04.03.2020 16:34

Ronja 5 mánaða og fleira

Ronja Rós var 5 mánaða 27 febrúar síðast liðinn.

Hún er orðin 6.100 gr og 65 cm .

Hún er enn jafn kát og er farin að taka vel eftir og ef maður segir hvar er kisa þá skimar

hún eftir Myrru kisunni okkar og eins ef maður segir nafnið hennar þá litur hún við.

Hún er farin að vilja bara vera á maganum þegar hún er lögð á teppið en verður fljótlega

þreytt og grúfir þá með hausinn ofan í teppið he he. Hún er farin að skoða vel í kringum sig

og skoða fingur og tær og teygja tærnar upp fyrir haus og reyna reisa sig upp.

Við erum farin að nota Bumbo stólinn bara lítið í einu smá á dag og það finnst henni mjög

spennandi. Hún elskar röddina sína og skrækir hátt og rífst við dótið sitt einnig elskar hún

Emblu og Freyju þegar þær eru að tala við hana þá ljómar hún og hlær. Hún hefur gaman

af að láta fíflast í sér og fangar alla athyglina á heimilinu með brosinu og kátínunni sinni.

Svo mannaleg í fanginu á pabba sínum.

Svo mikið yndi.

Gaman að máta hárbönd.

Fórum til Reykjavíkur um seinustu helgi.

Heimsóttum Fríðu frænku og Helga og Ronja var svo kát í heimsókninni.

Brosir svo fallega.

Orðin svo dugleg á maganum og reisir hausinn svo hátt upp.

Í Bumbo stólnum í vöggunni svo montin.

Brosandi með mömmu sinni.

Mamma dugleg með bollurnar sínar í árlega bolludagskaffinu hjá sér.

Freyja að hjálpa mér að baka muffins.

Hér eru þær að byggja snjóhús inn í Tungu bak við fjárhús.

Komnar í gegn búnað gera göng.

Benóný lukkulegur að prófa þetta hjá þeim.

Þau voru nú heldur glæfraleg Benóný,Embla,Freydís og Freyja inn í Bug að sýna mér

stóra góða brekku til að renna og svo héldu þau af stað og mér leyst ekkert á þau.

Þau létu sig svo hafa það og komu á fullri ferð niður og fannst voða gaman en voru

smá skelfingu lostinn yfir hvað þau fóru hratt he he enda var þetta frekar bratt niður.

Freydís svo dugleg að hjálpa til að gefa.

Hér eru svo Freyja og Embla búnað fara með sín föng í jötuna rosalega duglegar allar.

Það eru svo myndir af þessu hér inn í albúmi.

Tengill á færslu

Bæta við áliti

Sýna álit

04.03.2020 10:12

Seinni rúningur 22 feb

Arnar kom þar seinustu helgi og tók af fyrir okkur. Hann var eldsnöggur að þessu og þær

voru mjög rólegar hjá honum.

Stóru hrútarnir voru klipptir líka.

Hér er hann að störfum.

Embla og Freydís vinkona hennar fylgjast með og opna pokann fyrir ullina. Embla var

svo rosalega dugleg að hún var allann daginn með pabba sínum frá 10 um morguninn og

framm til klukkan 6 en Arnar kom rúmmlega 12 og kláraði fyrir 6 að rýja fyrir okkur og Sigga.

Freydís kom með mér í hádeginu og var svo með Emblu allann daginn svo þær voru

rosalega duglegar að hjálpa til.

Fallegir litir sem koma undan ullinni sumar mjög doppóttar.

Gemlingarnir vel vænir hér er ein undan Ask Kalda syni og Brussu. Brussa er undan

Máv.

Hér er hluti af gemlingunum nýklipptum.

Lambhrútarnir fyrir klippingu. Hér er Bolti.

Eftir klippingu hér er fremstur Gumma Óla hrútur undan Gosa frá honum sem er undan

Bjart sæðingarstöðvarhrút og fyrir aftann hann er hrútur frá Sigga sem er líka undan

Gosa frá Gumma svo er Bolti hans Kristins sem er undan Víking frá Bárði sem er undan

Skjöld frá Bárði og Dóru.

Hér er svo kolur búnað bætast í hópinn hann er undan Zesari frá mér og Kviku hann er

mógolsóttur.

Lóa að kíkja yfir hún er alltaf að príla.

Gemlingarnir hjá Sigga í Tungu.

Freydís að klappa Viktoríu og Emblu þessari gráu hún er undan Fáfni sæðishrút.

Hluti af stóru hrútunum.

Búið að gefa á garðann mislitar öðru megin og hvítar hinum megin.

Benóný og Svavar komu með í fjárhúsin um daginn áður en það var klippt.

Freyja alveg elskar að koma niður í kró hjá gemlingunum sem elska hana alveg jafn mikið.

Embla Marína að sópa.

Freydís og Freyja hjá Gemlingunum alveg umkringdar.

Freydís alveg umkringd.

Freyja Naómí í eltinga leik við þær.

Það eru svo fleiri myndir af þessu inn í albúminu.

Tengill á færslu

Bæta við áliti

Sýna álit

16.02.2020 21:01

Fósturtalning 2020 í Tungu

Núna á laugardaginn kom hann Guðbrandur Þorkelsson og fósturtaldi hérna í Snæfellsbæ og það var að koma víðast hvar mjög vel út og menn bara ánægðir með frjósemina.

Við erum mjög sátt bara við útkomuna hjá okkur nema ég var svekkt yfir einni veturgamalli sem ég sá aldrei ganga og hún var tóm svo hún er mjög líklega ónýt. Hún var með lambi í fyrra sem gemlingur en hefur eitthvað skemmst fyrst hún gekk ekki núna í haust.

Þessi kind er móbottnótt og er undan Eik sem skilaði sér ekki í haust og hún var líka móbottnótt svo sá litur deyr út hjá mér nema ég eignist þann lit í vor sem er frekar ólíklegt.

Hér er Bubbi að sóna og Emil að halda. Ég er að skrifa og stelpurnar okkar bíða spenntar

eftir að fá að vita hversu mörg fóstur eru í þeirra kindum. Hildur Ósk frá Hellissandi kom

og fylgdist með og tók myndir fyrir mig sem var mjög hentugt og gaman.

Hér er allt á fullu og Kristinn,Gummi Óla,Jóhanna,Þórsi og Hildur komu og aðstoðuðu mig

Emil og Sigga í skoðuninni.

Benóný átti í djúpum samræðum við Kristinn um rennibrautir og eru þeir hér í heitum

samræðum um hvernig rennibraut væri hentugust í Ólafsvík því Benóný hefur miklar

áhyggjur af því að snáka rennibrautinn er bara fyrir 8 ára og yngri og nú er hann orðinn

of stór fyrir hana og vantar nauðsynlega að fá nýja rennibraut í Ólafsvík.

Jæja þá er það útkoman úr talningunni hjá okkur.

Kindur alls 84 og 159 fóstur.

Eldri ær alls 58 sónuð 121 fóstur

13 með 3

27 með 2

8 með 1

Meðaltal 2,09

Veturgamlar ær alls 14 sónuð 25 fóstur

12 með 2

1 með 1

1 ónýt

Þessi sem er með eitt var sædd.

