Lambhrútar í fóðrun hjá Bárði

01.10.2012 09:20

Týri kveður

Jæja nú er búið að slátra heima það var gert á laugardaginn og kom Raggi hennar Hafdísar til okkar með mann með sér og svo var Eva með litla prinsinn sinn og Jói kom með líka. Meðalvigtin af þessum 9 lömbum sem við slátruðum heima var 22,5 kíló.

Þyngsta rollan hún Aríel mín vigtaði 56 kíló ekkert smá skrokkur úff algjör synd.

Það gekk allt saman vel Maja, Bói og Siggi voru líka en ég gerði ekki neitt bara var með krakkana heima og kíkti svo á þau þegar það var búið. Þau fóru svo í mat til Gerðu og var það allveg til fyrirmyndar eins og alltaf, hún er allveg yndisleg.

Týri heimlingurinn í Tungu sem Siggi og Gerða eru búnað hugsa svo vel um í allt sumar kvaddi okkur í gær og fór með bíl á Hvammstanga. Það verður skrýtið að koma og hafa engan til að taka á móti sér og hrekkja. Hann átti það til að vera svo óþekkur og manneygður dóninn sá. Hans verður sárt saknað. Hann er undan Týru og Týr.

Það voru góðar rollur sem kvöddu að sinni og verður það mikil eftirsjá. Þar má nefna að Hlussa fannst dauð rétt fyrir smalamennsku en hún var besta rollan mín en ég set gimbrina hennar á sem er undan Hriflon og vona ég að hún erfi góðu genin frá móður sinni. Aríel Hlussu dóttir er ónýt og var hún látin fara algjör synd enda ung kind. Nína hans Bóa er líka jafn gömul Aríel fæddar 2008 og var hún allveg búin í fótunum og eitthvað hefur skeð fyrir hana því hún var svo lúin.

Aríel og Nína eru báðar Jökuls dætur svo það fer að verða lítið eftir af hans stofni. Hríma besta rollan hans Bóa kvaddi líka en hún fékk svo heiftalega júgurbólgu í haust.

Þúfa tvævettla frá Bóa sem var afburðar kind kom tvílembd sem gemlingur og skilaði hörku gimbur sem var Týra en hún lést í vor eftir keisara af tvílembingum en aðeins annar lifði og var það heimalingurinn hann Týri.

Týra var með 18 í læri og 32 í ómv og hrúturinn á móti henni var líka með 18 í læri og 84,5 stig ekki amaleg lömb tvílembingar undan gemling svo það verður að halda í þetta kyn fyrst Þúfa er að fara en ég á móðir hennar sem heitir Drottning og kom hún með 2 gimbrar núna en ég seldi aðra og hin var ekki nógu vel stiguð svo það verður að velja góðan hrút á Drottningu næsta ár.

Gulbrá hans Bóa var líka látin fara en hún var orðin eitthvað fótalúin svo það verða miklar endurbætur hjá Bóa í ár hann setur 6 gimbrar á og verða þær sjö með litla graslambinu.

Hér eru Þúfa og Aríel í hinsta sinn. Aríel er rosalega falleg kind og mun ég sjá svakalega eftir henni.

Var næstum búnað gleyma Týr Mána syni, karl greyjinu en hann kvaddi líka. Hann var barinn svo heiftarlega í vetur og náði sér aldrei almennilega og lá afskaplega mikið í sumar og var allveg búinn í fótunum á aftan svo hann var látinn fara.

Sláturbílinn kom í gær og sótti 23 lömb hjá mér og 9 hjá Sigga svo nú er bara komin pása á þessa vertíð. Bárður tók hrútana fyrir mig sem ég set á til að fóðra þá inni með sínum hrútum sem hann er búnað taka inn og á ég eftir að fara og taka mynd af þeim og einnig gullmolunum hans Óttars þeir eru líka inni hjá Bárði.

Við erum núna með lömbin sem Birgitta fær inni og hrútinn hans Sigga sem hann fékk hjá Óttari og litla graslambið hans Bóa og lömbin fyrir Gígí og einn hrút sem verður tekinn í dag og eru þau í góðu yfirlæti.

Jæja kveð að sinni en fer fljótlega og tek myndir af hrútunum ;)

Skrifað af Dísu

28.09.2012 09:00

Sölufé, Stigun í Lambafelli og ásettningur hjá Gumma.

Þetta er hann Golíat Boga sonur veturgamall og varð í þriðja sæti á hrútasýningu veturgamla á Mýrum. Móðir hans er Flekka 07 005 frá Mávahlíð.

Hann er stigaður svona : Þungi 101 fótl 124 ómv 34 fita 8,3 og 4 í lögun.

8 85 9 9 85 17,5 85 8 9 Alls 86 stig.

Hann er til sölu svo áhugasamir hafi samband í síma 8419069 Dísa.

Maja systir á svo einn alhvítan lambhrút sem er stigaður upp á 87 stig tvílembingur undan Týr og Stjörnu hann stigaðist svona : Þungi 52 fótl 110 ómv 28 fita 2,8 , lögun 4,5

8 9 9 85 9 18 9 8 85 alls 87 stig

Hann er til sölu og við rekum inn seinni partinn í dag svo þeir sem hafa áhuga komið og kíkið eða hafið samband við Maju í síma 8919292 hann verður bara seldur innan svæðis því Maja er ekki með sölu leyfi utan svæðis.

