Gullmolinn okkar hún Freyja Naómí er 11 mánaða í dag. 

Til hamingju með daginn elsku krúttið okkar.

Komst í skyr dolluna meðan mamma skrapp aðeins frá he he og leit svona út þegar ég kom til baka allveg yndisleg. Það eru svo fleiri myndir af skvísunni og dagsferð okkar til Rvk að heimsækja Emil afa og Önnu og svo hittum við Birgittu frænku og Steinar og Unni og tókum rölt með þeim í kringlunni. Sjá myndir hér.

Þessi fallega skvísa er 10 mánaða í dag. Hún er farin að skríða um allt og standa upp með öllu svo það styttist óðum í að maður þurfi að fara læsa öllu og setja í geymslu sem má ekki brotna he he.

Hún er rosalega glöð stelpa og góð. Það eru svo fleiri myndir af henni og fjölskyldunni hér.

Freyja bauð okkur í afmæliskaffi til sín um daginn og hér er sæta skvísan hún Freyja amma og Embla skvísa með eftirréttinn sem var jafn góður og hann er girnilegur ummm.

Flott þrílemba hjá Óttari með 164 kg samtals, sem er orðin fræg komin í bæjarblaðið Jökul og Skessuhornið. Frábær árangur hjá Óttari og flottar kindur. Ég er svo með fleiri myndir af henni og fleira með því að smella hér á albúmið.

Ég minni einnig á Héraðssýningu lambhrúta 2013 sem verður haldin á Hömrum Grundarfirði og má finna allar upplýsingar um hana hér inn á 123.is/bui 

Já sæll ég er allveg að gleyma segja ykkur frá sláturmatinu mínu. Ég setti 33 lömb í sláturhús og má segja að það séu slökustu lömbin sem eftir voru því ég setti þau vænstu á og svo var líka selt einhver líflömb.

Meðalþyngd var 19,97 Gerð 10 og fita 8,4

Hjá Sigga í Tungu voru 11 lömb og það var einnig sett það besta á og eitthvað selt til lífs.

Hann fékk allveg glæsilega útkomu og hljóðaði hún svona :

Meðalþyngd 19,9 Gerð 11,6 og fita 8,2

Þessi skvísa er 9 mánaða í dag. Hún er farin að reyna fara um á rassinum og reyna standa upp við allt svo ég hugsa að hún standi upp áður en hún getur farið að skríða.

Það eru svo fleiri myndir af prinsessunni með því að smella hér.

Töffarinn okkar fékk þessa flottu kórónu á leikskólanum á afmælisdaginn sinn.

Birgitta frænka svo dugleg að ýta Freyju. Freyja er að núna aðeins farin að komast upp á lagið og farin að hlaupa um allt og tosa í blómin og svona. Hún er svo búnað læra að sýna hvað hún er stór rosa dugleg og lyftir höndunum upp og þegar maður klappar verður hún svo montin þessi elska.

Svo eru það stóru fréttirnar af henni Emblu en hún er hætt með bleyju. Hún fékkst til að fara einu sinni á koppinn og hefur ekki hætt síðan. Ég er ekkert smá stolt af henni og hún þurrkar sér sjálf og girðir sig og maður þarf ekkert að hjálpa henni neitt. Hún bíður spennt núna eftir að fá pabba sinn heim svo hún geti sýnt honum hvað hún er orðin stór og já auðvitað ætlar hún líka að fá dúkku í verðlaun.

Emil er búnað vera róa núna á Skagaströnd í viku en fer vonandi að koma heim bráðum við erum öll farin að sakna hans allveg rosalega mikið.

Maggi bróðir kom og kíkti í heimsókn og færði krökkunum pakka og það var mikil hamingja. Benóný fékk legó og Embla dóta hest sem labbar. Maggi býr í bænum og er að læra lögfræði og vinna á lögfræðistofu með svo það er gaman að fá hann aðeins í heimsókn áður en allt stessið og vinnan byrjar hjá honum enda brjálað að gera. Það eru svo fleiri myndir hér af krílunum okkar og fleiru með þvi að smella hér.

Ég fór á rúntinn minn í dag að kíkja á rollurnar og haldiði að ég hafi ekki gleymt myndavélinni og auðvitað var allveg týpiskt að ég myndi missa af einhverju. Já Dóra kom hlaupandi á móti bílnum með þrílembingana sína og svo stillti hún sér svo flott upp með þá og ég var ekkert smá fúl að hafa ekki myndavélina með. En ég er hér með aðrar myndir sem ég náði um daginn.

Svört hans Sigga í Tungu með hrút og gimbur.

Tvílembingar undan Eygló gemling. Eygló er þrílembingur undan Gosa sæðishrút og Ronju.

Móra Freyju og Bóa með gráa gimbur en það virðist vera týndur hrúturinn hennar

Hrútur og gimbur undan Heklu og Brimil frá Bóa og Freyju.

Þetta er einhvað ókunnugt annað hvort frá Knörr eða Gaul og lýst mér allveg rosalega vel á þennan hrút hann virkar allveg rosalega fallegur.

Stóri strákurinn okkar orðinn 4 ára Vá hvert fór tíminn eiginlega. Við héldum upp á afmælið núna á sunnudaginn en hann á afmæli á morgun 19 ágúst. Hann var svo ánægður elsku kallinn að fá alla pakkana og allt sem honum langaði í eins og playmó flugvél,mótorhjól,bát,löggubíl og bara nefdu það en það stóð þó mest upp úr legó flugvél sem Hafrún og fjölsk gáfu honum. Það komu fjölskyldur okkar og vinir og allir áttu góðan og skemmtilegan dag saman.

Einn allveg búinn á því eftir daginn með allt dótið hjá sér upp í mömmu og pabba rúmmi.

Hulda amma gaf Emblu þessa fallegu úlpu og húfu fyrir veturinn og var skvísan ekkert smá ánægð með flottu úlpuna og húfuna.

Ég allveg mega sátt með geggjuðu peysuna sem Brynja frænka prjónaði fyrir mig.

Það verða viðbrigði núna fyrir Benóný og Emblu því nú eru allir hvolparnir farnir á nýju heimilin sín og þau skilja ekkert í því afhverju það eru engir hvolpar lengur. 

Það eru svo myndir hér af afmælinu og þessu öllu með því að smella hér.

Ég rakst svo á nýjar rollur núna um daginn á rúntinum.

Hér er Lotta með gimbrina sína og hrútinn sem gengur undir henni frá Frigg en Lotta stal honum af Frigg í vor.

Hér er Kápa með lömbin sín gimbur og hrút undan Kjöl hans Sigga.

Hér eru Mýslu synir og Storms Kveikssonar. Ég er búnað vera binda mér vonir við þann flekkótta að hann verði góður því hann er svo svakalega fallegur á litinn.

Hér er Eyrún með hrútana sína undan Kjöl. 

Það eru svo fleiri myndir af þeim með því að smella hér