Meðaltal 1,79

Gemlingar 12 sónuð fóstur 13

3 með 2

7 með 1

2 með 0

Meðaltal 1,08

Þessir með 0 fengu reyndar í janúar svo kanski leynist í þeim ef það skeður sama og í fyrra

þá voru þeir sem fengu í janúar sónaðir tómir en voru svo með lömbum en það kemur þá

bara í ljós.

Vaskur er með 28 fóstur og 2 þrílembdar

Askur er með 27 fóstur og 3 þrílembdar. Askur er sá golsótti.

Bolti er aftari hrúturinn og Mosi sá fremri sem er búið að taka af.

Bolti er með 25 fóstur og 3 þrílembdar. Hrúturinn frá Kristni Bæjarstjóra sem er frá okkur

Mosi er með 23 fóstur og 3 þrílembdar. Hrútur frá Guðmundi Ólafs

Kaldnasi er með 14 fóstur

Kolur er með 15 fóstur

Bjartur er með 8 fóstur það er hrútur sem við fengum hjá Kristjáni Fáskrúðarbakka kollóttur.

Svarti Pétur er með 5 fóstur 1 þrílembda hann er frá Óttari á Kjalvegi.

Sprelli er með 2 fóstur hann er frá Sigga í Tungu undan Gosa hans Gumma Óla Ólafsvík.

Svanur er með 5 fóstur 1 þrílembda.

Þetta er mynd af Svan þegar hann var lambhrútur.

Drjóli er með 2 fóstur

Ákvað að setja þessa mynd inn til að lífga aðeins upp á veturinn sem er búnað vera svo

erfiður veðurlega séð svo við getum hlakkað til sumarsins en ég er nú ekki alveg klár

hvaða hrútar hér eru á ferðinni en þetta gæti alveg verið Drjóli annar þeirra en þetta er

tekið eitt vorið sem þeim var hleypt út eftir veturinn.

Sæðingar

Amor 1 fóstur

Mjölnir 1 fóstur

Mínus 2 fóstur

Móri 1 fóstur

Við fáum nú ekki mikið af sæðingum en það er þó allavega eitthvað.

Ronja Rós vaknaði í dag þegar ég var í fjárhúsunum svo við tókum hana inn með okkur

enda komin tími til að hún fari að venjast því að vera í fjárhúsunum he he.

Freyja er að sýna henni kindurnar.

Benóný,Svavar og Freyja fundu upp á skemmtilegum leik að leika sér ofan í síldartunnu

og rúlla sér inn í henni.

Benóný að fá sér hænu tíma. Hann elskar hænurnar inn í sveit hjá ömmu Freyju og afa Bóa.

Hér eru þær svo flottar.

Hér eru fleiri.

Hér er svo ein að lokinni hænu heimsókn.

Freyja og Embla með gemlingunum.

Fósturtalningin hjá Sigga kom líka rosalega vel út hann er með 33 kindur

og 7 gemlinga.

4 kindur með 3

21 með 2

1 með 1

Gemlingar

3 með 2

2 með 1

2 með 0

Látum þetta svo duga að sinni og það eru svo fleiri myndir hér inn í albúmi.

Tengill á færslu

Bæta við áliti

Sýna álit

12.02.2020 20:41

Vaskur kvaddi okkur um daginn

Það er mér með sorg í huga og vonbrigðum að tilkynna að Vaskur sem er lambhrútur frá okkur undan Ask Kalda syni og Hriflu sem er undan Hriflon dó hjá okkur um daginn.

Hann var búnað vera skrýtinn og vildi ekkert borða, svo sprautaði ég hann með pensilíni einu sinni og Siggi einu sinni en það var of seint hann hefur fengið fóðureitrun eða hlandstíflu og varð bráðkvaddur aðeins tveim dögum seinna eftir að hann veiktist.

Þessi hrútur var svo svakalega fallegur og ég var búnað binda svo geggjaðar vonir um hann. Sem betur fer var hann þó mikið notaður bæði hjá okkur, Gumma Óla Ólafsvík og Óttar á Kjalveg notaði hann líka svo vonandi fáum við einhvern erfingja frá honum.

Svo fallegur og hann var svo geðgóður orðin mjög gæfur og svo fljótur að lemba alveg topp

hútur á alla vegu en svona vill þetta oft vera þegar maður bindur miklar vonir við gripi

og þá fara þeir sem maður myndi síst vilja missa. En ég hef fulla trú á honum og hann

á eftir að gefa okkur einhvern þrusu hrút í haust.

Benóný og Embla að gefa kindunum brauð.

Freyja að klappa gemlingunum.

Embla svo dugleg að sópa jötuna.

Stelpurnar eru svo duglegar að hjálpa mér að gefa. Hér er Freyja að gefa.

Embla svo dugleg hún gefur jötuna yfirleitt ein því Freyja endar með að setjast í jötuna

og leika sér við lömbin .

Benóný að klappa stóru hrútunum.

Gemlingarnir hans Sigga í Tungu.

Freyja umkringd af gemlingunum okkar þeir eru nánast allir orðnir gæfir og sumir

allt of uppáþrengjandi.

Það styttist svo í fyrsta spenninginn á þessu ári en það er fósturtalningin og verður

hún núna um helgina það er að segja ef veður leyfir það spáir nú ekkert spennandi

eins og þetta ár hefur verið veðurlega séð þá er veðrið eiginlega hætt að koma manni á

óvart maður er eiginlega bara orðinn vanur að það sé alltaf vont veður.

Tengill á færslu

Bæta við áliti

Sýna álit

12.02.2020 13:17

Kinda þemu æði

Langaði að sýna ykkur hvað ég er mikið fyrir að skreyta heimilið með kindum og tók ekki eftir því fyrr en ég fór að pæla í því hversu mikið af kinda og hrúta skrauti ég á.

Hérna er þæfð kind sem ég fékk einu sinni í verðlaun og svo hin kindin var gjöf frá vinkonu minni og hjónin gaf mamma mér.

Þessi hrútur var gjöf frá vinkonu minni líka.

Þennan hrút gaf mamma mér.

Þennan hrút keypti ég einu sinni. Grjótið týndi ég inn í Mávahlíð ég er mikið fyrir steina

og á þá marga fallega til svo límdi ég hreindýramosa og berjalyng á steininn.

Þessar er ég með á eldhúsborðinu þetta er kertastjaki og svo dúkur sem Freyja tengda

mamma gaf mér frá Færeyjum.

Þetta er ég svo með á stofuborðinu hjá mér kindadúk og kinda gler disk.

Dúkurinn er frá Færeyjum.

Ég er með gæru sitthvoru megin á arminum á sófanum.

Kindabangsa og hrútapúða í stofusófanum.

Önnur gæra verkuð frá Þóru á Yrstu Görðum og er golsótt.

Þæfðar kindur frá Þæfingur.

Þessar þykir mér mjög vænt um og Irma vinkona gaf mér þær og þær eru frá Skotlandi.

Er með kinda gardínur í eldhúsinu.

Steinar semég málaði hrút og kindur á. Flotta tré húsið gerði Einar nágranni minn.

Málverkið er í miklu uppáhaldi það gerði Trausti Magnússon Ólafsvík og gaf mér.

Þessi er frá Færeyum og Freyja og Bói gáfu okkur hana.

Og þessa líka.