Þessir bræður eru undan Botnleðju sem er undan Grábotna og faðir þeirra er Toppur.

Sá hosótti er 84 stig með 17,5 í læri og sá bíldótti er 84,5 stig og með 18 í læri þeir eru báðir til sölu ef einhver hefur áhuga.

Þetta er Grábotna sonur með 84 stig og 30 í ómv tvílembingur og er 61 kíló og 4,5 fitu

og 4 í lögun. Stigun : 8 9 9 9 85 17 8 8 Alls 84 stig. Hann er til sölu líka.

Setti þessa lambhrúta inn að ganni ef einhver hefði áhuga því þeir eru vel gerðir en

annars fara þeir á sláturbílinn á sunnudaginn.

Stigað var inn í Ólafsvík í lambafelli þann 24 sept og voru það þeir Lárus og Torfi ráðanautar sem komu og stiguðu. Bændurnir í lambafelli voru með mörg falleg lömb og fengu flotta útkomu og svo komu Jóhanna og Óskar úr Bug líka og fengu líka fína útkomu.

Það kom rosalega vel út hjá Gumma Óla hann fékk nokkrar gimbrar yfir 30 í ómv og svo Guffa son sem hann setur á sem er með 32 í ómv og 18 í læri.

Hér er sýnishorn af ásettnings gimbrunum hjá Gumma og er þetta rosalega flottur hópur.

Guffa sonurinn hans sem er 85 stig með 32 ómv og 18 í læri. Það eru svo fleiri myndir af

stiguninni og ásettninginum hans Gumma hér.

Það var svo líka stigað út á sandi og kom það allveg geggjað út hjá Óttari og Þórsa þeir fengu 2 með 19 í læri undan Klett og Óttar fékk svo annan Klett son með 18,5 læri 10 í bak og 37 í ómv. 2 gimbrar með 19 í læri og slatta með 18,5 og 18 svo hann verður ekki í vandræðum að velja lífgimbrar nema það verður kanski erfitt að velja á milli þær eru allar svo góðar hjá honum. Ég óska þeim til hamingju með þessa glæsilegu útkomu.

Klettur Kveik son er svo sannarlega að gefa svakalega vel gerð lömb.

Jæja þetta er allt að smella saman hjá okkur við rekum inn í dag seinni partinn og svo fengum við Ragga hennar Hafdísar til að hjálpa okkur að slátra því sem verður slátrað

heima á morgun og svo kemur sláturbílinn á sunnudaginn.

Svo það verður að hafa hraðan á að klára velja ásettningin og reyna selja það sem gott er svo það endi ekki í sláturbílnum en það er svo sem í lagi þá fæ ég bara gott mat á sláturféið í staðinn fyrir að setja bara það lélagasta.

Ég er allveg að verða rugluð í sambandi við Gosa soninn minn sem stigaðist svo vel eftir frjósemismatið sem kom fram nú á dögunum hér og ekki kom það betur út fyrir Borða

svo hvað á ég að gera með einn veturgamlan undan Borða síðan í fyrra hann Brimill

en hann var að gefa mjög fínt núna hjá mér. Já þetta er stór spurning.

Hér er svo stórgrípurinn undan Gosa hann stigaðist svo vel að ég var allveg í skýjunum

en nú veit ég ekki mitt rjúkandi ráð hvað ég eigi að gera en ég verð að eiga hann ég get

ekki annað með þessar tölur en reyndar er hann aðeins feitur en hann gekk einn undir og er 62 kíló en það er bara svo rosalega gott landið inn frá að það er erfitt að ná fitunni niður en það er svona smá saman að gerast því ég fékk mun minni fitu á lömbin í ár heldur en í fyrra. Svo hvað segið þið kæru lesendur verð ég ekki að eiga hann og prófa ?

þungi 62 fótl 109 ómv 33 fita 4,5 lögun 4,5

Stigun 8 9 9 9 9,5 19 8 8 8,5 Alls 88 stig.

Kveð afar ráðvillt að sinni

Skrifað af Dísu

24.09.2012 00:27

Réttað í Ólafsvík og fleira

Það var smalað og réttað í Ólafsvík um helgina og var það mjög skondið að sjá hverning rekið var inn í réttina þar eða eigum við ekki að segja að það þurfti ekki að reka inn. Því það var komið með fulla poka af brauði og rétt Brynjari og svo fór hann og hristi pokann og þá komu allar rollurnar hlaupandi til hans og eltu hann inn í réttina allveg yndisleg sjón

Hér eru þeir Brynjar og Óli bændur í lambafelli að leiða hópinn inn í réttina.

Sumar voru frekar og ætluðu sko aldeilis að fá bitan sinn og príluðu upp á Brynjar.

Já það þarf sko ekki að reka í þessar réttir. Allveg tær snilld að sjá þetta.

Guðmundur Ólafsson smalakóngur tók sig vel út með stafinn.

Hinrik Pálsson lét sig ekki vanta í réttirnar enda réttin skírð eftir honum.

