Á laugardaginn 17 sept mættum við í Tungu kl hálf 9 og var þar flottur hópur af smölum saman komnir. Hannes á Eystri Leirárgörðum kom með syni sína tvo Kristinn og Tómas en Tómas var reyndar kominn á föstudeginum. Emmi Tóti vinur okkar og Magnús sonur hans og Kristinn og fóru þeir ásamt Sigga upp á Fróðarheiði og munu svo ganga þar upp og koma niður á Svartbakafellið inn í Fögruhlíð. Emmi Tóti,Kristinn og Magnús fara svo niður í hlíðina í Hrísum og koma þar niður meðan hinir halda áfram upp í fellið. Maja systir,Óli mágur og Bói ásamt mér og dætrum mínum Emblu og Freyju og vinkonum þeirra Eriku og Heklu og Benóny syni mínum og vini hans Hrannars fórum upp inn í Fögruhlíð og förum þaðan upp á Sneið og fylgjum gamla rafveituveginum upp á fjall og kíkjum upp í Urðir og sjáum þar vel yfir í Svartbakafellið okkar megin og Óli hækkar sig svo fer alveg að rótum Kaldnasa til að sjá í Bjarnaskarðið. Krakkarnir voru svo svakalega duglegir að labba með okkur því þetta er talsvert labb og allt upp í móti og þau stóðu sig eins og hetjur. Bói fór niður að Rjómafossi og yfir í Svartbakafellið og Embla og Erika fóru með honum yfir til að standa fyrir í fellinu svo kindurnar sem Siggi og þeir koma með fari ekki aftur upp í fjall því þær hafa oft reynt að taka á rás upp í Svartbakafellið okkar megin og fara þá upp fyrir Rjómafoss og lengst upp á fjall. Maja fór aðeins ofar en ég og tók Freyju og Heklu með sér og ég varð eftir fyrir neðan Urðirnar með Benóný og Hrannari og við biðum eftir að hinir væru búnað koma sér í sínar stöður og Óli kæmist í veg fyrir kindur sem voru alveg lengst uppi en þær sneru á hann og tóku straujið upp einhvern foss og ruku í gegnum Bjarnarskarðið. Við héldum svo áfram og allt gekk vel að koma þeim niður nema ein kind sem fór á undan okkur niður náði að fara niður Sneiðina og enda upp í klettum fyrir ofan Fögruhlíð og ég ákvað að príla á eftir henni og náði að elta hana eftir klettunum að Tröð en þá játaði ég mig sigraða eftir að vera búnað koma mér í sjálffeldu nokkrum sinnum og snúa við og fara neðar svo ég kæmist og þá fór ég niður því allir hinir voru löngu komnir niður og farnir að reka féið inn í Tungu svo við sækjum hana seinna en hún var aðkomu kind ekki frá okkur og þess vegna streyttist hún svona mikið á móti að fara niður því hún rataði ekki leiðina.