Freyja bjó þennan lampa til og mér þykir rosalega vænt um hann.

Þessi kemur frá mömmu og pabba úr Mávahlíð og er inn í stofu hjá mér.

Hvíta hrútinn fengum við í brúðargjöf og frábæru púðana fékk ég hjá Ólöfu Sveinsdóttur

nágranna konu minni hún prjónaði þá.

Skraut inn í stofu frá Brúðkaupinu okkar kortið og svo gestabókin sem ég bjó til sjálf.

Þennan frábæra lampa fengum við svo í brúðargjöf frá Jóa útgerðamanninum sem Emil

vinnur fyrir og Auði konunni hans og myndin er af hrútum frá mér Herkúles og Topp.

Þennan hrút gaf Irma vinkona mér frá Vestmanneyjum.

Þessar eru á ískápnum hjá okkur sú efri spilar og við fengum hana í Edinburg.

Hér er svo glæsilegi verðlaunagripurinn sem við fengum fyrir Máv á Sæðingarstöðinni.

Þessar gaf Emil mér og krakkarnir eina í afmælisgjöf og svo þessa

stóru og litlu fékk ég frá þeim í jólagjöf er alveg að elska þær.

Þessi eru svo æðisleg Ronja Rós á bleika kinda bangsann en ég á rúmfötin fékk þau

í jólagjöf í fyrra frá Jóhönnu og þau eru án efa uppáhaldsrúmfötin mín he he.

Svo á Ronja Rós líka kinda rúmföt sem Jóhanna saumaði fyrir hana.

Svo nú er þetta upptalið allt kinda æðið á heimilinu okkar.

Tengill á færslu

Bæta við áliti

Sýna álit

12.02.2020 10:58

Ronja Rós 4 mánaða 27 jan

Ronja Rós var 4 mánað þann 27 janúar og hún bræðir okkur á hverjum degi með fallega brosinu og glaðlyndi sínu. Hún er farin að snúa sér á fullu á báðar hliðar og nýjasta nýtt

hjá henni er að steypa sér alveg yfir á magann svo það er ekki lengur hægt að hafa augun

af henni meðan hún dundar sér á leikteppinu sínu. Hún er líka farin að skellihlæja og það er alveg mega krúttlegt. Henni er farið að klæja í góminn og nagar hendurnar á sér og á það til

að vilja naga puttana mína og hjá ömmu sinni mjög fast he he. Snuðið er eiginlega alveg farið að heyra sögunni til og hún vill bara puttann eins og Freyja systir sín okkur ekki til mikilla gleði því það er svo erfitt að venja þau af þessu þegar þau sjúga puttann.

Hún var 5740 gr og 63 cm í seinustu skoðun svo hún er orðin tæplega 6 kg.

Hér er prinsessan skælbrosandi og 4 mánaða upp á dag.

Krúttbomba með húfuna sem Karítas frænka gaf henni.

Sætar systur að ulla saman.

Að pósa fyrir mömmu sína.

Kósý að liggja á gærunni.

Aðeins verið að stylla henni upp he he með fína hárbandið sem Brynja frænka gaf henni.

Orðin svo dugleg að snúa sér yfir á magann og svo sterk og reist.

Alveg til í að snú sér á alla kanta og er farin að reyna komast áfram.

Komin með puttann upp í sig.

Hér er ég alltaf svo kát.

Svo falleg.

Í fyrsta skipti í bíó ekki alveg sátt í hléinu sem endaði með því að ég fór með hana út he he.

Annað hárband sem gerir mig svo krúttlega.

Með ömmu Freyju.

Með Huldu ömmu.

Svo flott með kindunum sínum.

Alveg komin í kindurnar hjá mömmu sinni.

Með Emblu sinni.

Það eru svo fleiri myndir hér inn í albúmi.

Tengill á færslu

Bæta við áliti

Sýna álit

21.01.2020 12:06

janúar 2020

Það er aldeilis búið að vera stormasamt veðrið á þessu nýja ári og hver lægðin búnin að taka við af hvor annari, skólahald búið að falla niður að hluta og kennt á sínu heimasvæði og engar rútur verið á milli skóla. Fyrsti almennilegi snjórinn lét svo sjá sig krökkunum til mikilla gleði en það var þó ekki mikið hægt að njóta hans fyrir kolbrjáluðu veðri upp á hvern einasta dag. Emil er aðeins búnað fara 4 róðra í þessum mánuði og það er kominn 21 jan en við sjáum bara

jákvæðu hliðina í staðinn sem er sú að við fáum að hafa hann heima hjá okkur og hann fær gæðatíma með Ronju litlu og nýtur hans í botn, því hann var ekki mikið heima þegar hin voru lítil þá var hann í öðruvísi bátaplássum og var mikið af heimann.

Freyja og Bjarki frændi hennar að leika sér í snjóhúsinu sem Bjarki og mamma hans bjuggu

til.

Stelpurnar á þrettándanum að sníkja í gogginn en það er hefð hérna hjá okkur.

Benóný var fangi að sníkja í gogginn og fór með Svavari vini sínum. Það veðraði allt í lagi

svo krakkarnir gátu farið í hús fram eftir kvöldmat og sníkt í gogginn.

Birgitta frænka kom með okkur í fjárhúsin í janúar og alltaf er jafn vinsælt að skella sér á

bak á Kaldnasa og gefa honum knús.

Hún var dugleg að hjálpa okkur að gefa.

Freyja með Lóu sína.

Stelpurnar að dekra við gemlingana sem eru flestir orðnir gæfir.

Gjöf jólagjöfin hennar Emblu stækkar vel og er mjög skemmtilegur karekter og svo

gaman af henni.

Hér er ein undan Ask og hin undan Gosa hans Gumma Óla.

Hér eru gemlingarnir.

Alltaf vinsælt að máta búninga hér er Birgitta Emý og Kamilla Rún frænkur hennar

Freyju Naómí.

Þetta var mesti snjórinn sem kom hjá okkur og ég þurfti að moka frá kattarlúunni svo

Myrra kisan okkar kæmist út en þetta er nú ekkert í líkingu við það sem er búið að vera

fyrir norðan hjá henni Birgittu kindavinkonu á blogginu þar má sko sjá mikinn snjó.

En ég fanga þessum snjó er alveg til í að hafa hann þá verður miklu bjartara úti og mér

finnst að þegar það er vetur er flott að hafa snjóinn þá er skemmtilegra fyrir krakkana

að geta farið að renna og leika heldur en að hafa allt autt og skítugt eitthvað

og allt svo þungt og drungalegt.

Hér eru Birgitta og Freyja að reyna renna í rokinu um daginn inn í sveit.

Það var svo hvasst að þær áttu í erfiðleikum með að halda í dýnuna.

Þennan dag lentum við í að það var svona allt í lagi með veðrið en frekar hvasst. Við

löbbuðum upp í fjárhús því það var svo mikill snjór frá íbúðarhúsinu í Tungu upp að

fjárhúsum en þegar við vorum búin að gefa þá skall á þessi þreifandi bylur og þvílíkt hvass

virði og ég treysti mér ekki til að labba með báðar stelpurnar og Jóhanna var með mér líka

og var hrædd um að týna hundunum því það sást ekkert út. Ég skellti mér út í þetta og labbaði með girðingunni og gat varla andað fyrir roki og þurfti að skríða með girðingunni

að húsinu hjá Sigga og fékk Sigga með mér til að keyra fyrir mig upp í fjárhús því hann

ratar betur að keyra upp túnið þar sem best er að fara svo maður myndi ekki festa sig.