Nú er verið á fullu að spá í ásettningnum og er það erfitt val og set ég ekki á allar þessar best dæmdu því ég er líka að spá í ættunum,lit,mjólkurlagni og frjósemi og þetta er erfiðara val en ég hélt. Þessi er ein af ásettnings gimbrunum og er hún með mesta ómv af þeim sem er 34 en hún náði ekki 18 heldur er með 17,5 í læri og 9 framp og er hún þrílembingur undan Dóru og Topp. Ég missti Topp í sumar og hann gaf svakalega mjólkur kindur svo ég verð að halda í gimbrarnar hans.

Spennandi dagur framundan það verður stigað í Ólafsvík og Hellissandi í dag eftir hádegi og ég gleymdi að láta stiga Hróa soninn minn og einn hosóttan undan Topp svo ég fæ að bæta þeim við hjá Gumma á morgun.

Jæja segjum þetta gott í bili. Það eru svo myndir hér af réttunum og fleiru með því að smella með músinni hérna.

Skrifað af dísu

21.09.2012 21:50

Stigað hjá okkur og Hrútasýning veturgamla á Mýrum.

Þá er stundin runnin upp og spenningurinn búinn þetta árið. Já það er allveg ótrúlegt hvað maður bíður í mikilli eftirvæntingu eftir að fá dóma á lömbin þetta er allveg eins og maður sé orðin lítill krakki á ný að bíða eftir jólapökkunum.

Hrútasýningin á Mýrum var sama dag og það var stigað hjá okkur svo það var svolítið stress í gangi að enda að stiga hjá okkur og fara svo beint inn á Mýrum en það fór bara mjög vel.

Steini frændi Emils gerði kjötsúpuna fyrir mig og Freyja og Jóhanna sáu um að koma henni inn að Mýrum og hita upp í henni. Bárður og Dóra sáu svo um að redda fyrir mig kaffinu og því sem var í kringum það svo þetta gekk bara allt saman ljómandi vel.

Hér er Anna Dóra með besta veturgamla hrútinn á Sýningunni 2012 undan Borða.

Ég bloggaði svo stiganirnar og hina verðlaunahafana inn á Búa síðunni og getið þið nálgast það með því að klikka hér.

Veturgömlu hrútarnir mínir komu svo bara mjög vel út nema að það gleymdist að setja Brimil í uppröðunina og jafnvel Storm miðað við stigun en það fór bara fram hjá Árna óvart og ég hafði ekki kjark í að spurja hvort hann ætti að vera því ég hélt að hann hefði ekki náð svo þegar ég fékk stiganirnar um efstu hrútana sagði hann við mig að hann hafi gleymt honum því hann hafi auðvitað átt að vera í uppröðuninni en hefði samt ekki náð í fyrstu 3 sætin.

Stormur Kveiksonurinn minn var sérstaklega skoðaður um munnin út af trönunni sem lambhrútur og var hún allveg horfin hann stigaðist svona

Þungi 84 fótl 120 ómv 36 fita 6,1 og lögun 4

8 8,5 8,5 9 9 18 8 8 8,5 Alls 85,5 stig

Týr var barinn í vetur og er búnað vera ónýtur í fótunum síðan og liggur alltaf mjög mikið og var allur út míginn þegar við rákum hann inn svo ég verð örugglega að lóa honum hann er undan Mána og hann stigaðist svona

Þungi 79 fótl 122 ómv 32 fita 5,9 og lögun 4

8 8 9 8,5 8,5 17,5 7,5 8 8,5 Alls 83,5 stig.

Brimill er undan Borða og stigaðist svona

Þungi 110 fótl 120 ómv 37 fita 9,9 og lögun 4

8 8,5 9,5 9 9 18 8 8 8,5 Alls 86,5 stig.

Golíat sá kollótti er undan Boga og varð í 3 sæti í kollóttu hrútunum stigaðist svona

Þungi 101 fótl 124 ómv 34 fita 8,3 og 4 í lögun

8 8,5 9 9 8,5 17,5 8,5 8 9 Alls 86 stig.

Jæja þá er að segja frá stiguninni á lömbunum eruði tilbúin að heyra það he he.
Ég var ekki vongóð fyrst gimbrarnar byrjuðu ekki vel bakvöðvin var læðstur 24 og bættist svo upp í 34 mest en full margar voru með undir 30. 11 gimbrar af 40 voru með 30 og yfir.
8 af 40 voru með 18 í læri og ein með 18,5 svo þetta var ekki næstum eins góð útkoma eins og var í fyrra en ég er súper sátt við hana því allar gimbranar sem ég var að vona að kæmu vel út komu það og þá er bara líka auðveldara fyrir mig að setja ekki margar á og svo sel ég einhverjar og svo rest í sláturhús.

