveg yndisleg sundlaugin í Stykkishómi og frábær aðstaða.   Það var svo flott samvinna hjá okkur á sunnudeginum í fjárhúsunum. Siggi og Kristinn hjálpuðu okkur að gefa kindunum ormalyf og hér er Freyja að aðstoða við að draga upp í sprauturnar og ég var á halda hleranum og opna þegar þær voru búnað fá sinn skammt.   Hér eru Siggi og Kristinn að gefa þeim ormalyf í sprautu inn um munn.   Hér er Bassi það þarf að hornskella hann.   Hér er svo pabbi hans Bassa hann Bolti og það var líka verið að taka innan úr hornunum á honum.   Hér erum við að vinna saman við að hornskella Bassa með vírunum. Ég held í spotta sem heldur honum upp að stoðinni og svo heldur Kristinn í hann og Siggi sagar hornið með vírnum. Þetta var flottur dagur búið að græja hornin á Bassa og Bolta og gefa öllum kindunum ormalyf.   Hér er svo Benóný og Freyja dugleg að hjálpa til við að gefa.   Fyrsta í aðventu sama dag fórum við Benóný í messu og þar voru Embla og Freyja að syngja með barnakórnum og margt skemmtileg að gerast tónlistaratriði frá tónlistarskólanum ásamt fleiru sem gerði þetta svo hátíðlegt og jólalegt.