Það gekk eftir og við komumst upp í fjárhús til að sækja þau sem betur fer og svo keyrði

ég heim og það var leiðinda skafrenningur og blint út af Geirakoti en svo var bara fínt

veður í Ólafsvík.

Hérna var gott einn morguninn inn í Tungu og fullt Tungl og þetta var einmitt lognið

á undan einum storminum.

Siggi var tvo daga heima þegar veðrið var sem verst og hann gaf fyrir okkur þá daga

og þá var líka lokað milli Ólafsvíkur og Grundarfjarðar og flestum leiðum á nesinu.

Rósin okkar hún Ronja Rós dafnar vel og hér er hún á kaffihúsi með okkur við þurftum að

skjótast upp á Akranes og Emil fór í eftirskoðun út af nýrnasteinunum og þeir voru farnir

og allt gekk vel. Við skelltum okkur í KB í leiðinni og keyptum fóðurbætir.

Embla Marína elskar svo mikið litlu sætu systir sína og Ronja elskar að heyra röddina

hennar Emblu þá ljómar hún og brosir. Hún er farinn að taka svo vel eftir og fylgjast með.

Hún vill helst reisa sig upp og sitja. Snýr sér yfir á báðar hliðar og dettur jafnvel á grúfu og

reynir að fara á magann svo það verður ekki langt þangað til að hún nær því.

Svo yndisleg og góð. Hún sefur alla nóttina vaknar aðeins 1 sinni til að drekka um 5

leytið og svo bara aftur þegar ég vek krakkana kl 7. Stundum vakir hún aðeins á meðan

ég kem krökkunum á fætur og græja þau en stundum sefur hún bara alveg til 11 hjá

pabba sínum meðan ég fer að gefa kindunum og kem aftur til baka og þá er hún enn sofandi.

Svo hún er alveg draumabarn og bræðir mann alveg með brosinu sínu. Hún er líka farinn

að spjalla alveg heilmikið og hjalar út í eitt.

Hér er hún Lóa að kíkja yfir og svo má sjá í hinn endann Óskadís og Kol lambhrút að kíkja

yfir það er mjög vinsælt hjá þeim. Við tókum stóru hrútana úr 18 jan og svo tókum við

Kol núna 21 jan úr veturgömlu. Mér til mikilla gremju þá gekk ein kollótta hún Vaíanna sem

ég sæddi með Móra upp á öðru gangmáli og það var ekki einu sinni rétt að hún væri að ganga aftur en hún hefur þá pottþétt haldið sæðinu en svo bara misst það ömurlegt.

En hún hélt þá eitt gangmál og gekk svo óreglulega upp allt í einu og fékk með Bjart kollótta hrútunum sem við fengum á Fáskrúðarbakka. Annars er allt bara í rólegheitum í húsunum

núna og gemlingarnir eru orðnir svo gæfir og skemmtilegir en stundum of mikið það er ein

grá sem prilar upp á mig í tíma og ótíma og hún er svo geggjaður karekter og hagar sér

stundum eins og geit. Hún stekkur á mig og bítur í rennilásinn á gallanum og nagar hann

og reynir að naga allt sem hún sér til dæmis um daginn var ég með heyrnatól að hlusta á

tónlist og snúran var hangandi á mér og hún gat auðvitað ekki staðist hana og reyndi eftir

mesta megni að éta hana he he en það slapp ég náði henni út úr henni áður en hún myndi

eyðleggja hana. Þarf endilega fara taka videó af gimbrunum til að sýna ykkur hversu

skemmtilegar þær eru orðnar. Læt þetta duga af sinni og það eru myndir af þessu hér inn

í myndalbúmi.

Tengill á færslu

Bæta við áliti

Sýna álit

07.01.2020 10:25

Gleðilegt ár og takk fyrir það liðna.

Gleðilegt ár kæru síðu vinir og þökkum kærlega fyrir innlitið á síðuna á liðnu ári.

2019 var mjög viðburðarríkt ár fyrir okkur fjölskylduna og stóð þar efst upp úr

viðbótin okkar í fjölskylduna hún yndislega og glaðlynda Ronja Rós.

Það kom verulega á óvart þegar við komumst af því að ég væri ólétt að hún myndi koma

í heiminn á mesta annatíma hjá mér í september og að ég þyrfti að vera ólétt á meðan

sauðburðurinn gekk yfir en það reddaðist allt með góðu móti og hún kom í heiminn

og fékk fullt af gleði og hamingju.Hún fyllti allar kröfur foreldra sína sem voru að springa úr stolti og umhyggju ásamt því að mamman fékk beina útsendingu af hrútasýningu í símann.

Við fórum svo til Tenerife í apríl og það var yndisleg ferð og Benóný fékk alveg að njóta sín

í vatnsrennibrautagörðunum Sía Park og Aqualandi og fékk ósk sína uppfyllta að fara þá

loks í Sia Park sem hann var búnað skoða fram og til baka á youtube.

Við ferðuðumst mikið innanlands líka í útilegu og fórum austur í sumarbústað og norður

í útilegur og svo aftur norður um verslunarmannahelgina. Ég átti frekar erfitt með alla

þessar útilegur því það var ekki eins auðvelt að vera ólétt í útilegu en þetta var allt saman

mjög gaman og mikið farið í sund með Benóný til að uppfylla drauma hans um að prófa

nýjar rennibrautir eins og var í Varmahlíð,Húsavík og Dalvík og hann var mest heillaður af rennibrautunum á Dalvík þær voru flottastar. Við fórum í okkar árlegu heimsókn til

Birgittu og Þórðar vini okkar sem er alltaf yndislegt að hitta og spjalla um okkar

sameiginlega áhugamál sem eru auðvitað kindur.

Heyskapur stóð stutt yfir og gekk mjög vel nema það endaði illa og það bilaði traktorinn en að öðru leiti hefur hann held ég ekki gengið svona hratt yfir. Sauðburður var mjög langur

þetta árið og seinasta bar 10 júní. Það heimtist svo ekki vel það vantaði talsvert af lömbum

og einnig voru afföll á kindum sem skiluðu sér ekki af fjalli. Lömbin voru annars væn og

dómar komu vel út. Askur heimahrútur undan Kalda sæðingarstöðvarhrút stóð efstur í lambadómum og var að koma vel út alhliða í öllu. Hann fór svo í afkvæmarannsókn núna

í vetur svo það verður spennandi að fylgjast með því næsta haust.

Við fengum svo verðlaun fyrir Máv 2019 fyrir besta lambafaðirinn og það var mjög mikil

viðurkenning fyrir okkur. Áttum ekki von á þvi að fá það ,okkur þótti til mikils vert að fá

hann inn á stöð og hvað þá að fá svo viðurkenningu fyrir lambafaðirinn það var geggjað.

Hann var líka mest notaði hrúturinn á stöðinni fyrsta árið sitt. Hann hefur svo haldið áfram

að standa sig og átti flesta af best dæmdu lambhrútunum núna sem lambafaðir á sæðingarstöðinni en þeir voru 31 talsins og hann átti flesta samfeðra hrúta eða 7 talsins. Það er svo gaman þegar maður sér ræktunina skila sér svona vel og það hvetur mann svo miklu meira áfram og sýnir manni að maður sé á réttri leið.