Hrútarnir byrjuðu líka illa það var svo lélegur ómv að ég ákvað að þeir sem næðu ekki 28 væru ekki stigaðir svo af 23 sem ég ætlaði að stiga voru 7 hentir frá og 16 í heildina stigaðir. 10 mislitir og 6 hvítir. 9 af 16 voru með 30 og yfir í ómv mest 33 en það var hæðst 36 í fyrra svo það er mun slakari vöðvi. 5 voru með 18 í læri og einn með 18,5. Svo gerðist þetta stórkostlega kraftaverk að ég fékk loksins 19 í læri á Gosa soninn minn gullhrútinn eins og ég er búnað kalla hann síðan hann fæddist og hann stendur undir því nafni og fékk hann 88 stig já og þá gat ég brosað allann hringinn og spáði ekkert meira í hinu sem var ekki nógu gott því nú er margra ára markmiði loksins náð he he.
Það var svo einn með 87,5 stig, einn 87, tveir með 86,5 og einn með 86 og einn með 85,5 og einn með 85 og þrír með 84,5 og svo neðar.

Ég set Gosa soninn á sjálf en er enn með valkvíða yfir að finna hvaða flekkótta hrút ég á að setja á því annar er botnuflekkóttur svakalega fallegur á litinn en er 84,5 stig og svo er annar sem er 85,5 og er gráflekkóttur ekkert svaka flottur litur en þetta eru báðir Topps synir svo það verður að greina á milli þeirra næst þegar ég rek inn.

Jæja ég kveð með bros á vör og minni á réttirnar á morgun inn í Ólafsvík og Hellissandi.
Það eru svo myndir inn í myndaalbúmi af stiguninni og hrútasýningunni.

17.09.2012 22:07

Smalað Svartbakafell og rekið inn í Tungu.

Jæja þá er þessi dýrðardagur tekinn enda. Það gekk rosalega vel að smala og reka inn í Tungu þrátt fyrir að fénu hafi aldrei verið rekið þar inn það var bara eins og þær hefðu alltaf farið þangað. Það þurfti aðeins að passa þær fyrir ofan Tungu að þær færu ekki aftur upp en því var fljótt reddað enda nógur mannskapur að smala.

Hér runnu þær vel í áttina að Tungu fjárhúsunum.

Sumar fengu far með fyrsta farrými.

Hér er verið að reka inn í nýju réttina hjá Sigga og inn í fjárhús. Það er nú orðið þó nokkuð langt síðan að svona mikið af fé var rekið þar inn enda var líka mikið af ókunnugu í þessu líka sem var frá Friðgeiri á Knörr,Óla á Mýrum og Gaul.

Hér eru Freyja og Bói með litla graslambið hennar Birtu gemlings sem dó snemma í vor og auðvitað verður hún dekruð vel í vetur. Það er svo skondið að segja frá því að Aríel

sem lét í vor og varð svo bara geld og ónýt tók lambið að sér og það fylgir henni allveg

og hún jarmar eftir því eins og það sé bara hennar lamb ekkert smá fyndið.

Hér er verið að skoða hrútana hans Sigga undan Svört tvævettlu og Grábotna. Já það

verður ofurspennandi að sjá hvor stigast betur. Þeir voru 63 og 64 kíló svo þarna er ekkert

smá mjólkurbú á ferðinni.

Ég fann svo loksins Gosa soninn minn sem var búnað villast undan Rollunni og ég hélt

að hann væri glataður en sem betur fer var svo ekki. Þeim leist mjög vel á hann og verður gaman að sjá hvað kemur út úr stiguninni á honum.

Hér er Grábotnasonur, þrílembings gimbur á móti bildótta hrútnum undan Gosa og svartur hrútur undan gemling og Týr. Birgitta ef þér langar í þann flekkótta unda Grábotna þá er ég meira segja búnað gera hann spakan fyrir þig he he svo nú er bara vona að hann stigist vel. Hann er undan svarkápóttri kind svo hann ætti að gefa flotta liti hann vigtaði 61

kíló og gimbrin á móti 56 kíló svo Kápa er mjög mjólkurlagin enda undan Topp.

Það eru svo fullt af myndum hér af smöluninni og kindunum.

Við fengum allt fé af fjalli nema einn hrút og ég var búnað telja hann af en þá til allra hamingju hringdi Anna Dóra á Bergi og sagði okkur að hann væri hjá sér svo við sóttum

hann í dag. Þannig að okkur vantar ekkert en Sigga vantaði eina gimbur.

Vigtin hjá okkur kom allveg frábærlega út. Þyngsta var 65 kíló og var það annar mórauði hrúturinn hennar Þrumu og undan Mugg hans Lalla. Léttast var 34 kíló lamb undan gemling sem bar 4 júní. Meðalvigtin af því sem við vigtuðum var 47,6 kíló.

Jæja ég byrjaði ekki starfið mitt vel sem formaður mér tókst að klúðra fyrstu auglýsingunni

sem ég gerði um Hrútasýningu veturgamla með því að gleyma að setja inn daginn og dagsetninguna heldur skrifaði bara kl hvað og hvar hún væri já maður er stundum einum og fljótfær á sér og ég var meira segja búnað dreifa á alla staði og engin tók eftir neinu það var ekki fyrr en ég fór til hennar Jensínu að hún tók eftir þessu og þakka ég henni allveg kærlega fyrir það svo ég gat leiðrétt þá sem eftir voru og bætt deginum við og hringt í hina til að láta vita. Ég bið því félaga Búa að fyrirgefa mér þessi mistök en annars er líka auglýsing um sýninguna inn á Búa vefnum.

