Jæja nú líður að hrútasýningu á Hjarðafelli og fór ég að reka inn með Sigga í Tungu svo hann gæti gert lambhrútana sína 2 fína fyrir sýninguna hann er með einn undan Vafa og annan undan Svarta kveiksyninum hans Hreins og eru þeir báðir mjög fallegir. Við eigum aftur á móti enga hrúta til að fara með í ár en það verður samt voða gaman að fara. Óskar ætlar líka að fara með kollótta hrútinn sinn sem hann keypti á Hjarðafelli og Gummi og Marteinn með sína svo þetta verður svaka stuð. Ég náði svo loksins myndum af honum Skugga hans Emils, kollótta hrútnum sem hann fékk hjá Eiríki. 

Ég fór á Fáskrúðarbakka í dag með Emil og Bárði og var Bárður búnað tala við Kristján um að fá að taka frá botnótta gimbur fyrir mig og var ég rosalega montin að fá að kaupa svona fallega gimbur og það með 18 í læri því það er ekk mikið um að menn tími að selja það. Þetta er líka litur sem mig hefur alltaf vantað og langað í svo ég er allveg í skýjunum með gripinn. Það styttist óðum í Héraðshrútasýninguna en ég á reyndar enga lambhrúta til að fara með í ár því ég seldi 2 bestu hrútana og slátraði svo rest. Það var reyndar einn frá Maju systir undan Golsa sem stigaðist 85 stig en hann er bara svo skyldur hinum að það tók sig engan veginn að setja hann á svo hann endaði bara á góðum stað í kistunni hjá henni. Ég tók svo rúnt um daginn og tók betri myndir af Huldu og Móheiði en náði þó ekki mynd af honum Skugga hrútnum hans Emils en ég tók mynd af hrútnum hans Óskars í Bug en reyndar ekki nógu góða mynd en það verður bara næst.

Jæja það er nú saga til næsta bæjar að hann Emil er sko búnað fá sér nýjan stofn og það kollóttan og var hann meira segja svo heppinn að fá 4 vetra hrút í kaupbætir einnig kollóttan hjá Eiríki Helgasyni og er hann þrílembingur og heitir Skuggi og er hvítur. Gimbrarnar fengu nafnið Móheiður og Hulda. Það var mikill hasar að hleypa þeim út á tún hann Skuggi ætlaði að fara í Emil nýja eiganda sinn en stökk svo út á tún og þegar ég ætlaði að halda henni Móheiði og Emil ætlaði að taka mynd þá hoppaði hún og hristi sig svo mikið að ég flaug með henni niður á tún og var heppin að hún skyldi ekki skella mér bara á bakið og þar af leiðandi missti ég hana ansas klaufaskapur ég sem ætlaði að ná svo góðum myndum af okkur með gimbrarnar en ég náði þó nokkrum en ég á ekki mynd af Skugga svo ég tek bara mynd af honum þegar ég fer að hýsa. Við fórum svo einnig með Óskari Hafberg inn á Hjarðarfell og keypti hann þar mjög fallegan hvítan kollóttan hrút.

Jæja það var komið að skoða hjá okkur lömbin 29 sept og kom það bara vel út. Við fengum 7 gimbrar af 20 með yfir 30 í ómvöðva og 18 í læri og var ég rosalega sátt við það. Besta gimbrin var með 35 í ómvöðva, 5 í lögun, 9 frampart og 18 í læri. Hrútarnir komu ágætlega út það voru 3 með 84,5 stig og einn með 85 og hæðsti var með 86 stig og var hann undan Hlussu og Topp. Ómvöðvinn hjá hrútunum var þó miklu slakari en í fyrra því núna var engin með yfir 30 hæðsti var með 29 hjá okkur núna.

Skellti hér inn smá myndum af vigtun og stigun hjá Eiríki og Hreini. Nú magnast spennan á ýmsum stöðum því nú gengur yfir stigun á ýmsum stöðum. Spennan er í hámarki hjá mér því það verður komið að stiga hjá okkur í dag og nú er bara að biðja og vona að allt komi vel út.