Það var svo keyptur Kastali með rennibraut inn í sveit hjá Freyju og Bóa og það fjárfestu

allar í því saman fyrir börnin og það vakti mikla lukku hjá þeim.

Það var skipt um þak á fjárhúsunum í Tungu hjá Sigga.

Ég fór mikið með krakkana að veiða síli það var svo yndislegt sumar 2019

hef ekki upplifað svona mikinn hita og logn í marga daga eins og það var í sumar.

Ég klöngraðist kasólétt með krakkana upp að Hofatjörn fleiri ferðir að veiða síli.

Freyja og Bói fengu hænuegg sem þau unguðu út og það vakti

rosalega mikla lukku hjá krökkunum að fylgjast með því og spekja

hænurnar sem eru núna orðnar vel stórar en eru einstaklega gjæfar.

Benóný er stundum alveg að ganga fram af ömmu sinni þegar hann hefur lokað sig inni

í gangi og verið með allt stóðið inni að leika og svo er allt þakið hænsna kúk he he.

Hann alveg elskar hænurnar og finnst það vera besta dýrið sitt.

Ronja Rós krúttsprengja bræðir alla með brosinu og gleðinni sinni. Hún varð 3 mánaða

núna 27 desember og er núna farin að skellihlæja af systrum sínum þegar þær eru

að hlæja og fíflast í henni. Það er svo alveg magnað að Myrra kisan okkar hún fylgir mér hvert fótmál þegar ég er með hana og þegar ég gef henni brjóst er kisan með mér og þá

á ég að klappa henni líka og svo leggst hún hjá okkur og er meðan ég gef henni og svo þegar við förum fram kemur hún fram líka. Myrra er mjög háð mér svo þetta var frekar

mikil breyting fyrir hana þegar ég var allt í einu komin með litið kríli sem fékk meiri

athygli en hún he he en hún er alveg alsæl með Ronju og virðist vilja passa hana og sefur

oft í rúminu okkar hliðina á rúminu hennar þegar hún sefur.

Skvísurnar okkar saman á gamlársdag.

Fallegu og yndislegu börnin okkar.

Emil stoltur pabbi með allar stelpurnar sínar.

Embla með stjörnuljós.

Freyja með stjörnuljós annars var hún frekar hrædd þessi elska og svaf af sér flugveldana.

Benóný var alveg að fýla þetta og tók virkan þátt með pabba sínum að skjóta upp.

Það var mikið skotið upp og mikil gleði.

Fallegar systur Freyja og Jóhanna með stelpurnar okkar.

Við mæðgurnar á gamlárskvöldi. Ronja í áramóta kjólnum sínum.

Embla var svo dugleg að hjálpa mér að gefa yfir hátíðarnar að hún var farin að gefa á aðra

jötuna alveg fyrir mig.

Freyja líka svo dugleg að hjálpa til þær gáfu saman á garðann hjá gemlingunum og

veturgömlu.

Benóný aðeins að sitja á Kaldnasa áður en ég færi með hann að sinna sínum kindum.

Ég verð að hafa þá í bandi rétt á meðan ég leita svo ég missi þá ekki á vitlausa kind.

Ronja Rós orðin svo sterk að vera a maganum svona smá stund í einu.

Við vorum heima um áramótin og Freyja,Bói,Jóhanna og Siggi i Tungu voru í mat hjá

okkur við vorum með úrbeinaðan lambahrygg sem Emil grillaði og svo nauta wellington

steik og þetta var rosalega góður matur. Eg held ég sé búnað taka svona mest allt saman

sem var áhrifaríkast á árinu 2019 og við fjölskyldan bjóðum 2020 velkomið og megi það

færa okkur ár fullt af spennu,tilhlökkun,afrek,gleði og hamingju.

Tengill á færslu

Bæta við áliti

Sýna álit

04.01.2020 17:59

Gleðileg Jól 2019

Gleðileg jól kæru vinir. Við fjölskyldan erum búnað hafa það gott yfir hátíðina ásamt því

að hafa haft nóg að gera í fjárhúsunum sem og heima. Það var stærsti dagurinn hjá okkur

í fjárhúsunum á aðfangadag og jóladag. Ég sæddi 12 kindur og það voru aðeins 5 sem

héldu tvær með Móra, ein með Mjölni,ein með Minus og ein með Amor.

Það hefur svo gengið frekar brösulega það fóru fram hjá okkur ein veturgömul og ein

þriggja vetra nema þær hafi verið búnað fá með lambhrútunum sem voru með kindunum

þegar við smöluðum það er alveg möguleiki að svo hafi verið. Annars hefur allt gengið og

við höfum leitt hrúta í hverja einustu kind sem hefur verið að ganga. Það er svo allur gangur

á því sumar ganga alveg í þrjá daga á meðan sumar ganga bara í einn dag. Við höfum leitt í

þær sem ganga í tvo daga en látið það vera ef þær ganga í þrjá daga.

Ég var einstaklega heppin að Emil var heima flesta dagana því það var svo mikil bræla í

desember svo ég fékk góða hjálp á fengitímanum frá honum og Jóhönnu.

Ronja Rós komin í jólafötin sín og tilbúin að eiga sín fyrstu jól.

Emil og Embla að undirbúa fyrir jólamatinn.

Hér er amma Hulda með gullin okkar.

Það var mikið gaman hjá okkur á aðfangdag það voru Jóhanna,Hulda mamma mín og

Freyja og Bói og svo var Steinar bróðir Emils með krakkana og við borðuðum öll saman

svo fór Steinar með krakkana yfir til sín að opna pakkana þeirra og Freyja og Bói með

honum og við opnuðum svo pakkana okkar með Huldu og Jóhönnu. Hér er þessi flotti

hópur Freyja Naómí okkar svo er Birgitta Emý og Kamilla Rún og svo Embla Marína

okkar og Alexander Ísar og svo Benóný Ísak okkar.

Þetta voru yndisleg jól umkringd fjölskyldu og hamingju.

Birgitta Emý með Ronju Rós.

Bræðurnir saman Emil Freyr og Steinar Darri.

Við fjölskyldan með fyrstu fjölskyldumyndina með Ronju Rós.

Mamma glæsileg hjá jólatrénu okkar.

Jóhanna að hræra í súpunni það er alltaf jólahefðin að Jóhanna gerir aspassúpu sem er

alveg ómissandi á jólunum. Svo gerir hún líka fyrir okkur brúna lagtertu sem er alveg

ómissandi líka og guðdómlega góð.

Ronja svaf vært á meðan við borðuðum jólamatinn.

Mamma með Freyju sína.

Freyja tengdamamma með Birgittu sína.

Benóný fékk brauðstangir í jólamatinn.

Alexander Ísar svo frábær strákur.

Emil fékk verkfærasett frá mér og krökkunum og var mjög ánægður.

Það vakti mikla lukku hjá Emblu að við pökkuðum inn mynd af mórauðri gimbur sem

ég fékk hjá Friðgeiri á Knörr og við gáfum henni hana í jólagjöf og það var auðvitað besta

gjöfin og hún skírði hana Gjöf.