Hér eru krakkarnir lukkulegir á pallinum hjá Óla áður en við lögðum af stað upp á fjall.   Hér halda vaskir smalar af stað.   Flottir vinir Benóný Ísak og Hrannar þeir stóðu sig svakalega vel og voru svo duglegir.   Hér eru stelpurnar að hvíla sig á leiðinni upp og komnar vel upp á leið.   Komin aðeins hærra og komin vel upp. Sést hér Ólafsvíkur Enni í baksýn.   Hér erum við komin upp á fjall og farinn að sjá Kaldnasa og þar sem þokan er þar fer Óli mágur upp á fjall við rætur Kaldnasa.   Hér er Benóný ,Bói, Embla,Erika og Hrannar kominn lengst upp og í baksýn má sjá Rjómafoss og Svartbakafellið. Bói og stelpurnar fara núna að labba niður á við og færa sig yfir Rjómafoss gilið og komast þar yfir til að standa fyrir í Svartbakafellinu og þar verða stelpurnar fyrir neðan og Bói fyrir ofan.   Hér eru Hrannar og Benóný á niðurleið eftir að við vorum búnað vera bíða uppi í dágóða stund meðan við biðum eftir að kindurnar færu af stað niður svo fór ég áfram inn hlíðina á eftir þessari einu sem stakk sér undan.   Útsýnið hjá mér þar sem ég var að klöngrast upp í klettum eftir kindinni sem ég missti út hlíðina. Hér sést niður í Fögruhlíð og Kötluholt og að Ólafsvíkur Enni og Ólafsvík.   Hér eru svo smalarnir komnir niður og við erum að nálgast kindurnar inn í Tungu.   Hér eru Bói, Óli, Hannes og strákarnir hans Kristinn og Tómas.   Flottur hópur af smölum að reka inn.     Hjónin Hildigunnur Hjálmarsdóttir og Þórir Gunnarsson sem ég var að hitta í fyrsta sinn og við erum þremenningar í föðurætt mína voru svo yndisleg að koma inn í Tungu til Sigga og færðu öllum svakalega góða fiskisúpu þá bestu sem ég hef smakkað og hún sló alveg í gegn hjá öllum og þau alveg  dekruðu við okkur, alveg yndislegt að kynnast þeim. Þau hjónin búa á Rifi í tankhúsinu glæsilega og Siggi er að vinna hjá þeim og þau buðu honum að koma og sjá um súpu fyrir okkur þegar þau fréttu  af því að við værum að fara smala.   Það voru flottar kræsingar með kaffinu Jóhanna sá um að gera glæsilegar brauðtertur og Helga hans Kristins kom með mest allt hitt alveg glæsilegt hjá þeim.   Jóhanna gerði líka þessa glæsilegu rækjubrauðtertu.   Flottu smalarnir okkar sem eru svo full af áhuga um sauðfjárræktina og nú er Ronja Rós  yngsta okkar komin með þeim að kíkja á kindurnar.   Hrafntinna hennar Jóhönnu með lömb undan Ljúf.   Óskadis með hrútana sína undan Dökkva.   Krakkarnir að tala við Hrafney sem er svo einstaklega gjæf. Hér er Hekla Mist ,Freyja Naómí,Hildur Líf og Ronja Rós.   Prímus og Bassi báðir veturgamlir.   Ósk með þrílembingana sína sem gengu allir undir og eru undan Diskó.   Mórauðu lömbin hérna áberandi falleg hrúturinn sem er efstur var settur á hjá okkur. Þetta er Móna Lisa með sín lömb mórauðu uppi í horninu svo er Kolfinna svört kind með hrútana sína undan Óðinn og fyrir neðan er Melkorka golsótt með móbottnótt lömb gimbur og hrút.   Maja systir að hjálpa okkur að reka inn.   Þórarinn Sigurbjörn betur þekktur sem Bói og fæstir vita hans rétta nafn he he.   Kristinn bæjarstjóri og Gunnar Ólafur Sigmarsson mágur minn.   Siggi efstur og svo er Embla fyrir neðan og hér er verið að reka inn.  Þá er þessari smölun lokið og við tekur spennandi dagur að vigta og svo dæma lömbin.

Á föstudeginum 16 sept fórum við kl 9 um morguninn og smöluðum Búlandshöfðann i róleg heitum.

Ég og Kristinn og stelpurnar minar og vinkona þeirra Erika og löbbuðum að höfðabrekkunni Grundarfjarðar megin og náðum að aðskilja að mestu leiti okkar fé og Bibbu frá Grundarfirði því hennar fé og okkar er farið að blandast aðeins saman í Höfðanum.

Emmi Tóti og Emil voru á bílnum að fylgjast með ef eitthvað þyrfti að grípa inn í svo fórum við aðeins í kaffi til Sigga þegar kindurnar voru komnar fram fyrir Búlandshöfðann og inn á Mávahlíðarhelluna.

Næst komu Siggi og Tómas sonur Hannesar á Eystri Leirárgörðum og Gummi Ólafs Ólafssvík og frændi hans Magnús Óskarsson.