Ég minni því á að Hrútasýning veturgamla verður á Mýrum kl 5 FIMMTUDAGINN 20 SEPT

Segjum þetta gott í bili ég er orðin allt of spennt fyrir stiguninni á fimmtudaginn og sýningunni og öllu saman þess vegna verður maður allveg kolruglaður he he.

Skrifað af Dísu

12.09.2012 18:24

Smalað Höfðann og Móra Óskars í Bug kemur.

Ég bara gat ekki beðið á mánudaginn var svo mikið af féi komið niður og allt á sama stað inn í Höfða sem við áttum og einnig var allt fullt inn í Mávahlíð fyrir utan girðinguna sem innan. Svo ég og Emil fórum og létum mömmu passa börnin og lögðum svo af stað. Við byrjuðum á því að fara inn fyrir Höfðann og Bárður kom okkur til aðstoðar og við rákum þær áleiðis úteftir. Bói,Freyja og Maja skárust svo í leikinn þegar þau voru búnað vinna og gekk þetta allveg eins og í sögu þær runnu bara inn í girðingu og inn í hús í Mávahlíð. Þá var komið að því að keyra allt saman út í fjárhúsin í Tungu og fengum við Bárð til að keyra með sína kerru og svo var Bói með kerruna hans Gumma Óla og svo Emil með kerruna okkar. Þetta tók dágóðan tíma enda 100 og eitthvað kindur og ekki nema 3 ókunnugar sem voru Steinka hans Bárðar,Kjamma hans Óla á Mýrum og ein frá Önnu Dóru sem hún fékk hjá mér.

Hér eru þær að renna inn í rétt og inn í fjárhús í Mávahlíð.

Verið að setja upp á kerru og keyra inn í Tungu.

Hér er ein gimbur undan Grábotna. Ég náði annars ekki mikið af myndum því stuttu eftir að við vorum búnað keyra allt upp á Tungu voru börnin að gera ömmu sína vitlausa og ég varð að fara heim og missti allveg af að skoða þau en ég geri það á laugardaginn þegar við erum búnað ná öllu heim og rekum inn. Ég er orðin svo spennt að ég get ekki beðið eftir að helgin bresti á.

Og nei gat ekki beðið við sáum þessar inn á Rifi í dag og náðum þeim inn í Mávahlíð og keyrðum þær svo inn í girðingu í Tungu. Þetta er Frigg gemlingur með gimbrina sína undan Storm,Snotra með lömbin sín,Snælda með gimbrina sína og Svana sem missti lambið sitt í sumar að afvelta.

Það er svo skondin saga að segja frá því að þegar við vorum að rúnta í gær sáum við Móru gömlu inn í Bug sem Jóhanna er búnað vera reyna ná og bíða eftir að komi inn í tún hlaupa niður hlíðina og bíða við hliðið. Við ákváðum því að kíkja á Óskar og segja honum frá því og fengum hann til að koma með okkur að kíkja á hana því við vissum að það þýddi ekkert fyrir okkur að reyna reka hana inn þvi hún er svo stygg og þekkir okkur ekkert. Hann fór svo með Emil og þeir voru á bílnum hans Óskars því Móra þekkir hann.

Þegar Móra sér bílinn hleypur hún til þeirra og Emil hugsar hver ansk nú æðir hún fram hjá okkur og við missum hana en nei sú gamla hleypur til Óskars og stoppar þar og gæðir sér á brauði. Óskar labbar svo bara rólega í átt að hliðinu og lokkar hana inn og hinar kindurnar sem voru með henni. Mér fannst þetta allveg mögnuð sjón. Hún er svo mikil karekter þessi rolla hún er orðin 13 vetra og er með þrílembinga undan Bjart og er alltaf jafn frísk og gefur ekkert eftir.

Hér hljóp hún til Óskars.

Hér elta þær hann inn í girðingu Óskar sem er held ég 84 ára er allveg í góðu formi að labba með þær inn. Þetta er sko draumur að vera svona í ellinni með rollunum sínum.

Hér er svo drottningin hún Móra með þrílembingana sína komin í sinn heimahag.

Jæja þetta er komið fínt hjá mér í bili ég hlakka til að blogga næst og ná góðum myndum af lömbunum þegar það verður búið að smala um helgina. Hér eru smá myndir sem ég náði núna inni hér.

Skrifað af Disu

09.09.2012 12:08

Fundur,Móra kemur og Bárður rekur inn.

Það var haldinn fundur hjá Búa í Fákaseli í Grundarfirði núna um daginn. Þar var farið yfir það helsta sem er frammundan eins og Veturgömlusýninguna sem verður haldin að Mýrum 20 sept kl 5 að öllu óbreyttu. Það voru sett á félagsgjöld og ferðagjald svo það verður hægt að fara skipuleggja skemmtilegar ferðir.

Bárður lét af störfum sem formaður og var klappað vel fyrir honum fyrir vel unnin störf.

Ég var plötuð til að taka við sem nýr formaður og vonandi get ég staðið undir því en ég fór líka framm á að fá hjálp af meistaranum honum Bárði og verður hann mér til aðstoðar.