Ég var búnað blogga áður um að þessi gimbur kom með mömmu sinni upp að fjárhúsum

rétt áður en skall á fyrsta vonda veðrið í vetur og kindin var svo róleg og góð að hún kom

inn eftir að ég lokkaði hana með heyi og voru þær mæðgur í húsunum hjá okkur í alla vega

viku og þar myndaði ég tengsl við hana og sá strax að þessi gimbur var mikill karekter og

var búnað gera hana frekar gæfa og þá bræddi hún mig alveg svo ég fékk þessa snilldar

hugmynd að heyra í Friðgeiri og athuga hvort hún væri föl.

Hér erum við saman komin á aðfanga dag. Emil,Steinar bróðir Emils og Hulda mamma, Freyja tengdamamma, Bói maðurinn hennar og Jóhanna frænka Emils. Krakkarnir sátu

svo saman við annað borð.

Benóný fékk Titanic módel frá ömmu Freyju og afa Bóa og er alveg alsæll með það.

Við og systkyni Emils og makar gáfum Freyju og Bóa þetta glæsilega hús í garðinn.

Ronja að opna pakkana með pabba sínum.

Embla og Freyja í peysunum sem við gáfum þeim í jólagjöf.

Svo kósý að lesa á pakkana við arininn.

Við fórum i árlega jólaboðið til mömmu á jóladag. Maggi bróðir og Erla komu vestur og

hittu alla og fóru svo aftur suður. Hér er mamma með Ronju Rós heima hjá sér.

Hangikjöt hjá Freyju og Bóa annan í jólum. Hér er Freyja,Kamilla Rún og Birgitta Emý.

Jóhann bróðir Emils með Ronju Rós.

Allir spila saman.

Stolt amma og afi með Ronju Rós.

Ronja Rós fór í fyrsta sinn inn í fjárhús og kindurnar voru mjög forvitnar um hana.

Birgitta kom líka með í fjárhúsin og fékk að setjast á Kaldnasa sem er alger barnagæla.

Benóný að klappa kindunum og orðinn fastur he he.

Embla hjá Hröfnu sinni hún var sædd með Móra og hélt.

Freyja með Vaíönnu sinni hún hélt líka með Móra.

Svo æðisleg feðgin Embla Marína og Emil út að borða á Hrauninu.

Jæja þá er ég loksins búnað koma þessu bloggi niður en ástæðan fyrir því að það kemur

svona seint er að desember er mjög annasamur mánuður hjá okkur bæði hvað varðar

jólin,börnin og auðvitað fengitímann í fjárhúsinu. Þessi jól voru svo sérstaklega mikil

um sig þegar maður er með litla prinsessu sem er á brjósti og þarf alla mína athygli

ásamt því að ég nái að sinna vinnunni í fjárhúsinu en allt gekk þetta að óskum og á ég

það mömmu allt að þakka hún hefur verið mín stoð og stytta með að passa Ronju meðan

ég var í fjárhúsinu. Emil lenti svo í því milli jóla og nýárs að fá nýrnasteina og fluttur upp

á Akranes en það gekk svo allt vel og Jóhann bróðir hans náði í hann og hann var smá

tíma að ná sér hérna heima en svo fer hann aftur í myndatöku eftir 3 vikur og athuga hvort

steinarnir séu ekki örugglega farnir.

Það eru svo myndir af jólunum hér inn í myndaalbúmi til hliðar á síðunni og þar má einnig

sjá allar myndirnar okkar á síðunni gegnum árin flokkuð eftir atburðum og dagsettningu.

Tengill á færslu

Bæta við áliti

Sýna álit

20.12.2019 13:19

7 ára afmæli Freyju,fengitími og sundmót hjá Emblu

Freyja Naómí var 7 ára 12 des. Hún var búnað bíða heillengi eftir þessum degi og jólunum

og nú er loksins komið að þessu hjá jóla stelpunni okkar sem er svo yndisleg og ljúf.

Hún missti báðar framtennurnar sínar fyrir stuttu voða krúttleg.

Freyja og Bjarki frændi hennar héldu upp á afmælin sín saman í íþrótta húsinu.

Hér er verið að opna pakkana saman.

Hér er Freyja Naómí með Ronju Rós systir sína.

Fengitíminn er byrjaður við byrjuðum að hleypa til 11 des.

Hér er Kaldnasi Magna sonur og Rósa hennar Emblu.

Það voru 15 sem fengu fyrsta daginn.

Svo sæddi ég föstudaginn 12 og laugardaginn 13 og þá voru alls 12 sem fengu.

Ég notaði Fálka á 2. Móra á 2. Mjölnir á 2 lömb. Mínus á 3 og Amor á 3.

Það hefur svo verið bara rólegt 3 til 4 nýjar á dag. Mér í hag þá hefur verið bræla

undanfarna daga svo ég hef fengið aðstoð frá Emil við að hleypa til og gefa svo

allt hefur gegnið mjög vel.

Þessi kind er frá Friðgeiri á Knörr og hún kom bara sjálf inn í tún og ég náði að loka hana

inn í túni með því að loka hliðinu með hlerum og Siggi rak hana svo inn í fjárhús.

Siggi smalaði svo þessum hóp um daginn og ég,Gummi og Óli fórum svo og hjálpuðum

honum að reka þær inn í fjárhús þær voru líka allar frá Friðgeiri.

Þessi birtist einn morguninn fyrir utan fjárhúsið þegar ég var að gefa. Ég sá bara glitta

í augu í myrkrinu og náði í vasaljós og sá þá að þetta var kind og ég fór svo bara að gefa

og hafði opna hurðina og setti hey fyrir utan og hún teygði sig í það og svo læddist ég út og prófaði að fara fyrir aftan hana og þá hljóp hún inn og gimbrin með henni en hún var svo

líka með hvítan lambhrút sem hljóp í burtu og ég náði honum ekki inn. Þessi kind er líka

frá Friðgeiri. Siggi náði svo lambhrútnum inn um kvöldið þegar hann fór að gefa og það

var hrútur frá Kvíabryggju. Alger snilld að þær séu bara farnar að skila sér sjálfar.

Gummi Óla kom svo með hrútinn sinn Mosa og hér er hann að störfum.

Við fáum hann lánaðan yfir fengitímann. Gummi er búnað hleypa til hjá sér.

Við notuðum Ask á allar sem við gátum áður en hann fór í afkvæmarannsókn til Gísla á

Álftavatni og Grettir Máv sonur frá Sigga fer líka þangað.

Ronja Rós krúttbomba er farin að brosa út í eitt og er voða kát.

Smá hreyfðir puttar með brosinu he he.

Embla Marína svo dugleg með litlu systir.

Hún Ronja er svo rosalega kát og glöð.

Embla og Aníta vínkona hennar kátar á sundmóti.

Flottar með verðlaunapening og heitt kakó eftir mótið.

Benóný í afmælinu hjá Bjarka og Freyju.

Hann er með lasertag byssu sem var mjög vinsælt í afmælinu að skipta í lið og keppa.

Skruppum í bæinn um daginn og þessi vakti mikla lukku í kidscoolshop.