Það var haldið til fjalla 8 um laugardags morguninn og voru veðurguðirnir aldeilis ekki með okkur í huga því það var svoleis eins og hellt væri úr fötu og hávaða rok. Það hafðist þó að komast upp og þrauka þennan erfiða dag en þurftum við síðan aðeins að bíða eftir efri mönnunum koma niður og varð manni þá heldur kalt og með dofnar hendur og fætur en allt gekk þó eftir og komust menn með slatta af kindum niður og í réttirnar. Ég kláraði mig allveg á einni skjátu sem ætlaði ekki að gefa sig og ætlaði að hlaupa aftur til baka og hljóp ég úr mér allt þol til að ná henni en þá kom Örvar Marteins mér til bjargar og loks náðum við henni til að fara rétta leið en það var ekki búið þegar hún var allveg að komast heim tók hún straujið niður að sjó og þar fangaði Emil og Snorri hana. Lömbin voru þó eftir og urðum við að reyna ná þeim og hafðist það fyrir rest líka. Örvar náði hrútnum og Emil stökk á gimbrina þessu var svo hent inn í bíl hjá Marteini og keyrt heim og það skondna við þetta allt saman var að þetta er rolla frá Marteini sem hann er búnað vera hitta hjá fjárhúsunum og gefa brauð úr lóga en oft er það nú svona að þær spökustu eru verstar í rekstri. Það beið svo heit kjötsúpa fyrir smalamennina fjárhúsunum hjá þeim Sigga,Óla og Brynjari og var það vel þegið eftir kaldan og votan dag. Klukkan 2 var svo höfðinginn sjálfur hann Hinrik Pálsson mættur til að klippa á borðann og vigja nýju réttina og var það fjallakóngurinn hann Guðmundur sem fór með smá ræðu og tileinkaði Hinna réttina og gaf réttinni nafnið Hinnarétt og svo afhenti hann Hinna klippurnar sem voru ekki skæri heldur ullarklippur og reisti Hinni þær á loft og fór með stutta ræðu og klippti svo og var því fagnað með lófaklappi. Því næst var svo féið rekið inn og hófst þar með réttirnar og sorteringin. Fjöldi af fólki var mættur til að vera viðstatt þrátt fyrir þessa þvílíku veðráttu sem við fengum grenjandi rigning og rok en Ólsarar létu það ekki á sig fá og gölluðu sig eftir því.

Jæja það var smalaður Höfðinn á föstudaginn og gekk það mjög vel. Það var Ég, Maja og Snorri sem fórum og Bárður kom einnig og fylgdist með. En auðvitað gekk ekki allt að óskum því ein rolla og lamb gáfust upp niður í Búlandi og urðum við að skilja þau eftir. Það var svo mikill spenningur að reka inn og kíkja á lömbin en úr því að við vorum svo tímalega í því ákváðum við að taka hlíðina líka því þar er allveg slatti af fé og fór Maja og Óli upp í hlíð að sækja það og Bói fór upp og rak eina niður sem var allveg upp í klettum fyrir ofan Mávahlíð og stóð hann svo fyrir þegar þau komu með hitt féið. Þetta gekk allt saman allveg eins og í sögu og þær skiluðu sér allar heim sem voru þar.

Jæja það fór vel fram hrútasýninginn á Mýrum í gær og var þar saman komnir bestu veturgömlu hrútarnir á svæðinu. Það var vel mætt og mikill spenningur að fylgjast með stigun og þukkli hjá reyndum mönnum. Það var svo kjötsúpa að hætti Dóru og brauð með eggi úr búinu hans Bárðar og var það allveg til fyrirmyndar. Það var svo farið í úrslitin og var byrjað á kollóttu hrútunum og var það Gunnar á Kolgröfum sem skipaði fyrsta sæti þar og Óli Tryggvar í öðru en svo átti Gunnar á Kolgröfum líka þann sem var í þriðja. Í flokki hyndra hrúta var Óttar í fyrsta sæti með hrút sem var 87 stig og með 19 í læri feikilega góð skepna. Í öðru sæti var Moli frá okkur sem ég fékk hjá Önnu og Jón Bjarna og í þriðja sæti var Óli á Mýrum. Í flokki mislitra var hrúturinn Uppi sem vann í fyrra lambhrútasýningu mislitra í fyrsta og er í eigu Lalla. Í öðru sæti var Jensína og Andrés með hosóttan hrút. Í þriðja sæti var svo hann Rambó sem er í eigu okkar.