Ég lagði framm tillögu að hafa Fegurðarsamkeppni gimbra og var tekið vel í það. Nú þarf bara að ákveða stað og stund og gera reglur um það.

Móra lét svo loksins sjá sig og birtist allt í einu inn í túni með mórauðu hrútana sína.

Hér er ein sem ég náði af þeim bræðrum svo Hannes spennan magnast að fara að stiga og sjá hvort annar þeirra sé ásettningshæfur.

Hér er einn fallegur undan Mollý og Brimil frá Maju.

Er svo hrifin af þessari frá Emil hún er undan Frigg og Storm Kveiksyni hún virkar allveg rosalega breið á framan og stendur svo fallega gleitt.

Hér eru hrútarnir hennar Mýslu eða sá flekkubotnótti er þrílembingur undan Dóru og Topp og villtist undir í sauðburðinum og gimbrin frá Mýslu fór undir aðra. Sá hvíti er undan Mýslu og Týr.

Bárður tók svo forskotið og rak inn í gær og auðvitað var okkur boðið að koma og kíkja.

Þar var góður hópur manna mættur eins og Eiríkur Helga, Hreinn , Óttar og svo ég og Emil og Gummi Ólafs kom með okkur.

Hér er tekinn forsmekkur á skoðunina og lýst mönnum vel á lömbin yfir heildina.

Óttar og Eiríkur skoða hér. Það eru skemmtilegir tímar frammundan og spennan magnast.

Hér er einn fallegur Gosa sonur sem þeim leist svo vel á.

Jæja þetta verður rosalega gaman að fylgjast með stigun á þessum flottu lömbum og fara reka inn hjá okkur sem við gerum næstu helgi. Gæti jafnvel verið að við tökum eitthvað í vikunni sem er í kring um Tungu í túninu.

Það eru svo myndir af þessu öllu hér.

03.09.2012 15:27

Girðingarvinna,Gert klárt fyrir smölun og rollurnar.

Jæja allt búið að vera á fullu um helgina að reka niður staura ,strekkja net og negla og labba upp og niður brekkurnar. Það var girt um 800 metrar á laugardaginn og svo rest á sunnudaginn held að það hafi verið um kílómeter sem fór af neti og var þetta í kringum túnið í Tungu svo nú er orðið þessi fína rollugirðing tilbúin til að láta reka inn. Vandamálið verður hins vegar hvort þær rati út í Tungu því þær hafa alltaf verið reknar inn í Mávahlíð en girðingin þar er orðin svo léleg að ekkert helst þar inni svo er líka bara miklu betra að hafa þær þar sem þær eiga að vera og geta rekið þær inn í flottu fjárhúsin í Tungu. Svo allt er að verða reddý búið að moka undan og girða nú er bara að dúttla við að setja hlera á staurana við húsið og gera smá rétt þá verður þetta allveg glæsilegt.

Við smölum svo 15 sept og það verður stigað hjá okkur 20 sept.

Við fengum smá rigningu á okkur á laugardeginum en það stytti upp á milli svo beið okkar heitur matur í hádeginu og kaffi og kökur í kaffinu hjá Gerðu ekkert smá flott.

Hér eru Bói og Emil að negla.

Hér er svo Botnleðja með hrútana sína undan Topp.

Hér eru Mola og Snotru afkvæmi.

Önnur mynd af Topps sonunum og Botnleðju en þeir eru fallega bollangir enda er Botnleðja líka Grábotna dóttir svo þeir hafa lengdina í báðar ættir.

Gimbur undan Kríu og Storm.

Þessi er undan Frigg og Storm.

Litlu traktors ormarnir mínir sem eru farnir að slást um að fá að sitja í traktornum.

Jæja kæru vinir það eru svo fullt af myndum af þessu öllu saman hér.

Skrifað af Dísu

29.08.2012 17:20

Nýfædd haust lömb í Ólafsvík og sæðislömb sjást í návígi.

Þeir duttu heldur betur í lukkupottinn Óli og þeir þegar það bar ein rolla hjá þeim núna um daginn. Það var búið að gefa henni dauðadóm hún átti að vera geld og ónýt en hún bætti heldur betur fyrir það og kom með 2 gullfalleg lömb. Ég held að hún sé í eigu Brynjars.

Hér er hún með fallegu sumarhaust lömbin sín. Hún hefur verið í dekri hjá Óla og fengið að vera inni á nóttinni.

Ég fór í gær og náði mynd af henni þegar hún var rétt fyrir ofan fjárhúsið og notaði tækifærið til að taka fleiri myndir hjá þeim. Það er nefla svo skemmtilegt að sjá hvað þeir eru sniðugir bændur. Þeir eru með kartöflugarð og eru einnig að rækta gulrætur og fleira.

Óli er svo með Íslenskar hænur og einhverjar fleiri tegundir og það er svo vinalegt að koma því þær koma allar hlaupandi á móti manni.

Hér voru þrjár búnað stilla sér flott upp fyrir mig. Hann er líka með endur og svo dúfur sem hann er með heima hjá sér en ég held að í framtíðinni verði hann með þær líka þarna.

Brynjar er svo búnað vera byggja svakalega fínan hrútakofa fyrir þá svo nú ættu þeir að geta verið með nóg af þeim og fjölgað aðeins rollum. Það eru svo myndir af þessu öllu saman hér inn í albúmi.