Við gáfum svo kindunum og hrútunum ormalyf 30 nóv og dýralæknirinn kom svo 5 des og

bólusetti ásettnings gimbranar. Ég gerði mér svo ferð í Borgarnes og keypti lýsi og

fóðurbætir ásamt salt steinum.

Keypti svona lýsi núna. Það var frekar erfitt að hella úr þessu en Emil hellti þessu í fötu og

svo yfir í 2 l flösku og ég gef það þannig á garðann.

Hér er komið fengieldið og ég lét mig hafa það að ferja þetta ein inn í fjárhús úr bílnum.

8 poka af fóðrubætir. 3 fóðurstampa og 6 salt steina.

Keypti líka svona fóðurstampafötur fyrir fengitíma.

Embla og Freyja á jólatónleikum hjá barnakórnum í kirkjunni.

Embla og Aníta á tónleikunum.

Að baka piparkökur í skólanum.

Það eru svo fleiri myndir af þessu í myndaalbúmi hér.

Tengill á færslu

Bæta við áliti

Sýna álit

25.11.2019 16:46

Liflömb hjá Guðmundi Ólafs Ólafsvík

Þennan hrút setur Gummi á og hann er undan Gosa sem er undan Bjart sem var á sæðingar

stöðinni og kind frá honum sem heitir Líf.

40 ómv 3,7 ómf 4,5 lag 103 fótl

8 9 9 10 9,5 19 8 8 9 alls 89,5 stig.

Þessi svarta er undan Steinunni frá Gumma og líka Gosa Bjartsyni.

53 kg 42 ómv 4,3 ómf 5 lag 112 fótl 9,5 framp 18,5 læri 8 ull 9 samræmi.

Þessi er undan Gosa líka og Dóru.

52 kg 37 ómv 2,5 ómf 5 lag 99 fótl 9,5 framp 19,5 læri 7,5 ull 9 samræmi.

Þessi er gemlingslamb undan Gosa líka og Lullu.

57 kg 39 ómv 4,5 ómf 4,5 lag 112 fótl 9,5 framp 19 læri 7,5 ull 9 samræmi.

Þessi gráflekkótta er fjórlembingur og er undan Tinna sem er Dreka sonur og Blesu.

48 kg 33 ómv 45 ómf 4,5 lag 107 fótl 9 framp 19 læri 7,5 ull 9 samræmi.

Þessi golsótta er óstiguð hjá honum en er undan Tinna Dreka syni.

Þessi móflekkótta er undan Tinna Dreka syni og Uglu.

44 kg 30 ómv 3,8 ómf 4 lag 107 fótl 9 framp 18 læri 7,5 ull 8,5 samræmi.

Þessi svartflekkótta er óstiguð og ég held hún sé undan Tinna Dreka syni.

Þetta er alveg stórglæsilegur hópur hjá honum og verður spennandi að sjá ræktunina

hjá honum. Það er svo leitt að segja frá því að hann missti þennan Gosa frá sér hann

drapst en vonandi erfir Gosa sonurinn hans eiginleika hans og heldur áfram að gefa

þessi frábæru lömb.

Þetta eru lömbin sem við vorum að reyna ná í Búlandshöfða um daginn og misstum.

Gummi ,Óli, Kristinn og Siggi fóru með hundinn hans Óla og þeir náðu þeim.

Þá kom í ljós að þau komu alla leið frá Stykkishólmi og eru frá Guðmundi syni

Gussa í Stykkishómi.

Það eru svo fleiri myndir af þessu hér inn í albúmi.

Tengill á færslu

Bæta við áliti

Sýna álit

25.11.2019 16:38

Tekið af kindunum 23 nóv

Arnar Ásbjörnsson kom til okkar á laugardaginn og tók af kindunum og það gekk rosalega vel

Siggi,Bói og Jóhanna sáu um að aðstoða mig því ég gat ekki verið neitt við því ég þurfti að

sinna börnunum og Emil er enn þá fyrir austan svo ég er ofboðslega þakklát fyrir að geta

fengið svona frábæra aðstoð frá þeim. Ég kikti þó á þau og gaf þeim hádegismat og smellti

nokkrum myndum af þeim.

Hér er Jóhanna,Bói og Arnar .

Siggi, Arnar og Jóhanna.

Hér er Arnar að störfum og þetta skot gekk hjá honum.

Hér eru svo dömurnar vel klipptar og fínar.

Og hvítu kindurnar líka svo núna hefst alvaran hjá mér að fara gefa alla daga.

Þetta er glæsilegt að vera búin að þessu og núna þarf ég bara drífa mig að gefa þeim

ormalyf sem ég gleymdi að láta gera um leið og tekið var af og svo þarf ég að gera

mér ferð og kaupa fóðurbætir og allt sem tengist fengitímanum.

Tengill á færslu

Bæta við áliti

Sýna álit

22.11.2019 12:50

Kindunum smalað heim 16 nóv

Ég stoppaði hérna við Búlandsgilið og fór svo framm að brúninni til að kíkja niður í

Búlandið hvort ég sæi Sigga með kindurnar. Jóhanna og krakkarnir voru með mér í

bílnum og svo þegar ég fór upp í hlíð tók Jóhanna við bílnum.

Þar var ekkert að sjá svo hann er kominn aðeins lengra með þær.

Hér er hann búnað ganga með þeim undir allann Höfðann og er að koma með þær

inn á Mávahlíðarhelluna.

Hér er hann á eftir þeim og fjallið í fjarska er Ólafsvíkur Enni.

Þær styttu sér leið og fóru undir vegriðið og héldu sig svo fyrir ofan veg í átt að

Mávahlíð.

Ég fór upp í hlíð með Bjarka Stein og Emblu Marínu sem stóðu sig svo vel að

fara með mér lengst upp i hlíð.

Fallegt útsýnið úr hlíðinni. Hér má sjá inn í Fróðarhreppinn og húsið með bláa þakinu

er Mávahlíð og svo Mávahlíðarvaðalinn.

Ég sendi svo krakkana niður og ég hélt áfram að ganga hlíðina í átt að Fögruhlíð.

Þau voru ánægð að sjá klaka og flýttu sér að hlaupa á hann.

Hér er ég komin alla leið inn í Fögruhlíð og Siggi fór svo upp hinum megin til að koma á

móti mér og ég asnaðist til að labba fram hjá rokkrum kindum svo ég þurfti að ganga

aftur upp og fara til baka í átt að sumarbústaðnum hennar Maju og ná þeim niður.

Hér er útsýnið úr hlíðinni yfir í Fögruhlíð.

Hér er Siggi kominn niður með þær.

Hérna erum við svo komin niður í Tungu og reka þær inn. Þær voru frekar óþekkar við

okkur og vildu ekki fara inn hrukku eitthvað við og tóku straujið aftur út og úr því hófst

smá eltingarleikur sem endaði þó með því að við náðum þeim. Það voru svo tveir

lambhrútar með í þessu og voru þeir frá Kvíarbryggju. Nú er bara krossa fingur að engin

sé fengin. Það vantaði tvær kindur eina frá mér og eina frá Sigga og teljum við ekki

líklegt að þær séu lifandi því þær ganga á sama stað og þessar kindur sem við vorum að

sækja svo það er skrýtið að þær hafi ekki komið. Það gæti þó verið að þær hafi orðið

eftir einhvers staðar en allavega höfum við ekki séð þær enn þá.