Siggi,Kristinn og Tómas fóru upp í Búlandshöfða og kíktu upp í Grensdali og svo upp við Höfðakúlurnar og það var ekkert þar en við

Emil rákum augun í mórauða gengið okkar sem var fyrir ofan útsýnispallinn í Búlandshöfðanum svo ég varð að fara upp í hlíð þar og fikra mig þar yfir það er mjög bratt að fara þar og ekki fyrir lofthrædda og Emil er alltaf mjög stressaður þegar ég fer þar upp en mér finnst það bara gaman er svo vön að fara þarna að ég finn ekki mikið fyrir því sérstaklega þegar það er nokkuð þurrt þá er það allt í góðu lagi. Þær fóru svo af stað þegar ég komst að þeim en reyndu þó að fara upp á fjall hinum Mávahlíðar megin við Höfðann og þar geta þær komist upp en þar voru Siggi,Kristinn og Tómas og hóuðu svo þær kæmust ekki upp aftur og þær húrruðu alla leiðina niður á veg. Þar tók Emmi Tóti,Maggi og krakkarnir við þeim og Gummi tók Mávahlíðarrifið. Við héldum svo áfram og tókum alla 

Mávahlíðina og Fögruhliðina,Sneiðina og svo í framhaldi af því Kötluholt og svo var allt rekið heim að Tungu.

Hér er ég og Kristinn að ganga undir þjóðveginum fyrir neðan Búlandshöfðann.   Hér tökum við eftir að Emil er fyrir ofan okkur að taka mynd.   Kristinn ánægður með reksturinn.   Hér eru stelpurnar svo duglegar að smala með okkur í Búlandshöfðanum.   Hér halda þær áfram eftir kindagötunni niður við sjó fyrir neðan Búlandshöfðann.   Þetta er leiðin sem ég er að fara labba ég kem þarna upp á grasbalann sem er fyrir neðan efstu klettana og svo geng eg þarna fyrir hornið á klettinum sem stendur upp á horninu og fer þaðan yfir í Mávahlíðina. Þið sjáið svo þjóðvegin hér í Búlandshöfðanum.   Hér er ég að fikra mig upp í kletta i Höfðanum.   Hér sést ef vel er að gáð smá hvít upp við klettana og það er ég á leiðinni að fara upp með klettunum og yfir.   Hér sést í hliðina sem ég er að fara ganga og takið eftir klettaberginu sem er frekar blautt.   Hér er búið að súma að myndina og hér sjáiði mig við blauta stuðlabergið þetta er mjög erfitt svæði og það voru frekar erfiðar aðstæður bleyta og sleipt að labba en útsýnið yfir er alveg truflað það er svo fallegt.   Komin yfir og farin að sjá í Ólafsvíkur Enni og Mávahlíðar helluna.   Kindurnar halda vel áfram fyrir neðan veg.   Hér sést hvar Kristinn og Tómas eru upp á fjallinu að hóa á mórurnar þegar þær ætluðu að snúa á mig og fara aftur upp á fjall.   Hér sést niður í Mávahlíðarlandið og fjöruna.   Mávahlíðargilið í allri sinni fegurð.   Hér eru stóru hrútarnir Kolur og Dagur fyrir ofan Mávahlíð.   Hér eru stóru hrútarnir fremstu Ljúfur,Ingibergur,flekkóttur frá Gumma Óla  Prímus,Ljómi og Diskó.   Hér er útsýnið úr hlíðinni og hér sést niður í Mávahlíð og Tröð sem er bærinn hliðina á.   Nú er ég efst upp við kletta fyrir ofan Fögruhlíð að bíða eftir að Siggi komi niður Sneiðina og með fram klettunum á móti mér svo við getum rekið saman niður.   Hér eru skvísurnar alveg klesstar upp við klettana og hér sést hversu brött hlíðin er það er smá kindagata alveg upp við sem ég fylgi eftir þegar ég fer á eftir þeim en þetta er alls ekki fyrir alla að fara því þetta er rosalega hátt og bratt.   Hér erum við komin niður í Fögruhlíð og allt gekk vel að reka saman niður.   Nú er ég komin yfir í Tungu að standa fyrir þar upp í hlíð fyrir ofan fjárhús og þá náði ég góðum myndum þegar kindurnar koma. Hér sést yfir í Mávahlíðarfjallið og næsta bæ sem er Tröð en þá hlíð vorum við að smala og ég var þar upp í klettum svo hér sést hvaða leið við fórum.   Verið að reka inn.   Erika og Embla hörkuduglegar.   Búið að reka inn það sem var verið að smala frá Búlandshöfða,Mávahlíð,Fögruhlíð,Kötluholti að Tungu. Eva vinkona mín kom með Hildi Líf og Aron og þau hjálpuðu okkur að smala niðri og reka inn.   Hér eru systurnar Freyja og Ronja að knúsa Hrafney og svo Hildur Líf og Hekla Mist.