Rakst loksins á hana Huldu hans Emils með gimbrarnar sínar og hér eru þær langar og fallegar undan Golíat Boga syni.

Gríðalega stór og langur sæðingur frá Sigga í Tungu undan Grábotna og Svört.

Hér er hinn á móti honum ekkert smá flottur. Ég er allveg rosalega hrifinn af honum.

Aþena með tvo hrúta undan Brimil Borðasyni.

Skrifað af Dísu

26.08.2012 14:54

Reiðtúr og meiri rollurúntur

Við vorum dugleg að fara á hestbak í síðustu viku en ekki er hægt að segja það sama nú um helgina enda búið að vera rosalega kalt úti og mikið rok. En í síðustu viku fórum við á gömlu klárunum í Fögruhlíð í berjamó eða réttara sagt étimó he he upp í Svartbakafell og var það rosalega gaman svo sama dag fórum við með Freyju og Bóa frá Varmalæk inn í Fögruhlíð og geymdum hestana þar. Daginn eftir fórum við svo með þau í étimó upp í Svartbakafell og nú eru hestarnir enn inn í Fögruhlíð og við bíðum eftir að það verði aðeins betra veður svo við komumst meira á bak og svo aftur til baka inn í Varmalæk.

Bói,Emil og Siggi eru á fullu núna um helgina að dæla út úr fjárhúsunum í Tungu og bera á túinn á meðan fer ég bara minn vanalega rollurúnt og það er alltaf að bætast eitthverjar nýjar við t.d. náði ég myndum núna af Móheiði,Rósulind,Skuggadís og Ísabellu.

Það getið skoðað það hér.

Hér erum við á leiðinni inn í Fögruhlíð ég,Freyja,Emil og Bói.

Hér er Ylfa með Gosa soninn ég er svo rosalega hrifinn af honum.

Hér er Móheiður með þrílembing undan Ronju og Sæðisgimbrina sína undan Sigurfara.

Hér er Rósalind með gimbrarnar sínar undan Golíat.

Hér er Skuggadís og Ísabella með tvo sæðishrúta undan Grábotna.

Ösp með hrútinn sinn undan Topp virkar fallegur og vel bollangur.

Skrifað af Dísu

21.08.2012 00:45

Benóný 3 ára, Oliver kveður og nýr fjölskyldumeðlimur væntanlegur.

Benóný varð 3 ára núna 19 ágúst og var afmælisveisla með Bubba byggir köku fyrir hann.

Það var rosalega gaman hjá honum og hann fékk flottar gjafir og dundaði sér vel og lengi með hvert dót svo það þurfti að elta hann til að fá hann til að opna næstu pakka sem hann fékk.

Embla fékk líka nokkra pakka og urðu boltar og hestar fyrir valinu enda elskar hún það og var allveg eitt bros allan hringinn. Það eru svo myndir af afmælinu hér.

Vel prakkaralegur svipur á honum þegar hann var búnað blása á kertin ; )

Það er svo sorgarsaga að segja frá því að Olíver kötturinn okkar varð fyrir bíl í gær 20 ágúst já það er svo sem hægt að segja að slysin gera ekki boð á undan sér og eru ótrúlega fljót að gerast. Hans verður sárt saknað enda búnað ganga í gegnum lífið með okkur í heil 10 ár svo þetta verða viðbrigði. Krakkarnir eru ekki en búnað taka eftir því að hann vanti en það fer örugglega að styttast í að þau spurji hvar er Kisa því þau hafa alist upp með honum frá því þau fæddust.

Það er nú líka saga að segja frá því hverning við fengum hann. Ég sá hann auglýstan sem blanda af norskum skógarketti og átti hann að verða loðinn svo ég keypti hann óséðan alla leið frá Kjalarnesi og borgaði 5000 kr fyrir hann og vinur minn sótti hann á flutningabil. Ég tók svo á móti honum voða lukkuleg og hélt hann yrði bara loðinn með tímanum en aldrei varð hann það svo það var aldeilis svindlað á mér þar. En hvað Olíver varðar var hann æðislegur karekter svo ég sé alls ekki eftir að hafa keypt hann og átt hann í öll þessi ár.

Til dæmis fór hann alltaf yfir í húsið á móti til Steina og Jóhönnu í heimsókn og eins kemur kötturinn þeirra í heimsókn til okkar hún Fjóla svo það verður einmannalegt fyrir hana greyjið núna enda er hún nýbúnað missa vin sinn sem var annar köttur á heimili þeirra en hann dó úr elli og hét Abel.

Það var þó ekki nóg því Steini og Jóhanna misstu líka hundinn sinn núna fyrir stuttu hana Dögg, hún var veikburða frá fæðingu en lifði allveg vel þar til hún veiktist og þá kom í ljós að nýrun störfuðu ekki rétt og margt annað svo hún var farin að kveljast greyjið og var þá ekki annað í boði nema svæfing og leyfa henni að fara til betri heima.