Emil er farinn að róa og byrjaði á því að fara alla leið á Raufarhöfn og svo yfir á Neskaupstað

og er hann að fiska vel þar. Ég er ein heima með börnin og nóg að gera en ég fæ góða

aðstoð bæði frá mömmu og tengdamömmu ef mig vantar eitthvað. Siggi gefur kindunum

á kvöldin og ég hleypi þeim út á morgnana og sópa og gef lömbunum og hrútunum.

Mamma kemur til mín 8 á morgnana og passar Ronju meðan ég fer að gefa. Það eru

3 gimbrar orðnar gæfar og einnig 2 lambhrútar sem Siggi var búnað spekja það er

Vaskur undan Ask og svo Bolti í eigu Kristins Bæjarstjóra já Kristinn fann þetta flotta

nafn og mér finnst það passa mjög vel við hann. Hann var með tvö nöfn í huga Prúður eða

Bolti og ég hallaðist meira af Bolta því ég hef ekki heyrt það áður sem hrútanafn og

finnst það mjög flott og passa vel við hann.

Arnar er svo að koma og taka af fyrir okkur á laugardaginn og eftir það byrjar alvaran

að fara gefa fulla gjöf en ég er svo heppin að mamma er svo yndisleg að vakna og koma

til mín og passa á meðan ég fer að gefa svo þetta á bara eftir að ganga vel.

Ég komst ekki á kynningar fundinn um sæðingarstöðvarhrútana því ég vildi ekki vera svona

lengi frá Ronju því hún er á brjósti. En Gummi.Óttar og Siggi fóru og ég á eftir að fá

fréttir hjá þeim hverju þeir mæla með og hvað er spennandi að nota.

Við kíktum í fjárhúsin hjá Bárði og Dóru á Hömrum um daginn og ég tók nokkrar myndir

Hér eru lambhrútarnir hans þessi svarti er undan Jökli frá Bergi og þessi hvíti er undan

Hnykil frá Neðri Hól. Hinn hvíti er frá Bárði sjálfum og hann fer til sonar hans sem var

að kaupa jörð og er að fara byrja búskap.

Hér er hluti af gimbrunum hjá þeim.

Falleg hvít gimbur hjá þeim.

Hér er Víkingur sem ég notaði hjá Bárði hann er undan Skjöld hans Bárðar.

Þessi hvíti er Einbúi og er hann sameign hjá mér og Bárði en ég hef lítið notað hann því

hann er svo mikið skyldur mínu fé.

Knarran og forrystu hrúturinn hans Bárðar.

Flottur forrystu hrúturinn hans Bárðar.

Það eru svo fleiri myndir af þessu hér inn í albúmi.

Jæja læt þetta duga að sinni

Kveðja Dísa

Tengill á færslu

Bæta við áliti

Sýna álit

22.11.2019 12:32

Ronja Rós í nóvember

Ronja Rós stækkar vel og er hér að æfa sig að halda höfði.

Alltaf stuð í sveitinni hjá Freyju ömmu og Bóa afa og fá pönnu kökur á sunnudögum.

Hérna eru frænkurnar saman Freyja Naómí ,Birgitta Emý og Embla Marína.

Hænurnar eru þar í miklu uppáhaldi.

Ronja Rós komin með þetta fína leikteppi.

Benóný var aldeilis hissa og glaður þegar þessi hæna sem heitir Svarthvít gerðist laumu

farþegi með ömmu og afa og hoppaði upp í bíl og fór með þeim til Ólafsvíkur og heim til

Benóný það fannst honum alveg æðislegt eins og sést á myndinni, hann alveg ljómar.

Hún er farin að brosa svo fallega og hjala aðeins.

Svo fallegar systur.

Hænurnar við eldhús gluggan hjá Freyju í sveitinni.

Svo mannaleg.

Heimsókn í fyrsta sinn í sveitina til ömmu og afa.

Freyja búnað missa báðar framm tennurnar og missti svo aðra núna í gær hliðina á svo

hún er tannlaus greyjið he he.

Aðeins að máta kinda föt fyrir mömmu sína.

Það eru svo fleiri myndir af henni inn í albúmi hér og hér.

Tengill á færslu

Bæta við áliti

Sýna álit

10.11.2019 14:12

Ásettningur hjá Sigga í Tungu

Þessi er frá Sigga og er undan Fönn og Hlúnk Máv syni frá Sigga.

44 kg 32 ómv 2,7 ómf 4,5 lag 110 fótl

9 framp 18,5 læri 9 ull 9 samræmi

Þessi er undan Hláku og Grettir Máv syni frá Sigga.

47 kg 31 ómv 2,8 ómf 4 lag 111 fótl

8,5 framp 17,5 læri 9 ull 9 samræmi.

Þessi er undan Stygg og Grettir Máv synir frá Sigga.

45 kg 31 ómv 3,1 ómf 4,5 lag 110 fótl

8,5 framp 17,5 læri 8 ull 8,5 samræmi.

Þessi er undan Fönn og Hlúnk á móti hinni.

49 kg 29 ómv 3,1 ómf 4,5 lag 110 fótl

9 framp 18,5 læri 9 ull 8,5 samræmi.

Þessi er undan Lottu og Gosa sem er Bjart sonur frá Gumma Óla Ólafsvík.

46 kg 36 ómv 1,8 ómf 4,5 lag 110 fótl

9 framp 18,5 læri 8 ull 9 samræmi.

Þessi er undan Gránu og Grettir Máv syni frá Sigga.

48 kg 34 ómv 3,5 ómf 4,5 lag 110 fótl

9 framp 18,5 læri 8 ull 8,5 samræmi.

Þessi er undan Hélu og Ask Kalda syni frá okkur.

48 kg 33 ómv 3,3 ómf 4,5 lag 108 fótl

9 framp 18 læri 7,5 ull 9 samræmi.

Þessi hrútur er unda Röst og Gosa sem er Bjart sonur frá Gumma Óla Ólafsvík og hann

er þrílembingur.

51 kg 36 ómv 3,2 ómf 4,5 lag 110 fótl

8 9 9 9,5 9 18,5 7,5 8 9 alls 87,5 stig.

Það eru svo fleiri myndir af ásettningnum hans hér inn í albúmi.

04.03.2020 16:34

Ronja 5 mánaða og fleira

04.03.2020 10:12

Seinni rúningur 22 feb

16.02.2020 21:01

Fósturtalning 2020 í Tungu

12.02.2020 20:41

Vaskur kvaddi okkur um daginn

12.02.2020 13:17

Kinda þemu æði

12.02.2020 10:58

Ronja Rós 4 mánaða 27 jan

21.01.2020 12:06

janúar 2020

07.01.2020 10:25

Gleðilegt ár og takk fyrir það liðna.

04.01.2020 17:59

Gleðileg Jól 2019

20.12.2019 13:19

7 ára afmæli Freyju,fengitími og sundmót hjá Emblu

25.11.2019 16:46

Liflömb hjá Guðmundi Ólafs Ólafsvík

25.11.2019 16:38

Tekið af kindunum 23 nóv

22.11.2019 12:50

Kindunum smalað heim 16 nóv

22.11.2019 12:32

Ronja Rós í nóvember

10.11.2019 14:12

Ásettningur hjá Sigga í Tungu

Tenglar

Tenglar

Tenglar