Rákumst á þessar tvær gimbrar móðurlausar og það tók mig smá tíma að læðast að þeim og reyna finna rétta sjónarhornið til að ná mynd af númerinu hjá þeim svo ég myndi ná að sjá undan hverju þær væru en það hafðist þó og kom í ljós að þetta eru gimbrar undan Mávadís og Bassa. Ég er svo búnað taka rúnt eftir þetta og það bólar ekkert á Mávadís svo ég er ansi hrædd um að ég afskrifi hana á lífi fyrst hún sést hvergi.

Þetta eru mjög fallegar gimbrar og miðað við stærðina á þeim er ekki langt síðan hún hefur drepist eins voru Siggi og Kristinn búnað sjá hana fyrir ekki svo löngu.   Þessi gimbur er undan Ramma sæðingarstöðvarhrút og Kleópötru.   Terta með þrilembingana sína og svo móðurlausu gimbrarnar fyrir ofan hana.   Ég sagði Emblu minni að læðast ofur rólega að Viktoríu því ég var áður búnað ná að klappa henni úti og það gekk eftir hún er svo æðisleg kind hún var svo góð og leyfði þeim að klappa sér og svo ætlaði hún bara elta þær þegar þær voru að fara. Viktoría er undan Hexíu minni og Vikíng frá Bárði og Dóru Grundarfirði. Viktoría er svo með lömb undan Ljúf.   Hér eru stelpurnar að tala við Diskó sinn sem er veturgamal undan Tón sæðingarstöðvarhrút og Vaíönnu. Hann er alveg einstaklega skapgóður og elskar stelpurnar jafn mikið og þær hann.   Hann eltir þær svo upp að fara tala við Ljúf og hina veturgömlu hrútana sem eru allir mjög rólegir og geðgóðir.   Sá mórauðu kindina hans Sigga hana Storð með hrútana sína en hún á þennan svarta sjálf og hann er undan Ingiberg eða  Bibba eins og við köllum hann. En ég veit ekki alveg hver á þennan hvita sem gengur undir líka.   Hér er sá hvíti þeir virka báðir mjög fallegir.   Það er náttúrulega allt eðlilegt við það að vera súma að í myndavélinni og skoða afturendann á lömbunum he he en þessi er bara svo rosalegur að maður stenst  það ekki að skoða hann betur, þetta er svakalegt lamb frá Sigga undan Lottu og Bibba. Hann vaggar svo geggjað þegar hann labbar og bilið milli lærana er svakalegt það verður svo spennandi að sjá hvað hann fær í læri ég man ekki eftir að hafa séð svona áberandi mikið lamb því myndir sýna auðvitað ekki eins mikið eins og sjá þetta með berum augum en trúið mér þetta er alveg magnaður hrútur.

Við áttum góða daga á Akureyri þrátt fyrir kulda og rigningu og biðum það af okkur fram á föstudag sem var búið að spá að yrði sól og gott veður og það stóðst og það var mjög gott veður þá. Við fórum í flestar sundlaugarnar eins og Akureyri, Dalvík, Húsavík og Geosea, Hrafnagil, Jarðböðin á Mývatni og Egilsstaði. Það var mjög gaman að prófa þessar náttúrulaugar og Mývatn var svona allt öðruvísi en mjög skemmtileg, bláa vatnið og hveralyktin var frábrugðin hinum og einkennir jarðböðin og auðvitað náttúran í kringum þau. Á Akureyri fórum við rölt um Kjarnaskóg og Lystagarðinn og svo fórum við í sund á Hrafnagili og þá var komið við í jólahúsið sem alltaf er gaman að koma. Embla var alveg eyðilögð yfir að Kaffi Kú væri ekki til lengur en það var uppáhaldsstaðurinn hennar að koma þegar við höfum komið til Akureyrar svo það er mikill söknuður eftir þeim stað. Við tók svo löng ferð í Breiðdalinn alla leið til Ágústar bróðirs og á þeirri leið ákváðum við að koma við í Jarðböðunum til að stytta ferðina fyrir krakkana. Þegar við komun svo austur vorum við með hjólhýsið á planinu hjá Ágústi og Írisi á Felli. Það var yndislegur tími þó stuttur væri, við vorum í tvær nætur hjá þeim og krakkarnir alveg elska að koma til þeirra. Embla og Freyja fóru að veiða með Ágústi bróðir og svo fengu þær að fara á hestbak með Dalíu frænku sinni og auðvitað hitta heimalinga sem voru tveir kiðlingar sem alveg bræddu mann og þær vildu helst bara eiga þá. Benóný var að safna greinum og allsskonar spýtum fyrir brennu á eldstæðið hans Ágústar en það var svo mikill rigning að við gátum aldrei kveikt upp í því svo það verður nóg til að brenna næst þegar Ágúst ætlar að kveikja upp í eldstæðinu. Dalía var svo með Dugguandarunga sem var mjög skemmtilegur hann hagaði sér eins og hundur og át hundamat og vatn úr matardallinum og elti Dalíu um allt og kúraði svo ofan á henni þegar hann varð þreyttur.