Það er sko búið að vera nóg að gera hjá Bóa við að byggja nýja hæsnakofann og er hann núna tilbúinn. Hann er allveg hreint snilldar smiður hann Bói og er kofinn allveg 5 stjörnu lúxus hótel fyrir hænurnar.

Jæja það fer nú að styttast í uppáhaldstímann hjá flestum bændum og er spenningurinn alltaf að magnast. Allavega hjá mér því það er orðinn vani eiginlega að fara næstum rúnt á hverjum degi meðan Benóný sefur og kíkja á rollurnar og skoða. Ég fór einmitt um daginn og náði þá nokkrum myndum af lömbum inn í Höfða og svo er voða gaman að rúnta fram hjá Hömrum hjá Bárði því þar er svo mikið komið inn. Það er svo skondið að segja frá því að það fæddist gimbur í vor undan Skrautu sem var eins og móbotnótt yrjótt einhver ólitur og kölluðum við hana Ösku en það hefur nú ræst úr henni því hún er orðin bara gul sem er miklu skárra en hún var. Svölugrána er svo með myndarleg lömb undan Svart sem ég fékk lánaðan hjá Hreinn og er hann Kveik sonur. Það er svo nóg að gera hjá Bóa með hænurnar og er hann að byggja svaka hæsnakofa ekkert smá flott heit og fórum við þangað um daginn og var hann þá með hanan Bóaling inni en Benóný var nývakanaður og leist ekkert á hann fékk bara hroll þegar hann kom við hann he he. Mér til mikillar vonsvikni þá er hún Aríel tvæfættlan mín með 2 lömb undan Vafa sem Eiríkur lánaði mér og einu lömbin sem ég fæ undan honum búnað tapa öðru lambinu því hún er bara með gimbrina en ekki hrútinn sem ég var að vona kæmi vel út til rækturnar en svona vill þetta oft verða ef maður er með væntingar um eitthvað ákveðið.

Jæja þá er litli strákurinn okkar ekki svo mikið lítill lengur því hann er byrjaður að labba út um allt hús og það sem er mest spennandi þessa dagana eru blómin mín og rótar hann upp moldinni og smakkar hana. Við erum sem sagt í því að skamma hann en hann setur bara upp striðnis svip og hlær. Við fórum í hestaferð seinustu helgi en ég tók ekki myndavélina með svo ég á engar myndir af henni en það var mjög gaman við fórum frá Búðum að Hofgörðum og þar var grillað og sumir gistu en við fórum bara heim um kvöldið og var Benóný hjá Huldu ömmu á meðan. Daginn eftir var svo riðið að Búðum aftur og hestarnir svo keyrðir heim.

Jæja tíminn er sko aldeilis fljótur að líða því litli sæti strákurinn sem er svo nýkominn í heiminn er orðinn árs gamall. Það var haldið kaffi fyrir hann og fjölskylda og vinir mættu og samglöddust honum það vantaði þó guðfeðurna tvo og var þeirra sárt saknað en þeir eru að byrja nám í lögfræði í háskólanum heldur betur flottur árangur hjá þeim Steinari og Magnúsi líka eins gott þeir þurfa að standa sig í guðfeðra hlutverkinu he he. Veislan gekk vel og er Benóný alltaf að fara meira fram í að labba og tók hátt í 23 skref í dag rosa montinn og fékk hann fullt af fallegum gjöfum bæði dót og föt og þakka ég kærlega öllum fyrir komuna og gjafirnar og vona að allir séu vel saddir og ánægðir því ég veit að Benóný er hæðst ánægður með daginn og ætlaði aldrei að sofna því það var svo gaman að öllu nýja dótinu en það hafðist og þá fengum við að klára að þrífa og slappa af. Maður er samt alltaf óskaplega feginn þegar svona afmæli og veislur eru búnar það er alltaf ákveðið stess sem fylgir þessu.