Já þetta er allveg svakalega mikill missir af gæludýrum hérna í götunni á stuttum tíma

og allt er þegar þrennt er það er nú gjarnan sagt að það deyji alltaf þrír í einu hérna í Ólafsvík af mannfólki en ekki vissi ég að dýrin myndu fylgja þessari skrítnu tilviljun eftir.

Hér er hann Olli kallinn blessuð sé minning hans.

Ég hef svo verið áfram dugleg að fylgjast með hvort að það bætist einhverjar nýjar rollur í rúntinn minn og já ég sá hana Ronju um daginn með Gosa þrílembingana sína en það ganga reyndar 2 undir henni og ein gimbur var vanin undir aðra.

Hér er hún Ronja með lömbin sín undan Gosa sæðishrút já það er tvílit ég veit ekki allveg skýringuna á bak við það en alla vega sæddi ég hana og 2 aðrar með sama strái og það kom hvitt úr hinum en svona hjá henni. Ég setti svo inn fleiri myndir inn í albúmið hér.

Hér er mynd frá Jóhönnu sem hún tók af Hnotu sinni með lömbin sín og eru þessu lömb undan Brimill okkar. Ég var svo að setja inn fullt af myndum frá Jóhönnu og smá frá mér inn á búa síðuna sem þið getið skoðað hér.

Jæja best að enda þetta svo á gleðifréttum því það er kominn tími til að ljóstra upp leyndarmálinu okkar um að nýr fjölskyldumeðlimur er væntalegur 19 desember.

Já ég er komin rúma 5 mánuði á leið svo það verður fjör hér á bæ ;)

Skrifað af Dísu

15.08.2012 20:11

Loksins almennilegur rollurúntur ;)

Jæja það hlaut að koma að því að ég gæti náð eitthvað af myndum af lömbunum. Það var rigning og þokubakkar niður með hlíðinni og þá færðu þær sig niður allavega hluti af þeim.

Ég fór líka og tók myndir af honum Týra heimaling sem stækkar með hverjum deginum enda vel frekur og gráðugur jafnvel stundum of ágengur og reynir að stanga mann en Gerða og Siggi redduðu því með að búa til skamma krók fyrir hann úr þrem hlerum sem hann er settur í þegar hann er óþekkur ekki ólíkt því og þegar ég set Benóný í stólinn þegar hann er óþekkur he he.

Jæja þetta verður bara svona stutt og lagott núna en heyrumst fljótlega aftur með fleiri fréttir af okkur og rollunum. Hér eru svo myndirnar sem ég náði núna.

Hér er hann Týri sem er undan Týru og Týr.

Hér eru tvær fallega flekkóttar undan Topp og Dóru og óska ég þess að þær komi vel út því ég er mjög spennt fyrir að setja allavega aðra á.

Hér er svo Ylfa með Gullmolann minn sem er sæðingur undan Gosa og ber ég miklar væntingar til hans og vonandi á hann eftir að standa undir þeim.

Hér er svo Kápa Toppsdóttir með hrút og gimbur undan Grábotna.

Hér er svo ein af stóru strákunum sem eru veturgamlir. Hér fremst er Stormur Kveiksson svo kemur Golíat Boga son og svo eru Brimill Borða sonur og Týr Mána sonur fyrir aftan en þið getið séð betri myndir af þeim inn í albúmi.

Hér má svo sjá hann Eldibrand sem er nýji heimilskötturinn í Tungu hjá Gerðu og Sigga

og það vekur mikla lukku hjá Benóný og Emblu að leika við hann.

Skrifað af Dísu

08.08.2012 01:10

Smá hestaferð og fleira.

Jæja það er búið að vera ósköp rólegt hér yfir blogginu hjá mér enda búið að vera nóg að gera. Emil er búnað vera róa frá Bolungavík og ég er búnað vera heima með krakkana en vera dugleg að fara á hestbak bæði inn í Fögruhlíð á gömlu klárana og svo með Freyju og Bóa inn í Bug. Ég fór líka með hestamannafélaginu í kringum Kirkjufellið á honum Grána og var það rosalega gaman.

Verslunarhelgin hjá okkur var bara róleg við fórum í bæinn og vorum í eina nótt og kíktum rúnt inn í Hveragerði næsta dag en ákváðum svo að fara heim um kvöldið. Við fórum svo daginn eftir inn í Stykkishólm með fændfólki okkar og kíktum á kaffi hús og fórum í sund.

Á mánudaginn fórum við síðan í reiðtúr með Bóa frá Görðum að Búðum fjörurnar og var það rosalega gaman. Freyja og Bói fóru á hestunum á föstudaginn yfir heiðina og út að Görðum og voru þar í tjaldvagninum sínum yfir helgina og tók Freyja svo bílinn og vagninn og við fórum á bak með Bóa á mánudeginum.

Ég hef ekki náð nógu góðum myndum af rollunum en þó eitthvað en var með fleiri sem ég hef óvart misst út úr myndavélinni svo ekki verður mikið gagn af þeim en það er eittthvað smá innlit inn í mynda albúminu ásamt öðrum myndum hér.

Við að koma upp á Búðum.

Þessi mynd væri allveg snilld ef hún væri ekki svona hreyfð en þetta er Emil á Dröfn og með Frey í taum.

Bói á leið í útreiðartúrinn með okkur frá Görðum.