Hér eru Benóný og Emil að njóta veðurblíðunnar á Hömrum Akureyri.   Gönguferð um miðbæ Akureyrar svo fallegur bær.   Lystigarðurinn Akureyri.   Freyja í Kjarnaskógi sem er alltaf skemmtilegur staður til að fara með krakkana í göngu og leiktækji.   Jólahúsið er alltaf skemmtilegur staður líka til að koma við og kaupa sér jólakúlu fyrir hvert ár.   Áttum gæðastundir sem fjölskylda og spiluðum á kvöldin í fortjaldinu.   Hér erum við í Geosea Húsavík.   Benóný og Ronja í Geosea.   Freyja og Embla í Geosea.   Í Jarðböðunum á Mývatni við vorum svo heppin að ein kona kom og bauðst til að taka mynd af okkur saman.   Embla að baða sig upp úr Mývatni og setja maska á sig af botninum.   Hér erum við mætt til Ágústar,Írisar og Dalíu á Felli.   Hér eru stelpurnar að gefa heimalingnum á Felli.   Dalía með ungann sinn og kisu að kúra.   Hér er unginn að gæða sér á mat og vatni.   Embla að veiða með Ágústi, hún alveg elskar að veiða.   Freyja að veiða líka og þær fengu saman með Ágústi held ég 8 bleikjur.   Ronja Rós á Reyðarfirði í slönguspili.   Hér eru Dalía og Embla á hestbaki.   Hér er Freyja að reka lestina.   Stelpurnar að kveðja kiðlinginn áður en við færum heim.   Hér erum við mætt til Birgittu kinda vinkonu minnar og Þórðar á Möðruvöllum Hörgársveit.    Við vorum svo heppin að fá að sjá nýfæddu lömbin sem hún var að fá.   Hér er Embla alveg í skýjunum.   Hér eru þau með mömmu sinni hún bar úti en Birgitta var búnað taka hana inn þegar við komum.   Við Birgitta fengum árlegu myndina af okkur með nýfæddu lömbin og ég myndi segja að það væri besta myndin af okkur enda með áhugamálið okkar lömbin með okkur. Við erum báðar með heimasíðu af 123.is og spjöllum mikið og kommenntum á síðuna hjá hvor annari.   Ronja Rós fékk líka að halda á lambi svo lukkuleg.   Emil að prófa fjórhjólið hans Þórðar og keyra krakkana niður að húsi frá fjárhúsunum rosa sport fyrir krakkana.   Svaka stuð hjá þeim.   Hér er mikið sport að prófa sitja á hjólunum hjá Birgittu og Þórði. Ronja Rós og Freyja Naómí eru alveg að elska þetta. Við áttum skemmtilegan dag í heimsókn hjá Birgittu og Þórð og strákunum og það er alltaf svo gaman að koma til þeirra og vel tekið á móti okkur. Krakkarnir okkar eru alveg farnir að tengja Akureyri við Birgittu því við förum yfirleitt í heimsókn til þeirra eða farið í sund saman. Þau voru í ferðalagi fyrir austan þegar við komum norður og svo fórum við austur en svo aftur norður svo það var frábært að þau væru heima þegar við komum aftur norður svo við gætum hitt þau áður en við færum vestur aftur.   Eftir að við komum heim úr ferðalaginu fóru Embla og Freyja að hoppa í sjóinn með Aroni inn í Ólafsvík.   Embla að taka undir sig stökk og Aron komin ofan í .   Og hoppa .