Það er allt að gerast í sveitinni hjá Bóa og Freyju því Bói er búnað unga út fullt af hænu ungum og nú eru þeir sko orðnir stæðulegir og hlaupa út um allt og ekki er það allt því hann er kominn með 40 egg í viðbót sem hann ætlar að unga út svo það verður kátt í koti. Benóný fékk náttla að kíkja á þær og klappa þeim og var pínu hræddur fyrst en svo lagaðist það allt saman. Hrútarnir voru inn á túni fyrir utan fjárhúsin svo við ákváðum að reka þá inn og klippa á þeim klaufarnar.  Golsa og Stjarna voru inn í túni líka með stóru hrútana sína sem fæddust fyrst og ætluðum við sko aldeilis að reka þær inn líka og taka á hrútunum sem virka svakalega flottir en nei hún Golsa stökk yfir girðinguna fyrst og hinar á eftir og svo náðum við henni aftur og Snorri Rabba og Kalli áttu leið hjá og ætluðu að hjálpa okkur en það tókst ekki betur en það að hún tók strauið beint út um hliðið sem var opið algjör synd að hafa ekki fattað að loka því sérstaklega þegar maður er að reyna reka hana. Svo þannig fór það og við fáum ekkert að skoða þau fyrr en í haust he he. Hrútarnir rötuðu þó beinustu leið inn og gekk það allt vel og Emil klippti þá alla og voru þeir bara nokkuð góðir það þurfti allavega ekki mikið að snyrta þá.

Fórum á Akureyri á föstudaginn og Maja,Óli og Karítas líka og dvöldum við þar í fimm daga. Það var mjög fínt við kíktum á fiskidagana á Dalvík og þar var allt troðið af fólki. Við fórum svo í keilu og kíktum rölt í Lystagarðinum og Kjarnaskóg sem var allveg yndislegt og veðrið var allveg æði 20 stiga hiti og sól. Maja og þau fóru svo heim deginum á undan okkur en við vorum lengur og kíktum rúnt á Ólafsfjörð og Siglufjörð svo þetta var bara mjög gaman hjá okkur. Áður en við fórum á Akureyri kom Guðmundur Óli og Maggý í heimsókn með Lindu Mjöll og var Benóný var afar hrifinn af henni enda hljóp hún næstum um allt og hann var allveg óður að geta ekki farið á eftir henni en reyndi ákaft að labba svo þetta fer nú allt að koma hjá honum. Það eru myndir af þeim og ferðalaginu í albúmi svo endilega skoðiði og kommentið 

Byrjuðum á að fara í Hveragerði á Hótel Örk og vorum þar í tvær nætur og rúntuðum á Apavatn til Jóhanns og Þórhöllu og kíktum svo á Gullfoss og Geysi. Nærst fórum við svo í Húsafell og var Freyja og Bói með bústað þar og gistum við þar í tvær nætur og höfðum það kósý í heitapottinum og svo var brenna og brekkusöngur með Eyfa og var það mjög gaman við hittum einnig Ágúst bróðir hann var þar með fjölskylduna sína. Við fórum svo rúnt í Munaðarnes til Björk og Guðna og þar var Dagmar amma hans Emils og Dísa systir Freyju og þar var grillað æðislegan mat og spjalllað og þótti Benóný voða gaman að hitta langömmu og ættingja. Það er svo skondið að segja frá því að þetta er í annað skipti sem við fáum lánaðan tjaldvaginn hjá Freyju og hann er svo ekkert notaður fær bara að fara á rúntinn með okkur he he það hlýtur að koma sá tími að hann verði notaður. Jæja þetta verður þá ekki lengra en það eru svo fullt af nýjum myndum í albúminu.